О родстве убо сице 14 страница

Святаго Вселенскаго собора 6-го правило 20.

Епископ[3941] во ином граде в народе да не учит. Аще же обрящется, да престанет от епископьства и презвитерская действует.

Толкование.

Епископ во ином граде в народе уча, понеже гордости и буести ради преобидит ту сущаго (л. 956)[3942] епископа, яко тщася посрамити и уничижити и чюждии престол себе обручити по достоянию да престанет таковый от епископства, иже бо чюждих желает, своих лишен будет и на презвитерское место свести того и презвитерская да действует. И назнаменай се когда епископ на презвитерское место сводится, ибо 29 правило Халкидонскаго собора святотатство отнюдь нарицает, еже епископа на презвитерскии свести степень. И имей сие правило преболше вселенскаго оного правила.

И написав сия святыя правила, отослал Никон Патриарх к бояром и властям. А Газскии (л. 956 об.)[3943] митрополит, как услышил таковыя святыя правила, почал как бешеный кричать нелепым гласом по латине. И Никон Патриарх говорил: Всяко древо зло и плод его зол, рече Господь. Рабе лукавый, от уст твоих сужду тя, яко неси православен понеже и языком латинским блядословиши нас.

И к тому Патриарх не приложил говорить к нему, а Астраханской ничево иново не говорил, разве сего: был ты нам отец, а стал пуще вотчима. А архимарит Богоявленской говорил: Я де тебя старее сам в попех и ины бранныя нелепые слова. (л. 957)[3944] Да боярин же князь Никита говорил Никону Патриарху: Что де ты отчитаешь государя от христианства. И Никон патриарх: буде хошь о том ведать, и аз дам, написав. И боярин говорил против того: Как де у тебя и язык тот воротится говорить, не стерпит де тебе Бог. Добро бы де ты в келье посидел, так бы де ты смирнее был. И Патриарх Никон говорил: Не точию от злодейства вашего в келье готов правды ради сидеть, но и умрети готов есмь. Да боярин же говорил: Ты де уж и сам бывшей Патриарх. Почему бывшей? Да ведь де ты (л. 957 об.)[3945] оставил уж патриаршество. И Патриарх говорил: Патриаршества не оставливал и святительства, злобы ради вашея отшел, дая место гневу, по писаному, исполняя заповедь Христову: Егда гонят вы во граде сем, бегайте во другии. Аминь, глаголю вам, не имате скончати грады Израилевы, дондеже приидет сын человеческии.

Несть[3946] ученик над учителем своим, ниже раб над господином своим. Довлеет ученику, да будет яко учитель его и раб яко господь его. Аще господина дому Веелзевула нарекоша, колми паче домашняя его, не убойтеся убо их. (л. 958)[3947] И паки инде рече Господь: Оставите их, вожди суть слепии слепцем. Слепец же слепца аще водит, оба в яму впадетася[3948]. И паки[3949]: И иже аще не приимет вас, ниже послушает словес, исходяще из дому или из града того, отрясете прах ног ваших. Аминь, глаголю вам, отраднее будет земли Содомстей и Гоморстей в День Судный, неже граду тому. И паки инде рече: А не веруяй, уже осужен есть. Во[3950] грядущую ж суботу мало не весь град собрася послушати слово Божие. Видевше июдее народ, исполнишася зависти и вопреки глаголаху глаголемым от Павла, сопротив глаголюще и хуляще. Они же, отрясше (л. 958 об.)[3951] прах от ног своих на них, приидоша во Иконию. И аще нас вины ради благословныя отшествие сотворим, бывшим Патриархом порицаете, то уже и законоположника нашего Господа Бога и Спаса нашего Иисуса Христа укоряете нас ради. Множицею отходя зависти жидовския, от пелен убо бегун является Иродова злобесия[3952]. Отшедшим же волхвом се аггел Господень во сне явися Иосифу, глаголя: Востав, поими отроча и матерь его и бежи во Египет, и буди тамо, дондеже реку ти. о ком се писано?

И паки слышав Иисус[3953], яко Иоанн предан бысть, отъиде в Галилею, (л. 959)[3954] оставль Назарет. Кто се есть?

И исполнишася вси ярости в сонмищи и слышавше сия, восташа, изгнаша его вон из града и ведоша его до верху горы, на ней же град их создан бяше, да быша, его низринули. Он же, прошед посреде их, идяше. О ком се речеся?

