25 страница. троицу и прочая апостольская священая повеления, святыя божия церкви предания цела и

-155-

троицу и прочая апостольская священая повеления, святыя божия церкви предания цела и неподвижима того благодатию соблюдати, я ко же исповеданием моим написано, [то и] предах, внегда святитель в начале рукою полагахся по обычею. Святым богославным и правоверным царем християнским, | л. 438 | [и] елицы отъидоша сего жития по м[о]е[м] поставлении, и елицы еще живи суть, всем вкупе подаю, еже о святем дусе чистое прощение. К сим же святейшим и вселенским сущим патриархом, иже преже преставлыпимся и еще живущим, тако же и святейшим митрополитом всем, преставлыпимся и живым, даю обычную любовь и последнее и конечное целование и про­щение, и сам того прошу от них получити. Б лагородному же и христолюбивому о святем дусе воз­любленному сыну моему великому князю Василию Дмитреевичю всея Русии даю мир и благословление и последнее целованье, [и] с его материю, и с его братьею, и с его княгинею, и с его детьми, | л. 438 об. | и с их княгинями и с их детьми. Тако же и всем великим князем руским даю мир и благословение и последнее целование, и с их княгинями и с их детьми. Т ако же и всем князем мест­ным и со княгинями и з детьми оставляю мир и благословение. Тако же и боголюбивым еписко­пом, сущим под пределом нашея церкви в Руской митрополии, преже преставльшимся и еще живым сущим ^ь) даю им прощение благословение и любовь, а от них то же прошю и сам получити. С вященноиноком же и всему священическому чину и елицы у престола господня служат, всем даю прощение и благословение и любовь. Благочестивым | л. 439 | же и великим князем и прочим всем -князем, преже преставльшимся в летех наших, тако же даю благословенье и прощенье и молюся господу богу, да простит им вся согрешения, елика и тии, яко человецы согрешиша. Б ояром ве­ликим же и меньшим и з женами и з детьми их, и всему християнскому народу оставляю мир и благословенье. Иноком же всем вкупе, елицы в различных местех живут, и всему причту церков­ному мир оставляю и благословение. Аще ли же буду кого в опитимию вложил или невниманием или паки благословною виною, а не будет поисках разрешения, и в том забыти | л. 439 об. | учинилася смерть, или буду учил кого, а он ослушался, в сех имею о святем дусе разрешины и прощены и благословины ^э) и молюся человеколюбцу богу, да отпустит им. А понеже сочтох лета своя, от нели в митро­политы поставлен бых, и обретеся числом их, яко тридесятое лето течет к приходящему месяцю декабрию в 2 день, и толиким летом прошедшим, аще кто будет пороптал на мя или паки явно востал от епископскаго сана или от иноческаго, еще же и священическаго, или хто и от мирских совокупился будет с ними, и елицы от них познашася ^ю), и пришедши ко мне исповедаша и прияша | л. 440 | прощение и разрешение, прощени суть и благословени от того часа, и да не вменит [им] господь бог во грех; но да отпустит им. А елицы или стыдяся мене, или в забыти[и] приидоша, или в не-брежени[и] вложиша, или опасался мене, или за скудостью ума, или ожесточившимься вражи[им] наветам, всякий иже есть от священник или от инок и[ли] мирьсти[и] мужеский пол или женеск, да будут прощени ^я) и благословени ^я), и да не вменитца им в грех, зане то мое [е]сть и [в] мене приткнушася и моея области то раздрешити. Е лицы же возлюбиша нас и помиловаша нас господа ради, в нужах наших и в путех различных | л. 440 об. | и в землях, христоименитии люди, велможи, бояре, мужи и жены, да будут и ти прощени ^а) и благословени на небесех и помиловани от бога человеко­любца, да воздасть им господь по сердцу их. А душу свою и дом святыя богородица приказываю о святем дусе возлюбленному сыну своему великому князю Василию Дмитреевичю всея Русии, како ся попечалует. Тако же и бояр своих и слуг своих и молодых людей, от мала и до велика, как пожалчет, и ^б) поблюдет ^б). А мир и прощение и благодать от господа бога и спаса нашего Исуса Христа со всеми вами и мое благословение. А писана грамота сия у Трех Святитель месяца сен­тября | л. 441 | во 12 день, индикта 15”. П о отшествии ^в) же сего митрополита и прочий митрополити ^г) рустии и доныне преписывающе сию грамоту, повелевают в прес[та]вление свое во гроб вскладающеся, тако же прочитати во услышание всем. Побоище псковичи и немцы. T oe же осени бысть розмирие псковичем с немцы и воивахуся промежи собою. Собраша же псковичи силу многу и поидоша ратью на Немецкую землю, и се срете их ^д) рать немецкая на реце на Серице ^е), и бысть им бой месяца октября в 9. И поможе бог псковичем, побита поганых немец и гониша по них по их земли | л. 441 об. | немецкой 20 верст до Новагородка ^ё) секуще их, многих же руками изнимаша. И оттоле поидоша псковичи х Кирипеге ^ж), хотяще итти к Юрьеву немецкому, и стрете их Акорт, ме-
_________
^ь) В рукописи суще.
