Олма-қолсыз есеп айырысулар мәні, жүзеге асыру тәртібі. 4 страница

Айналымға шығарылған бағалы қағаздар бойынша проценттер банк шығындарына есептелген проценттерге жатқызу жолымен ай сайын жүргізіледі және келесі жазбамен бейнеленеді:

Дебет 5250 (бағалы қағаздар бойынша проценттік шығындар)

Кредит 2250 (есептелген, бірақ төленбеген шығындар).

Резервтік қамтамасыз ету оларды құру уақытында мойындалады:

Дебет 2451 (төленген несиелер бойынша ассигнация)

28. Коммерциялық банктің табыстары мен шығыстарын айқындау

Кез келген кәсіпкерлік қызметтің ең маңызды мақсаты – табыс табу болып табылады. Сонымен қатар бухгалтерлік есептің ең басты қызметі – осы мақсаттарға жету жолындағы банктің жетістіктері мен сәтсіздіктерін анықтау және есептілікті көрсету. Пайда – шаруашылық қызметті жүргізу нәтижесіндегі капитал өсімі; бұл толық табыстан толық шығыстарды шегергенге тең.

Таза табыс = табыс – шығыс

Шығындар – бұл шаруашылық жүргізуші субъектіге киесілі келісімшарттар және оқиғалардың нәтижесінде, сонымен қатар шығынның немесе акционерлік капиталды үлестірудің нәтижесі болып табылатындарын қоспағандағы субъектіге әсерін тигізетін барлық басқа да мәмілелер, оқиғалар мен жағдайлар нәтижесінен капиталдың азаюы.

Табыс – есепті кезең аралығындағы активтер ағымы немесе өсуі немесе банк қызметінің табыс алуға бағытталған және капиталды өзгерте алатын түрлерінің нәтижесінде орын алған, жалпы қабылданған есептілік қағидаларына сәйкес өлшенген және мойындалған несиелік қарыздың азаюы нысанындағы экономикалық пайданың көбеюі.

Шығыс –есепті кезең арлығындағы экономикалық табыстың активтердің кері ағыны немесе пайдалануы түріндегі азаюына әкелетін қарыздардың пайда болуы, бұлар меншікті капитал үлесінің иелері арасында бөлетіндерінен басқасы.

Табыстар екі түрге бөлінеді: негізгі және негізгі емес қызмет түрлеріне байланысты. Табыс және шығыс баптарын қанағаттандыру өлшемдері мынадай: - бап өлшеу үшін сәйкес негізге және іске қосылған сомаға саналы бағалау жүргізу мүмкіндігіне ие; - болашақта экономикалық пайда алуға немесе жоғалтуға негізделген баптар үшін осындай пайдалар алынуы немесе алынбай қалуы мүмкін ықтималдық кездеседі.

Өнімді өткізгенге дейін танылған табыс.

Екі әдіс арқылы жүзеге асырылады: 1) аяқталған келісімшарт, яғни мәміле аяқталған кезде табыс және шығыс шоттармен бірге барлық шоттар жабылады және жиынтық табыс мойындалады (әдетте құрылыс кезінде); 2) аяқталу пайызымен –табыс, шығыс, жиынтық табыс әр есепті кезеңде құрылыс жобасының аяқталуын бағалау пайызы негізінде мойындалады.

Өткізу кезінде мойындалған табыс.

Табысты мойындау үшін жағдайлар –мәмілені орындау және түсім алу мүмкіндігі әдетте өнімді немесе қызметті өткізген кезде орындалуы мүмкін. Бұл сату кезеңі деп аталатын әдіс.

Өткізгеннен кейін танылған табыс.

Бұл жерде екі әдіс қолданылады: ақысын біртіндеп төлейтіндей етіп сату және шығындардың орнын жабу. Бірінші жағдайда табыс сату кезінде емес, тек ақша алынған жағдайда ғана мойындалады. Екіншісі табыстардың немесе пайдалардың ақырғы өткізуін мойындауға болмайтын жағдайда. Табысты қызмет көрсетілуі бойынша мойындау келесі әдістермен жүзеге асады: - нақты орындалу (бір операцияны орындау кезінде қызмет көрсеткені үшін алынған табыстар есепке алу үшін қолданылады); - үйлесімді орындалу (көп сатылы табыстарды мойындау үшін қолданылады); - аяқталған орындалу (қызмет көрсетуден түсетін табысты есепке алу үшін қолданылады –орындалудың бірдей немесе бірдей емес кезеңдер сериясы, олардың қорытынды актісіқызмет көрсету бойынша жалпы операцияларға байланысты айтарлықтай маңызды); - инкассолау (табыс ақшалай қаражат алынған кезде мойындалады, себебі белгісіздік өте жоғары).

Табыстар және шығыстар баптарын бөлек ашып қарастыруға алып келген жағдайлар мыналарды қамтиды: тауарлы – материалдық қорлар құнының өткізуінің таза құнына дейін, ғимараттар мен құрал – жабдықтар құнының – қалпына келтіру құнына дейін төмендеуі, сонымен қатар осындай төмендеуді қайта реверсиялау; банк қызметі құрылымының өзгеруі бойынша шығындарға арналған кез келген резервтерді жою; жылжымайтын мүлік және құрал – жабдық баптарының істен шығуы; ұзақ мерзімді инвестициялардың істен шығуы; үзілген операциялар; сот үрдістерін реттеу; резервтердің күшінжоюдың басқа да жағдайлары.