И[3955] хождаше Иисус по сих в Галилеи, не хотяше бо во Июдеи ходити, яко искаху его июдеи убити, взяша камение да вергут на нь. Иисус же скрыся, изыде из церкве, прошед посреде их и мимо хождаше тако. И искаху убо паки яти его, изыде от рук их и иде паки на он пол Иордана на место, идеже бе (л. 959 об.)[3956] Иоанн крестя. И пребысть ту. И паки рече учеником своим: Востанете, идем отсюду.

Кто паче Петра от самого Бога свидетельствован, камень веры, на нем же созда Господь церковь свою, ей, рече, врата адова не одолеют. Ключарь Царства Небеснаго, и его же свяжеши, рече, на земли, будет связан на небеси, и его же разрешиши на земли, будет разрешен на небеси. И[3957] сей разрешен аггелом, от юз ис темницы избеже.

Кто же ли паче Павла, самим Богом свидетельствован, сосуд избранный, иже до третияго небеси восхищен и слышав глаголы неизре(л. 960)ченныя[3958], их же не леть есть человеку глаголати. И сей, свешен в кошнице от ученик, из Дамаска избеже. И яко же бысть стремление языком со июдеи к началники их досадити и камением побити их. Уведевше же, прибегоста во грады Ликаонския.

Еда и сии бегства ради от злобы бывшие вам, а не и ныне, Христос Бог вам есть Бог, такоже и апостоли, бывшия вам, апостоли.

Почто ныне бывшим, а не от исперва вшед к нам? И почто благословение наше от исперва добро и благоприятно бысть и быв сам у нашего благословения, ныне порицаешь? Якоже благословение наше (л. 960 об.)[3959] от исперва было праведно и добро, да неблагословение наше пребудет на вас твердо. Видели есте и сами, как мы в татарской сполох на Москве и у царскаго величества были, ни в чем перед прежним неизменно, ведая наше неповинное отхождение. Такожде и царь и царица и царевич и царевны у благословения были, и вы, бояря, вси, нихто ни в чем не пороча.

И святаго Сардикийскаго собора правило 19.

Бес[3960] правды епископ изгнан, аще и в чюждем пределе пребывает, приятен бывает, дондеже досаждение мимо идет.

Толкование.

От буести и гордости возбраняюще (л. 961)[3961] святии отцы, повелеша епископом в реченное время во инех епископиях пребывати. Аще же некии епископ исповедания ради чистыя нашея веры или понеже бе поборник истине, рекше противяся властелем, не творящим истины, и того ради от своего града изгнан быв и в другии град приидет, не возбранится ту пребывати ему, дондеже примирение обрести возможет и пременение бывшаго на нем досаждения.

Боярин же говорил Патриарху: Даешь де руку свою целовать всяким людем по церкви, и то де худо ты делаешь. И Патриарх говорил: Хто тебе про то велел (л. 961 об.)[3962] говорить, государь ли царь или ты сам о себе? И боярин сказал: Мне де велел государь говорить. И Патриарх: Да почто царь сам поповы руки целует, которые нами посвящены и ко благословению приходя, и сам главу свою преклоняет? Мы тому чюдимся. Про что царь архиереом, иереом нудит руки своя целовать? Не суть архиерей, ни иерей, аще и ему, государю, за премногую его гордость мнится священство менши царства. Познает тогда различие царьства и свяшеньства, егда познани будем от нелицемернаго судии Христа и Бога нашего.

