Разорение 23-му вопросу и ответу. 12 страница

С едмаго святаго Вселенскаго собора изложение.

Н е восхощи прияти новых законов на развращение, но соблюди твердо истину, якоже плотское Божие пришествие словом и усты и сердцем и умом, писанием же и образы исповедати и соблюдати подобает, подобне ж и священная правила, закон же и уставы, яже прият святая церковь и вся предания писанная, яже предаша святии апостоли и преподобнии отцы и благочестивии царие, непреложно и непревратно соблюдати подобает. Неповинующии бо ся сих хранити вечно (л. 509)[1814] мучимы будут, хранящии же сия вечнаго живота наследницы будут.

С ия де вся пишем, аще и от единых Божественных законов, но объявляя тую ж благодать Святаго Духа, действующую во всех благочестивых сердцах и произволении царьских.

А в прошлом во 156-м году июля в 16 день.

Г осударь[1815] царь и великии князь Алексей Михаилович всеа Росии самодержец в двадесятое лето возраста своего, в третие лето Богом хранимыя своея державы, советовал со отцем своим и богомолцом святейшим Иосифом, Патриархом Московским и всеа Русии, и с митрополиты, и со архиепископы, и епископы, и со всем освященным собором и говорил с своими государевыми бояры и с окольничими, (л. 509 об.)[1816] и с думными людьми, которыя статьи написаны в правилех святых апостол и святых отец и в градских законех греческих царей, а пристойны те статьи к государьственным и к земским делам, и те бы статьи выписать и чтобы прежних великих государей царей и великих князей росииских и отца его государева, блаженные памяти великого государя царя и великого князя Михаила Феодоровича всеа Росии указы, и боярские приговоры на всякия государьственныя и на земския дела собрать, и те государьския указы и боярские приговоры со старыми судебниками справити.

А на которые статьи в прошлых годех прежних государей в судебниках указу не положено и боярских приговоров на те (л. 510)[1817] статьи не было, и те бы статьи по тому ж написати и изложити по его государеву указу общим советом, чтоб Московскаго государства всяких чинов людем от болшаго и до меншаго чину суд и росправа была во всяких делех всем равна.

И указал государь царь и великии князь Алексей Михаилович всеа Русии то все собрать и в доклад написати бояром князю Никите Ивановичю Одоевскому да князю Семену Васильевичю Прозоровскому да околничему князю Федору Федоровичю Волконскому да диаком Гаврилу Левонтьеву да Федору Гребоедову. А для того своего государева и земскаго великаго царственнаго дела указал государь по совету со отцем своим и богомолцем святейшим (л. 510 об.)[1818] Иосифом патриархом Московским и всеа Росии и бояре приговорили выбрать ис столников и ис стряпчих и из дворян московских и из жилцов ис чину по два человека. Также всех городов из дворян и из детей боярских взяти из болших городов, опричь Новагорода, по два человека, а из новгородцов с пятины по человеку, а из менших городов по человеку, а из гостей трех человек, а из гостиныя сотни и из суконныя сотен по два человека, а ис черных сотен и из слобод и из городов с посаду по человеку добрых и смышленых людей, чтоб ево государево царственное и земское дело с теми со всеми выборными людьми утвердити и на мере поставити, чтобы те вси великия дела по нынешнему (л. 511)[1819] его государеву указу и Соборному уложенью впредь были ничем нерушимы.

И по государеву цареву и великаго князя Алексея Михайловича всеа Русии указу бояре князь Никита Иванович Одоевской с товарыщи, выписав ис правил святых апостол и святых отец и из градских законов греческих царей и из старых судебников прежних великих государей, и из указов блаженныя памяти великаго государя царя и великаго князя Михаила Феодоровича всеа Росии и из боярских приговоров, и которых статей в прежних судебниках и в указех прежних гоударей и в боярских приговорех не написано, и те статьи, написав вновь, к государю приносили.

