Послание о злыхъ днехъ и часѢхъ

Государя великого князя дьяку, господину Михаилу Григорьевичу твой нищей богомолец старец Филофей Бога молит и челом бьет.

Прислал ты, государь мой, ко мнѣ свою грамоту, а в ней писано, чтобы мнѣ внутрь в неи твои список истолковати. И тебѣ, моему государю, вѣдомо, что яз селской человѣкъ, учился буквам, а еллинскых борзостей не текох, а риторских астроном не читах, ни с мудрыми философы в бесѣдѣ не бывал; учюся книгам благодатнаго Закона, аще бы мощно моя грѣшная душа очистити от грѣх, о сем молю милостиваго Бога, господа нашего Иисуса Христа и пречистую Богоматерь и всѣхъ святых, Богу угодивших, избавити мя вѣчнаго мучения. А еже писал ты о числах лѣтных, еже в Бытейскых книгах, Моисеом написаных, о «Шестодневникѣ», о миротворении, гронографы же, пять дней мимотекшеи, начаша от перваго Адама и до нынѣ; латина же нынѣ, вся мимотекше преже бывшая лѣта, начинают от Рожества Христова, чтут лѣта; да в том нѣсть разньстваа никоегоже. Глаголет бо апостолъ: «Бысть первый человѣкъ от земля перстен, вторый человѣкъ — Господь с небесе».[1] И пакы рече: «Бысть первый человѣкъ Адамъ в душю живу, вторый же Адам — в духъ животворящ».[2]

И о сем тщатся философи, год есть сугуб — солнечный и лунный; солнечный содержит 365 дней, лунный же 354; от сего является, яко год солнечный болши луннаго 11 дний, по тому в то лѣто солнцу и лунѣ потемнение не узрится. И кто прилѣжнѣйше подщится, по «Шестокрылу»[3] считают дробныа часы, то обрящет, в который час быти потемнѣнию лунѣ и солнцу; но о сем подщание и подвиг великъ, а приобрѣтения мало.

А што писал о преходных звѣздах, знамение водное наслѣдят, тогда всеа вселенныа градовом и царством и странам вкупѣ всѣм земнородным пременение; божественое же Писание о сем ясно глаголетъ: «Святым Духом всяка твар обновляется»,[4] обращающеся на первое, равномощен бо есть Отцу и Слову, а не от звѣздъ сие бывает.

А звѣзды зодѣйные 12 и планит 7, не чювствены, ни животны сут, но точию невещественаго огня существо. В первый день Богом сътворен есть, иже рече Богь: «Да будет свѣт»,[5] — и ничтоже ино свѣт, токмо огнь. И егда въсхотѣ разлучити свѣт от тмы, тогда повелѣ спрятание тому огню быти, и бысть тма. И разлучи Богъ межу свѣтом и межу тмою, и нарече Богъ свѣт день, а тму нарече нощь,[6] и ничтоже ино нощъ, токмо свѣта отъятие. Въ вторый день твердь, въ третий день сушу, моря, садовиа, траву, сѣмена, пол водъ возводит на твердь. Того ради, еже хотяше сътворити свѣтилникы, в четвертый же день от того огня, иже свѣт нарече, сътвори двѣ свѣтиле велицѣ: свѣтило великое въ освѣщение дни, еже есть солнце, свѣтило меншее въ просвѣщение нощи, еже есть луна, таже звѣзды, яко мудрый златарь ово на сосуды, ово же на златици разсыпа.

И нарече 12 звѣздъ, иже глаголются от нас зодѣи, иже суть пути солнцу и лунѣ. Солнце же шествие имѣя воединои зодѣи днии 30 и часовъ 5 и пакы в другую зодѣю исходит, и тако в двунадесяти зодѣях сѣмо и овамо преходя, сътворяет годъ. Луну же полну сътвори, яко 15 дний, аще бо лунѣ единаго дни сътворенѣ, то пакость бы велика была свѣтилником между собою, частаа отемнениа. Луна же обходит 12 зодѣи в двадесят и девять дней и в пол дни и пол часа и пятую часть часа.