Да боярин же князь Никита Адо(л. 962)евской[3963] с товарыщи говорил: Велел де тебе великии государь царь сказать, что хочет де тебя Иван Сытин зарезать. И Патриарх говорил: Царие от Бога поставляются на отмщение злодеем, а он, государь, ведая Ивана Сытина воровство, не точию не уймет, аще вам велел и сказать про ево воровство. Изволит государь кого ни попустит, то по его государеву такой потачке зделают. Толко Патриарх гроз тех не боится, по писанному: Не убойтеся, рече, от убивающих тело, души же не могущих убити. И прочее. Аще есть у тебя таковое повеление от царя, еже убити мя, убивай. (л. 962 об.)[3964] Се и место покажу ти, идеже нож или меч водрузити. И боярин молвил: Есть де у великого государя на то таковския люди. Да Патриарх же бояром говорил: Бил челом государю много, на мене, Патриарха, Иван Сытин ложно, будто землею его, Ивановою, завладел многою, будто я велел его, Ивана, убить, и будто человека его, Иванова, велел повесить, и людей его, Ивановых, патриарши крестяня били и грабили по моему веленью, и будто мужика его, Иванова, велел силно из-за него, Ивана, своим рожественским крестьяном. И государь (л. 963)[3965] присылал для того нарочно околничего своего Осипа Сукина да дьяка Василья Брехова и велел Патриарху говорить, чтоб я, Патриарх, во всем с Ываном Сытиным зделался и впредь от Ивана никакова бы на Патриарха челобитья не бывало. А будет я, Патриарх, не зделаюсь с Ываном Сытиным, и государь де укажет прислать два приказа стрелцов и велит зделку учинить по своему государеву указу. А как зделку делать укажет государь, того не сказал. И Патриарх говорил: Божии есмь и царя вашего не боюсь. Аще убити мя хощет, да убиет. Не мое (л. 963 об.)[3966] слово се, апостольско. Мне убо еже жити есть Христос, а умрети приобретение есть. Аще и не ныне умрем, умрем же всяко. Воспоминаю страсти Христа моего, якоже учит великии Златоуст, елика пострада нашего ради спасения Господь наш Иисус Христос[3967], и не содрогаюся. И самарянина того нарицаху, ови же беснующася, иже пророка, инии глаголаху, яко сей человек ядца и винопиица, друг мытарем и грешником, инии же о князя бесовстем изгонит бесы, инии же льстец он рече. Что же ли, егда ведоша его низринути, о чюдесе, (л. 964)[3968] от ученика проданна, связана, яко злодея того ведяху и на лице его плеваху и заушение ему даяху, тростию по главе бияху и хламидою поругания одеваху, и тернием того венчаху, нага того водяху, на крест со злодеи вменен бысть, желчи того напояху, и припадаху на ругающеся, покивающе главами своими и всяк вид поругания ему деяще. И не погребен, наг, лежаше, и воскресение его облыгаху, и лукавно на нь глаголаху, яко ученицы его украдоша. Аз же кто есмь, еже не послушати Господа своего, заповедавшаго не боятися от убивающих тело. Что ли Господу нашему (л. 964 об.)[3969] Иисусу Христу жидове не сотвориша и святым его апостолом?

Таже Газской митрополит да архиепископ Астраханской говорили, полно де тебе служить. И Патриарх говорил: Не от вас приял благодать сию, не должен есмь всих и послушати вас, чрез правила святых мудрствующих. Повелеваем де и манатью тебе и клобук архиерейской не носити. И Патриарх говорил: З Господа нашего Иисуса Христа жидове обычную ризу совлекше и облекше его в препряду поругания, и вместо царска венца венцем терновым венчаша его. И поругавшиеся погибоша. Господу же (л. 965)[3970] нашему Иисусу Хрситу вменяшеся в правду и бысть царь вечный. Многим о Христе пострадавшим апостолом и священномучеником не точию риз подобных совлекше, но и кожи содраша, и телеса на уды содробиша, обаче сугубо священницы нарекошася от Бога и человек. И аще кто не возмет креста своего и вслед Мене нейдет, несть Мене достоин. И пред владыки же и цари ведени будете, и аще от мира бысте были, мир убо свое любил бы. И паки рече: Поминайте слово Божие, еже Аз рех. Несть раб более Господа своего, аще Мене изгнаша и вас изжденут. И аще слово Мое соблюдут, (л. 965 об.)[3971] и ваше соблюдут, но сия вся творят вам за имя Мое.