И в нынешнем во 157-м году октября 3-го числа государь (л. 511 об.)[1820] и великии князь Алексей Михаилович всеа Русии самодержец со отцем своим и богомолцом святейшим Иосифом, Патриархом Московсим и всеа Русии, и с митрополиты, и со архиепископы, и епископы, также и с своими государевыми бояры и с окольничими, и з думными людьми того собранья слушал, и выборным людем, которыя к тому общему совету выбраны на Москве и из городов чтено, чтоб то все Уложение впредь было прочно и неподвижно. И указал государь то все Уложенье написать на список и закрепить тот список Иосифу, Патриарху Московскому и всеа Росии и митрополитом, и архиепископом, и епископом, и архимандритом и игуменом и всему (л. 512)[1821] освященному собору и своим государевым бояром и окольничим, и думным людем, и выборным дворяном и детем боярским, и гостем, и торговым, и посадским людем Московского государства и всех городов Росийскаго государства[1822]. А закрепя то Уложение руками, указал государь списати в книгу и закрепить тое книгу диаком Гаврилу Леонтьеву и Федору Гребоедову, а с тое книги для утвержения на Москве во все приказы и городы напечатать многия книги и всякия дела делать по тому ж Уложенью.

И по государеву цареву и великаго князя Алексея Михайловича всеа Русии указу то Уложенье на список написано и святейшии Иосиф, Патриарх Московскии и всеа Росии, и митрополиты, и архиепископы, и епископы, и архимандриты, (л. 512 об.)[1823] и игумены и весь освященный собор, также и бояре, и окольничие, и думные люди, и выборные дворяне и дети боярские, и гости, и торговые посадские люди к тому Уложенью на списке руки свои приложили и с того Уложенья списав список в книгу слово в слово, а с тое книги напечатана сия книга.

Р азсмотри, лукавый совопросниче, ослепленне умом, и зде царское повеление и совет святейшаго Патриарха с митрополиты и архиепископы, и епископы и со всем освященным собором и приговор государевых бояр и околничих и думных людей велено написать ис правил святых апостол и святых отец и из градских законов греческих и прежних великих государей царей (л. 513)[1824] и великих князей росиийских и отца его государева блаженныя памяти великаго государя царя и великаго князя Михаила Феодоровича всеа Росии указы и боярские приговоры с старыми судебниками справить, и ни в чем же отменно. А на которые статьи в прошлых годех прежних государей в судебниках указу не положено и боярских приговоров на те статьи не было, и те бы статьи по тому ж написати и изложити по ево государеву указу общим советом, а не новыя законы вводити, чтоб Московскаго государства всяких чинов людем от болшаго и до меншаго чину суд и росправа была во всяких делех всем равна, и не патриарху и митрополитом, и архиепископом, и епископом, и архимандритом и игуменом и всему освященному собору. (л. 513 об.)[1825] А указал государь царь то все собрать и в доклад написать бояром князю Никите Ивановичю Одоевскому с товарыщи. И он, князь Никита, человек прегордой, страху Божия в сердцы не имеет и Божественаго Писания и правил святых апостол и святых отец ниже чтет, ниже разумеет, и жити в них не хощет, и живущих в них ненавидит яко врагов сущих, сам быв враг всякой истине. А товарыщи его люди простыя и Божественаго Писания не ведущии. А диаки, ведомыя враги Божия и дневныя разбойники, без всякия боязни в день людей Божиих губят. А что для того своего государства и земскаго великаго царственнаго дела указал государь, бутто по совету со отцем своим святейшим Иосифом, (л. 514)[1826] Патриархом Московским и всеа Русии, и бояре приговорили выбрать из столников и из стряпчих и из дворян московских и из жилцов ис чину по два человека, также всех городов из дворян и детей боярских, опричь Новагорода, по два человека, а из Новагорода с пятины по человеку, а из менших городов по человеку[1827], а из гостей трех человек, а из гостиныя и из суконныя сотен по два человека, а из черных сотен и из слобод, из городов с посадов по человеку добрых и смышленых людей, чтобы его государево царственное и земское дело с теми со всеми выборными людьми утвердити и на мере поставить, чтобы те все великия дела по нынешнему его государеву указу и соборному Уложенью ничем не ру(л. 514 об.)шимы[1828]. И то всем ведомо, что збор был не по воли, боязни ради и междоусобия от всех черных людей, а не истинныя правды ради. А что по государеву цареву и великаго князя Алексея Михайловича всеа Росии указу бояре князь Никита Иванович Одоевской с товарыщи, будто выписав ис правил святых апостол и святых отец и из градских законов греческих царей и из старых судебников прежних великих государей, к царю приносили, и то он, враг Божии и всякой истины, все солгал. Ис правил святых апостол и святых отец и благочестивых царей градских законов ничево не выписывал, якоже и самыя та уло(л. 515)женная[1829] беззаконная книга свидетелствует беззаконие их. А где и написал, будто ис правил святых апостол и святых отец, и то солгал. Во апостолских и святых отец таковых правил нет и во всей его книге ни единаго апостольскаго правила, ниже святых отец седми Вселенских соборов и прочих нет, ни благочестивых греческих царей градских законов что любо, ниже[1830] от православных великих государей царей и великих князей руских, но все ново некое списание чюжде православия и святых апостол и святых отец церковных законов и православных царей греческих градских законов. Да и сам той сви(л. 515 об.)детелствует[1831] в своем ложном списании в десятой главе о суде.