А о седми планитах и о двунадесят зодѣях, и о прочих звѣздах, и о злых часех, и о нарожении человѣчьстем въ которую звѣзду, или часъ золъ или добръ, и получаа с частком, и богатству и нищетѣ, и в нарожении добродѣтелем и злобам, и долголѣтству жития, и скращениа смертию, — сиа вся кощуны суть и басни. Первие от халдѣй[7] сие написася, иже к суетѣ ума своего столпъ зиждуще и на высотѣ бывше, и о звѣздах съблазнишася. Богъ же, видя безумие ихъ съвѣт их разсыпа и дѣло раздруши, и писание их отверже. От них же еллини писание приаша, и тыа планиты и прочаа звѣзды богы нарекоша, и отступиша от сътворшаго вся и твари поклонишася; о них же пророкъ Давидъ глаголаше: «Рече безумен в сердци своем: нѣсть Бога. Растлѣша и омрачишася в начинаниих своих».[8] По еллинѣхъ же еретицы прияша а насѣяша горкыа плевелы по срѣде пшеницы в православной христианской вѣре, на прелщение малоумных человѣкъ, вѣрующе в злыа дни и часы, да о сем и покаания не приемлют, мнящеся, яко истина сутъ, и в день судный страшен отвѣт приимутъ и съ еретикы осужени будут, пременивше свѣт на тму и истину на лжу. Аще бы злыа дни и часы сътворил Богъ, почто грѣшных мучити ему? Богъ имат винен быти, яко злая человѣки народил.

А сие, честный человѣче, разумѣй, яко от царя царевич родится, а от князя князь, и аще и не достижет малым чим отчаа славы и чести, но землѣделец не бывает, ни за земледѣлцев царие дщерей не дают, ни у них за своа сынове дщерей взимают, но все то состоится по невѣдомым судбам вся строящаго бога.

А о звѣздном течении и о солнци, и о лунѣ да вѣсть твоя честность, яко не самы тыа звѣзды двизаемы суть, ниже чювствены или животны и зрят ни на чтоже (но огнь невеществен ничтоже вѣсть, ниже знает), но преносимы суть от аггельских невидимых силъ. Самовидец сему богоизбранный съсуд апостолъ Павел, иже третины тверди не дошед,[9] посрѣдѣ самѣх звѣздъ быв, и тамо видѣ самыа тыа аггельскиа силы, како непрестанно служение имѣют человѣка ради: ови солнце носят, друзии луну, иныя звѣзды, овы въздуха правят вѣтры, облакы, громы, от послѣдних земля воды возносят облаком, и лице земли напаяют на ращение плодом, на весну и жатву аггели, на есен и зиму. Сего ради показа Господь апостолу, како непрестанно служение имут аггели человѣка ради, да научит его непрестанно тещи на проповѣдь спасения ради человѣчскаго и не лениву быти; он же видѣв тамо неизреченнаа видѣниа, въ своих посланиих глаголет: «Не вси ли суть служебнии дуси, на службу посылаеми за хотящих наслѣдовати спасение?»[10] — и пакы глаголет, яко: «Сама тварь свободитца от работы тлѣниа въ свободу славы чад Божиих».[11] Видиши ли, любимиче, како тварию зовет аггелы, чада же Божиа — человѣкы, свобожение аггелское глаголет, еже от службы своеа престанут в послѣднии день?

