27 страница. ства ж), и |л. 484| от своих сильных людей, и от обид, и от продаж

-167-

ства ^ж), и | л. 484 | от своих сильных людей, и от обид, и от продаж, все заедин, сколько вам бог поможет. И возлег ^з) великий государь Василей, болезнуя при смерти, и пострижеся во иноческий образ и в схиму Данилом, митропалитом всея Русии, месяца декабря в 3 день, в среду, в 12 час нощи, и нареченно имя ему во иноцех Варлам. И дав мир и благословение великой кнегине и детем своим, и ту предстоящим, и того часа и преставися в четверток до света на память великомученицы Вар­вары. И бысть кричание и великой плач. Да ^и) часа того меж себя бояре крест целовали все на том, что им великой кнегине и сыну ее великому князю | л. 484 об. | Ивану прямо служити и великого кнежения под ним беречи и правду без хитрости, заодин. Да и братью его князя Юрья и князя Андрея, а часа того привели к цеванию перед отцем их Данилом митропалитом на том, что им братаничю своему великому князю Ивану добра хотети, и великого княжения под ним блюсти и стеречи, и самим не хотети. И повелеша князей и детей боярских к целованью приводити да и по всем градом послати всех людей приводити к целованью на том, что им служить великому князю и добра хотети и земли без хитрости. И понесоша великого князя в церковь ^к), и | л. 485 | служил над ним отец его Данил митропалит со архиепискупы, с архимандриты и игумены, и весь священнический чин со всего града Москвы. А на погребении были великая княгини ^л) Елена, да братья его князь Юрьи да князь Андрей, и все бояря, и князи, и все дети боярския и весь народ града Москвы, во мнозе плаче и пенья не слышати, несть такова, кто бы не плакал. И погребоша тело его в церкви святаго и великого архистратига Михаила возле отца ево великого князя Ивана Васильевича всеа Русии в царьствующем граде Москве. А был на великом кнежение после отца своего 28 лет и 37 дней; а всех лет живота его 54 и осмь месец и 9 дней.
О поимании князя Юрья Ивановича. | л. 485 об. | Т ого же месяца декабря в 11 день присылал князь Юрьи Иванович дияка своего Третьяка Тишкова ко князю Андрею Шуйскому, а говорил ему Третьяк от князя, чтоб поехал ко князю Юрью служити. И князь Андрей Третьяку отвечал: “Князь ваш вчера целовал великому князю крест, што ему добра хотети, а ныне от него людей зовет”. И Третьяк князю Андрею ^м) молвил: “Князь Юрья бояре приводи[ли] к целованию заперши, а сами князю Юрью за великого князя правды не дали; ино то какое целование, то не вольное целование”. И князь Андрей то сказал князю Борису Ивановичю Горбатому, и князь Борис то сказал бояром, и бояре сказали великой кнегине. [И великая княгиня], берегучи сына и земли, приказала бояром: “Вчера есте крест целовали сыну моему великому князю Ивану, и добра хо­тети, и вы по тому и чините; коли являетца зло, ино бы ся не роспространило”. И велела князя Юрья поимати и посадити, оковав, за сторожи в полату, где наперед того князь Дмитрей внук сидел. И пойман князь Юрьи декамврия в 11 день, а по великого князя преставлении в 7 день, в среду, на память преподобного отца нашего Данила Столпника ^н). | л. 486 |
