Разорение 23-му вопросу и ответу. 15 страница

И видел еси посредство Божественных духовных праздник, елико от мирских разнствуют, якоже небо от земли. Аще ли сими недоволен будеши, еще и от святых апостольских и святых отец правил приложим.

С ему же подобно обою святую верховную апостолу Петра и Павла правила 1.

А з[2149], Петр и Павел, заповедуема людем делати пять дней в недели, в суботу же и в неделю да упражняются в церковь поучения ради еже на благоверие. Субота бо бытия всея твари образ имать, неделя ж воскресения.

П равило 2.

В еликую неделю, сиречь (л. 580 об.)[2150] Страстную, и другую, яже по ней, рекше Святы Пасхи, да не делают людие, но да празднуют вси раби и свободнии. Оная убо неделя яко Страстей есть Господних, сия же яко Воскресения Его и требе есть поучатись, кто есть пострадавыи и воскрес и свободивыи нас.

П равило 3.

С вятое Вознесение да празднуем, понеже совершение есть, еже о Христове смотрения.

П равило 4.

П ятьдесятницу да празднуем пришествия ради Святаго Духа, дарованаго во Христа верующим.

П равило 5.

Р ождества Христова да празднуют, в он же в той нечаемая благодать человеком вдана бысть рождением Божия Слова из Марии девицы на спасение миру.

П равило 6.

Б огоявления праздник (л. 581)[2151] да празднуют, понеже в той день бысть явление Христова Божества, свидетелствовашу Ему Отцу в крещении и утешителю Святому Духу, в видении голубине показавшу предстоящим свидетелствованнаго.

П равило 7.

Д ни апостольския празднуйте, учители бо вам быша веровати во Христа и Духа Святаго, достойны вас сотвориша. И Стефана Первомученика день празднуйте и прочих святых мученик, почетших Христа паче своего живота.

С ему же подобны и царския законы и Устиниана новых заповедей глава 46 лист 384.

Т ы убо, неправедный списателю, глаголеши, яко в он же прилучится праздник рождения государя царя и прочее. А царево рождение не невеси, и яко во Святую Мученицу (л. 581 об.)[2152] бывает, такожде царицы и великия княгини, такожде и царевича государя и царевен. Но Божественная повеления не оставляют Святую Мученицу разрешати, не точию царских ради рождений, но и святых мученических памятей.

Послушай.

П равило святых апостол 69.

А ще[2153] который епископ или презвитер или диакон или поддиакон или чтец или певец в 40 дней, сиречь в Великии пост не постится и во все лето во всякия среды и пятки, да извержен будет, токмо аще не пакостит ему телесная болезнь, немощному бо прощено есть по силе вкушати масла и вина. Аще же мирскии человек не постится, да отлучится.

С обора Гангрьскаго правило 18.

(л. 582)[2154] А ще[2155] кто от воздержавшихся кроме телесныя нужди гордится и преданыя посты во общину и хранимыя церковию разрешает, якоже се тверду имущу в нем совершеному помыслу, да будет проклят.

С вятых отец собора иже в Лаодикии правило 49.

Н е[2156] подобает в 400 днии последния недели четвертка разрешати и того ради весь пост безчествовати, но весь Великии Пост поститися сухо ядуще.

Т олкование.

Ч етыредесят днии Великаго поста, такоже и вся дни Великия Недели спасеных страстей Господа нашего Иисуса Христа, яже глаголется Страстная Неделя, в посте и в молитве и во умилении сердца совершати и не разрешати поста в Великии Четверток, (л. 582 об.)[2157] но и той поститися и сухо ясти.

П равило 50.

Н и памяти мученик творити, токмо в суботу и в неделю.

Т олкование.

В четыредесят дней Великаго Поста кроме[2158] суботы и недели ни мучеником память, ни инем святым творится.

П равило 51.

Н е подобает в Великии Пост ни брака, ни обедов[2159] по мертвых, ни иного коего пира творити.

С е правило разумно.

С ему же подобно пишет Никита Мних, презвитер монастыря Студийскаго, по реклом Скифита, к латином, в той же книге Кормчей в главе 47 на листе 386-м и 7-м.