О царствах же и о странах пременение — не от звѣздъ сие приходит, но от все дающаго Бога; о сем пророкъ Исаия глаголет: «Аще послушаете мене — блага земли снѣсте, аще ли не послушаете — оружие вы поястъ! — уста бо господня глаголаша сиа».[12] И пакы въпросиша апостоли: «Господи, аще в лѣто се устраяеши царство Израилево?» Иисус же рече: «Нѣсть ваше разумѣти врѣмен и лѣт, яже Отецъ положи своею областию».[13] Да внемли, Господа ради, в которую звѣзду стали христианскаа царства, еже нынѣ вси попрани от невѣрных, якоже пророкъ глаголет: «Кто дастъ на расхыщение Израиля — не Богъ ли, емуже съгрѣшиша?»[14] Девятдесят лѣт, како греческое царство разорися[15] и не созижется: сия вся случися грѣхъ ради наших, понеже они предаша православную гречскую вѣру в латынство. И не дивися, избранниче Божий, яко латыни глаголют: наше царство ромейское недвижимо пребываетъ, аще быхом не правѣ вѣровали, не бы Господь снабдѣл нас. Не подобает нам внимати прелестем их, воистину суть еретици, своею волею отпадше от православныа христианскиа вѣры, паче же опрѣсночнаго ради служениа. Бѣша с нами в соединении семсотъ лѣт и 70, а егда отпадоша правыа вѣры семсот и 35 лѣт,[16] во аполинариеву ересь впадше, прелщени Карулом царем и папою Формосом. Глаголют о опрѣсноцѣ, яко за чистоту и безстрастие, но сие лжут, съкрывающе внутрь себе диавола. Аполинарий[17] же своимъ учением повелѣ опрѣсночнаа служити за сию вину, глаголетъ бо сице, яко не прият плоти человѣчскиа от пречистыа дѣвы господь наш Иисус Христос, но з готовою небесною плотию, яко трубою, дѣвичьскою утробою прошед, ниже душа человѣчьскиа приат, но вмѣсто душа Духъ святый в нем пребывает, до тѣм лстят незлобивых душа и неутверженых. Увы горкиа прелести и отпадения от Бога жива! Аще плоти человѣчскиа не приат Спасъ, то и падшаго Адама и всѣх от него рожденных человѣкъ плоть не обожися, и, аще ли душа человѣчскиа не приал Господь, то и нынѣ душа человѣчскиа не изведены от адскых.

Да хто не содрогнется, ниже въсплачется о таковых прелестеи и отпадения, гръдостию буйства своего еретичьскым учением послѣдоваша и богоубийственѣи четѣ жидом, яко же и при распятии Господни обѣщници бѣша с ними, о них же еуггелист глаголетъ: «Воини же гѣмонови ругающеся ему, прегыбающе колѣни свои и глаголюще: “Радуйся, царю июдѣйскыи!”».[18] Воини гѣмонови — Пилатови слугы, понеже Пилат от латын бяше, от Понта[19] града Римскиа области, тако и нынѣ в своем молении не прекланяют свою главу, токмо колѣни мало надгыбают латыни. О них же Давидъ издалеча духом святым прозрѣв, яко от лица Иисусова рече: «В поношение безумному дал мя еси».[20] Воистину людие буи, а не мудри, аще убо великаго Рима стѣны и столпове, и трекровныа полаты не пленены, но душа их от диавола пленены быша опрѣснок ради. Аще убо Агарины внуци[21] греческое царство приаша, но вѣры не повредиша, ниже насилствуют греком от вѣры отступати, инако же ромейское царство неразрушимо, яко Господь в римскую власть написася.[22]