Царство ^о) царя и великаго князя Иванна Васильевича всеа Русии. В лето ^о) 7042-го генваря послал князь великий Иван Васильевич всея Русии в Крым к Саиб-Гирею царю и к Исламу Ивана Ильина сына Челищева взвестити отца своего преставление, а себя на государь| л. 486 об. |стве объявить. О звездах. Б ысть знамение в звездах, а князь велики уж Василей Ивановичь на Волоце болен, и перед его преставлением многие звезды падоша с небеси на землю. Т ого же месяца послал князь велики Иван Васильевичь всеа Русии в Литву к Жигиманту королю своего сына боярского Ти­мофея Васильева сына Заболоцкого-Бражникова возвестити ^п) отца своего | л. 487 | преставление, а собя на государстве объявити. А х королю приказывал, чтоб король с ним был в дружбе и в бра[т]стве, как с отцем его был. Т ого же лета апреля приидоша к великому князю ис Казани от царя Яналея послы Кудай-улан да Бурнак, да Козя-Охмат бакшей о миру и о докончании, и грамоту написали, и как с отцем было, с великим князем Васильем. И отпустил князь великий казанских послов. А в Казань послал своего посла Федора Ивановича Беззубцова июля 14-го; и Федора в Казани и не стало. И юля же 22-го приехал от короля Тимофей Васильевич ^р) Браж­ников; и король ему атвет учинил гордостен. С рублен бысть град древян в Новегороде в Вели­ком на Софейской стороне. Toe же весны майя 20 | л. 487 об. | п овелением великого князя Ивана Васильевича всеа Русии и его матери великой кнегини Елены зделан бысть на Москве град Земляной по тому месту, где ж мыслил отец его князь велики Василей ставить Китай. Т ого же лета августа [с] службы
_________
^ж) ва исправлено из других букв.
^з) В рукописи възлег.
^и) В рукописи до.
^к) Далее зачеркнуто киноварью и служил над ним.
^л) Так в рукописи.
^м) В рукописи Юрью.
^н) Далее два листа чистые.
^о-о) Написано вязью, за исключением то; л. 486 вверху и на полях украшен орнаментом.
^п) В рукописи възвестити.
^р) Первое в исправлено из другой буквы.

-168-

из Серпухова побежали князь Семен Федорович Бельской да окольничей Иван Васильевич сын Лятц[к]ого [с] сыном. А советников их, брата князя Семенова князя Ивана Федоровича Вель­ского же да князя Ивана Михайловича Воротынского же и з детьми, велел поимати князь велики и мати его великая княгини ^с) и, оковав, за приставы посадити. А вгуста 19 п ойман бысть князь Михайло Львович Глинской в том, что давал великому князю Василью | л. 488 | зелье пити в его бо­лезни, и великого князя в той болезни с того зелья и не стало. И посажен быть в полате, где и наперед того сидел. А вгуста 28 п риидоша из Нагай от Шидяк мурзы и от иных 70 мурз 70 послов, а гости с ними многие, а всех их з гостьми 4000 да седмьсот, а коней 8000.
В лето 7043 сентября приходили воеводы Жигиманта короля Андрей Немиров и иные вое­воды со многими людьми под Стародуб с нарядом и с пушками, и с пищальми. И намес[т]ник стародубский князь Федор Васильевич Телепнев, вышед из города, с литовскими людьми бился да многих побил, а воеводу жолнерьского, Суходольским зовут, да 8 пищальников поймали | л. 488 об. | и к великому князю прислали. И воеводы литовский от города и прочь пошли да, от Стародуба идучи, у Радогоща посады пожгли, и от того и город згорел, а в городе сгорел намес[т]ник Мат­вей Лыков. Т ого же месяца тот же королев воевода Андрей Немиров пришол к Чернигову со многими людьми и с нарядом, да учал к городу приступати, ис пу­шек и ис пищалей учали на город стреляти. Воевода же великого князя князь Федор Семенович Мезецкой послал из города многих людей на литовские люди. И великого князя люди литовских людей многих побили, и пушки и пищали поймали, а на утро Андрей Немиров с остаточным нарядом пушечным от города | л. 489 | вскоре прочь пошли. Т ого же месяца сентебря приходили литовские люди, воевода князь Александр Вишневецкой ^т)-у), а с ним многие люди к Смоленску к посаду, да и посад были зажгли. И наместъник князь Никита Васильевич Оболенской детей боярских многих Московские земли да и Смоленския выслал из города против литовских людей. И великого князя люди с литовскими людьми билися, и посаду жечь не дали, и отбили их от го­рода. И литовския люди пошли вскоре назад тою же дорогою.