Т ы же, попирателю, како смел равно чествовати великим Господьским праздником царева рождения день? Но и царскии закон (л. 583)[2160] отрицает в неделю и прочия Божественыя святыя дни торжества царьскаго рождения на ин день, а не сточневати.

А еже кому бы хотети царя подобна Богу творити, сам Господь собою такое зло возрази к вопросившему Ему и глаголющему: Учителю[2161] благии, что сотворив живот вечный, наследствую? Рече же ему Иисус: Что Мя глаголеши блага? Никто же благ, токмо един Бог. И ко архиереом, вопрошающим Его: Ты ли еси Сын Божии? Он же рече: Вы глаголете, Аз есмь. Тако и бесом, вопиющим и глаголющим: Что[2162] и тебе, Иисусе, Сыне Бога вышняго? Пришел еси прежде времени мучити нас. Он же призапрещ им и умочаста и исцелевшему рече: Иди в дом свой (л. 583 об.)[2163] и поведай, елика сотвори тебе Бог, то есть Бог Отец небесный, а не о себе рече, елика ти сотвори Иисус.

В опрошаше[2164] Иисус ученики своя, глаголя: Кого Мя глаголют человецы, суща сына человеческаго? Они же реша: Овии убо Иоанна Крестителя, инии же Илию, друзии же Иеремию или единаго от пророк. Глагола им Иисус: Вы же кого Мя глаголите быти? Отвещав Симон Петр, рече, Ты еси Христос, сын Бога живаго. Тогда запрети Иисус учеником своим, да никому же рекут, яко сей Иисус есть Христос. И паки инде рече: Вы же кого Мя глаголите быти? Отвещав же Петр, рече: Христа Божия. Он же запреща им, повеле никому же глаголати сего.

А пред государем (л. 584)[2165] мнози невеигласи глаголют: Ты, государь, Бог земный. И никому государь запрещает. И патриарх Никон государю говаривал, будучи на Москве, и с Москвы сшед, писал, да запретит впредь таким глупцом не называть себя Богом. Он же умолче. Не слышат таковии глаголющии, что Давид святый глаголет: Бог наш на небеси и на земли, вся, елико восхоте, и сотвори. Не поревнова верховными апостолома, о них же суть в Деяниих писано: Народи[2166] же видевше, еже сотвори Павел, воздвигоша глас свой ликаонскии, глаголюще: Бози уподолбшеся человеком, снидоша к нам. Нарицаху же Варнаву Дия, Павла же Ермию, понеже той бяше (л. 584 об.)[2167] началник слову, жрец же Диа сущаго пред градом их. Онца и венца ко вратом принес, с народы хотяше жоети. Слышавше же се апостоли Варнава и Павел, растерзавше ризы своя, вскочиша в народ, зовуще и глаголюще, Мужие, что сия творите? Имы подобострастна вам есва человека, благовествующа вам от сих суетных обращатися к Богу живу, иже сотвори небо и землю и море и вся, яже в них. Иже в момошедшыя роды оставил бе вся языки ходити в пути своя. И убо не несвидетелствована себе, остави благотворя, с небесе вам дожди дая и времена плодоносна, исполняя пищею и веселием сердца (л. 585)[2168] ваша и сия глаголюще: Едва устависта народы, не жрети има, но отъити комуждо восвояси.

З ри тех везде от гордости чистых, не токмо не жалающих, но и даемую отражающих, якоже и Петр глаголаше: Что[2169] на ны взираете, яко своею ли силою или благочестием сотворших ходити сему. И Корнилию рече: Востани, ибо и мы человеки есмы. Иосиф же глаголаше о сынех: Не[2170] от Бога ли изъявление их? И Даниил подобне сему: И мне же не в мудрости сущей во мне открыся. И Павел: Не яко доволни есмы от себе помыслити что, яко от себе, но доволство наше от Бога, которое причастие свету ко тме и правде (л. 585 об.)[2171] к беззаконию и прочее, якоже рече апостол, и которое сочетание и равночестие царю з Господем Богом.