Наша же христианскаа тайна сице съдержит о священнем причащении. Приступиша ученици ко Иисусу, глаголюще: «Господи, гдѣ хощеши уготоваем ти ясти пасху?» Он же рече им: «Се входящема вама во град, срящет вы человѣк, в скудели воду нося; послѣдуйте ему и дому владыцѣ рцѣте: “Учитель глаголетъ, у тебе сътворю пасху со ученикы моими”».[23] Дому есть владыка отецъ Ивана Богослова Зеведѣй, сему повелѣ Иисус надвое сътворити: едину по обычаю законному, еже опрѣснокъ, другую же тайную, иже хлѣб съвершен квасную. Сего ради тайная вечеря глаголется,[24] понеже в жидох от 11 до 14[25] не обрѣтается квасной хлѣб в домѣх. Да первѣе законную пасху ядоша по обычаю, опрѣснок и агнец з горчицею, стояще опоясани и жезлы подпирающеся, клобукы на главах их. По ядении же сѣдъ, учаше их, еже не старийшенствовати, таже о предателствѣ вносит слово, и, по семъ волиа воду во умывалницу, и нача нозѣ умывати учеником, образ дасть им святого крещениа. По сих же пакы возлеже и повели представити хлѣб и вино точию, начат жалостнаа словеса простирати, възвед убо божественаа свои очи на небо и рече: «Отче, прииде час, прослави сына своего, да и сынъ твой прославит тя, яко дал еси ему власть всякой плоти, да все, еже дал ми еси, и аз дам им живот вѣчный. Иже есть живот вѣчный, да знают тебе единаго истиннаго Бога, и егоже посла Иисуса Христа; и аз прославих тебе на земли и дѣло съвръших, и нынѣ прослави мя, Отче, славою, иже имѣх у тебе преже сложениа мира».[26] И паки рече ко учеником: «Аз есмь виноград, вы же рождье, иже пребудет въ мнѣ и аз в нем».[27] И паки возвед очи свои и рече: «Отче, святи их во имя твое, зане аз свящюся сам, да будут и сии освящени воистинну, и не о сих молю токмо, но и о вѣрующих словесем их в мя; да вси бо едино будут, яко же, Отче, аз в тебѣ, и ты въ мнѣ, да и ти въ нас будут».[28] Разумѣй же обое здѣ, еже молится о онѣх, освятив их во святых тайнах, да научит свящати архиереа и священики у святыа трапезы; идѣже чин дѣйства, ту и слуга поставляти подобает священнодѣйству. И ту, абие приим предложенный хлѣб на святых своих пречистых руках и воздвиг горѣ, показуя Богу Отцу, благодарив, преломив, дасть святым своим учеником и апостолом, рек: «Приимѣте и ядите, се есть тѣло мое, еже за вы ломимое и за многы во оставление грѣхов».[29] По ядении же приим чашу от плода лознаго иже есть вино, и растворив с теплою водою, и сию дасть учеником глаголя: «Пиите от неа вси, се есть кровь моа Новаго Завѣта, еже за вы изливаема и за многы во оставление грѣхов».[30] Обаче учеником дааше, тоже и сам ядяше и пиаше с ними. По сих же паки глаголеть: «Желанием въжделѣх ясти сию пасху с вами, прежде даже не прииму мук; отселе уже не имам пити от плода винограда, но ново испию с вами въ царствии Отца моего»,[31] — и, по сем, «въспѣвше, изыдоша в гору Елеонскую».[32]

Видиши ли, христолюбче, какова есть священьства тайна и божественаго причастия начало, еже убо сам их освяти и научи священиа дѣйствовати? Зри, любимиче, якоже испи вино, с водою растворив, такоже и на крестѣ от своих божественых ребръ два источника, кровь и воду, источи. Да и сие внемли, господа ради, како в тридесят лѣт възраста своего по всяко лѣто яде Спасъ законную пасху, а ни единою не рече: «Желанием вжелах ясти пасху сию», но токмо о сей новѣи благодатнѣи вечери тайнѣй, еже устрои смотрение нашему спасению.

