Читайте также:
|
Молитва верных первая
Священник тайно: Благодари́м Тя, Го́споди Бо́же сил, сподо́бившаго нас предста́ти и ны́не Свято́му Твоему́ Же́ртвеннику и припáсти ко щедро́там Твои́м о на́ших гресéх и о людски́х невéдениих. Приими́, Бо́же, моле́ние на́ше, сотвори́ ны досто́йны бы́ти, éже приноси́ти Тебе́ моле́ния и мольбы́ и же́ртвы безкро́вныя о всех лю́дех Твои́х; и удовли́ нас, и́хже положи́л еси́ в слу́жбу Твою́ сию́, си́лою Ду́ха Твоего́ Свята́го, неосужде́нно и непреткнове́нно, в чи́стем свиде́тельстве со́вести на́шея, призыва́ти Тя на вся́кое вре́мя и ме́сто. Да, послýшая нас, ми́лостив нам бу́деши во мно́жестве Твоея́ бла́гости.
Диакон: Заступи́, спаси́, поми́луй и сохрани́ нас, Бо́же, Твое́ю благода́тию.
Хор: Го́споди, поми́луй.
Священник: Прему́дрость. Я́ко подоба́ет Тебе́ вся́кая сла́ва, честь и поклоне́ние, Отцу́ и Сы́ну и Свято́му Ду́ху, ны́не и при́сно и во ве́ки веко́в.
Хор: Ами́нь.
Диакон: Па́ки и па́ки ми́ром Го́споду помо́лимся.
Хор: Го́споди, поми́луй.
Молитва верных вторая
Священник тайно: Пáки и мно́гажды Тебе́ пpипáдaeм и Тебе́ мо́лимся, Благи́й и Человеколю́бче, я́ко да, призрéв на моле́ние нáше, очи́стиши нáша ду́шы и телесá от вся́кия скве́рны пло́ти и ду́ха и дáси нам непови́нное и неосужде́нное предстоя́ние святáго Твоего́ Же́ртвенника. Дáруй же, Бо́же, и моля́щымся с нáми преспéяние жития́, и ве́ры, и рáзума духо́внаго. Даждь им, всегдá со стрáхом и любо́вию служáщым Тебе́, непови́нно и неосужде́нно причасти́тися Святы́х Твои́х Тáин и Небе́снаго Твоего́ Цáрствия сподо́битися.
Диакон: Заступи́, спаси́, поми́луй и сохрани́ нас, Бо́же, Твое́ю благода́тию.
Хор: Го́споди, поми́луй.
Священник: Прему́дрость. Я́ко да под держáвою Твое́ю всегдá храни́ми, Тебе́ слáву возсылáем, Отцу́ и Сы́ну и Свято́му Ду́ху, ны́не и при́сно и во ве́ки веко́в.
Хор: Ами́нь. (Протяжно)
Отверзаются Царские врата
Херувимская песнь
Хор: И́же Херуви́мы та́йно образу́юще / и Животворя́щей Тро́ице Трисвяту́ю песнь припева́юще, / вся́кое ны́не жите́йское отложи́м попече́ние.
*На Литургии св. Василия Великого в Великий Четверг вместо Херувимской песни поется: «Вечери Твоея тайныя днесь, Сыне Божий, причастника мя приими, не бо врагом Твоим тайну повем, ни лобзания Ти дам, яко Иуда, но яко разбойник исповедую Тя: помяни мя, Господи, во Царствии Твоем»,
а в Великую Субботу — «Да молчит всякая плоть человеча и да стоит со страхом и трепетом, и ничтоже земное в себе да помышляет: Царь бо царствующих и Господь господствующих приходит заклатися и датися в снедь верным. Предходят же сему лица Ангельстии со всяким началом и властью: многоочитии Херувимы и шестокрылые Серафимы, лица закрывающе и вопияще песнь: Аллилуиа.»
Дата добавления: 2015-08-21; просмотров: 46 | Нарушение авторских прав
| <== предыдущая страница | | | следующая страница ==> |
| Хор: Аллилу́ия, аллилу́ия, аллилу́ия. | | | Хор: Ами́нь. |