О родстве убо сице 9 страница

Того же собора правило 133.

Глаголяй епископ, яко мне единому причетник грех исповеда, (л. 823)[3427] аще же причетник запрется, неверне есть.

Толкование.

Не подобает веровати, аще возглаголет епископ на некоего причетника, яко он сица причетник мне единому исповеда грех. Того ради греха хощу его или от сана изврещи или общения отлучити. Аще бо вопрошен быв причетник, его же, рече, епископ исповеда ему грех, запрется, глаголя, яко несть ти исповедал, глаголя таковаго греха, не подобает ему осудити его, ни того в досаждение себе вменити, яко той един епископ неверен есть.

Закон судный великаго царя Константина. Глава 21.

(л. 823 об.)[3428] Свидетели[3429] от слуха да не свидетельствуют, глаголюще, яко слышахом от кого сего делника или ино что свидетельствующе от слышания, аще и князи суть, иже свидетельствуют.

Новых заповедей Иустиниана царя в 44-й главе. Глава 2.

Яко[3430] един токмо не послушан есть, аще и велик будет сановник, еретик же по всему, не свидетельствует на правовернаго, аще не о людстем строении правоверный судится.

Градскаго закона грани 27 правило 1.

Достовернии[3431] да будут свидетели, аще не нецыи от ведящих, не от худых же, (л. 824)[3432] ниже отнюдь не знаеми.

О[3433] греховных винах нужда есть всячески привести свидетели, а не глаголы их.

В[3434] свидетелех взыскают сана и веры и обычая и твердости. Тем же не услышани будут противящиися, иже во свидетелстве реченым от них.

О[3435] коемждо свидетеле должно есть изыскивати, который честен и непорочен есть, или который бесчестен и порочен, или богат, или убог, якоже прибытка ради нечто согрешити, иди друг приведшему его, или враг кому, на него же приведен. Егда же зазора кроме (л. 824 об.)[3436] будет, тогда свидетелствует. О сем же и разсуждает судия, аще единаки речи принесут и аще противу вопрошанию послушно отвещавают и которая знамения подобает приимати.

Свидетелем[3437], а не глаголу их веровати, сами бо в лице вопрошаеми бывают от судей о винах. И не показуя предложенаго от него в заточение посылается.

Иже[3438] о гресе некоего оклеветав, не[3439] может свидетельствовати на нь, разве аще будет подобная вина. Аще ли ни, возбраняется[3440]. Ходатайствовав между некими о вещи[3441], не сви(л. 825)детельствует[3442] им в той вине, сиречь пред инем судиею. аще убо не совещаста оба суперника свидетельствовати ему.

Убозии[3443] не свидетельствуют, убог же есть, иже имать пятдесят златник богатства.

Не[3444] свидетельствует меньши сый возраста двадесяте лет, ни иже на людстем судищи осужденый и не исправлься и в людскую темницу вверженый, ни иже обличен будет взем злато и того ради свидетелствовати хотя или не свидетельствовати,

Не[3445] свидетельствует свобожденый на свободившаго его, ни на сына его.

(л. 825 об.)[3446] Несть[3447] достоверен свидетель, повелевати могии о свидетельстве.

Осужденый[3448] о прелюбодеянии не свидетельствует[3449].

Сын[3450] отцу и отец сынови не свидетелствует ни в коей любо вещи своей.

Раб[3451] не свидетелствует же, на некоего уже свидетельствовав, не свидетельствует паки на нь.

Собеседовав[3452] и совокупив о вине, не свидетельствует о ней.

Никто[3453] же истязается свидетелство на себе привести, но подобает к позвавшему на суд, якоже хощет составити свое правословие.

Возбраняет[3454] же ся свидетельствовати несове(л. 826)ршеный[3455] возрастом и раб и глух и нем и бесен и блудник и сын, под властию сый, егда отец его напишется наследник.

И[3456] под властию сый, завещавающа, не свидетелствует о писанем завете наследника.

И[3457] завещавающии под властию сущему отчею о особно стяжаннем имении ему не свидетелствует.

И сия тако в писаниих обретена о лжесвидетельстве, им же не подобает свидетелствовати.