^э) Так в рукописи.
^ю) В рукописи позвашеся.
^я-я) В рукописи прощении и благословении.
^а) В рукописи прощении.
^б-б) В рукописи им бо блюдет.
^в) В рукописи ошествии.
^г) В рукописи митрополии.
^д) В рукописи и.
^е) В рукописи Серине.
^ё) В рукописи Новагорода.
^ж) В руко­писи Киренег.

-156-

стер ^з) риский, со всем По[мо]рием немецким за Селиловым побоищем, и паки бой бысть им велик. И поможе бог псковичем над погаными, а местер ^з) убеже в мале дружине, а псковичи гонишася за ним до Кирепеги ^и), секуще их. И возвратишася псковичи в домы своя с великою победою и со многою корыстью, многих немец ведуще с собою извязавши. Свадьба князя Петра. | л. 442 | Г енваря 16 день женися князь Петр Дмитреевичь на Москве, поят за ся Полуехтову дочь Васильевича ^й). T oe же зимы царь Шадибек убил царя Тахтамыша в Сибирской земли. О князе Юрьи смоленском. К нязь Юрьи Святославичь смоленский при[и]де из Новагорода на Москву, и дасть ему князь великий Торжек. Он же убил тамо служаща ему князя Семена Метиславича вяземскаго и его княгиню Улияну, взя бо ю к себе хотя с нею жити, она же сего не хотяше. И яко лещи восхоте с нею, она же предобрая мужелюбица мужски воспротивися ему, и земши нож, удари его в мышку | л. 442 об. | на ложи его. Он же взъярився и вскоре сам уби князя ея, а ей повеле руки и ноги отсещи, и в реку ввергоша ю. И бысть ему в грех и в студ велик, и с того побеже к Орде, не терпя горкаго своего ^к) безвремения и срама, и бесчестия. Князь Костянтин Дмитреевичь ходи псковичем на помощь. T oe же зимы псковичи приходиша к великому князю просити помощи на немцы и посла к ним ^л) брата своего князя Констянтина Дмитреевича, и пребысть тамо мало не весь год в Пскове.
В лето 6915 б лаговещение было в великий пяток. В той же день преставися | л. 443 | епископ Ефросин суздальский. О Вознесении. T oe же весны княгини великая Евдокея Дмитреева заложи на Москве церковь каменну святого Вознесения внутри города. О Одуеве. Майя в 20 день литва взяша Одуев и огнем пожгли. Бысть знамение на Похре: иде кровь от иконы святыя Богородица. О великой княгине преставлении. М есяца июня в 7 день преставися великая княгини Евдокея Дмитрея Ивановича, нареченная во мнишеском чину Ефросиния, и положена бысть в монастыри в церкви Вознесения, юже сама заложи. О Пскове. | л. 443 об. | К нязь Констентин Дмитреевичь ходи со псковичи на немцы ратью, и много воевав земли немецкие и люди много изеече, а иных поплени, и взя град немецкий именем Явизна ^м). Т ого же лета преставися Феогнаст, епископ рязанский. Т ого же лета июля 20 князь Иван тверский ^н) поиде ^н) в Орду в судех по Волзе ко царю Шадибеку. [И бысть] в то время замятия велика, згони Шанибека со царьства Булат салтан. О великих князей брани. Т ого же лета на спасов день князь великий Василей Дмитреевичь, собра воя многи, и поиде ратью на Литовскую землю на Витофта, и взя град | л. 444 | Дмитровец и огнем пожже. Срете же его Витофт со многою силою, бывшим же им у Вязьмы, и ту вземше перемирие разыдошася. Преставися князь Юрьи смоленский сентября в 14 день. П реставися князь Юрьи Святославичь смоленский не в своей отчине, но на чюжей стороне во изгнании, лишен своего княжения и жены и дети, но в Резанской земли в пустыни в монастыри у некоего игумена христолюбца ^о) именем Петра, и ту неколико дни поболев преставися и погребен бысть ту. Г енваря в 25 день вы[и]де из Орды князь Иван Михайловичь [тверский ^п), тогда же и женися. Toe же зимы женися князь Ярослав, сын князя Володимера ^п)] сын Андреевичя на Москве.