О сих убо преуспокоивше слово, мала нѣкаа словеса изречем о нынѣшнем православном царствии пресвѣтлѣйшаго и высокостолнейшаго государя нашего, иже въ всей поднебесной единаго христианом царя и броздодръжателя святых Божиихъ престолъ, святыа вселенскиа апостолскиа церкве, иже вмѣсто римской и костянтинополской, иже есть в богоспасном граде Москвѣ святого и славнаго Успения пречистыя Богородица, иже едина въ вселеннѣи паче солнца свѣтится. Да вѣси, христолюбче и боголюбче, яко вся христианская царства приидоша в конец и снидошася во едино царство нашего государя, по пророческим книгам, то есть Ромеиское царство[33]: два убо Рима падоша, а третий стоит, а четвертому не быти.[34] Многажды и апостолъ Павел поминает Рима в посланиих, в толкованиих глаголет: «Рим — весь мир».[35] Уже бо христианской церкви исполнися блаженаго Давида глаголъ: «Се покой мой въ вѣк вѣка, зде вселюся, яко изволих и».[36] По великому же Богослову: «Жена облъчена в солнце, и луна под ногама ея, и чадо въ руку еа, и абие изыде змий от бездны, имѣа глав 7 и сем вѣнец на главах ему, и хотяше чадо жены пожрети. И даны быша женѣ крилѣ великаго орла, да бѣжит въ пустыню, змий же изо устъ своих испусти воду, яко рѣку, да ю в рѣцѣ потопит».[37] Воду же глаголют невѣрие, видиши ли, избранниче Божий, яко вся христианскаа царства потопишася от невѣрных, токмо единаго государя нашего царство едино благодатию Христовою стоит. Подобает царствующему дръжати сие с великым опасением и к Богу обращением, не уповати на злато и богатство изчезновение, но уповати на все дающаго Бога. А звѣзды, якоже и преже рекох, не помогут ничим, ни придадут ни уймут. Глаголет убо връховный апостолъ Петръ в соборномъ Послании: «Един день пред Господомъ, яко тысяща лѣт, а тысяща лѣт, яко един день, — не опоздит Господь обѣта, еже обѣща, но долго тръпит, не хотя нѣкиа погубити, хотя всѣх в покаание вмѣстити».[38] Видиши ли, боголюбче, яко в руцѣ его дыхание всѣх сущих, глаголет бо, яко: «Еще единою потрясу не токмо землею, но и небом».[39] Понеже и апостолом еще не свершенным, выше силы не велѣл пытати: богословесный же наперсник во «Откровении» своем глаголет: «В послѣднее врѣмя спасаа, спаси душу свою, да не умрем второю смертию, геонскою,[40] но обратимся ко всемогущему спасти нас господу с молбами прилѣжными, и теплыми слезами приплачемся пред ним, яко да смилится обратити ярость свою от нас, и помилует нас, и сподобит нас услышати сладкый блаженый и въжделѣнный его глас: “Приидите, благословленнии, Отца моего наслѣдуйте уготованное вам царство преже сложениа миру”».[41]

Буди, спасаяся и здравствуя о Христѣ.

ПОСЛАНИЕ К ВЕЛИКОМУ КНЯЗЮ ВАСИЛИЮ, В НЕМЪЖЕ О ИСПРАВЛЕНИИ КРЕСТНАГО ЗНАМЕНИЯ И О СОДОМСКОМ БЛУДѢ

Иже от вышняа и от всемощныя вся содръжащиа десница Божиа, имьже царие царствуют и имьж велицыи величаются и силнии пишут правду тебѣ, пресвѣтлѣйшему и высокостолнѣйшему государю великому князю, православному христианьскому царю и всѣх владыцѣ, броздодержателю святых Божиих престолъ, святыа вселенскыя соборныя апостольскыя церкви Пречистыя Богородицы, честнаго и славнаго еа Успения иж вмѣсто римския и константинопольския просиавшу, — стараго убо Рима церкви падеся невѣрием аполинариевы ереси, втораго Рима, Константинова града церкви, Агаряне внуцы секирами и оскордъми разсѣкоша двери, сиа же нынѣ третиаго, новаго Рима, дръжавнаго твоего царствиа святая соборная апостольскаа церкви, иж в концых вселенныа в православной христианьстей вѣре во всей поднебесней паче солнца свѣтится, — и да вѣсть твоа держава, благочестивый царю, яко вся царства православныя христианьския вѣры снидошася въ твое едино царство: един ты во всей поднебесной христианом царь.