Ты же пишешь: А будет велможа крест целует или велит кому иному крест поцеловати, и таковых священником (л. 826 об.)[3458] в церковь Божию не пущати и в домы их не приходити и Божественаго пения в дому у них не пети. А будет поп учнет в чьем ни буди доме Божественое пение пети, и такие ротники, которые учинили крестное целование на криве тут же будут, и их ис тое храмины вон высылати.

Божественыя законы епископ и священником исправляти грешников во гресех по святым канонам, а тебе кто дал власть над священниками повелевати и законополагати? И от которых законов взял еси? Мы вемы, яко во святых писании не обретаются таковии канони, (л. 827)[3459] но странни некаки еси глаголеши бесовски. Сам закон положил еси крестному целованью на роте, сам же и осквернил целующих. Божественнии же закони лжесвидетелей не оставляют без мук, но повинных творят таковых мук, его же оболгали.

Да ты же пишешь в 14 главе в 10-й статье, а в правилех святых отец про крестное целование написано: Будет крестьянин крестьянина напрасно приведет ко крестному целованию или велит крест поцеловати, и он крест поцелует на том, что он прав, и таковаго по нужи кленшагося (л. 827 об.)[3460] Великии Василии на 6 лет запрещению подлагает, сиречь от церкве отлучает по осмьдесят второму правилу своему. Писано есть: Правда от Бога, а лжа от неприязни, то есть от диавола, зане той есть отец лжи. И Божественный апостол глаголет[3461]: И яко всяка лжа от истины несть. Василии Великии, Христов ученик и подражатель Христовых заповедей, и не писывал такова правила, чрез евангельские заповеди, еже кому крест целовать на правде или на лжи. Богу заповедающу: Не кленитеся ни небом, ни землею, ни иною своею клятвою.

(л. 828)[3462] А ты, лжесписателю, якоже везде лжеши, и зде такоже и на Василия Великаго солга. Василии Великии пишет в своем правиле 82-м не о том, еже кому с суда крест целовать или клятися, но аще кто кленется, еже не сотворити зла которого, впредь о нем же уведав, яко грех есть. И потом от невнятия запят быв или иною коею виною или принужден и понасилен от кого, якоже самое то правило свидетелствует.

Великаго Василия правило 82.

По[3463] нужди кленся, по шести лет прият будет, а иже без нужди, по дванадесятом.

(л. 828 об.)[3464] Толкование.

Клятся некто сего или иного не сотворити, якоже се судиа сый не подписати суда нанесенаго на некоего, и потом понужден быв от болшия власти, и подписав, преступи клятву, таковый легчайшим запрещением повинен есть нужди ради, за шесть бо лет запрещение приимет. Аще же кроме некия нужди преступит, о нем же клятся, два лета да влачется и два да послушает Божественых писании, пять лет да пребудет с припадающими, и два лета прият будет с верными, и молитв с ними приобщится. И тако (л. 829)[3465] по первонадесятом лете тела и крове Христовы да сподобится.

Паки глаголешь: А кто крест поцелует на криве, и тому Великии Василии в 64-м правиле полагает запрещение на десять лет, два лета да влачется, три лета да послушает Божественых писании, четыре лета да припадает и едино лето да стоит с верными и потом Божественнаго причащения да причастится.

И якоже исперва на Великаго Василия солгал, и зде такожде. И глаголеши: А кто крест поцелует на криве и тому Великии Василии в 64-м правиле полагает запрещение на 10 лет. Василии Великии не о крестном престу(л. 829 об.)плении[3466] пишет, якоже и самое то правило являет.

Великаго Василия правило 64.

Клятвеник[3467], рекше кленыйся во лжю, или преступая истинную клятву, десять лет запрещение приимет, два лета да влачется, три да послушает Божественых писании, четыре же лета припадает, и едино лето да стоит с верными и потом Божественнаго общения причастится.