С уд[1832] государя царя и великаго князя Алексея Михайловича всеа Русии. Судить бояром и околничим, и думным людем, и диаком, и всяким приказным людем, и судьям, и всякая росправа делать всем людем Московскаго государства от болшаго и до меншаго чину в правду. Также и приезжих иноземцов м всяких прибылых людей, которые в Московском государстве будут, тем же судом судить, и росправа делать по государеву указу в правду, а своим вымыслом в судных делех по дружбе и по недружбе ничего не прибавливати, ни убавливати, и ни в чем (л. 516)[1833] другу не дружить, а недругу не мстить, и никому ни в чем ни для чего не норовить, делать всякие государевы дела, не стыдяся лица силных, и избавляти обидящаго от руки неправеднаго.

А спорные[1834] дела, которых в приказех зачем вершить будет не мощно, взносить ис приказов в доклад ко государю царю и великому князяю Алексею Михайловичю всеа Русии и к его государевым бояром и околничим, и думным людем. А бояром и околничим, и думным людем сидеть в полате и по государеву указу всякие дела делать всем вместе.

К ако же ты, списателю суда царска, (л. 516 об.)[1835] а реку беззакония, суд глаголеши государя царя? Суд бо Божии есть и от исперва, а не царев, ни от человек, ни человеком предан бысть, но самем Богом. Послушай.

М есяца[1836] же третияго изшествия сынов Израилевых от земли Египецкия, в сии день приидоша в пустыню Синайскую и воздвигошася от Рафидина и приидоша в пустыню Синайскую. И[1837] ста ту Израиль прямо Гоморе, Моисей же взыде на гору Божию. И возва и Бог от горы, глаголя: Сице глаголеши дому Ияковлю и повеждь сыном Израилевым. Сами[1838] видесте, елико сотворих египтяном и взях вы яко на криле орли и приведох вы к Себе. И ныне аще послушанием послушаете (л. 517)[1839] гласа Моего и снабдите завет Мой, будете Ми людие сущип от всех язык. Моя бо есть вся земля[1840]. Вы же будете ми царское священие и язык свят. Си словеса да глаголеши сыном Израилевым.

Пришед же Моисей, возда вся старцы людския и рече, и исповеда им вся словеса си, яже завеща им Бог. Отвещаша же вси людие купно и рекоша: Все, елико рекл Бог, и послушаем. Донес же Моисей словеса си к Богу. И рече Господь к Моисею: Се Аз прииду к тебе в столпе облачне, да услышат людие глаголюща Мя к тебе, и да тебе веруют вовеки.

Поведа же Моисей словеса людии ко Господу. И рече Господь Моисею: Сниди, возвести (л. 517 об.)[1841] людем и очисти я днесь и утре, и да исперут ризы и да будут готови в день третии, в третии бо день снидет Господь на гору Синаискую пред лицем всех людии и устроиши людие обоямо, глаголя: Внемлите[1842] себе, не восходити на гору и ничим же коснутися ея. Всяк бо прикоснувыися горе смертию умрет, приемшая же ей рука камением побиется или стрелою устрелится, любо зверь, любо человек не будет жив. Егда же глас трубы и облак отъидет от горы, сии да взыдут на гору.