В лето 6916 м арта в | л. 444 об. | 9 п реставися епископ коломенский Ларион. В 11 день м арта прощен бысть некий человек у гроба Петра чюдотворца, иже бе в ^р) велице болезни и недузе. П риходиша немцы на Псковскую ^с) землю воевати и у Пскова много стояще около города. Псковичи же быша во мнозе изнеможении, понеже велика сила немецкая при[и]де на них. М айя в 25 день почата бысть подписывати церковь велика[а] соборная пречистая Володимерская, повелением великаго князя, а мастера Данило иконник да Андрей Рублев. О рязанских князех. П роньский князь Иван ^т) Володимерович ^т) пришед | л. 445 | с татары согна князя Федора Ольговича с Рязани, он же беже за Оку, а князь Иван седе на обою княжению. По том же при[и]де на него князь Федор Ольговичь ратью, и бысть им бой на реце на Смядве июня в 1. И поможе бог князю Ивану пронскому, тогда же убиша Игнатия Семеновича Жеребцова, воеводу коломенского, и коломничь ^у) побиша многих. Т ого же лета помиришася князи рязанстии, Федор с Ываном. П овелением великого князя сруб­лен бысть Ржева, а ^ф) воевода бе князь Юрьи козельский да Юрьи Васильевичь. О пожаре ростовстом. И юня 21 день бысть пожар | л. 445 об. | велико во граде Ростове, множество церквей згоре, и церковь соборная выгоре Пречистая, яко и камению разспастися, в ней же иконы и книги, и сосуды зла-
_________
^з) В рукописи нестер.
^и) В рукописи Корепеги.
^й) В рукописи Васильева.
^к) В рукописи сего.
^л) Далее повторено к ним.
^м) В рукописи Авизна.
^н-н) Написано по счищенному.
^о) В рукописи христо.
^п-п) В рукописи пропущено. Восстановлено по Воскресенской летописи (ПСРЛ, т. VIII, с. 81).
^р) В рукописи на.
^с) В рукописи Половскую.
^т-т) В рукописи Володимер и Иван.
^у) В рукописи коломничи.
^ф) В рукописи и.