Но о таковых клятвах глаголет, якоже пророк Давид глаголет: Кляхся и поставих сохранити судбы правды твоея. И паки: Клятся Господеви, обещаяся Бога Иаковлю, (л. 830)[3468] и прокляти уклоняющиися от заповедей Твоих. О таковых убо и Василии Великии пишет, кленущихся во лжю, или преступаяй истинную клятву, якоже и пророк, а не о том, еже бы кому после суда оправдаяся. Сего ради и пророк глаголет: Суди суд мой и избави по словеси Твоему, а не клятвою. А еже инако кто разумеет, и о таковых глаголет: Гордии законопреступоваху зело и уничижил еси вся отсутпающая от оправдании Твоих, яко неправедно помышление их, преступающая не пщевах вся грешныя земли. И инде рече: Далече от грешник спасение, яко (л. 830 об.)[3469] оправдании Твоих не взыскаша. Аз же поставлен есмь царь от Него над Сионом, горою святою Его, возвещая повеление Господне, исперва познах от сведении Твоих, яко ввек основал еси. Поведаша мне законопреступницы глумление, но не яко закон Твой, Господи. Вся заповеди Твоя истина и вси путие Твои истина. И паки: Дела рук Его истина и суд, верны вся заповеди Его, утвержены в век века, сотворены по истине и правоте.

И сия тако пророку о Моисейском законе, но не остави и евангелскаго Новаго завета помянути и приложи, глаголя: Избавление посла (л. 831)[3470] людем своим, заповеда ввек завет Свой. Свято и страшно имя Его сия и на множайша.

Ты же пишешь: О том же царя Лва Премудраго новая заповедь 72 повелевает кленущемуся во лжу язык урезати, аще после обличен будет.

По правде такому суд языка урезание и клятва Великаго Василия: Аще кто клялся о судбах правды Божия и не сохрани, якоже и ты при крещении, отрекшися сатаны и всех дел его и всея службы его и сочетався Христу, и ныне преступив все то страшное обещание, не точию явился хранитель святых евангельских (л. 831 об.)[3471] заповедей Христовых и святых Его ученик и апостол и святых отец седми Вселенских соборов и прочих девяти поместных, но вся купно попра и отверже единою, якоже самое то списание твое беззаконное показует. Аще в мале что и написа, якоже о правилех Великаго Василия, и то все лжы полно.

И паки пишешь завет свой бесовский, полн всякоя неправды священником. И того ради подобает отцем духовным детей своих духовных поучати и наказовати страху Божию, и на криве бы креста не целовали, и именем Божиим во лжю не ротились, и не (л. 832)[3472] клялися. Глаголеши, богоборче: Того ради подобает отцем духовным детей своих духовных поучати. Рцы ми, чево ради что ты заповедаеши, еда до тебя и до твоей беззаконной заповеди не имели отцы духовныя святых книг, по ним же детей своих духовных исправляли бы? И глаголеши: На криве бы креста не целовали, на лжи не послушествовали[3473] и именем Божиим во лжу не ротилися и не клялися, занеже православным христианом крестное целование ротою и на криве вконец отречено бысть священными правилы. И аще вконец отречено есть крестное целование ротою и на криве, почто законополагаешь? (л. 832 об.)[3474] И которыми правилами отречено есть ротитися? Покажи нам не на криве ротою крест целовати которые правила в себе имут се, еже есть крест целовати с ротою в правде. Да видевше, и мы противна таковым правилом и тебе возглаголем, и не от себе, но от Божественых писании, якоже ты, беснуяся, везде ложь глаголешь и от своих глаголешь.

Господу глаголющу[3475]: Паки слышасте, яко речено бысть древним, не во лжу кленешися, воздаси же Господеви клятвы твоя. Аз же глаголю вам не клятися всяко, ни небом, яко престол есть Божии, ни землею, яко (л. 833)[3476] подножие есть ногама Его, ни Иерусалимом, яко град есть великаго царя.

Толкование.

В древнем убо речено есть законе, не приемли имени Господа Бога твоего всуе, не очистит бо Господь прилагающих имя Его туне. Аз[3477] Господь Бог ваш, да не украдите, ни солжите и не оболжете кождо подруга, и не кленитеся именем Моим на неправду, и да не оскверните имени святаго Бога вашего. Егда же аще кто кленшеся по древнему закону и исполньше клятву, о ней же клятся, той Бог вол дал есть, яко не солга. Егда же аще кто не исполнит клятвы, той прият имя Божие всуе и на неправду (л. 833 об.)[3478] и осквернил есть таковый имя Господне. И есть таковый нечист, якоже и Великии Василии пишет во своих правилех в 60 и 82 о кленущихся во лжю.