Аз же Сытина Ивана ничим же не преобидех, ни его не велел убити, но он хощет мя убити, ни земли отнял у него, он отнял от возложенных Господеви, ни человека его велел повесить, сам человек его, убояся его Ивановых нестерпимых мук, повесился, ни людей его веле грабить, ни мужика его вывез, сам он, Иван, вклепался напрасно в нашего крестьянина из Старые Русы приписного Спаского монастыря. И государь тем моим словам не поверил и велел нарочно думному дворянину (л. 966)[3972] Ивану Баклановскому сыскать, и в сыску околние люди никакова лиха про нас не сказали. А в Уложенной книге написано, глава 22 статья 13: А[3973] которые воры чинят в людях смуту и затевают на многих людей своим воровским умышлением затеиныя дела, и таких воров за такое их воровство казнити смертию. А по государеву указу сыскано про Иваново воровство впрямь, что он поклепал всеми своими ложными челобитьи Патриарха. И государь никакова наказания не учинил, а в ыных статьях судных написано: Хто ково чем поклепает, и тому (л. 966 об.)[3974] то ж сотворити. И государева указу такому вору не было, никакова наказания за такое великое его воровство. Да где есть слобо Божие глаголанное[3975]: Да снабдят заповеди Господа Бога творити суд и правду чрез вся Божественыя законы. Государь царь изволил надо мною, смиренным, сам исцом быти по неправедным клеветником и ложным облогом и солгавшим ничто же сотвори за ложь их.

И того же дни ввечеру присылали бояре к Патриарху, чтоб прислать архимандрита и наместника и священников и дьяконов и братью для роспросу. И Патриарх сказал, что (л. 967)[3976] архимандрит человек священный и наместник священник. И по правилом священника менши 6 епископов нелзе испытать. А яже о нас творите испытание малыми людми, и то все люди беззаконные, мирским отнюдь епископов не судить, якоже правила святых возбраняют, а епископа всего зде два, и то един за его беззаконие ни за мирского человека достойно есть тако человека. Но елицы ему приобщаются вси по правилом, священныя извержены, а мирския отлучены да будут. И без нужди аше не повлечете архимарит и наместник и священники и дьяконы и братия не пойдут, но да збу(л. 967 об.)дется[3977] Писание, глаголющее[3978]: Прежде же сих всех возложат на вы руки своя и ижденут, предающе на сонмища и темница ведоми ко царем и владыкам. И паки: Пред воеводы же и цари ведени будете. Да боярин же и власти говорили: Ты де нас не христианы, жидами называешь. И Патриарх: Аз в вас христианства ничего не знаю, ни вижу, кроме беззакония и мучителства, дела ваши свидетелствуют. И Господу свидетелствующу к жидом: Аще дел не бых сотворил, их же никто же сотвори, греха не быша имели. Тако и вы, никое зло сотворих вам, хоще(л. 968)те[3979] мя и риз подобных совлещи и сослати и в келье затворити беззаконно. Не вем, что вам зло сотворше.

И того же дни ввечеру розослали по монастырю стрелцов, якоже обычай есть мучителем имать архимандрита и наместника и братию и роспрашивали з болшим пристрастием, грозя пытками и ссылками далними. И июля в 19 день в неделю в обедню присылали в церковь стрелцов священников имать и прежде отпуста литоргии мятеж в церкви во время моления на Евангелии учинили. А в Уложенной книге написано в первой главе: (л. 968 об.)[3980] 3 статья: А будет кто во время святыя литоргии и в ыное церковное пение, вшед в церковь Божию, учнет говорити непристойные речи Патриарху или митрополиту или архиепископу или епископу или архимариту или игумену и священническому чину, и тем в церкви Божественному пению учинит мятеж, а государю про то ведомо учинится и сыщется про то допряма, и тому безчиннику за ту его вину учинити торговая казнь.

Да в обедню же в Воскресение Христово детей боярских перехватали и в тюрмы за караулы крепкие посадили и никово не велели припускать.

(л. 969)[3981] Того же дни караул около всего монастыря поставили московских стрелцов и у патриарши кельи с мушкеты, с протазанами да з бердыши по тому чину, якоже жиды о Христе деяли.

Да Патриарх Никон, написав Газскому митрополиту, от заповедей Божиих и святых апостол и святых отец от правил, что он неподобно делает чрез Божественыя законы, в чюжей епархии служит и правление церковное деет, царю угождая. А по правилом святым таковый извержен есть Святою Троицею, и он никакова ответу не дал.

Июля же в 21 день били в колокол (л. 969 об.)[3982] на послушание братии кирпич вынимать ис печей. И бояря присылали к Патриарху думного дьяка Алмаза да архимарита Феодосия, а вшед в келью говорили: Не осуди де, что ко благословению не идем, ты де правишся тем, что мы ко благословению твоему ходим. И Патриарх говорил: Писано есть во псалмех: Не восхоте благословения да и удалится от него. И прочее, якоже писано есть там, да исполнится. И после того почал говорить: Слышили де мы, что ты хощешь к сараем ити кирпича носить, и тебе бы из монастыря не ходить, сидеть в келье. (л. 970)[3983] И патриарх говорил: Аз не точию в келье сидеть, но и умрети готов. И с тех мест, как пойдет патриарх к церкви или х каменному делу для досмотру, и за ним ходил десятник да десять человек стрелцов с ослопьем.