-157-

тыя и сребряныя со жемчюгом и камением драгим, то все огнем погоре, и дворы княжи и бояр­ские и прочих людей со многим товаром погореша. Ведрено бо бысть ^х) вельми тогды, еще же к тому буря и вихорь велик зело. Много же и людей погореша, боле тысячи душ. Такова пожару велика в Ростове не бывало за двесте лет. О Швитригайле, о князех литовских. М есяца июля в 26 день при[е]де к великому | л. 446 | князю из Брянска князь литовский Швитригайло Ольгердовичь служити” л а с ним владыка дбрянский Исакий, да с ним же князь Патрекей звенигородцкий и князь Александр звенигородцкий, ис Путивля князь Федор Александровичь, князь Семен перемышльский, князь Михайло хотетовский, князь Урустай ^ц) менский, и бояре черниговский и дьбрянскии, и старадубскии, и люботские, и ярославские. К нязь же великий Василей Дмитреевичь прият его с честию и дасть ему град Володимер со всеми волостьми и з пошлинами, и з селы и с хлебом, тако же и Переславль, по тому же и Юрьев Польский, и Волок Ламский, и Ржеву и половину Коломны. | л. 446 об. | Т ого же лета мор был на люди по многим странам коркотою в волостех ржевских, можайских, дмитровских, звенигородцких, переславских, володимерских, юрьевских, рязанских, торуских, было же и инде в московских волостех. О миру с Витофтом на Угре. С ентября 1 день князь вели­кий Василей Дмитреевичь, собрав силу многу, поиде противу Витофта и пришед ста у Угры на брезе. И Витофт тако ^ч) же со многою силою приде на другу страну реки тоя, с ним же литва, ляхи, немцы, жемость. И сташа межи собою о реце Угре, и стоявше немного дни, и взяша мир промеж собою по давному. | л. 447 | О тверских князех. T oe же осени князь Иван Михайловичь тверский поиде ратью х Кашину на братанича своего князя Ивана Борисовича, он же беже на Москву. А князь Иван [пришед] х Кашину помирися со братом своим князем Васильем кашинским, а княгиню Борисову изнима приведе на Тверь, а на Кашине посади наместники своя и дань на них взя. О Едигее. T oe же зимы некоторый князь ординский, именем [Е]дигей, повелением Булата царя прииде ратью на Рускую землю, а с ним 4 царевичи да мнози князи татарски. А се имена им: Бучак царевичь, Тергиберди ^ш) царевичь, Артемир царевичь, Булат царевичь, | л. 447 об. | князь великий Едигей, князь Махмет, Исупу Сулемонову сыну, князь Тегиня Шихов сын, князь Обрягим Темирязев сын, князь Акшибей Едигеев сын, князь Сеитялибей ^щ), князь Бурнак, князь Ериклибердей ^ъ). С е же слышав князь великий Василей Дмитревичь не стал на бой противу татар, но отьеха вборзе на Кострому. И бысть в Филипово говейно, м есяца де[ка]бря в 1 день, при[и]де Едигей к Москве ратью со всею силою татарскою и разпусти [их] по всему великому княжению. И разсыпашася по всей земли, аки злии волцы по всем градом и по странам, и по волостем, и по селом, и не осташася та[ко]ваго места, иде же не бывали | л. 448 | татарове. Взяша град Переславль и огнем пожгоша, тако же и Ростов, и Дмитров, и Серпухов, и Новгород Нижний, и Городец. А [за] кня­зем за великим послан бысть в погоню царевич Тергибердей да князь Акшибей сын Едигеев, да князь Сеитялюбий ^ы), а с ними избранный рати 30 тысяч. И те гнавши по нем не постигоша его, ниж обретоша его и паки возвратишася к Едигею. Стоя же Едигей у Москвы в селе Коломенском, и тогда посылает послы своя Булата царевича да князя Ериклибердея ^ь) на Тверь к князю вели­кому Ивану Михайловичю тверскому, веля ему быти у Москвы часа того со всею ратью | л. 448 об. | тверскою и с пушками, и с тюфяки, и з самострелы, и со всеми сосуды градобитными, хотя разбити град Москву. Князь же Иван не хотя сего сотворити, ни изменити крестнаго целования и давнаго мира и любви с великим князем, но сице умысли: со Твери поиде без рати, не во мнозе дру­жине, и не доехав Москвы возратися паки с Клина на Тверь. Сие же сотвори, дабы ни Едигея разгневати, ниже великому князю погрубити, и обоим обоего избежа, премудре бо сия сотвори. Г рад же Москва в печали велице бысть вой обстоим, а людие в нем затворишася. | л. 449 | Посад же около его сами пожгоша, боящеся примета. Во граде бо бяше затворилися с ними князь Володимер Андреевичь, князь Андрей Дмитреевичь, и брат его князь Петр, и князь Иван [Юрьевичь], и мнози бояре с ними, и епископи, и весь священически чин, и многое множество народа тмочисленно, от многих бо град и стран збегошася твердости ради градныя. Скорбию же великою одержими бяху, ниоткуду пособия обдержающе, но точию от единого бога помощи получити прашаху ^э) и пречистые матери его молящеся, скорой в бедах помочьницы християнскому роду, и пост и молитву сотвориша, м ольбы же и моление при| л. 449 об. |носяще со слезами и воздыханием, и покаяние же ^ю)
_________
^х) В рукописи быша.
^ц) В рукописи Уростай.
^ч) В рукописи такою.
