|
Читайте также: |
Во Ца́рствии Твое́м помяни́ нас, Го́споди, / егда́ прии́деши во Ца́рствии Твое́м.
Блаже́ни ни́щии ду́хом, / я́ко тех есть Ца́рство Небе́сное.
Блаже́ни пла́чущии, / я́ко ти́и уте́шатся.
Блаже́ни кро́тции, / я́ко ти́и насле́дят зе́млю.
Блаже́ни а́лчущии и жа́ждущии пра́вды, / я́ко ти́и насы́тятся.
Блаже́ни ми́лостивии, / я́ко ти́и поми́ловани бу́дут.
Блаже́ни чи́стии се́рдцем, / я́ко ти́и Бо́га у́зрят.
Блаже́ни миротво́рцы, / я́ко ти́и сы́нове Бо́жии нареку́тся.
Блаже́ни изгна́ни пра́вды ра́ди, / я́ко тех есть Ца́рство Небе́сное.
Блаже́ни есте́, егда́ поно́сят вам, / и изжену́т, и реку́т всяк зол глаго́л на вы лжу́ще Мене́ ра́ди.
Ра́дуйтеся и весели́теся, / я́ко мзда ва́ша мно́га на Небесе́х.
Малый вход (с Евангелием)
Молитва входа
Священник тайно: Влады́ко, Го́споди Бо́же наш, уста́вивый на Небесе́х чи́ны и во́инства А́нгел и Арха́нгел в служе́ние Твоея́ сла́вы! Сотвори́ со вхо́дом на́шим вхо́ду святы́х А́нгелов бы́ти, сослужа́щих нам и сославосло́вящих Твою́ бла́гость. Я́ко подоба́ет Тебе́ вся́кая сла́ва, честь и поклоне́ние, Отцу́ и Сы́ну и Свято́му Ду́ху, ны́не и при́сно и во ве́ки веко́в. Ами́нь.
Священник (благословляя): Благослове́н вход святы́х Твои́х, всегда́, ны́не и при́сно и во ве́ки веко́в. Диакон: Прему́дрость! Про́сти!
В дни Великих Господских праздников диакон после «Прему́дрость! Про́сти!» возглашает также входной стих.
Входное воскресное
Хор: Прииди́те, поклони́мся и припаде́м ко Христу́. Спаси́ ны, Сы́не Бо́жий // воскресы́й из ме́ртвых, пою́щия Ти: аллилу́ия.
В будние дни — // во святы́х Ди́вен сый, пою́щия Ти: аллилу́ия.
В попразднство Рождества Христова — // Рожде́йся от Де́вы, пою́щия Ти: аллилу́ия.
Богоявления — // во Иорда́не крести́выйся, пою́щия Ти: аллилу́ия.
Вознесения Господня — // Вознесы́йся во сла́ве, пою́щия Ти: аллилу́ия.
Преображения — // Преобрази́выйся на горе́, пою́щия Ти: аллилу́ия.
Воздвижения Креста Господня — // Пло́тию распны́йся, пою́щия Ти: аллилу́ия.
В попразднство Пятидесятницы — Прииди́те, поклони́мся и припаде́м ко Христу́. Спаси́ ны, Уте́шителю Благи́й, пою́щия Ти: аллилу́ия.
В Богородичные двунадесятые праздники и в дни их попразднства — // во святы́х Ди́вен сый, пою́щия Ти: аллилу́ия.
Тропари и кондаки
Во время пения тропарей и кондаков священник тайно читает молитву Трисвятого пения.
Диакон: Го́споду помо́лимся.
Хор: Го́споди, поми́луй.
Священник: Я́ко Свят еси́, Бо́же наш, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно И во ве́ки веко́в.
Хор: Ами́нь.
Трисвятое*
Хор: Святы́й Бо́же, Святы́й Кре́пкий, Святы́й Безсме́ртный, поми́луй нас. (Трижды)
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
Святы́й Безсме́ртный, поми́луй нас.
Дата добавления: 2015-08-21; просмотров: 79 | Нарушение авторских прав
| <== предыдущая страница | | | следующая страница ==> |
| Хор: Го́споди, поми́луй. | | | Святы́й Бо́же, Святы́й Кре́пкий, Святы́й Безсме́ртный, поми́луй нас. |