П ослушай, новый Арии, что есть царь, якоже премудрый некто рече: И[2172] царь днесь, а утро умрет, егда умрет человек[2173], наследят и гади, зверие и червие. Начаток гордыни человеку, отступающу от Господа, и сотворшаго и, отступи сердце его, яко начаток гордыни грех, и держаи его, удержит скверну. Сего ради не прослави Господь наведения и разврати е до конца. И паки ин пророк рече: Ты[2174] бо, рече, во уме своем, на небо взыду и выше звезд небесных поставлю престол, и сяду на горе высоце, на горах высоких, яже на север (л. 586)[2175] и взыду выше облак и буду равен Вышнему. Сие же пророк[2176] рече о Навходоносоре, царе Вавилонском, иже подобеися сотвори Богу, ему же показа Господь во сне о гордости, иже протолкова Даниил. Ему же и збысться. От человек изгнася и траву аки вол ядяше и от росы небесны тело его обросте, дондеже власы ему аки лву возвеличавше и ногти ему аки птицам, дондеже возвратився, исповеда, глаголя: Аз, Новходоносор, очи свои на небо воздвиг, и ум мой ко мне возвратися. Вышняго благослових, и живущаго вовеки похвалих, яко власть Его власть вечна и царство Его в роды и роды. И вси живущии на земли (л. 586 об.)[2177] ни во что же наменишася, по воли своей творит в силе небесней в селении земленем, и несть, иже ся противит руце Его. И рече ему: Что сотворих в то время, ум мой возвратися ко мне и в честь царства своего приидох и озреч моя возвратися ко мне, и мучители мои и велможа моя взыскаша мене, и во царстве своем утвердихся, и величество изообилнее приложи ми ся. Ныне убо аз, Новходоносор, хвалю и превозношаю и славлю царя небеснаго, яко вся дела Его истина и путие Его суди и вся, ходяща со презрением, может смирити.

И пророком Иезекиилем глаголет Господь: И[2178] бысть (л. 587)[2179] слово Господне ко мне, глаголя: И ты, сыне человеч, рцы князю Тирску, се глаголет Адонаи Господь. Понеже вознесеся сердце твое и рекл: Аз есмь Бог. Ты же человек еси, а не Бог. И положи сердце свое яко сердце Божие, еда премудрее ты еси Даниила, премудрии не суть тебе наказали, деи ли хитростию своею или смыслом своим сотворил еси себе силы и притяжа сребро и злато в домох своих или во граде твоем хитрость куплею своею умножи силою своею, и вознес сердце твое в силе твоей. Того ради се глаголет Адонай Господь. Елма же даде сердце свое, яко сердце Божие, в то места се Аз наведу на тя чюжда разсыпателя от стран (л. 587 об.)[2180] и измкну меч их на тя и на доброту хитрости твоея. И постелют доброту твою в погубление, еда речеши пред убивающими тя, Бог есмь, ты ж человек еси, а не Бог.

И в Деяниих святых апостол пишет.

В[2181] нарочитый же день оболкся Ирод во одежду царьску и сед на судищи пред народом з гордостию, глаголаше к ним. Народ же возглашаше глас Божии, а не человеч. Внезапу порази его аггел Господень, зане не даде славу Богу и бысть червми изъяден, издше.

И Божественный апостол Павел пророчествуя о отступницех закона Христова, глаголет, их же и противниками нарицает: Д а[2182] никто же вас прелстит ни по единому же образу, (л. 588)[2183] яко аще не приидет отступление прежде и открыется человек, сын погибели, противник, и превозносяися над всякаго глаголемаго Бога или чтилища тако, якоже ему сести в церкви Божией аки Богу, показующу себе, яко Бог есть.

Т олкование.

О антихристе[2184] зде беседует и велия открывает тайны, что есть отступление. Того самаго антихриста нарицает отступление, яко многих имущаго погубити и отставити[2185] тако, яко рече, соблазнити, аще мощно и избранныя. И человека греха нарицает и, безчисленная бо соделает и приуготовит иных, да делают лютая. Сына же погибели глаголет и, зане и той погибнет. Кто же есть сей? (л. 588 об.)[2186] Убо ли сатана? Никако же, но человек некии, всякое его воприемляй деиство. И открыется человек, рече, превозносяися над всякого глаголемаго Бога или чтилища. Не бо во идолослужение введет он, но богопротивен некто будет и всех разорит богов, и повелит кланятися себе вместо Бога, и сядет во храме Божием, не иже во Иерусалиме, но и в церквах, показующу, рече, себе, Бога.

С ущее.