Евангелие. И[3479] иже главою своею кленися, яко не можеши власа единаго бела или черна сотворити.

Толкование.

Бог един токмо кленется собою, яко ни под ким сущ. И[3480] клятся Господь Аврааму, понеже ни единем имяше болшим клятся, клялся Собою, глаголя: Аз Господь Бог твой и положу завет Мой между Мною и между тобою, истиною благословствуя, благословлю, и множа, умножу тя зело. Семени твоему дам землю сию (л. 834)[3481] и по тебе в род и род до века. Верова же Авраам Богу и вменися ему в правду. И паки инде речено есть: Клятся[3482] Господь Давиду истиною и не отвержется ея. И паки инде: Клятся Господь и не раскается. Мы же, собою не владуще, како можем во главу свою клятися, иного стяжания сущу? Аще ли твоя есть глава, и не лепа есть, премени ю в лепую. Аще ли не можеши ю пременити, ини же власа черна на дело, почто кленешися главою своею, не суще своею, но создавшаго ю?

Евангелие. Горе[3483] вам, вожди слепии, глаголюще: Иже аще кленется церковия, ничесо же есть, а иже (л. 834 об.)[3484] кленется златом церковным, должен есть. Буии слепии, кое бо боле есть, злато ли или церкви, святящиа злато, ничесо же есть, а иже кленется даром, иже верху его, должен есть. Буи слепии, что бо боле, дар ли или олтарь, святяй дар, иже убо кленется олтарем, кленется им и сущим верху его. И иже кленется церковию, кленется ею и живущим в ней. И кленыйся небесем, кленется престолом Божиим и седящим, и кленыйся крестом, кленется и распятым на нем.

Како же ты, евангельскии ругателю, смел в клятву живоносное (л. 835)[3485] и спасеное древо креста употребити, им же вечная клятва разрушися, по писанному: Христос[3486] ны искупил есть от клятвы законныя, быв по нас клятва. Писано бо есть[3487]: Проклят всяк висяй на древе, да во языцех благословение Авраамле будет о Христе Иисусе, да обетование Духа приимем верою.

Братие, по человеку глаголю, обаче человеку утвержена завета, никто же отметает. Аврааму же речени быша обеты и семени его, не глаголет же семенем, яко о мнозе, но яко о едином "и семени твоему, яко есть Христос".

Толкование.

Смотри, богоборче и Христоборче, (л. 835 об.)[3488] чево ради крест бысть и что ради креста бысть. Крест клятва бысть, но Христос нас ради клятва бысть и своим Божеством преложи во благословение. Да благословятся о Нем, рече, вси языцы. И никто же смеет, якоже рече апостол, отметает или приповелевает. Единаго тебя не искупи Христос, понеже обетования Духа не приемлеши, ово отметаешь, ово приповелеваешь. А не погрешит слово истины, аще кто речет, яко безпосредственне все доброе Божие отринул еси от себя и все лихое и злое приповелел еси. Крест дан во благословение, а ты то преложил (л. 836)[3489] в клятву. И збысться реченное[3490]: Слово бо крестное погибающим убо юродство есть. И другое писание: Аще кто не возмет креста своего и вслед Мене не грядет, несть Мене достоин. Ты же не точию прият крест на рамо свое, но и обруга того и вместо благословения клятву сотвори.

И збысться писаное: Ров изры, ископа и, впадется в него. И другое писание: Обратится болезнь его на главу его. И паки третие: Оружие извлекоша грешницы и напрягоша луки[3491] своя[3492], состреляти нища и убога, заклати правыя сердцем. Оружие внидет в сердца их и луцы их (л. 836 об.)[3493] сокрушатся. И паки: Ею же мерою мерите, возмерится вам, и им же судом судите, осудитеся.

В твоем Уложении написано: глава 1 статья 1.

Будет кто иноверцы какия веры ни буди, или рускои человек возложит хулу на Господа Бога и Спаса нашего Иисуса Христа и на честный крест, и про то сыскивати всякими сыски накрепко. Да будет сыщется допряма, и того богохулника казнити, зжечь. И про твое беззаконие и хулу на Господа Бога и Спаса нашего Иисуса Христа и на святый Божественный крест Господень уста твоя и руки твоя свидетельствуют глаголанное и писанное (л. 837)[3494] Уложение, по писанному: Рабе лукавый, от уст твоих сужду тя.