^ш) В рукописи Тергиберид.
^щ) В рукописи Китялибий.
^ъ) В рукописи Еликлибердий.
^ы) В рукописи Сентялюби.
^ь) В рукописи Еликлибирдея.
^э) В рукописи пращаху.
^ю) В рукописи еже.

-158-

чисто от душа кииждо положиша, от грех очищающеся и смерти ожидающи. Всеблагий же мило­стивы и человеколюбец бог услыша скорбь людей своих и молитвы и моления и воздыхания их не презре, но обычным своим человеколюбием помилова люди своя, от безбожных измаилтян избави. Во время бо се, в не же Едигей пришед у Москвы стояще ^я), хотя и зимовати ту, всячески же похваляшеся град взяти хотяше, се некий царевичь в то время усмотрив себе время получно, егда вся Орда истощися и всии татарове на Русь изы| л. 450 |доша воевати, а мало их около царя остася, той же царевичь усмотрив себе время таково и приобрет поборники себе, и при[и]де напрасно изгоном на Орду, но сотвори ему вспону проводник его, не на царя приведе его, но на торг, еще же и мгла велика бысть в день той. Егда же не получи желаемаго, тогда пресещи повеле проводящаго его, замятию же велику сотвори и попремногу смутися всю Орду, за малым ^а) бо самого царя не захвати. Ц арь же Булат во ужасе зело быв, и посылает вскоре на Русь по Едигея скоропосольники ^б)-в) своя, веляще ему без всякого пождания пойти к себе со многою скоро| л. 450 об. |стию, бояся, да не паки пришед изгоняти его со Орды или имуть. Слышав же се Едигей [и] искаше оттоле подобна времени, како бы отступити от Москвы, не яко не одолев ^г), но всячески победив, и нача просити окупа ^д) з города. С ущи[и] же во граде князи и бояре и вси людие не ведуще бывшаго повинушася дати окуп ^е), 3000 рублев. Егидей же взем откуп поиде от Москвы во Орду, стоя же у города 3 недели, а ко граду не приступа, ни рати припушал, но стоял все в Коломенском селе. Егда же отьити хотяше, и тако отпусти преже воя своя со множеством полона, а сам со всею [ратью] поиде | л. 451 | м есяца декабря в 20 день в онь же празнуют память преставления Петра митрополита, новаго чю[до]творца рускаго. Мню бо, яко и того молитва еже к богу избави люди и град от толикия нужи ^ё) и беды, належащая на них. Еще бо в животе своем превозлюби град свой, паче всех град, в нем же и цельбоносный гроб его бяше, имея честныя мощи его. Е го же ради молитвы избавлен бысть сей град от поганых нашествия. Яко же и великий Христов мученик Дмитрей избавляше многажды град свой Селунь от нахождения срацын ^ж), тако же и сему граду и людем сущим в нем дасть бог сице| л. 451 об. |ваго ^з) святителя, заступати и спасти могуща от всех злых находящих на нас. А отшедшим же татаром с множеством полона и всякого товара и всякого узорочья наимавшеся, полона ^и) же толико множество ведяху, яко многи тысяща числом превосхождаше. Жалостно же бе видяху и достойно слез многих, яко един татарин до четыредесят християн ведяше с нужею повязавши, многое множество изсечено бысть, ини же от мраза изомроша, друзии жаждею и гладом умираху. О тцы и матери плакаху, зрящи чад своих разбиваемых и умерщвляемых, тако же и чады рыдаху | л. 452 | разлучения от роди­тель своих, и не бысть помилующаго, ниже избавляющаго и ни помогающаго. И бысть тогда во всей Руской земли всем хрес[ть]яном туга велика и плачь неутешим и рыданье и кричание, вся бо земля пленена бысть, начень от земля Рязанския и до Галича и до Белаозера, вси бо подвизашася и всии смутившися, многи бо напасти и убытки всем человеком содеяшеся, и большим и меньшим, и ближним и дальным. И не бысть такова, иже ^к) бы без убытка был, но все в тузе и скорби мнозе и печалию одержими. Сию же скорбь за много время нецыи же от книжник провозвестиша, глаголюще: “Яко | л. 452 об. | в преидущее ^л) лето будет скорбь людем”. Еже и збыся во время се. Во мно­гих же местех от святых икон миро исхождаше, а от иных кровь идяше на показание нам греш­ным. Преже бо казнения бывают знамения и прещения, да аще не покаемся, тогда потом казнь божия приходит на ны за наше прегрешения.