Н е рече глаголюща, но покушающася показати, ибо дела велия соделает и знамения покажет чюдная7

Не[2187] помните ли, яко еще сыи у вас сия глаголах вам? Зриши ли, яко нужно есть часто сия глаголати и почерпати (л. 589)[2188] глаголы? Се бо и тамо сущу, слышаша сия, глаголющу ему, и паки востребоваша воспоминания, якоже бо оскорбех, слышавше. Ибо[2189] егда бехом, рече, у вас, пред глаголахом вам, яко имамы оскорбетися, обаче забыша. И паки утверждает их посланми, тако и о пришествии антихристове слышавше, паки требоваху послании направляющих я. Воспоминает убо им и показует, яко ничто ж странно глаголет, но яже присно глаголаше.

Б еседа 4-я.

И [2190]ныне одержащее весте, воеже явитися ему во свое ему время. Тайна[2191] бо уже деется беззакония, точию содержай ныне, дондеже от среды отъят[2192] будет. И тогда явится беззаконный, (л. 589 об.)[2193] его же Господь Иисус убиет духом уст своих и упразднит явлением[2194] пришествия своего. Его же есть пришествие по действу сатанину.

Взыскал[2195] бы некто первее в лепоту, что есть одержащее, и по сих бы навыкнути хотел, почто не явленне сице полагает то Павел, что убо есть одержащее явитися ему, сиречь возбраняющее. Инии убо Духа благодать глаголют, инии же римскую власть, им же аз наипаче слагаюся. Почто? Зане аще Духа хотел бы рещи, не бы рек неявленне, но явленне, яко и ныне содержит и Духа благодать, сиречь дарования. Инако же подобаше уже приити, аще бы имел дарованиом (л. 590)[2196] оскудевшим приходити, ибо древле оскудеша, Елма же о римстей власти сие глаголет[2197], в лепоту назнаменова и дотоле рече прикровенне. Ниже бо хотяше излишныя вражды приимати и неполезная беды, аще бо рекл бы, яко мало последе разорится римская власть. Уже абие того и закопали быша, аки губителя, и верных всех, аки на се живущих и воинствующих. Сего ради не рече тако, ниже, яко скоро будет, аще[2198] и присно сия глаголет, но что воеже явитися ему во время свое. Рече: тайна бо уже деется беззакония. Нерона зде глаголет, аки образ антихристов суща, ибо сеи хотяше не пщеватися Бог. И добре рече, тайна, (л. 590 об.)[2199] не бо явленне, якоже он, ниже безстудне. Аще бо прежде времени онаго обретеся, рече, иже немного антихриста оста, аще ся во злобе, что дивно, аще уже будет. Тако убо покровенне рече, и явленна того не восхоте сотворити, не боязни ради вражды излишныя бегати[2200], но наказуя нас излишныя вражды не приимати, егда ничто же будет понуждающее. Такоже и зде глаголет, точию содержай ныне, донеле же от среды будет, сиречь власть римская егда возмется от среды, тогда он приидет и в лепоту, донеле же бо сея власти будет страх, никто же скоро покорится. Егда же тая разорится, падет на безначалство и человеческую (л. 591)[2201] и Божию поищет похитити власть, якоже же бо яже прежде сего разоришася царствия[2202], сиречь Мидское от Вавилонскаго, Вавилонское от Персскаго, Персское от Македонскаго, Македонское от Римскаго, тако и сие от антихриста, а он от Христа. И к тому не содержит и сия со многим изъяснением Даниил нам предает. И тогда[2203], рече, явится беззаконный и что по сих близ утеха, наводит бо, его же Господь Иисус, рече убиет духом уст своих и упразднит явлением пришествия своего. Его же есть пришествие по действу сатанину, якоже бо огнь нашед просто малая животная и прежде пришествия самого от далече сущая унывати творит и изнуряет. (л. 591 об.)[2204] Сице и Христос повелением точию и пришествием антихриста убиет, довлеть ему зде быти и сия вся погибнути, уставит прелесть и явлеися токмо. Таже являяй кто есть сей, его же пришествие по действу сатанину во всякой силе, рече, и знамениих и чюдесех ложных, сиречь всякую покажет силу, но ничто ж истинное, но к прелести вся сия предрече. Да не прелщаются сущии тогда и чюдесех, рече, ложных или притворениих или[2205] на лжу ведущих и во всякой прелести неправды в погибающих. Почто[2206] убо, рече, попусти Бог сему быти и каково сие есть смотрение. Кии же прибыток оного пришествия (л. 592)[2207] на пагубу[2208] нашю приходящаго. Не бойся, возлюбленне, но слыши того глаголюща, в погибающих может, иже аще бы и не пришел он, не быша веровали. Кии убо прибыток рече, зане сии истыи погибающыи заустятся. Како? Яко аще бы и не пришел он, не бы веровали Христу, приидет убо обличая их, да не имут бо глаголати, яко понеже Бога себе быти глаголаше Христос. Аще и нигде, рече, явленне, но обаче понеже сущии по сих проповедаша, не веровахом, понеже слышахом, яко един[2209] Бог, из Него же вся, сего ради не веровахом. Сие их непщевание антихрист отъимет, егда бо приидет он и ничто же пове(л. 592 об.)левая[2210] здраво, но вся законопреступная. От знамении точию ложных уверится, зашиет им уста. Аще бо Христу не веруеши, много паче не подобаше антихристу веровати. Он бо убо глаголаше от Отца послан быти, сей же сопротивное. Сего ради глаголаше Христос: Аз[2211] приидох о имени Отца Моего, и не приясте Мя. Аще ин приидет о имени своем, онаго приимете. Но знамения видехом, рече, но и от Христа быша многая знамения и велия. Тем же много паче тому веровати подобаше, аще и о сем убо многая прежде рекошася, яко беззаконныи, яко сын погибели, яко пришествие его по действу сатанину. О оном же (л. 593)[2212] противная[2213], яко Спас, яко безчисленая благая приносит, за ня же бо любве истинныя не прияша, воеже спастися им. Сего[2214] ради послет им Бог действо лсти, воеже веровати им лжи. Да[2215] суд приимут вси не веровавшии истине, но благоволиша о неправде, да суд приимут, не рече, да муку приимут, ибо и кроме сего имяху муку прияти, но да суд приимут, сиречь да будут осуждени на страшнем судищи, воеже быти им безответном. Кии же суть сии? Сам сказует, наводя и, не веровавше истине, но благоволиша о неправде. Любовь же истинную Христа нарицает, за ня бо, рече, любве истинныя не прияша, (л. 593 об.)[2216] обоя бо бе и обоих ради прииде и любя человеки и о истинных вещех. Но благоволиша, рече о неправде, на погибель человеком приидет и обидети их имея, что бо не соделовает тогда, вся подвигнет, вся возмутит и повелении ради и страха, страшен будет отвсюду, от власти, от суровства, от законопреступных повелении. Но да не убоишся, в погибающих, рече, имети будет крепость.