О походе великого князя воевод в Литовскую землю. В лето 7043 князь велики Иван Васильевич всеа Русии и его мати великая кнегини ^ф) Елена, советовав | л. 489 об. | з бояры, чтоб послати Ли­товские земли воевати за королеву неправду. И веле князь велики у собя быти отцу своему Да­нилу, митропалиту всеа Русии, и сказа отцу своему Данилу митропалиту многи королевы [не­правды], что сам король на християнство воевод своих посылает, и татар наводит, и много ся от него льет кровь християнская. Да и то сказал князь велики митропалиту, что хощет воевод своих послати с людьми королевы земли воевати ^х) против его неправды. Митропалит же рече великому князю: “Вы, государи православные, пастыри християнству; тобе, государю, подобает христианству ^ц) от насилия боронити, а нам и всему вселенскому собору за тебя, государя, и за твое войско бога молити ^ч). | л. 490 | А зачинающаго рать погубляется, а в правде бог помощник”. К нязь велики и мати его великая княгини ^ш) Елена отпущают своих воевод на Литовскую землю, а велел им с Москвы итти ноября в 22 день. А посыланы воеводы по полком: в большом полку боярин ^ъ) кн[я]зь Михайло Васильевич Горбатой с товарищи, и по иным полком воеводы. А из Новагорода из Великого и изо Пскова послал князь велики на Литовскую же землю от Опочки, а посланы воеводы по полком: в большом полку боярина и наместника наугородцкого князь Бориса Ивановича Горбатова с товарищи. И воеводы великого князя князь Михайло Васильевичь | л. 490 об. | Горбатой с товарищи начата воевати королеву державу от Смоленского рубежа: Дубровну, Оршу, Дрюческ, Борисово, Прихабы, Соколень, Бобыничи, Заборовье, Свеси, Новой, Боровичи и иные места. А наугородцкия воеводы, князь Борис Иванович Горбатой с товарищи, пошли от великого князя отчины от Опочки и начата воевати Полоцкие места, Витебския места, Брясловские, Осиновец, Сенну, Латыгошу. И сошлися великого князя воеводы во едино места, и воевали до Вильны верст за пятьдесят, а инде за сорок, да поворотили оттолова к Полоцким местам, да пошли к Немецкому рубежу, жгучи и во| л. 491 |юючи, и секучи, и в плен емлючи. И вышли воеводы великого князя все на Опочку и на Псковскую землю все здравы с великим полоном. А пришли из Литовские земли на Опочку марта в 1 день, в неделю 4 поста. T oe же зимы ноября з Стародуба князь велики посылал воевод своих Литовские же земли воевати со многими людьми: в большом полку князя
_________
^с) Так в рукописи.
^т)-у) В рукописи Вишневской.
^ф) Так в рукописи.
^х) В рукописи воевоти.
^ц) Так в рукописи.
^ч) Далее лист чистый.
^ш) Так в рукописи.
^ъ) Написано над строкой.