Подобает тебѣ, царю, сие держати со страхом Божиимъ, убойся Бога, давшаго ти сия, не уповай на злато, и богатство, и славу: вся бо сиа здѣ собрана и на земли здѣ остают. Помяни, царю, оного блаженнаго, иж скипетръ в руцѣ и венец царствиа на своей главѣ нося, глаголаше: «Богатство, аще течет, не прилагайте сердца»;[42] премудрый же Соломонъ рече: «Богатьство и злато не во скровищих знается, но егда помогаетъ требующим»;[43] апостолъ же Павелъ, сим послѣдуа, глаголет: «Корень всѣм злым — сребролюбие»,[44] — не не имѣти велит, но не прилагати упования ниже сердца к нему, но уповати на все дающаго Бога. Вся убо твоя к Богу чистая вѣра и любовь — ко святым Божиимъ церквам; но и еще, царю, исправи двѣ заповѣди.

Еже во твоем царствии не пологают человецы на себѣ право знамения честнаго креста, о нихъж издалеча провѣдый апостолъ Павел глаголаше: «Преже писах вам, нынѣ же плача глаголю о вразѣх креста Христова, имже конець пагуба».[45]

Второе: да исполниши святыя соборныя церкви епископы, да не вдовьствует святая Божиа церкви при твоемъ царствии! Не преступай, царю, заповѣди, еже положиша твои прадѣды — великий Константинъ, и блаженный святый Владимиръ, и великий богоизбранный Ярославъ и прочии блаженнии святии, ихьж корень и до тебе. Не обиди, царю, святых Божиих церквей и честныхъ монастырей, еже данное Богови в наслѣдие вѣчных благъ на память послѣднему роду, о сем убо святый великий Пятый соборъ страшное запрещение положи.

О третьей же пишу и плача горцѣ глаголю, яко да искорениши из своего православнаго царствия сий горкий плевелъ, о немьж и нынѣ свидѣтельствуетъ пламень жупелнаго горящаго огня в содомскыхъ стогнах, о немже пророкъ Исаия, рыдая, глаголаше: «Слышите слово Божие, князи содомстии, и внушите глаголъ Божий, людие гоморьстии: “Что ми тукъ жертвъ ваших и приношений ваших, исполнен есмь всесожжений. Аще принесете ми кадило — мерзостно ми есть, и праздниковъ ваших ненавидит душа моя!”»[46] Да слыши, благочестивый царю, яко пророкъ не мертвым погибшимъ содомляном таковая глаголаше, но живым человеком, творящым дѣла их. Писано бо есть: «Преступаяй от своеа жены раздираетъ плоть свою, а творяй содомъская, убиваетъ плодъ своего чрева».[47] Богь сотворилъ человека и сѣмя в нем на чадородие, мы ж сами свои сѣмена даемъ во убийство и въ жрътву диаволу. Да сия мерзость умножися не токмо в миръскых, но и в прочих, о нихже помолчю, чтый ж да разумѣетъ. Увы мнѣ, како долго терпит милостивый о нас не судя! Убо сия писахъ, но паче рыдая горцѣ самъ азъ окаянный о своих согрѣшениих, но боюся молчати, аки онъ рабъ, сокрывый талантъ.[48]

Аз бо грѣшный и грубый во всѣх и невѣжа въ премудрости, яко ж Валаамово осля[49] безсловесное словеснаго учаше, и скотина пророка наказоваше, яко да не зазриши о сих, благочестивый царю, яж дерзнух писати твоему величеству. И нынѣ молю тя и паки премолю: еж выше писах, внимай Господа ради, яко вся христианскаа царства снидошася въ твое царство, посемъ чаем царства, емуж нѣсть конца.

Сия ж писах ти, любя, и взывая, и моля щедротами Божиими, яко да премениши скупость на шедроты и немилосердие на милость. Утѣши плачющых и вопиющых день и нощь, избави обидимых из руки обидящых. «Не обидите, — рече Господь, — сих менших, вѣрующих в мя, ибо аггели их видятъ всегда лице отца моего, иж есть на небесѣх».[50] «Блажен, — рече, — разумѣваяи на нища и убога, в день лют избавит его Господь».[51] Господь сохранит его и живит и, и ублажит его на земли, и не предастъ его в рукы врагомъ, Господь помощь ти.