Ныне же паки обретохомся на широту слова к тебе. Пишешь: На криве креста не целовали и именем Божиим во лжю не ротились.

Покажи трегубому твоему беззаконию, еже предпочел еси оружие паче воина, и оружие не яко оружие Божие употребил еси, данное на сопостата нашего диавола, но оружие беззаконию и еже не клятися именем Божиим во лжю. Богу заповедающу и глаголющу: Аз же глаголю вам, не кленитеся ни небом, ни землею, ни иною коею клятвою, даже до главы своея. А ты, окаянне, преминув вся сия, (л. 837 об.)[3495] на пресовершеннейшую главу и не на главу точию, но на всего Бога. И глаголеши: Занеже православным христианом крестное целование ротою и на криве вконец отречено бысть священными правилы. Рцы нам, которыми правилы? И паки глаголеши: Но вдан от Христа христинаом крест на освящение и просвещение и на отгнание врагов видимых и невидимых. И того ради православным христианом достоит святому кресту верою покланятися и истиною и чистотою и того честнаго креста целовати со страхом и с трепетом и чистою совестию. Сия вся предпочел еси яко лествицу святу. (л. 838)[3496] Почто ты законом своим осквернил еси того честь и святыню? Бога заповедающу: Не кленитеся ни небом, ни землею, ниже главою своею и иною клятвою коею. А ты от пречестнейших вещей Божиих оружием Божиим всечестным и животворящим крестом Господним клятися уставил. Буе ослепленне, не слышали выше писаного, како Христос к жидом отвеща: Горе вам, вожди слепии, глаголющии, иже аще кто кленется церковию, ничесо же есть, а иже кленется златом церковным, должен есть.

Толкование.

Сего ради слепых и буих именует Христос, яко научающих (л. 838 об.)[3497] подобная и худейшая предпочитающих. Достойна же почитанию долейшая имуще, злато, иже на храме, и херувими и стамну златую, сих почитах паче самого храма того. Тем же и многия учаху, яко несть ничто же, еже в храм клятися, но в злато[3498], слежащее в храме. Злато бо сего ради веде честно бяше, понеже в храме слежаше, таже глаголется даром, иже верху его должен есть, и дарове, убо иже на жертвеник возлагахуся честнейшая, паче жертвеника самого глаголаху быти. И тако предаяху фарисее, глаголюще: Яко аще кто клялся есть в злат сосуд или (л. 839)[3499] в вола или во овча, приведеное в жертву, таже клятву преступил будет, осужден бываше равна воздати, в не же клялся, или злат сосуд воздати, или вола, или овча, или ино что, в яково клятся, да рыбо, паче жертовника предпочитающе, при добытия ради. Аще ли же в храм клявся преступаше, зане не можаше воздати подобное храму, прощение сего ради имяше и нимало о сем заповедающе. Тем же и легчайшая клятва храма являшеся любодобытия ради июдейскаго в Ветхом Завете, не оставляше Христос болши быти дар, паче жерто(л. 839 об.)вника[3500]. Ныне же у нас жертовник даром паче освещается, хлеб же, ныне нами приношаемый, во владычнее оно самое тело прелагается благодатию Божественною. Сего ради сим жертовник освящается. тако древле убо крест поносная смерть быша, всяк бо, рече, висяй на древе, проклят. Господь же наш Иисус Христос своею неповинностию клятву преложи во благословение.

И глаголеши: И целуяй крест освящает себе и от болезни и от недуг всяческих исцелевает. Всем проповедуеши силу Божественнаго креста на освящение и болезнем на исцеление. Единому ли тебе не доста освящения и целеб, еже (л. 840)[3501] преложити того в клятву? Или сам о себе свидетелствуеши, глаголя: А не верою и не истинне, на лжи, целуяй крест, и той бо лжы обещник есть и неисцелно вреждает себе и по Писанию яко христоубийца вменяется.