Изыде ж Моисей з горы к людем и очисти я и испраша ризы своя. Рече же людем: Будете готови три дни и не ходите (л. 518)[1843] к женам. Бысть в третии день к свитанию и быша гласи и молния и облак молниан на горе Синаистей, и глас трубный глашаше силно зело. И убояшася вси людие в полце. Изведе же Моисей люди противу Богу от полка и сташа под горою. Гора[1844] же Синайская куряшеся вся схождения ради Божия на ню, во огни, исхождаше дым, яко дым пещный. И ужасошася вси людеи зело. Быша же гласи трубнии, сходяще крепце зело. Моисей же глаголаше[1845], а Бог отвещаваше ему гласом. Сниде ж Господь на гору Синайскую на верх горы и возва Господь Моисея на верх горы и взыде Моисей. Рече же Бог к нему, глаголя: Сниди и возвести людем, (л. 518 об.)[1846] да некогда приступят к горе, к Богу разумети, и падут от них мнози, и жрецы же приступаяй ко Господу Богу да ся постят, да некогда изменит от них Господь. Рече ж Моисей к Богу: Не возмогут людие взыти на гору Синайскую, ты бо запрещал еси нас, глаголя: Предети ли у горы и освятити ю. И рече ему Господь: Иди, сниди и взыди ты и Аарон с тобою. Жрецы же и людие да ся не нудят взыти к Богу, да некогда погубит от них Господь. Сниже ж Моисей к людем и рече им.

И глагола[1847] Господь вся словеса си к Моисею, глаголя: Аз есмь Господь Бог твой, изведый ты от земля Египетския от дому работнаго, да не будут тебе (л. 519)[1848] бози, разве Мене, и прочая суда. Вси же людие смотряху гласа и свещ и гласа трубнаго, гору курящуся. И убояшася вси людие, сташа подале, и рекоша Моисею: Глаголи ты с нами, да не глаголет к нам Бог, да некогда умрем. Рече ж им Моисей: Уповайте, не боитеся, искушения бо ради прииде Бог к вам, яко да будет страх его в вас, яко да не согрешаете. Стояху ж вси людие подале. Моисеи же вниде во мглу, идеже беяше Господь. И[1849] рече Господь к Моисею: Се рцы дому Ияковлю и возвести сыном Израилевым. Вы видесте, яко с небесе глаголах к вам. И ныне аще послушанием послушаете гласа моего и снабдите завет мой. (л. 519 об.)[1850] И паки рече Господь: И[1851] сия оправдания и суды положи пред ними. И прочая. И паки рече Господь к Моисею: Истеши[1852] себе две досце каменне, яже беста и первие и взыди ко мне на гору, да впишю словеса на доску, яже беста на первую доску, яже еси сокрушил. Буди же готов заутра, да взыдеши на гору Синайскую и станеши ту на севере горы. И да никто же взыдет с тобою, ни да ся явит кто в сей горе. И истеса две досце каменны, яце же и первее. И урани Моисей заутра и взыде на гору Синайскую, якоже завеща ему Господь. И взят Моисей две досце каменне и сниде Господь во облаце и ста пред ним ту, (л. 520)[1853] и возва именем Господним, и мину Господь пред лицем его, и призва Господа: Господь[1854] Бог щедр и милостив, долготерпелив и истинен. Правду снабдяи, творяи милость в тысящах, отмщая беззакония и неправды и грехи, и не потребится вина его. И рече Господь к Моисею: Се аз полагаю тебе завет пред всеми людми твоими. И рече Господь к Моисею: Пиши себе словеса си, в словесех бо сих полагаю тебе завет Израилю. И бе тамо Моисей пред Господем 40 днии и 40 нощии, хлеба не ядый, ни воды пия. И вписа Моисей в досце словеса си завета. И паки рече Господь к Моисею, глаголя: Глаголи[1855] сыном Израилевом и рцы к ним: Аз Господь Бог ваш (л. 520 об.)[1856] потварением земля Египецкая, в ней же обитасте, да не сотворите потварением земля Хананейская, в ню же Аз веду вы, там не сотворите и по законом их не ходите. Суды[1857] Моя сотворите и повеления Моя снабдите, да ходите в них, Аз Господь Бог ваш, и Сына бдите вся повеления моя и вся суды моя да сотворите я. А сотворивый я человек, жив будет в них, Аз Господь Бог ваш. И паки: И[1858] заповеда судиам вашим в то время, глаголя: Разсуждаите между братиею своею и судите по правде межи мужем и между братом его и между пришелцем. Не зрите лица в суде, по малу и по велику суди(л. 521)ши[1859], не сумняся лица человеча, суд бо Божии есть. И паки: Глагола Моисей всему Израилю и рече к ним: Послушай, Израилю, оправдания и суды, елика аз глаголю во уши ваши во днешнии день, да ся научите их снабдети и творити я. Господь Бог завеща вам завет в Хориве, не одным отцом вашим завет сеи, но и вам. Вы же убо зде вси живи днесь. Лицем к лицу глагола Господь к вам на горе из среды огня. Аз же стоях между Господем и вами, во время оно возвестити вам глагол Господень, яко убоястеся от лица огню и не взыдосте на гору, глаголяи.