-169-

Федора Васильевича Телепнева Овчину Оболенского с товарищи, и по иным полком [воеводы]. Воеводы же великого князя князь Федор Овчина с товарищи воевали королеву землю: Речицу, Сиислач, Горвол, Петров-город, Мозырь, Случеск, Рогачев, Боруеск, Туров, Брятин, Любоч и до Нова| л. 491 об. |городка Литовского и посады у городов жгли и села жгли и люди, и живот, и животину выимали, а иное выжгли и вышли поздорову. T oe же зимы генваря в 11 день приехал к ве­ликому князю Ивану Васильевичу всеа Русии и к его матери великой кнегине Елене из их от­чины из Великого Новагорода богомолец их архиепискуп Макарей поздравствовати государя на великих государьствех. Т ого же месяца приидоша к великому князю послы и[з] Стекольня от свийского короля от Гастауса, Гутьман Лавров да Матьяс Лавров, бити челом о том, чтоб госу­дарь пожаловал, велел своей отчине Великому Новугороду и Пъскову взяти перемирье | л. 492 | по тому же, как было при отце его. И князь велики короля пожаловал, велел перемирье взяти. Т ого же месяца в 21 день приидоша к великому князю ис Крыму Василей Сергеев, а посылал его князь велики Василей к Исламу на царьстве поздравствовати. Toe же зимы февраля в 11 день, в четверг 1 недели поста князь великий Иван Васильевич всеа Русии и его мати великая кнегини ^ы) Елена с отцем своим Данилом, митропалитом всеа Русии, и с епискупы, и пев молебная и молиша чюдотворца Алексея с великими слезами, аще бы ему угодно было преложити его в новую раку. Отец же их | л. 492 об. | Данил митропалит сам с епискупы и со архимандриты, и игумены чесно преложиша из старые раки в сребряную раку в новую, а сам князь великий и его мати великая кня­гини ^ы), и з бояры тут стояли, и молебная совершающе, и с великими слезами моляще святаго. T oe же зимы фев[раля] приидоша к великому князю ис Крыму от Ислама царя Темеш князь Ки­тай да Тетчербей бакшей. T oe же зимы послал князь велики в Крым к царю Исламу посла своего князя Василья князь Семенова сына Мезецково. T oe же зимы марта в 8 день п ослал князь ве­лики к царю Исламу з грамотами о дружбе | л. 493 | и о братстве своего сына боярского Данила Дмитреева сына Загряского. М арта же в 8 день п риидоша к великому князю послы от маистра короля литовского от Германа, Иван Логден да Федор Онтанов, да Ганос, здравствовати великому князю на великих государьствех. Т ого же месяца марта князь велики Иван Васильевич всеа Русии и его мати великая княгини ^ы) Елена велели переделывать старые деньги на новой чекан того деля, что было в старых деньгах много обрезаных денег и подмесу, и в том бы християнству великая тягость; в старой гривенке было полтретья рубли, а в новых гривенках велели делати | л. 493 об. | по три рубли. А поддельщиков, которые люди деньги подделывали и обрезывали, тех велели обыскивати, и иные, обыскав, казнили; а старым деньгам впрок ходити не велели. Т ого же лета майя в 16 день к нязь велики Иван Васильевичь всеа Русии и его мати великая княгини ^ы) Елена повелели град камен ставити Китай подле Земляной город; а того дни повелеша отцу своему Данилу митропа-литу со всем свещенным собором со кресты и с ыконами итти тем местом, граду где быти, и свя­тою водою крапити; а мастеру Петру Малому Фрязину повелеша под[о]шву градную сновати. Т ого же лета июля в 15 день послал князь велики в | л. 494 | Пермь Семена Давыдова сына Курчова города ставити, а старой згорел. Т ого же лета п рибежали из Литвы от великого князя изменников, от князя Семена от Бельского да от Ивана от Ляцкого, их люди, а сказывали великому князю, что король собрал свои люди многие да и понаймовал многих людей иных земель, а посылает великого князя вотчины воевати Смоленских мест. И князь велики Иван и его мати великая кня­гини ^ы) Елена, послышав то, световав з бояры, и послали воевод своих со многими людьми против литовских людей, а в большом полку боярин князь Василей Васильевичь Шуйской да князь Данило Дмитреевич Пронской, | л. 494 об. | и по иным полкам воеводы. А велел князь великий воеводам своим князю Василыо Васильевичю Шуйскому с товарищи итти от Смоленска против литовских людей, а не будет против их литовских людей, и князю Василью с товарищи итити с нарядом, с пушками и с пищальми, ко Мстиславлю и Мстиславля доступати. А из Новагорода из Великого князь велики и его мати великая княгини ^ы) велели итъти наместьником своим Литовские земли воевати боярину князю Борису Ивановичю Горбатому да Михаилу Семеновичю Воронцову с наугородцкими людьми и со псковскими, а велели им стояти на Опочке. А дворецкому своему | л. 495 | Ивану Никитичю Бутурлину велели итти со псковичи в Литовскую землю со многими людьми и с наря­дом, с пушками и с пищальми. И велели Бутурлину на Литовской земле на озере на Себеже го­род поставити. К ороль же Жигимонт, послышав то, что воеводы великого князя под Мъстислав-
_________
^ы) Так в рукописи.

