Хор: Аллилу́ия, аллилу́ия, аллилу́ия.

Аллилуиарий Воскресные, восьми гласов.

Глас 1Аллилуия: Бог дая́й отмще́ние мне: и покори́вый лю́ди под мя.

Стих: Велича́й спасе́ния царе́ва, и творя́й ми́лость христу́ Своему́ Дави́ду, и се́мени Его́ до ве́ка.

Глас 2Аллилуия: Услы́шит тя Госпо́дь в день печа́ли, защи́тит тя и́мя Бо́га Иа́ковля.

Стих: Го́споди, спаси́ царя́, и услы́ши ны, во́ньже а́ще день призове́м Тя.

Глас 3Аллилуия: На Тя Го́споди, упова́х, да не постыжу́ся во ве́к.

Стих: Бу́ди ми в Бо́га Защи́тителя, и в дом прибе́жища, е́же спасти́ мя.

Глас 4Аллилуия: Наляцы́ и успева́й, и ца́рствуй и́стины ра́ди, и кро́тости и пра́вды.

Стих: Возлюби́л еси́ пра́влу, и возненави́дел еси ́беззако́ние.

Глас 5Аллилуия: Ми́лости Твоя́ Го́споди во век воспою́, в род и род возвещу́ и́стину Твою́ усты́ мои́ми.

Стих: Зане́ рекл еси́: во век ми́лость сози́ждется, на небесе́х угото́вится и́стина Твоя́.

Глас 6Аллилуия: Живы́й в по́мощи Вы́шняго, в кро́ве Бо́га Небе́снаго водвори́тся.

Стих: Рече́т Го́сподеви: засту́пник мой еси́, и прибе́жище мое́, Бог мой и упова́ю на Него́.

Глас 7Аллилуия: Бла́го есть испове́датися Го́сподеви, и пе́ти и́мени Твоему́ Вы́шний.

Стих: Возвеща́ти зау́тра ми́лость Твою́, и и́стину Твою́ на вся́ку нощь.

Глас 8Аллилуия: Прииди́те, возра́дуемся Го́сподеви, воскли́кнем Бо́гу спаси́телю на́шему.

Стих: Предвари́м лице́ Его́ во испове́дании, и во псалме́х воскли́кнем Ему́.

В пяток Аллилуия, глас 1: Помяни́ сонм Твой, его́же стяжа́л еси́ испе́рва.

Стих: Бог же царь наш пре́жде ве́ка, соде́ла спасе́ние посреде́ земли́.

В субботуАллилуия, глас 4: Воззва́ша пра́веднии, и Госпо́дь услы́ша их, и от всех скорбе́й их изба́ви их.

Стих: Мно́ги ско́рби пра́ведным, и от всех их изба́вит я Госпо́дь.

Святым.

Безплотным Силам. Аллилуия, глас 5: Хвали́те Го́спода вси Ангели Его, хвали́те Его́ вся Си́лы Его́.

Стих: Яко Той рече́, и бы́ша: Той повеле́, и созда́шася.

Апостолам Аллилуия, глас 1: Испове́дят небеса́ чудеса́ Твоя́ Го́споди, ибо и́стину Твою́ в це́ркви святы́х.

Стих: Бог прославля́емь в сове́те святы́х.

пророком Аллилуия, глас 5: Моисе́й и Ааро́н во иере́ех Его́, и Саму́ил в призыва́щих и́мя Его́.

Стих: Све́т возсия́ пра́веднику, и пра́вым се́рдцем весе́лие.

Святителю Аллилуия, глас 2: Уста́ пра́веднаго поуча́тся прему́дрости, и язы́к его́ возглаго́лет суд.

Стих: Зако́н Бо́га его́ в се́рдце его́, и не за́пнутся сто́пы его́.

Святителей Аллилуия, глас 2: Свяще́нницы Твои́ облеку́тся в пра́вду, и преподо́бнии Твои́ возра́дуются.

Преподобных, и Христа ради юродивых Аллилуия, глас 6: Блаже́н му́ж, боя́йся Го́спода, в за́поведех Его́ восхо́щет зело́.

Стих: Си́льно на земли́ бу́дет се́мя его́.

МученикаАллилуия, глас 4: Пра́ведник я́ко фи́никс процвете́т, я́ко ке́др, и́же в Лива́не, умно́жится.

Стих: Насажде́ни в дому́ Госпо́дни, во дво́рех Бо́га на́шего процвету́т.

Мучеников Аллилуия, глас 4: Воззва́ша пра́веднии, и Госпо́дь услы́ша их, и от всех скорбе́й их изба́ви их.

Стих: Мно́ги ско́рби пра́ведным, и от все́х их изба́вит я Госпо́́́́́́́́́́́дь.

Святых мучениц Аллилуия, глас 1: Терпя́ потерпе́х Го́спода, и вня́т ми, и услы́ша моли́тву мою́.

За мертвыя. Аллилуия, глас 8: Блаже́ни я́же избра́л и прия́л еси́ Го́споди, и па́мять их в род и род.

Креста Аллилуия глас 1: Помяни Сонм Твой, его же стяжал еси исперва

Стих: Бог же Царь наш прежде века, содела спасение посреде земли

Молитва перед чтением Евангелия:

Священник тайно: Возсия́й в сердцáх на́ших, Человеколю́бче Влады́ко, Твоего́ богоразу́мия нетле́нный Свет, и мы́сленныя нáши отвéрзи о́чи, во ева́нгельских Твои́х проповéданий разуме́ние; вложи́ в нас и страх блаже́нных Твои́х за́поведей, да, плотски́я пóхоти вся попра́вше, духо́вное жи́тельство прóйдем, вся, я́же ко благоугожде́нию Твоему́, и мýдрствующе, и де́юще.

Ты бо еси́ Просвеще́ние душ и теле́с на́ших, Христе́ Бо́же, и Тебе́ сла́ву возсыла́ем, со Безнача́льным Твои́м Отце́м, и Всесвяты́м и Благи́м и Животворя́щим Твои́м Ду́хом, ны́не и при́сно, и во ве́ки веко́в. Ами́нь.

Священник: Прему́дрость! Про́сти! Услы́шим Свята́го Ева́нгелия. Мир всем.

Хор: И ду́хови твоему́.

Диакон: От Матфе́я (Ма́рка, Луки́, или Иоа́нна) Свята́го Ева́нгелия чте́ние.

Дата добавления: 2015-08-21