К то же есть праведнее Давида во царех, но ни сей восхоте просла(521 об.)витися и написати суд царя Давида, но и моляся, глаголал: Боже[1860], суд твой цареви да даждь и правду твою сыну цареву. Судити людем твоим в правоте и нищим твоим в суде. И паки: Аз[1861] же поставлен есмь царь от Него над Сионом горою святою Его, возвещая повеление Господне. Господь[1862] вовеки пребывает уготова на суд престол свой и той судит вселенней в правду, судити людем своим в правду.

Господь[1863] испытает праведнаго и нечестиваго. От лица твоего судьба моя изыдета, очи мои да видета правоты. Яко[1864] вся судьбы его предо мною и оправдания его не отступиша от мене. Словеса Господня, словеса чиста, (л. 522)[1865] сребро разжено, искушено земли, очищено седмерицею. Закон[1866] Господень непорочен обращаяи души, свидетелство Господне верно, умудряюще младенцы, оправдания Господня права, веселящая сердце, судьбы Господни истинны, оправданы вкупе, вожделены паче злата и камене честна многа и слаждьша паче меда и сота, ибо раб твой хранит я, внегда сохранити я, воздаяние много, яко Бог судия есть, сего смиряет и сего возносит. И паки: Любит милостыню и суд Господь. Благ и прав Господь, сего ради закон положи согрешающим на пути. И[1867] честь царева суд любит, ты уготовал еси правоты, суд и правду во Иякове (л. 522 об.)[1868] Ты сотворил еси. С е же рек готовой Божии суд всякому лепо есть царю любити, а Божиих судеб не преобидети. В столпе облачне глаголаше к ним, яко храняху свидения его и повеления его, яже даде им. С небесе слышан сотворил еси суд. Творяи милостыню Господь и судьбу всем обидимым, сказа пути своя Моисеови сыновом Израилевым хотения своя. Яко[1869] судит Господь людем своим и о рабех своих умолится.

Блажени[1870] непорочнии в путь, ходящии в законе Господни. Блажени испытающии свидения Его. Ты заповедал еси заповеди твоя сохранити зело. Тогда не постыжусь, внегда призрети ми на вся заповеди Твоя (л. 523)[1871] устнама моима возвестих вся судьбы уст твоих, а не свое уставление взаконял святый Давид и глаголал: На пути свидении Твоих насладихся, яко о всяком богатстве, в заповедех Твоих поучюся и уразумею пути Твоя. Возлюби душа моя возжелати судьбы твоя на всякое время, ибо свидания твоя поучение мое есть и совети мои оправдания Твоя. Путь истинный изволих и судбы Твоя не забых, прилепихся свидением Твоим, Господи, и не посрами мене, Егда разширил еси сердце мое, законоположи мне, Господи, путь оправдании твоих, и взыщу и в ыну. Вразуми мя, и испытаю закон твой и сохраню и (л. 523 об.)[1872] всем сердцем моим. Настави мя на стезю заповедей Твоих, яко тую восхотех и глаголах о свидении твоих пред цари и не стыдяхся. Благ мне закон уст Твоих паче тысящь злата и сребра. Кляхся и поставих сохранити судьбы правды твоя. Сего ради возлюбих заповеди твоя паче злата и топазия. Праведен еси, Господи, и прави суди Твои. Возрадуюся аз о словесех твоих, яко обретаяй корысть многу, неправду возненавидех и омерзих, закон же твой возлюбих, мир мног любящих закон твой, и несть им соблазна. И прочее.