Зриши ли, лжесписателю, что Божественный апостол провозвести о преди будущих? Нам же есть настоящая вас ради и злобы вашея. Не прииде ли ныне отступление от святаго и священнаго (л. 594)[2217] Евангелия и святых апостол и святых отец предании? Не явилися человек греха, сын погибели, противник и превозносяися на всякого Бога или чтилища? Отступление, глаголет, яко многих имать погубити. Что же ли сея погибели болши, еже оставя Божии закон и заповеди, человеческая предания предпочтоша, то есть Уложенную книгу, в ней же полно горести и лсти.

Кто же ли, рече, сей есть? Сатана ли? Никако же, но человек некии, всякое его приемля действо и приготовит с собою и инех многих, яко тебе, лжисписателю, и подобных тебе. А еже свесте в храме Божии, не иже (л. 594 об.)[2218] во Иерусалиме, но повсюду в церквах, седение же, не еже седети во всех церквах, но власть над всеми церквами имети. Церковь же не стены, но законы и пастырие церковнии. На них же ты, отступниче, превзявся по действу сатанину, написа суд, на патриарха и на митрополитов, и на архиепископов, и на епископов, и по прочих причетников судити простым людем, не помысля Божествено ничто же. Якоже рече Господь негде: Иди за мною, сатана, не мыслиши, яже суть Божия, но яже человеческа. И инде паки рече: Вы отца вашего диавола есте и похоти отца вашего творите.