И того же месца в 28 день приходили боярин князь Никита Адоевской с товарыщи и власти и говорили з болшим шумом: Государь царь и власти велели тебе жить в Воскресенском монастыре, а кроме кельи да церкви никуда не ходить. И патриарх Никон говорил бояром: По государеву указу хотя в темницу готов есмь. Толко ты послушай святаго собора (л. 970 об.)[3984] в Константине[3985] граде во святей Софии, иже Седмый собор Вселенскии утверди,

Правило 3.

Аще[3986] который мирский человек епископа в темницу ввержет, или биет без вины, или сплет некую вину, да будет проклят.

А что июдейское сонмище беснуется, чрез Божественныя правила запрещают, мне того слушать не пристойно. И Газской сказал: есть и грамота с собора, велено тебе вычесть, и ты де выслушай. И патриарх: По которым правилом писана. И митрополит говорил: С собору писана, не от правил, и тебе бы де слушать. И патриарх говорил: Ведаю (л. 971)[3987] я и сам, что правил таких нет. А что они о себе вново такие ново творят законы, что патриарха посуждать своим ему митрополитом и епископом и рукоположения его, и таковые новые законы по 1-му правилу святаго Вселенскаго Седмаго собора да будут прокляты. Правила святых отец ни митрополита бес патриарха судити прощают, и епископа всею епархиею судити прощают, аще невозможно собратися всем менши 12 епископ, да свой ему митрополит. И они, аки изумленыя, все кричали и сами не ведают, что. Да напоследи боярин говорил, (л. 971 об.)[3988] указал де государь здесь быти голове стрелецкому и стрелцам для караулу. И патриарх против того говорил: Его государева воля, как он, государь, изволит. А мы, благодаря Бога, ради терпети. И с тем концом и все вон пошли, и седши в кореты, от монастыря все врознь вскачь поехали, кои коево выпередил. А после того неделю спустя и стрелцы московския все с караулов в обедню тайно сошли на гостин двор. Да в Преображениев день голова и с стрелцами рано и к Москве поехал.

Несть ли се гонение и беззаконие? За многие лета такова беззакония (л. 972)[3989] несть слышано. Господь Бог воздаст комуждо по делом руку его, якоже глаголет: Им же судом судите, осудитеся, и ею же мерою мерите, возмерится.

(л. 1013)[3990] (л. 1013)[3991] разсуждение и глаголет: Что тот, который бранит царя, а учинил ли то з глупости безумием. И яко безумием того надобно откинути или на милость положить потому, что то учинил или з болшой своей кручины, или то был обижен в правде своей, и для того достойно на милость положить и отпустить или противно достойно казнити смертию. А есть ли опозорение будет толко писана, а не объявлено, и кто ни есть сыщет то опозореное писание, а не бросит во огнь, чтоб изгорело, но станет честь и иным объявят. Право научает, чтоб тож терпел, что (л. 1013 об.)[3992] выше в правилех написано есть о смертной казни, которой смертной казни и тот достоин, которой позорное писмо писал на царя. Якоже выше солгал, окаянный, тако и ныне лжешь, а истины ничто не глаголешь, тот по правде, якоже ты, казни достоин. Претворяя, пишешь апостольские правила и казни смертныя вносишь, в них же таковыя злобы не именовалося.

Самая истина Христос пишет: Горе, рече, миру от соблазн. Но горе тому, им же соблазн приходит, лутче есть таковому обязати жерновный камень и потонути в мори, нежели соблазнити кого. (л. 1014)[3993] И другое писание: Аще око твое соблажняет, изми е и верзи от себе. И прочее.

Послушай толкования на апостольское то правило святых апостол, а не Матфея несведомого.

Толкование апостольскому правилу 84-му[3994].