В идели, списателю беззакония, (л. 524)[1873] елико Божественный Давид изглагола и свидетелствова о суде Божии. Тем же сущим по себе царем засвидетелствова, глаголя: И ныне, царие, разумейте, и накажитеся вся судящии земли. Работайте Господеви со страхом и радуйтеся ему с трепетом, приимите наказание, то есть заповедь, да некогда прогневается Господь и погибнете от пути праведнаго, егда возгорится вскоре ярость его, блажени вси надеющиися на Него.

И бысть[1874] яко приближишася Давиду дние умрети, постави Соломона сына своего царем и сказа ему, елика заповеда ему Господь Бог: Соломон[1875] сын твой созиждет дом мой и двор мой, зане того избрах (л. 524 об.)[1876] мне в сына быти, и аз буду ему во отца, и укреплю царство его даже до века, аще укрепится сохранити заповеди моя и судьбы моя, яко и днесь.

З ри, како Бог заповедает хранити судьбы своя и то свидетелствует крепость царству.

Таже Давид[1877] заповеда сыну своему Соломону, глаголя: Аз отхожу в путь всеа земля, ты же крепися и буди муж совершен и сохрани хранилище Господа Бога твоего ходити во вся пути его. Сохраняй заповеди его и оправдания и судьбы и свидения его, писанныя в законе Моисеове, да разумееши, яже твориши о всех, елико же заповедах ти, да поставит Господь слово его, иже глагола к нему, глаголя: Аще сохранят (л. 525)[1878] сынове твои пути его, яко ходити предо мною во истине всем сердцем их и всею душею их, глаголя: Не соженет тебе муж со престола Израилева.

С мотри, что и Давид заповедает хранити Соломону сыну своему, не о заповедех ли Божиих и судбах правды его. таже и молится Давид, яко да сохранят судбы правды ко Господу за Израиля и за Соломона сына своего, глаголя: Господи Боже, Авраамов и Исааков и Израиля отец наших сохрани во веки сею волею сердца их и исправи сердца их к тебе. Соломону ж, сыну моему, дай сердце совершено, да хранит заповеди Твоя и повеления Твоя. И Соломон[1879] сын Давидов воцарися во Иерусалиме над Июдою (л. 525 об.)[1880] во Елиме. И дасть Господь смысл Соломону и мудрость многу зело и широту сердца, яко и песок иже в мори, и исполнися смысла Соломон зело, паче смысла сынов старейших и паче всех мудрых египетских.

З ри, суемудрене, яко прежде явления Божия Соломон премудр бысть. И по приношении тысящи приношении и в ту нощь явися Господь Соломону. Зри и зде, яко по приношении тысяща приношении явися Господь Соломону. А иже кто сам не приносит, а Божие возхищает, не имать ли негодовати на того Бог? Ей, имать. Послушай же прочее, что глагола Господь Соломону и что Соломоне прошение к Богу. И рече ему: (л. 526)[1881] Проси, что хощеши, да дам тебе. Рече ж Соломон к Богу: Ты сотворил еси с Давидом отцем милосердие велико и поставил мя еси царя в него место. И ныне убо, Господи Боже, да исполнится слово Твое, еже обещал еси Давиду отцу моему. Ты бо мене сотворил царя над людми твоими многими, якоже прах земный, ныне ж дай мне премудрость и разум, да вниду и изыду пред людми твоими сими. Кто бо может сии люди твоя достойно судити? Сего ради даждь рабу своему сердце смыслено на послушание и суждение людем Твоим в правду, иже разумевати добру и злу, яко кто может судити людем твоим тяжким сим. (л. 526 об.)[1882] Рече же Бог к Соломону: Иже кто наипаче угодило сердцу твоему и не просил еси богатства, ниже потребных и славы, ниже душ иже тя обидеша, но ни дни взыска живота многа, но просил еси премудрости и разума, да судити можеши люди моя, над которыми поставих тя царя. Премудрость и разум дана суть тебе, богатство ж и потребная и славу дам тебе тако, да ни един во царех, ни прежде тебе, ни по тебе будет подобен тебе.