-170-

лем, а иные великого князя люди на его земле на Себеже город ставят, и послал король за своими воеводами, а велел им итъти со всеми людьми и с нарядом, с пушками и с пищальми, к великого князя городу. В оеводы же королевы, пан Юрьи Миколаевич Родивиловича да Андрей Немиров, да ляцкой гетман Ян Торновской, да изменник великого князя князь Семен | л. 495 об. | Бельской, идучи к Стародубу, Гомень взяли, а в Гомье ^ь) в те поры был наместьник князь Дмитрей княжь Дмитреев сын Щепин, а прибылые люди в город не поспели, а были тутошние люди [и] прибыльные немно­гие. Воеводы же королевы от Гомья пошли к Стародубу, а пришли к Стародубу месяца июля со всем Королевым нарядом, с пушками и с пищальми, и прибыльных людей с ними много иных земель король наймовал: жолнер и пушкарей, и пищальников, а с ними подкопщики. И начата литовския люди приступати к городу со всех сторон ^э), бити ис пушок и ис пищалей. А з города | л. 496 | воевода князь Федор Овчина ^ю) против велел стреляти ис пушек же и ис пищалей, и билися с ними з города и билися крепко. А того лукавства подкапывания не познали, что наперед того в наших странах не бывало подкапывания. Воеводы же литовския, обступив град, да стали за турами блиско города, да и подкопалися, и город зажгли, и воеводу князя Федора Овчину с собой свели, а иных пересекли и прочь пошли. А воеводы великого князя князь Василей Васильевичь Шуй­ской с товарищи пришли к Мстиславлю с нарядом, да посад изгонили, на посаде многих людей имали в полон, а иных секли, а по| л. 496 об. |сад сожгли, а город Мьстиславль отстоялся. И оттоле пошли в Литовскую землю воевати, и многие места воевали и жгли и секли, и в свою землю пришли поздорову. А наугородцкия воеводы ^я) Иван Никитич Бутурлин Литовские места воевал ^а) и город на королеве земли на озере Себеже поставил, и устроил его пушками и пищальми, и всем наря­дом, и запасом хлебным, как ему мочно быти, да устроивши город, да и пришол на Опочку по­здорову.
О измене казанской. В лето 7044-го сен [ тября ] в 25 день К овгоршад царевна и Булат князь и вся земля Казанская великому князю Ивану Васильевичю изменили, | л. 497 | Яналея царя убили, которого им князь велики Василей Иванович дал им царем на Казань, а взяли ис Крыму себе на Казань царем Сафа-Кирея царевича. T oe же осени ок[тября] повелением великого князя зделан град Почап землян на старом же месте. T oe же осени дек[абря] в 12 день п ожаловал князь велики Шиг-Алея царя, из нятства ^б) выпустил, а сидел на Белеозере; и опалу свою ему отдал, и очи свои дал ему видети. Т ого же месяца зделан град древян в Мещере на реце на Мокше ^в). T oe же зимы ген[варя] в 6 день п риходили татаровя казанские к Нижнему Новугороду и на Балахну, и посад пожгли, и беглых людей на Волзе много | л. 497 об. | посекли. И князь велики послал из Мурома князя Федора Михайловича Мьстисловского и иных воевод с людьми, и татарове казан­ские и прочь пошли. Т ого же месяца велел князь велики поставити во Ржевском на Литовском рубежи град землян, а нарек его Заволочье, и дворы ржевские велел перевести. Т ого же месяца повелением великого князя поставлен город в Костромском уезде Буйгородок на Кореге. T oe же зимы фев[раля] в 20 день, в неделю мясопустную поставлен бысть Данилом митропалитом владыка во град Смоленеск Сава Слепушкин, старец Иосифова манастыря. Т ого же месяца февраля в 27 день | л. 498 | п риходили под город под Себеж литовские воеводы Андрей Немиров со многими людьми и с ве­ликом нарядом, с пушечным и с пищальным, и ко граду крепко приступали. И божиею милостию граду не учиниша ничто же, но своими же пушками своих же людей побиваху. А в