Моисей[3995] ов закон рече, князю людей своих не речеши зла. И верховный апостол Петр[3996] царя чтити повелевает. И великии Павел[3997] молитися за царя повелевает и за вся сущыя в величестве, рекше во властьи, паче и еще тогда и неверни бяху. Досаждати убо цареви или князю всем возбарнено есть. Обличати же по достонянию несть возбранено. Аще (л. 1014 об.)[3998] и обличению словеса люта суща зело, на досаждение обличаемым вменяются, бес правды убо досаждати не оставляет правило, якоже от различия разумети. По правде же кто обличает царя или князя, несть достоин муки.

Тридесят же шестая грань шестьдесятных книг царских в 13 главе сице рече: аще кто речет зло на царя, повинен есть муце, но подобает о нем возвестити цареви. И аще будет скудостию ума изрек, не радя о нем, или от неистовства, да помилован будет. Аще ли и пообиден быв, да простится.

Видел ли, лжи спи(л. 1015)сателю[3999], како богоноснии святии отцы толкуют, глаголюще, досаждати убо цареви или князю всем возбранено есть, а не и архиереом. Обличати же по достоянию несть возбранено, аще и обличению словеса люта суща зело, на досаждение обличаемым вменяются, бес правды убо досаждати не оставляет правило, якоже от различия разумети. По правде же кто обличает царя или князя, несть муки достоин. Како же ты толкуешь смертию осуждати всех обличающих царя о неправде его? Мног лик уже собран зло пострадавшим у Господа, обличения ради неподобных дел царских (л. 1015 об.)[4000] злыми смертьми и муками скончавшихся. Иже[4001] молятся Господеви гласом великим, глаголюще: Доколе, владыко святый и истинный, не судиши и не мстиши крови нашея от живущих на земли?

Зри, не на мертвых молятся, но от живущих на земли. Аще бы на мимошедшия роды, не бы именовали от живущих на земли. Но что к ним Божественный ответ: Да почиют еще время мало, дондеже скончаются и клеврети их и братия их, хотящии избиени быти, якоже и тии, обачн не избежат и тии подобнаго тем воздаяния. Якоже инде пишет[4002]: И третии аггел излия фиял (л. 1016)[4003] свой на реки и на источники водныя и быша кровь. И слышах аггела воднаго, глаголюща: Преподобне еси Господи сый и бе, и преподобен, яко сия судил еси, зане кровь святых и пророк излияша. И кровь им дал еси пити, достойни бо суть. И слышах другаго, от олтаря глаголюща: Ей, Господи Вседержителю, истинни и прави суди твои. Четвертый аггел излия фиял свой на солнце и дано бысть ему опаляти человеки огнем. И опалишася человецы зноем великим и хулиша имя Божие, иже имать область на язвах их. И не покаяшася дати ему славы. И сия быша вся, яко от солнца в моровое поветрие, опалишася человецы зноем (л. 1016 об.)[4004] лютым, извну горяше, и никто же можаше тех уврачевати, и изомроша. А оставшии не даша славу Богу, но хулят имя Божие, да приложатся таковым и прочия последующия язвы.

А[4005] иже душа растесаных за свидетельство Иисусово и за слово Божие, воцарятся со Христом, на них же смерть вторая не имать области, но будут иереи Богу и Христу, им же сподоби Христе Боже подражателем и нам быти.

А еже о неправдах царских, кому любо и всякому обличати греха нет. Писано есть: И глаголах о свидении твоих пред цари и не стыдяхся. И Господь проповедает, глаголя: (л. 1017)[4006] Предадят[4007] бо ты в сонмища и на соборищах биени будете, и пред воеводы и цари ведени будете имени Моего ради. Егда[4008] же поведут вы предающе, не прежде пецетеся, что рецете или что возглаголете, ни поучайтеся, чтоб отвещевати. Аз бо вам дам уста и премудрость, ей же не возмогут противитися или отвещати вси противляющиися вам. Инде рече: Не[4009] пецетеся, како или что отвещаете или что речете. Святый бо Дух научит вы в той час, яже подобает рещи. И[4010] всяк, иже исповесть мя пред человеки, и сын человеческии исповесть его пред аггелы Божиими. А отвергиися Мене пред человеки, (л. 1017 об.)[4011] отвержен будет пред аггелы Божиими. И которая досада царем, аще кто правду ему извествует, а царь, возгордевся, не послушает, но и муки нанесет дерзостию на свидетеля. Не оного укорит или отмещется царь, но самого Бога отмещется. Слушаяй бо вас, рече, Мене слушает, и отметаяйся вас, Мене отметается. И не свидетеля слова обесщестит или убиет, но оного заповедавшаго не стыдетися, обесчестит или уязвит. Тии же по своему труду мзду сторичною приимут от Господа Бога и будут архиереи Богу и Христу, якоже выше есть писано. Ино убо дерзновение, ино дерзость (л. 1018)[4012] или гордость, дерзновение убо, еже аще кто сам волю творит и не творящим засвидетелствует творити. Аще ли кто не послушает единаго, тогда пред двема или тремя обличати со дерзновением, якоже и Христос повелевает: Дерзаите, Аз победих мир и не убоитеся бо их. И паки: Не убойтеся от убивающих тело. И прочее. И паки инде речеся: Проповедая Царствие Божие и уча, яже о Господе нашем Иисусе Христе, со всяким дерзновением невозбранно. Се есть дерзновение.