В идел ли еси Соломоне прошение, яко не проси ни славы, ни богатства, но сердца смыслена, како судити люди Божия в правду, а не собою и свой суд, якоже (л. 527)[1883] пишет князь Никита: Суд государя царя и прочее. Но послушай, что по сих заповеда Соломону.

И аще ходиши по пути моему и сохраниши заповеди Моя и повеления Моя, якоже ходи и Давид, отец твой. Умножу дни твоя. Таже и сам навык о Божиих судбах чюдится, глаголя: Велицы суть суди твои, Господи, и неизглаголанны. Сего ради не наказании душа собразниша, восприяша бо насиловати язык святый беззаконнии.

С ыне[1884] мой, глаголы закона не забывай, глаголы ж моя да соблюдет твое сердце, долготу бо жития и лета жизни и мира приложити. И паки рече: Сыне[1885], не пренемогай в законе Господни, ни ослабей от него (л. 527 об.)[1886] обличаем. И паки ин рече: Не[1887] стыдися о сих и не приемли лица согрешати о законе вышняго и завете и о суде оправдати нечестиваго. И паки: Сыне, храни моя словеса, моя же заповеди скрый в себе. Сыне, чти Господа и укрепишися разве же его, не бойся иного. Храни моя заповеди и поживеши. И паки рече: Страх Господень ненавидит неправды, досаждения и гордыню и путии лукавых. Возненавидех же аз пути развращенныя злых, мои совет и утвержение, моя мудрость, моя же и крепость. Мною царие царствуют, мною велможи величаются и мучителие мною (л. 528)[1888] держат землю и паки наказателне пишет. Слышите убо царие и разумейте и научитеся судии концем земли, внушите содержащая множества и гордящиися о народех язык, яко дана бысть от Господа держава вам и сила от Вышняго. Иже[1889] истяжет дела ваша и помышления испытает, яко слузи суще царства не судисте право, ни сохранисте закона, ниже по воли Божия ходисте. Сокрушение скоро явится вам, яко суд жесточайшии на тех в находящих бывает, мала бо подается милость, силнии же силне истяжутся. Не лишает бо ся лица всех владыка, ниже усрамится велможи, яко (л. 528 об.)[1890] мала и велика сей сотвори, подобне же и проразумевает о всех, державных же крепко совесть испытание. И прочее.

Муж[1891] премудр не возненавидит закона, сумняй же ся в нем, яко в бури корабль. Человек разумив веру имеет закону и закон верен ему. И паки премудрый рече: Возлюбите[1892] правду судящии землю, мудрствуйте о Господе во благостыни и в простости сердца взыщите Его. Се глаголет Господь: Снабдите[1893] суд, сотворите правду. И паки: Путь Господень суд. Бог бо мой велик есть, не минет мене Господь, судии наш Господь, князь наш Господь, царь наш Господь. И паки глаголет Господь: Послушаите[1894], людие (л. 529)[1895] мои, послушайте, яко закон от Мене изыде и суд Мой на свет странам. Послушайте Мене ведящии суд людие мои, им же закон мои в сердцы вашем. Не боитеся укорения человеча и похвалению их не покоряитеся, яко риза обетщает и яко сукно изъястся молми, а правда моя во веки.

Такожде и о новом евангельском законе и суде сам Господь свидетелствует, глаголя: Аз с небесе снидох да не творю волю Мою, но волю пославшаго Мя Отца. И паки рече: Аз[1896] не о себе приидох, но пославыи Мя Отец. Той Мне заповедь даст, что реку и что возглаголю. И паки рече: Вся[1897] мне предана суть Отцем Моим.

(л. 529 об.)[1898] И паки: Отец[1899] не судит никому же, но суд весь даст сынови. И паки инде речеся: Се[1900] отрок Мой, его ж изволих, возлюбленный Мой, на нь же благоволи душа Моя. Положу дух Мой и суд языком возвестит. И[1901] аще сужду Аз, суд Мой истинен есть. Не[1902] мните, яко приидох разорити закон или пророки. Не приидох разорити, но исполнити.