И где есть о сем писано, покажи, яже на лжи целовав, яко христоубийца вменяется? Да и аз оправдаю, еже кто на лжи целует, яко христоубийца вменяется, а иже чрез Божие веление на роте крест целовати, Богу заповедающу, и главою своею клятися. А ты, малое преминув сие, на болшое вскочи, на главу нашу Христа и на святое его царское оружие всемирное спасение (л. 840 об.)[3502] креста безчестием, от него же ад вострепета, сатана попрася, смерть изчезе. А ты един не вострепета, ни убояся.

И глаголеши: Всего злее преступати крестное целование. А еже Божия заповеди преступати, несть ли зло? Ей. Господу засвидетелствующу: Не кленитеся ни небом, ни землею, ово убо есть престол Божии, якоже небо, ово же, яко подножие ног Его, еже есть земля. Ты же, оставив долная, превыше небес взыде. Кленыйся, рече, церковию, кленется и живущим в ней, кленыйся святым крестом, кленется и распятым на нем. Не иже ли обезчестив (л. 841)[3503] крест, обезчестил и распятаго на нем?

Пишешь в первой главе в 1 статье: Будет кто руской человек возложит хулу на Господа Бога и Спаса нашего Иисуса Христа или на рождьшую его Пречистую Владычицу нашу Богородицу и Приснодеву Марию или на честный крест и на святых угодников его, и того богохулника, обличив, казнити, зжечь. И что есть болше, еже чрез Божественую заповедь законы иныя полагати? Самому Богу засвидетелствующу: К тому ни на суде чай уже что ино отвещати, но слово рече, еже засвидетелствовах, то судит вы в День Судный.

И Божественный апостол утверждает, глаголя: (л. 841 об.)[3504] Иного основания никто же может положити, паче лежащаго основаннаго пророки и апостолы. И аще аггел благовестит паче, еже приясте, проклят да будет.

И во 2-й главе в 1-й статье пишешь: Кто на царское величество помыслит, смертию казнить. А ты не помыслил на Бога, но и сотворил лукавство.

И в 3 главе в 3-й статье: Будет кто при царском величестве[3505] вымет саблю или иное какое оружие и кого убьет или ранит, и тех смертию казнить. А будет и не ранит, и тому рука отсечь.

А иже бы царское оружие подвиг кто не в честь, (л. 842)[3506] но на безчестие, коликих мук достоит? А коль паче небеснаго царя оружие не в честь употребил еси, мучен будет.

Паки пишешь: Се бо видев Захариа пророк сходящ серп огнян с небесе на землю. И вопроси: Что есть, Господи, серп сей? И рече: Гнев Божии есть. Посылается на тех, иже ходят на криве к роте, да поженет пламень их и душа их предаст огню негасимому. Якоже на Бога лгати не постыделся еси и святый крест Господень обезчестить, пророка ли имаши постыдетися? Якоже везде солгал еси, тако и зде.

Послушай пророка, еже како виде: (л. 842 об.)[3507] И[3508] обратихся, и возведох очи мои, и видех и се серп летящ. И рече ко мне: Что ты видиши? И рех: Аз вижу серп летящ в долготу лакт двоюдесять и в широту десять лактей. И рече ко мне: Си клятва, исходящая на лице всея земли, яко всяк тать от сего до смерти мстится. И вынесу и, глаголет Господь Вседержитель, и внидет в дом татиный и в дом кленущагося именем Моим во лжю, и обитает посреде дому его, и скончает и и древо его и камение его. Се суть видение и глаголи пророческия. Да где есть пророком виденое и глаголано, еже ты пишешь, лжесписателю? Что пророк Захариа (л. 843)[3509] видел сходящ серп огнян с небесе на землю и вопроси: Что есть, Господи, серп сей? Кто и кого вопроси, скажи нам подробну? И кто отвеща и рече: Гнев Божий посылается на тех, иже ходят на криве к роте, да поженет пламень их и душа их предаст огню негасимому? Х какой к роте на криве? Се ли, еже по твоему Уложению ротившиися, ко кресту повелел еси ходить? Да где был Захариа пророк, еже кому видеть серп огнян сходящ на целующих крест на роте на криве?