Дерзость же, еже кому разгордевся, не точию что заповеди Божия послушает, но и на создавшаго Бога (л. 1018 об.)[4013] возгордевся и проповедника слова Божия, дерзость приемше, или досадит или убиет.

Дерзостию[4014] разгордевся, денница спаде с небесе, сокрушися на земли. Рече бо во уме своем: На небо взыду и выше звезд небесных поставлю престол свой. Взыду выше облак и буду равен Вышнему. Ныне же снидеши во ад. О нем же и Христос свидетелствова: Видех, рече, сатану, яко молнию с небесе спадоша[4015]. Дерзновение же восприим архаггел Михаил, иже ко владыце благоразумие, яко слуга верный, видев отступника падшася. Собрав архаггельския лики, рече, вонмем и станем добре (л. 1019)[4016] пред сотворшим ны и не помыслим сопротивных на сотворшаго ны. Видяще сатану, что подья, и сущии с ним, доселе убо свет суще, ныне же быша тма. И сверже с небесе Михаил архаггел с прочими небесными силами, сатану и все бесовское множество. Якоже и Иоанн Богословец виде: И[4017] бысть брань на небеси. Михаил и аггели его брань сотвориша на змия. И змии брася и аггели его, и не возмогоша, ниже место их обретеся к тому на небеси.

Толкованье.

Сие мощно примерити и к первому диаволю испадению от аггельскаго чина за дерзость и гордыню, архистратигу Михаилу не терпящим (л. 1019 об.)[4018] в лепоту того своего сии с пребывания извергоша первее. Якоже глаголет Иезекииль: Яко от херувимов извержен бысть той из среды огненых камений, из небесных, мню, чинов, занеже обретошася в нем беззакония и неправды. В пришествии же Христове служащии ему после искушения, аки обесчещена раба паки возгнушася. Вестно же и се буди, якоже отцем возмнеся по содетелстве чювственаго мира. Сице гордостию и завистию низвержен бысть и в лепоту, не стерпе бо небо земнаго мудрования, якоже и во псалме пишет: Вражие оружие оскудеша вконец.

(л. 1020)[4019] Видел ли еси, како дерзость и гордыня от аггел в бесы претвори и от света во тму, от Божественныя славы в нищету вечную, от неизреченныя радости в муку бесконечную.

Тако и человецы, аще и царие и князи, дерзающе не в сущих своих, но гордящеся ныне множества людей, не избавятся богатством и гордостию, отправятся от праведнаго суда Божия, по писанному во псалмех: Егда умирая, не оставит ли вся, ниже снидет с ним слава его, яко душа его в животе его благословится, егда благо сотвориши.

Послушай к сим и о человечестей гордости (л. 1020 об.)[4020] и о дерзости. Адам[4021] и Ева не дерзости ли ради из рая изгнася? Аще не бы помыслили Бози быти, не бы вкусили от заповеданнаго им древа и вместо первыя богоданны одежди нази быша. Се есть дерзость.

Дерзостию[4022] или презорством Каин Богу дары принесе от вторых, а не от первых и обесчестися от Бога. Он же не точию о сем покаяся, приложи от дерзости и другое зло, и брата уби. Таже и третие, и Богу солга, рече, еда аз страж есмь брату своему. И что бысть ему, не невеси ты, какова мука прежде вечныя муки. Умучи того Бог, стеня и трясыйся вся (л. 1021)[4023] дни живота своего.