В лета 6917 п реставися владыка тверский Арсеней марта 2. Т ого же лета ходи Анфал на Болгары Камою и Волгою, [100 ^м) насадов Камою, а Волгою ^м)] 100 и 50. И избиша их в Каме татарове, а Анфала яша и ведоша в Орду, а волжьския насады не поспели. Т ого же лета пскови| л. 453 |чи взяша мир с Витофтом и с немцы.
В лета 6918 п рииде из Царяграда на Москву митрополит Феогнаст апреля в 22 день, на велик день; поставлен патриархом Матфеем при царе Мануиле; бе же родом гречин. Т ого же лета преставися князь Володимер Андреевичь на Москве, и положен бысть во церкви архангила Михаила. Т ого же лета наугородцы оставиша торговати кунами, мордьками куньими, а начата торговати белками, лопцы и гроши литовскими и артуги немецкими. Т ого же лета бысть побоище
_________
^я) В рукописи стояща.
^а) В рукописи мало.
^б)-в) В рукописи скоросольники.
^г) В рукописи одолен.
^д) В рукописи откупа.
^е) В рукописи откуп.
^ё) В рукописи нужа.
^ж) В рукописи срацыне.
^з) В рукописи сицецеваго.
^и) В рукописи полана.
^к) В рукописи яже.
^л) В рукописи преидущую.
^м-м) В рукописи пропу­щено. Восстановлено по Воскресенской летописи (ПСРЛ, т. VIII, с. 84).

-159-

королю Ягайлу Ольгердовичю, | л. 453 об. | [н]ареченному Володиславу, и князю великому литовскому Витофту Кестутьевичю с немцы и с прусы в земли их Пруской межи городов Дубровны и Острода. И убиша местера и маршалка, и кундыри побита, и всю силу их немецкую побита, и городы их немецкие поимаша, но только три городы не вдашася королю Витофту. И бысть той осени ляхом и литве 3 побоища с немцы, и на всех трех немец избиваху, много же и християн и литвы и ляхов избито бе от немец. И стояша под Марьиным городом 8 недель и взяша около его два охабня ^н), а треть| л. 454 |его вышнега не взяша города. Ходиша же по Немецкой земли полдругонатцаты недели. Т ого же лета князь Швитригайло Ольгердовичь отьеха с Москвы в Литву, едучи взял град Сер­пухов. Т ого же лета князь великий Василей повеле рубити град Плесо. О пленени Володимеря, о Талыче. Т ого же лета князь Данило Борисовичь Нижнего Новаграда приведе к себе царевича Талыча и посла с ним изгоном к Володимерю боярина своего Семена Карамышева, а с ним пол­тораста татар, а руси полтораста же. И приидоша к Володимерю лесом безвестно из-за реки Клязьмы, людем в полдень спящим, а града | л. 454 об. | тогда не было, а наместника Юрья Васильевича Щеки не было же во граде. О ни же окояннии и первое за Клязьмою стадо градцкое взяша, и по том на посад ^о) пришедше начаша люди сещи и грабити. По том же прогониша к церкви святыя Богородица соборныя, в ней жь затворишася ключарь поп Патрекей и со иными людьми, и поймав сосуды святыя церковныя, златыя и сребряныя, и елико кузни успе похватити и възнесе на цер­ковь святыя Богородица сохрани, и люди сущих с ним тамо посади, а сам сшед лествицы отмета, и став во церкви пред образом пречистыя плачася. А они безбожнии высек| л. 455 |ши двери святыя Богородица и вшедши в ню, икону чюдную святыя Богородица одраша, тако же и прочая иконы и всю церковь разграбиша. А попа Патрикея емше начаша мучити о прочей кузни церковней и о людех, иже с ним во церкви были. Он же никако же не сказа того, но многи муки претерпе, на сковраде пекоша и, и за нохти щепы бита, и ноги прорезав ужа вдергаша по хвосте у конь волочиша, и тако в той муце и скончася ^п). О ни же изграбиша вся церкви и весь град и люди попленивше, [иных] изсекши, огнем град запалиша и многое множество богатства, злата и сребра, вземше отьидоша. Тако же глаголаху, | л. 455 об. | иже тогда во плене том бывшей, яко не имаша порт, ни иное ничто же, но токмо златое и сребреное, и от кузни многое безчисленное поимаша мно­жество, а денги мерками делиша меж собою. Тогда же в том пожаре и колоколы разделишася. Сия же злоба соключися июля в 3 день от своих братии християн. О побоище литве с немцы. Т ого же лета король Ягайло и Витофт ходиша опять к Марьину городу и рать немецкую побита, а з города взяша 300 тысяч пенез златых окупа и мир твориша.
