Тармақ бойынша. Сараптама тергеушінің тапсырмасы бойынша жүргізілген жағдайларда

Сараптама тергеушінің тапсырмасы бойынша жүргізілген жағдайларда сарапшының қорытындысы оны сот немесе сотқа шақырылған сарапшы жариялағаннан кейін сот талқылауында дәлелдеме ретінде пайдаланылады.

Егер алдын ала тергеу сатысында іс бойынша сараптама жүргізілген болса, тергеушінің тапсырмасы бойынша сарапшының шешкен мәселелеріне ұқсас мәселелерді сот соның алдына қоюға және зерттеу үшін дәл сол материалдар шеңберін анықтауға құқылы. Бірақ соттың тапсырмасы бойынша жүргізілетін сараптама бұдан қайталама болып кетпейді, ол – дербес сот сараптамасы және сондықтан да оны сот қаулысының негізінде жүргізуге болады.

Сотта сараптама жүргізудің алдын ала тергеу кезінде тергеу жүргізуден белгілі бір артықшылығы бар, ол сот процесінің тікелей сипатта болатындығына байланысты, яғни сарапшы заттай дәлелдемелердің пайда болуының және оларда болған әр түрлі өзгерістер себептерінің мән-жайларын, салыстырмалы үлгілерді іріктеу жағдайлары туралы және т. б. анықтай алады. Осының нәтижесінде сарапшының алдына қойылған мәселелерді шешу мүмкіндігі айтарлықтай кеңейеді және оның шынайылығы арта түседі.

Сот сараптамасын жүргізудің мерзімдері зерттеудің күрделілігі ескеріліп, ведомстволық нұсқаулықтарда жіктеліп белгіленеді және 3 сағаттан 20 күнге дейінгі уақытты құрайды – кешенді, соның ішінде ведомствоаралық сараптама үшін. Егер сараптама жасау көп уақыт бөлуді қажет ететін болса, сараптама жасаудың нақты мерзімін судьямен келіскеннен кейін, сарапшының ұсынысы бойынша сот сараптамасы органының басшысы белгілейді.

Сараптамалық зерттеу – сараптамаға ұсынылатын объектілерді зерттеу процесі. Ол жеке міндеттердің сипаты бойынша айырмашылықтары бар, қисынды түрде бір‑біріне ауысатын сатылардан тұрады:

- дайындық сатысы;

- сот сараптамасы объектілерін жекелеп зерттеу сатысы;

- салыстырмалы зерттеу сатысы;

- зерттеу нәтижелеріне және сарапшының тұжырымдарына баға беру сатысы.

Дата добавления: 2015-07-16