Священник тайно: Помяни́, Го́споди, град сей, в не́мже живе́м и вся́кий град и странý и ве́рою живýщих в них. Помяни́, Го́споди, плáвающих, путеше́ствующих, недýгующих, стрáждущих, плене́нных, и спасе́ние их. Помяни́, Го́споди, плодонося́щих и добротворя́щих во святы́х Твои́х цéрквах и поминáющих убóгия и на вся ны ми́лости Твоя́ низпосли́
Священник: И даждь нам еди́неми усты́ и еди́нем се́рдцем слáвити и воспевáти пречестно́е и великоле́пое И́мя Твое́, Отцá и Сы́на и Святáго Дýха, ны́не и при́сно и во ве́ки веко́в.
Хор: Ами́нь.
Священник: И да бýдут ми́лости Вели́каго Бо́га и Спáса нáшего Иисýса Христá со все́ми вáми.
Хор: И со дýхом твои́м.
Просительная ектения
Диакон: Вся святы́я помянýвше, па́ки и па́ки ми́ром Го́споду помо́лимся.
Хор: Го́споди, поми́луй.
Диакон: О принесе́нных и освяще́нных Честны́х Даре́х Го́споду помо́лимся.
О изба́витися нам от вся́кия ско́рби, гне́ва и ну́жды Го́споду помо́лимся.
Священник тайно: Тебе́ предлагáем живо́т наш весь и наде́жду, Влады́ко Человеколю́бче, и про́сим, и мо́лим, и ми́ли ся дéем: сподо́би нас причасти́тися Небе́сных Твои́х и Стрáшных Тáин, сея́ свяще́нныя и духо́вныя Трапéзы, с чи́стою со́вестию, во оставле́ние грехо́в, в проще́ние согреше́ний, во обще́ние Дýха Святáго, в насле́дие Цáрствия Небе́снаго, в дерзнове́ние е́же к Тебе́, не в суд или́ во осужде́ние.
Заступи́, спаси́, поми́луй и сохрани́ нас, Бо́же, Твое́ю благода́тию.
Дне всего́ соверше́нна, свя́та, ми́рна и безгре́шна у Го́спода про́сим.
Хор: Пода́й, Го́споди.
А́нгела ми́рна, ве́рна наста́вника, храни́теля душ и теле́с на́ших у Го́спода про́сим.
Проще́ния и оставле́ния грехо́в и прегреше́ний на́ших у Го́спода про́сим.
До́брых и поле́зных душа́м на́шим и ми́ра ми́рови у Го́спода про́сим.
Про́чее вре́мя живота́ на́шего в ми́ре и покая́нии сконча́ти у Го́спода про́сим.
Христиа́нския кончи́ны живота́ на́шего, безболе́знены, непосты́дны, ми́рны, и до́браго отве́та на Стра́шнем Суди́щи Христо́ве про́сим.
Соединéние вéры и причáстие Святáго Дýха испроси́вше, сáми себé, и друг дрýга, и весь живо́т наш Христý Бо́гу предади́м.
Хор: Тебе́, Го́споди.
Священник: И сподо́би нас, Влады́ко, со дерзнове́нием, неосужде́нно сме́ти призывáти Тебе́, Небе́снаго Бо́га Отцá, и глаго́лати:
Хор или диакон, с народом: О́тче наш, И́же еси́ на Небесе́х, / да святи́тся И́мя Твое́, да прии́дет Ца́рствие Твое́, / да бу́дет во́ля Твоя́, я́ко на Небеси́, и на земли́. / Хлеб наш насу́щный даждь нам днесь; / и оста́ви нам до́лги на́ша, я́коже и мы оставля́ем должнико́м на́шим; / и не введи́ нас во искуше́ние, / но изба́ви нас от лука́ваго.
Священник: Я́ко Твое́ есть Ца́рство, и си́ла, и сла́ва, Отца́, и Сы́на, и Свята́го Ду́ха, ны́не, и при́сно, и во ве́ки веко́в.
Дата добавления: 2015-08-21; просмотров: 64 | Нарушение авторских прав
| <== предыдущая страница | | | следующая страница ==> |
| Хор: Ами́нь. | | | Хор: Ами́нь. |