то время из града вы[и]доша на них великого князя люди и многих людей литовских побили, и знамена и вар­ганы у них поимаша. Они же с великим срамом от града отойдоша въсвояси. И князь велики ве­лел того ради поставити во граде том церковь живоначальную Троицу; в ней три престолы: Успение пречистые да Покров, да Сергия чюдотворца. T oe же весны п рестав| л. 498 об. |лен град Темников на иное место на реце на Мокше же. T oe же весны зделан град Стародуб на старом же месте землян. И в то время послал князь велики воевод своих князя Ивана Васильевича Горенского и иных своих воевод Литовские земли воевати под город под Любеч. И великого князя воеводы, шед, Литовскую землю воевали и паки же возвратишася здравы. T oe же весны зделан град Устюг древян. Т ого же лета июля згоре град Яраславль от церкви святаго Николы, и поставлен бысть нов того же лета. Т ого же лета п очат град делати на Балахне землян, а доделан 45-го лета октебря.
_________
^ь) Так в рукописи.
^э) Далее повторено и начата литовския люди приступати.
^ю) В рукописи Авчина.
^я) Так в рукописи.
^а) Первоначально было воевали, затем и зачеркнуто.
^б) в исправлено из a.
^в) В ру­кописи Мошке.

-171-

Т ого же лета приходили казанские татарове на Ко| л. 499 |стромския места. И великого князя воевода князь Петр княжь Васильев сын Засекин-Пестрой стоял в заставе и пришед на казанские люди, не сождався с людьми, и татаровя их разгоняли и самого князя Петра да Меньшика Полева убили, и послышав великого князя больших воевод, и прочь пошли. О преставлении князя Юрья. Т ого же лета августа в 3 день, в четверг, в 3 часа дни преставися князь Юрьи Иванович, брат вели[ко]го князя, в ызымании, и положен бысть в Архангиле на Москве. Т ого же лета поставлен град на Проне.
В лето 7045 п о дьяволю действу и лихих людей возмущением учиниша велику замятию: начата вадити великому князю и его матери великой княгине | л. 499 об. | на князя на Ондрея, что князь Андрей [на] великого князя и на его матерь на великую княгиню гнев держит, что ему вотчины не придали, а хочет бежати. А князю Андрею сказывают на великую княгиню, что хотят его поимати. А наперед того лета 7042-го ген[варя] после великого князя преставления, не съезжая с Москвы в свою отчину, после сорочин б ил челом князь Андрей великому князю Ивану Василье­вичю всеа Русии и его матери великой княгине Елене, а припрашивал к своей отчине городов чрез отца своего благословенье и чрез духовную грамоту. И князь велики и его мати великая княгини ^г) Елена не придали ему городов к его отчине, а по| л. 500 |чтили его, как преже того по преставлении великого князя братье давали, а ему дали и свыше, давали ему шубы и купцы, и кони, и иноходцы в седлех. К нязь же Андрей поехал к собе в Старицу, а учал на великого князя и на его матерь на великую княгиню гнев держати о том, что ему отчины не придали. И к тому присташа лихие люди и навадиша на князя Андрея великому князю, а князю Андрею сказаша на великого князя, что хочет его князь велики поимати. И князь велики и его мати великая кня­гини Елена послали ко князю Андрею боярина своего князя Ивана Васильевича Шуйского да дьяка своего Меньшего Путятина в то[м] его увещати, что то слова неправые, | л. 500 об. | а у великого князя. Ивана и у его матери великие кнегини Елены лиха в мысли нет никоторого. К нязь же Андрей по приказу великого князя и его матери великие кнегини к Москве приехал, и у великого князя и у его матери у великие кнегини был, и о том бил челом великому князю и его матери великой кнегине отцем своим Данилом митропалитом, слух его доходил, что князь велики и его мати ве­ликая княгини хотели на него