О княжне Анне. В лета 6919 к нязь великий Василей Дмитреевич отдасть | л. 456 | дщерь свою Анну во Царьгород за царевича Иоанна Мануиловича. Т ого же лета приходиша свия войною и взяша новгородцкий пригородок Корельский. И поидоша за ними новгородцы со князем Семеном Ольгердовичем и пришед в землю свейскую, села повоеваша и пожгоша, а свей поимаша, а иных изсекоша, а у города Выбора охабень взяша и пожгоша. О ростовской церкви. Т ого же лета совершен бысть храм святыя Богородица ростовския, иже бе изгорел от пожара, и священа бысть октября 1 епископом Григорием.
О походе в Орду. В лета 6920 | л. 456 об. | к нязь великий Василей Дмитреевичь ходил в Орду ко царю Зеди салтану, Тахтамышеву сыну, тако же и князь Иван тферский ходил в Орду к тому же царю. К нязь же великий Василей ^р) тое осени вы[и]де из Орды. О церкви на Дорогомилове Благовещения. Т ого же лета совершена бысть церковь камена на Дорогомилове Благовещение святыя богоро­дица, октября 6, боголюбивым епископом Григорием. Т ого же лета князь Семен Лугвень сведе из Новагорода и наместьники свои из пригородов новгородцких сведе. О розмете королю Ягайлу и Витофту с Новым городом. А король Ягайло и князь вели| л. 457 |кий Витофт и Лугвень вскинуша на Новгород грамоты розметныя генваря 2, ркуще: “Что были есте нялися нам, только к нам сло­жат ^с) немцы, и вам было к немцем сложити тако же, а с нами ^т) бысть заодин. И мы о том к вам посылали панов Немиря и Зиновея Братошича: стоите ли в том слове? И вы им отвечали: “Нов­город тово не може учинити, как есмя с литовским мирны, так и с немцы”. И мы князя Лугвеня вывели к себе от вас, а с немцы есмя мир вечны[й] взяли и со угры, и со всеми нашими гра[ни]чными мирны есмя, а свое слово забыли, естя как нам изнималися. Да еще люди нам ваши
_________
^н) В рукописи охобня.
^о) В рукописи посаде.
^п) В рукописи скончаша.
^р) Далее и.
^с) В рукописи служат.
^т) В рукописи ними.

-160-

лаяли и безчествовали, | л. 457 об. | и погаными нас звали. Еще же над тем приняли есте нашего ворога ^у) княж Юрьева сына Святославича князя Федора”. А Лугвень сложил целованье к Новугороду, рек: “Яз с королем и с Витофтом один человек”. Князь же Федор рече новгородцем: “О мне с Витофтом розмирия не держите”. И отъеха в немцы. T oe же зимы владыка новго[ро]дцкий Иван был на Москве у Фотия митрополита.
О иконе пречистыя, с нею же ходи Лука. В лета 6921 от Можайска за пятнацать верст в вочине князя Андрея Дмитреевича явися знамение в Колочи: некий человек, именем Лука, простълюдин сый при[и]де ис Колочи к Можа| л. 458 |йску ^ф) с ыконою пречистыя Богородица, держащи на руце младенец, господа нашего Исуса Христа. С едину же страну иконы тоя на затворце Никола чюдотворец, а з другую Илия пророк, от нея же многа и различная изцеления быша. И яко же приближися ко граду, и срете ю весь град, даже и до малых и до великих и до суссущих млеко. Оттоле же поиде к Москве, тако же и по иным градом, и сретахуть ея со кресты митрополиты и епископи, и весь священнический чин, тако же и князи и княгини з детми и боляре, и вси вельможи, и все православное множество християнское, чюдес ради бываемых от нея. Мнози бо слепи и хроми, розслаблени и глуси, и вси | л. 458 об. | недужни с верою пришедше и здрави быша, елико не может ни ^х) ум человечь изрещи ^ц) такова человеколюбия божия и милости его на нас грешных. Т ого же лета погоре Тверь вся.