Прежде бо Христова воплощения пророку скончавшуся за 460 лет. Аще ли глаголешь, яко Бог отвеща (л. 843 об.)[3510] пророку и рече: Гнев Божий посылается на тех, иже ходят на криве к роте, да поженет пламень их и душа их предаст огню негасимому. Солгал, треокаянный, и на Бога. Бог несть сего пророку отвещал. И кого имаши пощадети, яко ни самого Бога пощаде, но яко вторый сатана, иже от исперва Бога человеку оболга, рече: Что[3511] яко рече Бог: Да не ясте от всякого древа, иже в раи. И рече жена: От плода древа сущаго в раи, да ямы и. От плода же древа, иже есть посреде рая, рече Бог, да не ясте от него, ниже прикоснетеся ему, да не умрете. И рече змий жене: Не смертию у(л. 844)мрете[3512]. Ведяше бо Бог, яко в онь же день, аще снесте от него, отверзутся очи ваши и будете яко бози, ведяще добро и зло. И вземше, снедоша, и отверзоста очи обема и разумеша, яко наги. Уразумеша, яко добро заповеди Божия соблюдати, а зло еже преступати. тако и ты, отступниче Божественных заповедей, глаголешь: Бог пророку отвеща. Бог несть так отвещал, еже на криве к роте ходящих, ты то обвещал, и не пророку, но всем людем. Бог же рече пророку: Си клятва, исходящая на лице всея земли, яко всяк тать от сего до смерти мстится. Иже (л. 844 об.)[3513] аще кто крадет словеса Божия от закона и пророк и святых апостол и святых отец, якоже же ты, и вынесу и, глаголет Господь Вседержитель, и внидет в дом татиный и в дом кленущагося именем Моим во лжу, и обитает посреде дому его, и скончает и древо его и камение его. Зри зде, к кому внити рече Господь? И внидет в татиный дом и в дом кленущагося именем Моим во лжу, а не в роте и на криве целующим святый крест. Но иже кленется кто именем Божиим о завете коем и не сотворит, якоже слово явно творит, воздаси же Господеви, рече, клятвы твоя, якоже (л. 845)[3514] в левитех речено есть[3515]: И от всякого обета, иже обещает человек, не отдаст или не искупится, смертию да умрет.

Послушайте же Господа, иже устав кленущимся положи и умолкни.

Евангелие. Буди[3516] же слово ваше ей, ей, ни, ни. К сим же и Иякова, брата Божия, приложим, глаголюща[3517]: Прежде всех, братие моя, не кленитеся ни небом, ни землею, ниже иною клятвою коею. Буди же вам еже ей, ей и еже ни, ни, да не в лицемерие впадете.

Толкование.

Понеже да не имаши рещи, да како уверован буду, глаголет, аще присно истинну глаголеши и николи же кленешися. Никто же бо (л. 845 об.)[3518] тако не веруем, якоже кленыйся наскоре. Якоже и премудрый Сирах рече[3519]: Муж кленыйся многа исполнится беззакония и не отъимется от дому его рана. Аще согрешит, грех его на нем, и аще презрит, сугубо согрешит, и аще во тще кляся, не оправдится, исполнится дом его на несении.

Евангелие. Лишше[3520] же сею от неприязни есть.

Толкование.

Иже бо рече паче ей и ни, лишше же сих глаголати и клятися, от диавола есть. Обаче же имаши рещи прочее, яко закон Моисеов, иже клятися повелеваше, лукав бяше, разумей убо, яко не лукав бяше, тогда (л. 846)[3521] клятися. По Христовых же заповедех лукавно есть клятися, якоже и обрезатися и вся жидовская обычая держати, всесожжения и жертвы и приношения и прочая.

Хощеши ли навыкнути, да покажу ти, откуду привниде клятва и не собою, но от златаго языка услышим. Той возвестит нам и не обинется лица силных, аще и пострада от тех даже до смерти. Рцы, всезлатый уста, рцы, и не обиняйся, якоже тогда не убояся от убивающих тело твое всесвятое, души же твоей погубити не могоша, но паче своя души погубиша злии тии мучители. (л. 846 об.)[3522] Рцы и ныне противником Христова Евангелия и святых ученик его и апостол и свесвятаго вашего учения, откуду клятва привниде. Отвеща златые уста: Реку и не обинуюся, откуду клятва привниде.