опалу свою положити. И князь велики Иван и его мати великая княгини Елена князю Андрею говорили: “Нас ^д)-ж) про тобя слух доходит, ты на нас гнев держишь, и ты б в своей правде стоял крепко, а лихих бы еси людей речей | л. 501 | не слушал. А у нас про тебя на сердце лиха нет никоторого, а объяви нам тех людей, которые меж нами сорят, чтоб вперед меж нами лиха никоторого не было”. А князь Андрей имянно не сказал ни на кого, а сказал, что на него пришло мненье. И князь велики Иван и его мати великая княгини Елена князю Андрею крепкое свое слово дали, что у великого князя и у великие кнегини у матери его на князя на Андрея лиха в сер[д]це нет никоторого. А отпустили его в его отчину с великим потешением. А князь Андрей к собе в вотчину поехал, а мнения и страху не отложил, а в сердце гнев держал о том, что ему вотчины не придали. И к тому приста| л. 501 об. |ша лихие люди и начата сказывати на князя Андрея великому князю, что князь Андрей хочет бежати. И князь велики и его мати великая кня­гини тем речем не верили, потому што наперед того меж ими многие неправды говорили. А ве­ликому князю в то время Казань не мирна, и князь велики и его мати великая кнегини послаша по князя Андрея казанского для дела. И князь Андрей к великому князю не поехал, а сказался болен, а велел к собе и мастера прислати. И князь велики и послал к нему мастера Феофила. И Феофил приехал, сказал великому князю, что болезнь его лехка, сказы| л. 502 |вает на стегне болячка, а лежит на постеле. Князь же великий и его мати великая княгини о том в великом сумнении, что к ним князь Андрей великого для дела казанского не приехал. Князь же великий и его мати ве­ликая княгини посылаша посланников своих ко князю Андрею о здоровье спрашивати и о иных делех, а про князя Андрея тайно отведывати, есть ли про него какой слух и зачем к Москве не поехал. И те посланники, приехавши, сказали великому князю, что у него люди прибылые есть, которые не всегда у него живут, а говорить не смеют, а которые им приятны, и те им сказывают тайно, что князь лежит | л. 502 об. | за тем, к Москве ехати не смеет. Князь же Андрей по лихих людей речем сам к Москве не смел ехати, а послал на Москву к великому князю и к его матери великой княгине боярина своего князя Федора Дмитреевича Пронского. А князь Федор Пронской от князя
_________
^г) Так в рукописи.
^д)-ж) Так в рукописи.

-172-

Андрея из Старицы к великому князю на Москву ещо не приехал, и в то время сын боярской княжь Андреев, князь Василей княжь Федоров сын Голубого, Ростовских князей, и[з] Старицы прислал тайно ночью к великого князя боярину ко князю Ивану Федоровичю Овчине человека своего Еремку с тем, что князю Андрею одноконешно на утро бежати. И князь Иван то сказал великому князю, и [князь] | л. 503 | велики и великая княгини послали за князем за Андреем крутицкого владыку Досифея да архамандрита симановского Филофея, да отца его духовнаго протопопа спаского Семиона. А велели ся им имати по великом князе и по его матери великой княгине, что у них лиха в мысли нету никоторого. А нечто будет князь Андрей владыке и архимандриту и отцу своему духовному не поверит, а побежит ^з), а князь велики того для послал за князем за Ондреем бояр своих князя Микиту Васильевича да князя Ивана Федоровича Овчину Оболенских со мно­гими людьми. А по боярина по княжь Андреева по князя Федора Пронского послали встречю, и велели его поимати | л. 503 об. | да и на Москву привесть. И как князя Федора имали, и в те поры ушол князь Андреев сын боярской Судок Дмитреев сын Сатин ^и) да прибежал к своему князю, а сказал князю Андрею, што боярина его князя Федора Пронского