Да аще добро устроиши свое царство — будеши сынъ свѣта и гражанинъ вышняго Иерусалима, якоже выше писах ти и нынѣ глаголю: блюди и внемли, благочестивый царю, яко вся христианская царьства снидошася въ твое едино, яко два Рима падоша, а третей стоит, а четвертому не быти. Уже твое христианьское царство инѣм не останется,[52] по великому Богослову, а христианской церкви исполнися блаженнаго Давыда глаголъ: «Се покой мой в вѣкъ вѣка, здѣ вселюся, яко изволих его».[53] Святый Ипполит рече: «Егда узрим обстоим Римъ перскими вои, и перси на нас с скифаны сходящас на брани, тогда неблазнено познаем, яко той есть Антихристъ». Богъ же мира, и любви, и долголѣтъства, и здравия, молитвами пречистыя Богоматере и святых чюдотворьцевъ и всѣх святых — да исполнит твое державно царство!

[1] Бысть первый... с небесе. — 1 Кор. 15, 47.

[2] Бысть первый... животворящ. — 1 Кор. 15, 45.

[3] «Шестокрыл» — астрономическое сочинение, содержащее таблицы для определения лунных фаз и затмений; появляется на Руси именно в это время.

[4] Святым... обновляется. — Пс. 103, 30.

[5]...«Да будет свѣт»... — Быт. 1, 3.

[6] И разлучи... нощь... — Быт. 1, 4—5.

[7] Халдеи — Вавилоняне.

[8]Рече безумен... своих. — Пс, 13, 1.

[9]...третины тверди не дошед. — См.: 2 Кор. 12, 2—4.

[10] «Не все ли... спасение?»— Евр. 1, 14.

[11] «Сама тварь... чад божиих». — Рим. 8, 21.

[12] «Аще послушаете... глаголаша сия». — Ис. 1, 19—20.

[13] «Господи, аще... своею областию». — Деян. 1, 6—7.

[14] «Кто дасть... съгрѣшиша». — Ис. 42, 24.

[15] Девятдесят лѣт, како греческое царство разорися... — Если под разорением греческого царства понимать взятие Константинополя турками в 1453 г., то время написания послания устанавливается как 1543 г. Эта датировка не согласуется с другими обстоятельствами написания послания, о которых, в частности, сказано выше, поэтому большинство исследователей склонно считать, что Филофей имеет в виду Ферраро-Флорентийский собор, установивший церковную унию. Собор имел место в 1438—1439 гг., и такая датировка лучше согласуется с предполагаемым временем написания послания. Общий контекст послания позволяет считать, что моментом падения Византии Филофей считает заключение унии.

[16] Бѣша с нами в соединении семсот лѣт и 70, а егда отпадоша правыа вѣры семсот и 35 лѣт... — При сложении цифр 770 и 735 получается 1505 г. — как время написания данного текста, однако к этой цифре следует прибавить 30 либо 33, ибо образование Церкви произошло в Пятидесятницу после Воскресения Господня, и только от момента образования Церкви и следует отсчитывать 770 лет единства. Можно думать, что моментом окончания единства Филофей считал последний, седьмой по счету, Вселенский собор, состоявшийся в 783—786 гг. (Второй Никейский). Филофей, как кажется, полагал, что именно в годы правления Карла Великого (768—814) на Западе перешли в причастии к пресному хлебу. Правление папы Формоза приходится на 891—896 гг. В 1054 г. при оформлении церковного раскола (эту дату Филофей не принимает во внимание) вопрос о причастном хлебе был среди главных, Флорентийский собор признал равнозначным оба ритуала — и с пресным, и с дрожжевым хлебом. При написании этого пассажа Филофей пользовался Хронографом в его редакции 1512 г., где сходная связь устанавливается между названными именами и событиями (это совпадение заставило А. А. Шахматова думать, что Филофей и был составителем данной редакции Хронографа).

[17] Аполлинарий — (род. ок. 310 — ум. после 380 г.). В своем учении ограничивал человеческое начало в природе Иисуса Христа, что верно излагает Филофей, однако никакого отношения к опреснокам он не имел.

