На литургии тропари.

Глас 1

Камени запечатану от иудей, и воином стрегущим Пречистое Тело Твое, воскресл еси Тридневный Спасе, даруяй мiрови жизнь. Сего ради силы небесныя вопияху Ти Жизнодавче: Слава Воскресению Твоему, Христе: слава Царствию Твоему: слава смотрению Твоему, Едине Человеколюбче.

Тропарь, глас 4

Заступница усердная, Мати Господа Вышняго! За всех молиши Сына Твоего, Христа Бога нашего, и всем твориши спастися, в державный Твой покров прибегающим. Всех нас заступи, о Госпоже, Царице и Владычице, иже в напастех, и в скорбех, и в болезнех обремененных грехи многими, предстоящих и молящихся Тебе умиленною душею и сокрушенным сердцем пред пречистым Твоим образом со слезами, и невозвратно надежду имущих на Тя, избавления всех зол, всем полезная даруй, и вся спаси, Богородице Дево: Ты бо еси Божественный Покров рабом Твоим.

Тропа́рь, гла́съ 4:

П роро́че и Предте́че прише́ствія Христо́ва, досто́йно восхвали́ти тя́ недоумѣ́емъ мы́, любо́вію чту́щіи тя́: непло́дство бо ро́ждшія и о́тчее безгла́сіе разрѣши́ся сла́внымъ и честны́мъ твои́мъ рождество́мъ, и воплоще́ніе Сы́на Бо́жія мíрови проповѣ́дуется.

Тропарь святых, глас 8:

Якоже плод красный Твоего спасительнаго сеяния, земля Русская приносит Ти, Господи, вся святыя, в той просиявшия. Тех молитвами в мире глубоце Церковь и страну нашу Богородицею соблюди, Многомилостиве.

Кондак, глас 1:

Воскресл еси яко Бог из гроба во славе, и мiр совоскресил еси, и естество человеческое яко Бога воспевает Тя, и смерть исчезе: Адам же ликует Владыко, Ева ныне от уз избавляема радуется зовущи: Ты еси, Иже всем подая Христе воскресение.

Конда́къ, гла́съ 3.

П ре́жде непло́ды дне́сь Христо́ва Предте́чу ражда́етъ, и то́й е́сть исполне́ніе вся́каго проро́чества: Его́же бо проро́цы проповѣ́даша, на Сего́ во Іорда́нѣ ру́ку положи́въ, яви́ся Бо́жія Сло́ва проро́къ, проповѣ́дникъ, вку́пѣ и Предте́ча.

Слава…
Днесь лик святых, в земли нашей Богу угодивших, предстоит в Церкви и невидимо за ны молится Богу. Ангели с ним славословят, и вси святии Церкве Христовы ему спразднуют, о нас бо молят вси купно Превечнаго Бога.

И ныне…

Притецем, людие, к тихому сему и доброму пристанищу, скорой Помощнице, готовому и теплому спасению, покрову Девы. Ускорим на молитву, и потщимся на покаяние: источает бо нам неоскудныя милости Пречистая Богородица, предваряет на помощь, и избавляет от великих бед и зол, благонравныя и богобоящияся рабы Своя.

Прокимен, глас 1: Буди, Господи, милость Твоя на нас, якоже уповахом на Тя.

Проки́менъ, гла́съ 7: Возвесели́тся пра́ведникъ о Го́сподѣ* и упова́етъ на Него́.

Дата добавления: 2015-09-06