поймали: “А слух его дошол, что послал князь велики бояр своих князя Микиту да князя Ивана ^к) Овчину Оболенских со многими людьми тебя имати”. И в ту пору пригонил с Волока в Старицу князь Андреев сын боярской Яков Веригин, а сказал, что приехали на Волок великого князя бояре князь Микита да князь Иван Овчина Оболенские со многими людьми: “А едут тебя имати”. И князь Андрей часа того побежал и со княгинею, и с сыном майя в 4 день | л. 504 | да от Старицы отъехал верст с шездесят до Новоторжского уезда до Берновых села. И из Бернова побежал князь Василей княжь Федоров сын Голубого да сказал великому князю, что князь Андрей ещо того не приговорил, на которое ему место бежати. А князь Андрей ис Торжшску ^л) за рубеж не поехал, а пошол к Новугороду к Великому, захотел Новгород засести, да и грамоты писал к великого князя к детем боярским помещиком да и по погостом по­сылал, а писал в грамотах: “Князь велики мал, а держат государьство бояре. И вам у кого служити? И вы поедьте ко мне служити, а яз вас рад жаловати”. И иные дети боярские к нему и приехали служити. И та весть пришла к вели| л. 504 об. |кому князю и его матери великой княгине, что князь Андрей идет к Новугороду, а грамоты посылает г детем боярским, а зовет их к собе служити: и те грамоты привезли к великому князю сь княжими печатьми. И князь велики и великая кня­гини часа того писали за бояры да велели князю Миките князя объехати, а спешити к Нову­городу наперед князя Андрея, да велели город крепити и наместьником всех людей к целованию привести. И приедет князь Андрей к Новугороду, и князю Миките, укрепясь с людьми да и с наместники, да против князя [Андрея стояти], сколько бог поможет, и посада ему жечь не дати. А нечто будет князь Андрей людьми силен добре, и князь Миките быти в городе | л. 505 | и дела вели­кого князя беречь со владыкою и с наместники заодин. А князю Ивану Овчине ^м) писали, а велели с людьми збиратися за князем итити, а в те поры дети боярские наугородцкие помещики пошли на службу, а велено им быть на Москву. И князь велики и его мати великая княгини послали встречю по дорогам да и в пятины к детем боярским, а велели им спешити за князем Иваном за Овчиною. И князь Иван Овчина, собрався со многими людьми, пошол за князем за Ондреем. А князь Андрей от Заецкого яму своротил влево к Русе, и князь Иван Овчина доехал князя Андрея в Тюхоли, от Заетцкого яму верст с пять. И князь Андрей со князем | л. 505 об. | Иваном на бой стал, люди свои вооружил и полки, пошол на князя Ивана. А князь Иван против князь Андрея вели­кого князя людем воеводы устрой и полки уставил, и учреди полки и, взем бога на помощь, пришол против князя. И уведел князь Андрей великого князя полки, и не захотел с великим князем бою поставити, и нача со князем Иваном съсылатися, а у князя Ивана учал правды просити, что его великому князю не поимати и опалы на него великие не положити. А князю Ивану то от ве­ликого князя не наказано, что ему правда дати князю Андрею, и князь Иван, не обославшись с великим князем, да князю Андрею правду дал, | л. 506 | да со князем Андреем вместе и на Москву приехал. И князь великий и его мати великая княгини на князя Ивана на Овчину о том словес­ную опалу великую положили, что без их веления князю Андрею правду дал. А князя Андрея велели поимати и в полату посадити, и тягость на него положили. А кнегиню его да и сына поса­дили в городе за приставы на Берсеневе дворе. А на бояр его, на князя Федора Дмитреевича
_________
^з) Далее крест из пяти точек.
^и) В рукописи Латин.
^к) Последнее а исправлено из у.
^л) Так в рукописи.
^м)> В рукописи Авчине.

Дата добавления: 2015-08-02