БН-5,4 түріндегі қыздыру блогының техникалық сипаттамасы

Сулану 30% болған кезде сұйықтық бойынша өнімділігі, т/тәул
Эмульсияны қыздыру температурасы, ºС
Жүйедегі қысым, МПа	0,6
Отындық газының шығыны, м^3/сағ
Массасы, т	8,8

Сипатталған қыздыру блоктарының УДО қондырғыларынан мынадай артықшылықтары бар:

· отындық газды пайдалану коэффициенті 20%-ға жоғары;

· ақаулар немесе қыздыру құбырларының бұзылуы кезінде жөндеу немесе блокты ауыстыру уақыты азаяды;

· қыздыру блогының өнімділігі 2-3 есе жоғары, ал металл сыйымдылығы 1,5 есе төмен.

8.7. Сурет.ПТБ-10 блокты құбыршалы пеші. 1 - жылуалмастырғыш камера; 2 - пештің тірек блогы; 3 - жылы орама; 4- салқын эмульсияны енгізетін аузы; 5 -ыстық эмульсияны шығаратын аузы; 6- түтін шығатын мұржа.

ПТБ түріндегі блокты құбыршалы пештер (ПТБ-6,3; ПТБ-10) суланған мұнайды терең сусыздандыру және тұзсыздандыру аппараттарының алдында қыздыруға арналған. Өткізгіштік қабілеті жылына 3,6 және 9 млн. тонна болатын қондырғыларда тоттану әрекеттілігі жоғары, тұздарды жинауға бейім және механикалық қоспалары көп мұнай эмульсияларын қыздыруға арналған қондырғыларда пайдалануға болады.

ПТБ-10 пеші (8.7 және 8.8-суреттер) жылуалмастырғыш камерадан, тірек блогынан, басқару және сигнал беру блогынан тұрады (БСБ).

8.8. Сурет.ПТБ-10 блокты құбыршалы пешінің жылуалмастырғыш камерасының көлденең қимасы   1-тұтандырғыш; 2-отындық газды беретін жер; 3-ауаны беретін жер; 4-циклонды оттықтың тұрқы (корпусы); 5-сопло-сұғындырма; 6-жылуалмастырғыш құбырлар; 7-жылу сақтағыш (ұстағыш).

Жылуалмастырғыш камера, ішінде диаметрі 150 мм қабырғалы құбырлардан жасалған төрт бірдей иір құбыры бар ұзынша жылу жібермейтін тұрықтан тұрады. Бүйір қабырғасының төменгі жағында екі-екіден түтін шығаратын құрылғы орнатылған, олардың фланецтеріне сыртқы жағынан түтін шығатын мұржалар бекітеді. Тұрықтың төменгі жағына төрт циклонды оттық бекітіледі. Вентилятормен айдалатын ауаның жылдам айналуы оның отын газымен жақсы араласуына әсер етеді.

Оттық пен камераның конструкциялық ерекшеліктері отынның толық жануын қамтамасыз етеді. Ауаны жеткізу жүйесіне жалынның өтуі мүмкін емес, жылуалмастырғыш камера жарылыс клапандарымен және бақылау құрылғыларымен жабдықталған.

Мұнай-су эмульсиясы төменгі енгізу коллекторына кіреді, оның көмегімен ол төрт бірдей ағынға бөлінеді және сәйкесті иір құбырлары арқылы өткен кезде қажетті температураға дейін қызады. Пештен шығар кезде ағындар бір ағынға бірігеді. Мұнай-су эмульсиясы қабырғалы құбырлардың қабырғасы арқылы отынның жануының ыстық өнімімен қыздырылады.

Технологиялық процесті бақылаушы және реттеуші аспаптар тірек блогында орналасқан.

ПТБ-10-64 құбыршалы қыздырғыштардың техникалық сипаттамасы.

Жылу өнімділігі, МВт	11,6
Сулану 50% болған кезде сұйықтық бойынша өнімділігі, т/тәул	10 000
Эмульсияны қыздыру температурасы, ºС
Жүйедегі қысым, МПа	6,4-ке дейін
Отын газының шығыны, м^3/сағ
Масса, т	57,1

ПТБ түріндегі құбырлы пештер тұтқырлығы жоғары мұнайды және мұнай эмульсияларын кәсіпшілік ішінде жинау және тасымалдау жүйесінде қыздырғыштар ретінде қолданылуы мүмкін. ПТБ-10 түріндегі пештерді Өзен кен орнында теңіз суын жылытуға (қабат қысымын ұстап тұру үшін және өнімді горизонттардың мұнай бергіштігін ұлғайту мақсатында) қолданады. ПТБ-10 түріндег пештің негізінде су жылытуға арналған және жұмыстық қысымы 16 МПа болатын ПТБ-10-160 пеші жасалған.

Дата добавления: 2015-10-23