[18] Воини же... июдѣйскыи! — Мф. 27, 29.

[19] Понт — Римская провинция на южном побережье Черного моря, исторический Понтий Пилат отношения к ней не имел. Закреплению ложной этимологии способствовало обычное для древнерусской письменности именоваиие Пилата Понтийским.

[20] «В поношение безумному дал мя еси». — Пс. 38, 9.

[21] Агарины внуци — Агаряне, потомки библейской Агари (см.: Быт. 16, 11 —12), они же измаильтяне. В Библии общее название арабов, в христианской письменности — мусульман.

[22]...в римскую власть написася. — Имеется в виду, что перепись населения, в согласии с которой Св. Семейство пришло в Вифлеем (Лк. 2, 4), проходила в пределах Римской империи и по римским законам.

[23] «Господи, гдѣ хощеши... со ученикы моими».—Лк. 22, 9—11.

[24] Сего ради тайная вечеря глаголется. — Объяснение не соответствует действительности. Последний ужин Иисуса с учениками называется тайным потому, что на нем установлено, таинство причастия; лучше было бы говорить «таинственный».

[25]...от 11 до 14... — Возможно, речь идет о днях месяца нисана, в которые по лунному календарю празднуется иудейская Пасха. Однако употребление мацы (пресного хлеба) у иудеев начинается накануне Пасхи, 14 нисана, и продолжается в течение семи дней следующего за Пасхой праздника опресноков.

[26] «Отче, прииде... сложениа мира». — Ин. 17, 1—5.

[27] «Аз есмь... аз в нем». — Ин. 15, 5.

[28] «Отче, святи... въ нас будут». — Ин. 17, 17—21.

[29] «Приимѣте... грѣхов». — Мф. 26, 26.

[30] «Пиите... грѣхов». — Мф. 26, 28.

[31] «Желанием... отца моего». — Лк. 22, 15—16.

[32]...«въспѣвше, изыдоша в гору Елеонскую». — Мк. 14, 26.

[33]...Ромеиское царство... — В ркп. «росское», исправлено по списку РНБ. Q.XVII.50.

[34]...два убо Рима падоша, а третий стоит, а четвертому не быти. — По всей вероятности, мысль о четырех царствах восходит к Дан. 2, 37—40.

[35] «Рим — весъ мир». — Выражение напомннает отклик на известную латинскую формулу urbi et orbi «городу (Риму) и миру», включенную в формулу папского благословения.

[36] «Се покой... изволих и». — Пс. 131, 14.

[37] «Жена облъчена... в рѣцѣ потопит». — Откр. 12, 1—4, 14—15.

[38] «Единъ день... в покаание вмѣстити». —- 2 Петр 3, 8—9.

[39] «Еще единою... и небом». — Аггей 2, 6.

[40] «В послѣднее врѣмя... геонскою». — Ср.: Ин. 6, 40, Откр. 20, 14.

[41] «Приидите... сложениа миру». — Мф. 25, 34.

[42] «Богатство, аще... сердца»... — Пс. 61, 11.

[43] «Богатство и злато... требующим...» —Притчи 28, 8.

[44] «Корѣнь всѣм злым сребролюбие...» — 1 Тим. 6, 10.

[45] «Преже писах... пагуба». — Фил. 3, 18—19.

[46] «Слышите слово... ненавидит душа моя!» — Ис. 1, 10—11, 13, 14.

[47] «Преступаяй... чрева». — Источник цитаты не определен. Для ее первой части использовано Быт. 2, 24.

[48]...раб, сокрывый талант. — См.: Мф. 25, 25.

[49] Валаамово осля. — См.: Числа 22, 28.

[50] «Не обидите... на небесѣх». — Мф. 18, 10.

[51] «Блажен... избавит его Господь». — Пс. 40, 2—3.

[52] Уже твое христианьское царство инѣмъ не останется... — Ср.: Откр. 17, 10.

[53] «Се покой... изволих его». — Пс. 131, 14.

Дата добавления: 2015-08-05