О митрополите Фотии. В лета 6922 Ф отий митрополит восхоте ити к Новуграду, [и] яко же доиде Литвы, Витофт же не пусти его, но грабив его, возвратив ^ч) к Москве. О миру новгородец с Витофтом. Т ого же лета новгородцы послаша к Витофту Юрья Анцифорова бити челом о миру, и пожаловал их, отдал им нелюбия, а к немцем не сложили целования. О владыце Иоанне новгородцком. | л. 459 | В сию же осень владыка Иоанн новгородцкий возложи на себя схиму месяца ноября в 15 день, а генваря 20 из двора сниде, быв во епископех 30 лет без трех. T oe же зимы отъеха князь Ярослав Володимеровичь в Литву.
В лета 6923 п овоеваша татарове Елечьскую землю. О пожаре. Т ого же лета погоре град Москва и Смоленеск. О рожени [ и ] великаго князя Василия. T oe же весны в великое говенье, марта 10, по нефимоне родися великому князю Василию Дмитреевичю сын Василей. Сице же бяше о рожени[и] его. Егда при[и]де день той в онь же родитися ему, начат мати его вельми изнемогати, яко | л. 459 об. | и к смерти приближитися ей. Князю же великому о сем в скорби велице сущу. Бе же в то время некий старец свят в монастыри святого Иоанна Предотечи под Бором, за рекою Москвою, знаем же бе и великим князем, к нему же и посла, да ^ш)-щ) помолится о княгини его. Он же отвеща посланному ^ъ) к нему рек: “Шед рци великому князю, да помолится богу и пречистей его матери и великому мученику Логину сотнику, понеже той дан бысть помочник от бога всему роду ва­шему, о всех их же требуеть благых. А о княгини своей не скорби, здрава будет и родит тебе сына в вечер сий, наследника тебе”. Еже и бысть. В негда же родися, | л. 460 | и в той час иерею, духов­нику великаго князя, седящу в кели[и] своей в монастыри святого Спаса, и се пришед некто уда­рив в двери его, рек: “Иди, нарцы имя великому князю Василию”. Он же вскоре востав и взем яже суть на то потребна, изыде ис келия, и не виде никого же посланаго по нь, и удивився о сем, яко вскоре отъиде. И поиде таки на двор и се срете и послан ^ы) по него глаголя, яко да наречет имя рожденому сыну великого князя. И воспроси его, аще он есть и преже приходил по нь, и рече: “Несмь”. И шед нарече имя отрочати Василей, яко же преже слыша. И по том много всех пыта, кого преже послаша | л. 460 об. | по него, или кто есть приходивый, и никто же обретеся. Он же уди-вися о сем и многим сие поведаша. Мне же о сем Стефан диякон сказа, а о прежнем проречении старца Дементей печатник, а ему сказаша, поведа великая княгиня Мария. Т ого же лета июня в 7 день тма бысть в пяток перед обеднею, бысть же се немного, час един видети было и звезды все, яко же в нощи. О поставлении Цемблака митрополита. T oe же осени князь великий Витофт, собрав епископы области своея, Исакия черниговскаго, Феодосия полотскаго, Дионисия лучскаго, Герасима володимерскаго, Хари| л. 461 |тона холмьскаго, Еуфимия туровскаго, и рече к ним: “Поставите митрополитом Григория Цемблака болгарина”. О нем же не хотящим сего творити, и глагола им: “Аще не поставите сего, то зле умрете”. И поставиша его месяца ноября в 15 день,
_________
^у) В рукописи вора.
^ф) Далее и.
^х) В рукописи и ни.
^ц) В рукописи изречи.
^ч) В рукописи возвратився.
^ш)-щ) Далее и.
^ъ) В рукописи пославшему.
^ы) Далее повторено послан.

Дата добавления: 2015-08-02