(л. 595)[2219] О таковых убо и церквах Христос рече: Храм Мой храм молитвы наречется. Вы же сотвористе его вертеп разбойником. Якоже Иеремия рече: Не[2220] хощите надеятися во словесех лживых, рекущи: Храм Господень, храм Господень. Храм Господень есть, како же храм Господень, иже под властию царя и сущих под ним и еже хотят и деют и повелевают, то уже не Божии храм таковый, но онех дом, иже власть имеют над ним. Аще бы был храм Господень, никто же бы за страх Божии владети или имати что от сущих его.

А яже о гонении на церковь откры Господь Богословнейшему возлюбленному (л. 595 об.)[2221] ученику своему Иоанну.

О гонении церквей первых, ниже имать быти при антихристе.

И[2222] отверзися храм Божии на небеси, и явися кивот завета Господня в храме Его, и быша молния и гласи и громы и трусы и град великии.

Толкование.

Чрез отверзение неба и видение кивота является откровение уготованных благ святым, яже во Христе. В нем же вселися все исполнение Божества телесне, вся сокровенно суть по апостолу: Тогда[2223] открыют егда беззаконным и нечестивым гласи ужасни[2224] и молния и громы и град, наносяй сим геенския муки в трусе премением настоящих.

(л. 596)[2225] Глава 12.

И[2226] знамение велие явися на небеси. Жена оболчена в солнце и луна под ногами ея и на главе ея венец от звезд дванадесяте.

Толкование.

Жену[2227] же одеянную солнцем нецыи убо отнюдь Пресвятую Богородицу разумеша, прежде даже познан бысть тоя Божественый сын, пострадавшую, яже зде имутся последователне. Великии же Мефодии на святую церковь истолкова, не согласуемая владычнему рождеству, яже о нем не пщевал. Заеже уже пред многим временем родился бе Господь наш. Добро же и самыя глаголы божественнаго Мефодиа воспомянути, иже глаголет во глаголемой беседе от лица Проклы девица сице: Жена облеченная (л. 596 об.)[2228] в солнце есть церковь, а еже нам есть одежда, се оной свет, а[2229] еже нам злато и ясное драгое камение, се оной звезды. Звезды же лучшыя и светлейшыя взыде же на Луну. Луну же образне мню веру очищаемых и свобождаемых банею за сие, яко влажное естество от Луны висит. Болящая[2230] же есть и отраждающая душевная в духовныя и видом и изображением образующая их по подобию Христу. И паки глаголет: Не подобает не пщевати Христа того быти новораждаемаго, древле бо прежде откровения Иоаннова исполнися таина вочеловечения Божественаго Слова. Иоанн же о настоящих (л. 597)[2231] и будущих законопоет и пророчествует. И после инех тако яко нуждею исповедати требе есть, яко церковь есть болящая и раждающая искупленныя, якоже глаголет во Исаии Дух: Прежде[2232] даже родити болевше, избеже и роди мужеск пол. От кого избеже? Разве всяко от змия, да родит люди умный Сион мужеска пола. И прочая.