Егда[3523] злая возрастоша, егда вся купно горе и долу быша, егда ко идолослужению уклонишася, тогда убо, тогда, егда невернии прочее являхуся, Бога призывах свидетеля, аки споручника, дающе глаголемых достодолжна. Сие бо клятва есть, нравом неверуемом споручение. Отнюду же первое оглаголание се есть кленущагося, аще не верует кроме споручника и поручения (л. 847)[3524] великаго. Многа бо ради неверства не человека ищут споручника, но Бога. Вторый же приемлющаго клятву сей есть порок, аще о соглашениях разньство кое имый, Бога привлачит на споручение и глаголет "неймете веры", аще не оного восприимет, оле превозходящаго нечювствия, оле досады червь и земля и попел сый и дым. Владыку ли твоего привлекаеши на споручение и оного понуждаеши прияти? Рцы ми, аще бы отроком вашим любопрящимся друг со другом и неверующим себе, рекл бы подоборабный не имети веры, дондеже аще общаго им владыку споручника приимет, (л. 847 об.)[3525] убо не подъял ли ран тмами и уведал, яко владыку на иная приимовати подобает, а не на сия. Что глаголю, подоборабна, аще бо на зело говеема изволял бы мужа, не досаду ли вещь мнел бы? Но аз не хощу, рече, добре, тем же ниже онаго принуждай, елма и между человеки сие бывает. Аще речет, он сицу дает споручника, ты не стерпел еси то, что убо и не погублю ли, рече, даемое, не глаголю сие, но яко Богу досадити терпиши. Тем же паче понуждаяй, нежели кленыйся, неотрочну имать муку, такожде и иже никому истязующу кленыйся и сие же лютейше, (л. 848)[3526] яко кленется кождо за медницу едину о преложении малем, о неправде. И сия, егда не будут клятвопреступления, аще же клятвопреступление привнидет, то вся горе идолу и вземый и давый сотвори. Но суть ли не ведомая кая, рече, но сия предзря, ничто же твори, нерадив. Аще же нерадиве твориши, истяжи от себе суда о тщете, уне есть тако тщету подъяти, нежели инако. Рецы бо ми, влечеши на клятву мужа, что надеяся, яко клятву ли преступити имать? Но сие последня есть безумия, на твою главу казнь обратится, уне бо ти есть пенязи погубити, не(л. 848 об.)жели[3527] оному погибнути. Что со тщетою твоею твориши и з досадою Божиею? Зверская есть таковая душа и нечестиваго и проклятаго мужа, но надеяся, яко не преступити[3528] клятвы[3529] имать. Тем же кроме клятвы веру ими, но суть мнози рече, иже кроме клятвы изволиша лишити, с клятвою же не к тому прелщаеши себе человече. Человек красти научивыйся и ближняго обидети изволил бы и клятву попрати многажды. Аще же о еже клятися говел бы, о еже обидети много паче, но не волею ли сие страждет, тем же и прощения достоин.

Но что глаголю о клятвах сих, (л. 849)[3530] оставль сущих на торжищи, тамо бо ничто же таково имаши рещи. О десяти бо медницах клятвы бывают и клятвопреступления. Како бо грома трескновение свыше не сходит, како не вся превращаема бывают? Стоиши, обязуяся Богом, чесо убо ради да зелия оградная возмеши, да сапоги за малы сребреники, на свидетельство и призывая, да не убо елма не мучени есмы, не пщуем ниже согрешати. Сие человеколюбия есть Божия, а не нашея добродетели, кленися детищем твоим, кленися сам собою, рецы, да тако мучитель не настал бы на ребра моя, коли боишися. И убо ребр твоих (л. 849 об.)[3531] безчестнейши ли есть Бог, главы твоея худейши ли, реци сице, да не ослепею, но Христос убо тако нас щадит, яко возбраняти не клятися ни своею глаовою. Мы тако не щадим славы Божия, яко везде его влещи, яко худое нечто, еже аще клятвы ради и лишимся Его. Можем без Него пребыти, и аще без Него пребудем, разумей, где будем. Не со онем ли, иже лжи отец именуется и есть?

Дата добавления: 2015-08-02