Такожде и о дерзновении не оставим тебе известити. Дерзновением принесе Авель жертву Богу от первородных овец его и от туков их, и призре Господь на Авеля и на дары его. Зри дерзость и дерзновение. И рече Каин ко Авелю, брату своему: Пойдеве убо на поле. Се есть дерзость. И иде Авель, яко овча незлобивое, последуя убийце брату своему. Се есть дерзновение. И бысть внегда быти им на поле и уби его. Дерзостию[4024] Ламех уби Каина и отмстися семьдесят седмерицою. От[4025] таковыя дерзости осквернися земля пред Богом и наполнися не(л. 1021 об.)правды[4026]. И виде Бог землю, иже бе осквернена, яко оскверни всяка плоть путь свой на земли. И рече Господь Ною: Время всякого человека прииде пред Мя, яко наполнися земля неправдою от них. И се Аз разсыпаю землю[4027]. И наведе Господь потоп на землю, и умре всяка плоть движущаяся по земли.

Дерзновением[4028] Ной сотвори ковчег, якоже заповеда ему Господь Бог во спасение себе и дому своему. Дерзостию[4029] сотвориша безумни человецы столп на земли, их же разсея Господь по лицу всея земли. Дерзновением[4030] Евер не приступи совету Немирову созидати столп, от него благословении людие изыдоша (л. 1022)[4031] и нарекошася евреи. Дерзновением[4032] Авраам послушал Господа, изыде от роду своего и от дому отца своего и бысть ему внити во Египет глада ради. Дерзостно[4033] видевше египтяне жену его, яко добра бяше зело. Видеша ю князи фараони и похвалиша ю фараону, и введоша ю в дом фараонов, и хотяше ю фараон онасиловати, и не попусти ему Бог, и мучи его великою мукою, дондеже ударив, отпусти ю. Дерзостию[4034] Авимелех, царь Герарский, взят у Авраама Сарру красоты ради ея, и не попусти ему Бог осквернити ю. Явися Авимелеху (л. 1022 об.)[4035] Бог во сне, заповедая не прикоснутися ей. Аще ли прикоснется, смертию умреши ты и все твое. Воста же рано, Авимелех призва отроки своя и глагола им словеса сии во уши их. Убояша же ся вси человецы зело. И возва Авимелех Авраама и рече ему: Что еси сотворил нам, еда что согрешихом тебе, да возложи на мя грех и на царство мое велик зело. И дело, его же никто же сотвори, ты сотвори, что умыслил еси сотворити се. Рече же Авраам, рекох: Еда несть юоязни Божия в месте сем, да мя убиют жена моея ради. И отпусти ю корыстию многою (л. 1023)[4036] ко Аврааму, мужу ея.

Дерзновением[4037] Авраам от Бога обетование прият, отец многим языком наречеся. Дерзновением[4038] Авраам с 318 домочадцы победи 5 царей 300000. Дерзновением[4039] верова Авраам Богу и вменися ему в правду и друг Божии наречеся. Дерзновением[4040] Авраам Богу в дому своем прият, аки любимаго гостя учреди. Дерзновением[4041] приступив Авраам Господу, рече: Погубиши ли праведнаго с нечестивыми и будет праведный яко нечестивый. Аще есть и праведных во граде, погубиши я, не оставиши ли всякому граду и (л. 1023 об.)[4042] праведных ради, аще суть в нем. Никако же сотвориши по словеси сему, еже убити праведнаго с нечестивыми и будут праведнии яко нечестивии. Никако же ты судия земли не сотворити суд. И рече Господь: Аще обрящется в Содомех 50 праведных, оставлю весь предел тех ради. И отвеща Авраам: Ныне начах глаголати ко Господу моему, аз есмь земля и пепел. Да аще будет от 50 праведных 45 погубиши ли 45 ради праведных весь град? И рече: Не погублю, аще обрящу ту 45. И приложи еще глаголати к нему и рече: Аще обрящутся ту 40. И рече: Не погублю, аще обрящутся 40. (л. 1024)[4043] И рече: Елма же Господи имам глаголати, аще обрящутся их 30. И рече5 Не погублю 30 ради. И рече: Да что есть глаголю, Господи, аще обрящется их 20. И рече: Не погублю 20 ради. И рече: Еда, Господи, что аще глаголю единою еще, аще обрящутся их ту 10. И рече: Не погублю 10 ради. Отъиде же Господь, яко сконча глаголя ко Аврааму. Се есть дерзновение.

Дата добавления: 2015-08-02