Тем же[2233], в коемждо раждается Христос умне, и сего ради церковь повивает пеленами и болезнует, донеле же Христос вообразится в нас рождеися, яко да кождо заеже причащатися Христу, Христос будет. Церковь убо солнцем правды Христом одеяся, ибо законныи свет нощесветныя луны (л. 597 об.)[2234] и мирскую жизнь отменяющуся, яко луну под ногама имать и на главе венцем венчася, апостольскими же догматами и добродетелми. Той же сиречь Мефодии, и яко от луны висящу влажному существу, глаголет, яко Луною знаменует крещение[2235], море образне именуемое, от раждаемым убо спасителное, бесом же пагубное и во чреве имущая взываше болящи и страждущи родити. Глаголем же, яко болит церковь на коемждо[2236], раждаемых водою и духом, донеле же вообразится Христос в них, якоже глаголет Божественный апостол, заеже извергами[2237] суть отпадающии от истиннаго света Христа с путную (л. 598)[2238] жизни и в купно текущую со жизнию чрез неверие, ожидающии и претерпевающии смерть. И явися иное знамение[2239] на небеси, и се змии рыжии[2240] велии, имея седмь глав и рогов десять, и на главах его седмь диадим[2241]. И явися ино знамение на небеси, небо зде мним, яко разумеется воздух. Змии же чермный[2242] созданный да поругаем[2243] бывает от аггел Божиих, якоже во Иове писано есть: Чермен же сей, или же за убийственное его и кроворадостное, или за огненное аггельскаго существа, аще и от аггел отпаде. Седмь[2244] же глав, седмь прелукавыя его силы и духовным действам противныя, или седмь дуси. О них же во Евангелии (л. 598 об.)[2245] Христос[2246] рече, яко вселяются в человека пометеное сердце и тщее от благих мыслей имущаго. Или седмь злобы, им же глаголет Соломон[2247] в сердце быти вражием, иже сиречь враг велиим гласом повинующимся[2248] лицемерне молится. Десять же рози являют десять прегрешения противная десяти законным заповедем, или разделения царственная[2249], тому царству красоту несущая, яко расколом и смятением радующуюся. Седмь ж диадим на главах его за сие, яко побеждающии демонская действа, оттуду венцы победы носят, отнюду же трудами и потами победу взяша. О сих же (л. 599)[2250] и Божественный Мефодий[2251] глаголет сице наречение. Змии велии чермный седмоглавный великии третию часть звезд, иже стояше, наветуяй и наблюдай, да чадо породелищыя[2252] снесть, диавол есть и яже по сих. Но не получает и погрешает лова. Горе к высоте возхищаемым, ограждаемым. И в мале по сих. Третия же звезд наречеся часть, погрешившии окрест единаго в числе Святыя троицы. пустыня же, в ню же вшедшии питается, церковь есть, от злых свободная и тления вне сущая. Тысяцы же глаголет во святых умножаемое совершенное число и исполненое объемлет. И по сих по чину глаголет (л. 599 об.)[2253] о венцех его. Подвизавшая бо ся церковь на диавола и умертвившая седмь глав, седми добродетелными венцами обладает и наследует я. И ошиб его влечет третию часть звезд с небесе и поверже я на землю, и ошиб[2254] его влечет третию часть звезд. Чрез сие мним, яко двое некое является, или первое его с небесе падение, совлекшее к земли с ним отступники аггелы последним завистным движением. первее бо бысть возношение или ошибное движение, по сокрушении главы его, нетвердыя низводящее с небеснаго мудрования и сопребывания. звезды образне име(л. 600)нованныя[2255] за светлость из святаго крещения, сице бо и Даниил о Антиосе[2256] пророчествова, яко о хотящем быти образе пришествия антихристова. И змии, стояше пред женою, хотящею породити, да егда родит, чадо ея снесть, и змии, пред женою, присно бо отступник противу церкве вооружается. От рожденныя паки[2257] во времени из нея, свое си брашно творити[2258] со тщанием желая, паче же чрез церковь и самого Христа гоняет[2259], яко главу ея сущая[2260], яже верных присвояющаго себе. Тем[2261] же и Савле: что мя гониши, глаголаше. И роди сына мужеска полу, иже имать пасти вся языки жезлом железным. (л. 600 об.)[2262] И[2263] роди сына мужеска полу. В ыну церковь[2264] крещаемыми Христа раждает, аки во онех образуемаго, даже до исполнения возраста духовнаго, по апостолу: Мужеска же пола сын люд церковный и сластми неослабленный, чрез него же и уже убо крепкими, яко железо, руками силных римлян языки пасяше Христос[2265] Бог. Упасет же и по воскресении из мертвых, поставляяй судия крепкия верою, яко железо, на растленныя и немощныя сосуды языческия, иже за неверие таинственное и новое вино не вместиша. И восхищено бысть чадо ея к Богу и ко престолу Его, и возхищено бысть чадо. Восхищаются (л. 601)[2266] убо и зде во искушениих святии[2267], яко да не препобеждени будут лютыми сущыми над силу. Восхищени ж будут и тогда на облацех в сретение Господне на воздусе и с Богом и престолом Его, сиречь с превышними аггельскими силами будут. И[2268] жена побеже в пустыню, идеже имать тамо место уготованное от Бога, да тамо питают ю днии тысящу шестьдесят. И жена побеже в пустыню, егда глаголет действуяй во антихристе диявол, им же церковь ополчится. Избранный сея и верховнейшии, поплевавше гражданския поища и смятения и мирския сласти[2269], в пустыню всякоя злобы, в плодоносное ж (л. 601 об.)[2270] всякоя добродетели жителство побегнут, по великому Мефодию, и тамо борющих бесов же и лукавых человек прилог избежати. Достоверно же, яко и чювственая пустыня[2271] спасает в горы и вертепы и в пропасти земныя навета ради отступнича и аже Христа бегающыя. Якоже и прежде мученики ни три же лета и пол, являемая днями тысяща двесте и шестьдесятьми, в них же державствовати будет отступление. Его же нас избавляяй великии подвигоположник, не оставляяй кому над силу искуситися, дарует нам крепкии ум и противными (л. 602)[2272] прилогами нерастленный и непреоборимый. Да законне противно началствам тмы и властем страдалчествовавше, венцем правды украсимся и победныя почести и дары приимем, яко тому подобает, немощными в бегство обращающему, крепкия воздушныя князя, победа и держава, купно Отцу и Животворящему Духу, ныне и присно и во веки веков. Аминь.