И[1903] аще кто услышит глаголы моя и не верует, Аз не сужду ему. И по мале. Отметаяйся и не приемляй глагол Моих, имать судящаго ему слово, еже глаголах, то судит ему в последнии день. И Божественный (л. 530)[1904] апостол глаголет: Основания[1905] иного никто же может положити, паче лежащаго, еже есть Христос. И паки: Наздани[1906] есте на основании апостол и пророк, сущу краеуголну самому Иисус Христу. Братие[1907], по человеку глаголю: Обаче человеку утвержена завета, никто же отметает или приповелевает. И паки: Смеет[1908] ли кто вещь имея, ко иному судитися, а не от святых. Тем же безответен еси, о человече, всяк судяй. Им же бо иного судиши, себе осуждаеши. Таяжде твориши, судяи, вемы же, яко суд Божии воистину на творящая таковая. Помышляеши ли се, о человече, судяй таковая, яко ты убежиши суда (л. 530 об.)[1909] Божия, вемы же, яко суд Божии есть на творящих таковая. И паки ин апостол глаголет: Аще[1910] ли закон осуждаеши, неси творец закону, но судия. Един есть законоположник и судия, могии спасти и погубити.

И се доволно есть сказано о суде, яко суд Божии есть, а не царя и великого князя. К ако же ты, списателю неправедный, не убояся Господа Бога свята обезчестити, глаголя, суд царя и великого князя, и прочее беззаконие? Кто еси ты, чрез Божественныя законы и святых апостол и святых отец правила смел дерзнути новыя бесовския законы написати, яко новый (л. 531)[1911] Лютор? Не слышал еси вышеписаннаго, како Господь заповеда на горе, глаголя: Внемлите[1912], не восходити на гору и ничим же коснутися ея. Всяк прикоснувыися горе смертию умрет. И паки: Да некогда приступят к горе, к Богу разумети, и падут от них мнози, и жрецы же приступаяй ко Господу Богу, да ся освятят, да некогда изменит от них Господь. Ты же какой Богу советник, ни поп, ни диакон, смел дерзнути притивная Богу и святым Его мудрствовати. Не слышал ли самого Бога, заповедающа: Да[1913] не приложити ко словесем, еже Аз заповедую вам, ниже отъимите от них, (л. 531 об.)[1914] снабдите заповеди Господа Бога вашего, яже заповедал вам днесь.

И паки: Да[1915] сохраните повеления Моя, да не сотворите от всех закон гнусных, да не осквернитесь в них.

А кои же, не боящимся бога и свои законы творящим, Божественый Давид от лица Божия глаголет: Господь[1916] разоряет советы языком, отметает же мысли людей и отметает советы князей, совет же Господень вовеки пребывает. Грешнику же рече Бог: Вскую ты поведаеши оправдания Моя и восприемлеши завет Мой усты твоими. Ты же возненавиде наказание и отверже словеса моя вспять. И паки инде рече: Глаголет пребеззаконный (л. 532)[1917] согрешати в себе, несть страха Божия пред очима Его, яко ульсти пред ним обрести беззаконие свое и возненавидети, глаголы уст его беззаконие и лесть, не восхоте разумети, еже ублажити, беззаконие умысли на ложи своем, предста всякому пути неблагу. И паки во ином псалме рече: Рече[1918] безумен в сердцы своем, несть Бога, растлеша и отмерзишася в беззакониих, несть творяи благое. Бог с небесе приниче на сыны человеческия, видети аще есть разумеваяй или взыскаяй Бога, вси уклонишася вкупе непотребни быша. Несть творяй благое, несть до единаго, ни ли разумевают вси делающии беззаконие. Утвердиша[1919] (л. 532 об.)[1920] себе слово лукаво, поведаша скрыти сеть, реша, кто узрит их. Сего[1921] ради удержа я гордыня их до конца, одеяшася неправдою и нечестием своим, помыслиша и глаголаша в лукавстве, неправду в высоту глаголаша. Положиша на небеси уста своя, и язык их преиде по земли и реша: Како уведе Бог и азе есть разум в Вышнем. Рех[1922] беззаконнующим, не беззаконнуйте, и согрешающим, не возносите рога, не воздвизайте на высоту рога вашего и не глаголите на бога неправду, яко Бог судия есть.

Дата добавления: 2015-08-02