Слово 12.

О брани аггелов и бесов и о низпадении сатанине., зачало 34.

И[2273] бысть брань на небеси[2274], Михаил и аггели его брань сотвориша на змия. И[2275] змии брася и аггели его и не возмогоша, ниже место их обретеся к тому на небеси.

(л. 602 об.)[2276] И сия мощно приложити[2277] и к первому диаволю[2278] испадению от аггелскаго чина за гордыню и зависть и ко[2279] убиение владычным крестом, егда якоже глаголет Господь[2280]: Князь мира сего осужден есть и от древнаго мучителства извержен есть. Его же гордыню и кичение Божественным аггелом, купно с ними Архистратигу Михаилу, не терпящим. В лепоту того своего си спребывания извергоша первее, якоже глаголет Иезекииль, яко от херувимов извержен бысть той из среды огненных камении, из небесных, мню, чинов, занеже обретошася в нем беззакония и неправды. В пришествии ж Христове служащии ему, после искушения (л. 603)[2281] аки обезчесщенна раба паки возгнушашася. Вестно же се буди, якоже отцем взмнеся по содетелстве чювственнаго мира[2282], сице гордостию и завистию низвержен бысть. бездушному первее вверен быв началству, якоже глаголет апостол[2283].

И паппии же такожде наречение некоим от них, сиречь от древних Божественных аггел[2284], и строением окрест земля даде владети и началствовати, и добре началствовати испоручись. И по сих глаголет, но ни во что ж случися скончатися их чину, и свержен бысть змии велии, уж[2285] древнии, нарицаемый[2286] диавол и сатана, предщаяй всю вселенную. И свержен бысть на землю и аггели его с ним (л. 603 об.)[2287] свержени быша. И свержен бысть змии велии на землю в лепоту. Не стерпе бо небо земнаго мудрования, зане свету тма не обещителна[2288]. Аще же со Арфром[2289] полагается odatauaк[2290] сатана, не яко ин сый от диавола, аще и лежит по превозходному. Тожде диавол иже сатана, но яко двема нарицаемый[2291], ово убо заеже оболгати и оклеветати добродетели и сих рачителя и самого того Бога человеком, якоже Адаму[2292] его завистника подписа, ово же, яко противник[2293] владыце и рабом его. Вестно же буди, яко не тако местное по кресте бысть диаволе низпадение, якоже прежднее не мощию праотец, но вконец сокрушением[2294], якоже (л. 604)[2295] и сам диавол[2296] великому Антонию исповеда, яко псаломское слово на нем исполнися. Вражия[2297] оружия оскудеша вконец. Испадение убо его есть и лукавых его начинании и покушении отвержение и разорение со извержением с небес и своего си совершенне началства, якоже речеся. Глаголано же бысть блаженным Юстином[2298], философом и мучеником, яко диавол по пришествии Христове и по ответе на нь в геену наипаче хулником будет, аще и первее не тако безстуднее Бога похули. Тем же о нем праволучне речеся: Сердце[2299] его отвердело яко камень, зане ослабленное и неутружденное лукавства, аще же чаяние муки лука(л. 604)внейшаго[2300] того содела, то како мучаися или сам или делателие его в геенне, искушением огненным скверн греховных отмыются.

Дата добавления: 2015-08-02