29. Банктің салық салу есебі

Банктің жылдық жиынтық табысы Кодекске сәйкес жүргізілетін түзетулер есебімен Қазақстан Республикасында және одан тыс жерден алуға тиіс табыстардан тұрады. Жылдық жиынтық табысқа келесілер кіреді:

банк қызметінен:

- пайыздық;

- дилингтік операциялар бойынша;

- комиссиялық;

- басқа да операциялық,

- төтенше;

- айыппұл, өсімпұл, тұрақсыздық шығындары түрінде;

Табыс салығы квартал ағымында аванс ретінде төленеді және келесі жазбамен рәсімделеді:

Дебет 1851 (882) салықтар бойынша есеп айырысулар

Кредит 1051 (161).

Квартал аяқталған соң бас банкте квартал үшін табыс салығын есептеу бойынша есеп жасайды және салық сомасына келесі жазба жасалады:

Дебет 5999 (972) табыс салығы

Кредит 1851 (882)

Егер кеңес шешімі бойынша есептелген корпорациялық табыс салығы сомасы бюджетке аударылатын болса:

Дебет 2851 (салық және басқа да төлем бойынша есеп айырысу)

Кредит 1051 (банктің ҚР ҰлттықБанкіндегі корреспонденттік есеп шоты).

Бухгалтерлік есепте салық әсері бойынша жазба тек уақыт айырмасы сомасына жылына бір рет жүргізіледі.

Уақыт айырмалары сомаларын анықтау кезінде:

-Егер бухгалтерлік есепте сома салық есебіне қарағанда аз болса:

Дебет 5999 (табыс салығы)

Кредит 2857 (кейінге қалдырылған табыс салығы)

-Егер есептелінген уақыт айырмалары сомасы бухгалтерлік есепте сома салық есебіне қарағанда көп болса:

Дебет 1857 (мерзімінен бұрын салынған табыс салығы)

Кредит 5999 (табыс салығы).

Банк табысын әрі қарай бөлу акционерлердің жалпы жиналысының шешіміне сәйкес жүргізеді:

Дебет 3599 (бөлінбеген табыс)

Кредит 3510,1853, 2853 (резервтік қор, акционерлермен есеп айырысулар)

Қосылған құн салығын есептеу және төлеу кезінде келесі бухгалтерлік жазбалар жасалады:

- ағымдағы төлемдерді есептеген кезде:

Дебет шот 5761 «Қосылған құн салығы»

Кредит шот 2851 «Салық және басқа да міндетті төлемдер бойынша есеп айырысу»

- ағымдағы төлемдерді төлеген кезде:

Дебет шот 2851 «Салық және басқа да міндетті төлемдер бойынша есеп айырысу»

Кредит шот 1051 «Банктің Қазақстан Республикасы Ұлттық банкіндегі корреспонденттік есеп шоты».

Әр салық төлеуші:

а) әр есепті жыл кезеңінде есепті жылдан кейінгі айдың 15-інен кешіктірмей 300.00 нысандағы 300.01 және 300.02 нысандағы қосымшалар қосылған құн салығы бойынша Декларация ұсынылуы қажет;

б) декларацияны ұсынылуы бойынша белгіленген мерзімге дейін немесе сол күні бюджетке әр есепті кезең салығын төлеуге;

в) салық салынатын айналымның 150000 теңгеден асқан кезінде декларациямен бірге фактура-шот тізіліміне ұсынуға міндетті.

Жеке табыс салығы банк шығыстарына жатады. Бұлар бойынша шығындар есептелінген жағдайда банк келесі жазбаларды жасайды:

- еңбекақыны есептеу:

Дебет шот 5720 «Еңбекке ақы төлеу және міндетті аударымдар бойынша шығыстар»

Кредит шот 2854 «Банк қызметкерлерімен есеп айырысу»

Кредит шот 2851 «Салық және басқа да міндетті төлемдер бойынша есеп айырысу» - табыс салығы сомасына

- кейіннен жалақы берген кезде

Дебет шот 2854 «Банк қызметкерлерімен есеп айырысу»

Кредит шот 1001 «Кассадағы қолма-қол ақша»

- жеке табыс салығын аударған кезде:

Дебет шот 2851 «Салық және басқа да міндетті төлемдер бойынша есеп айырысу»

Кредит шот 1051 «Банктің Қазақстан Республикасы Ұлттық банкіндегі корреспонденттік есеп-шоты бойынша».

30. Екінші деңгейлі банктердің қаржылық есеп беруі.

Қаржылық есеп беруді ұсыну пайдаланушыларды банктің қаржылық жағдайы, қызмет нәтижесі және есепті кезеңдегі оның жағдайының өзгеруі туралы маңызды, қажетті және анық ақпаратпен қамтамасыз етеді.

Екінші деңгейлі банктер үшін жылдық қаржылық есеп берудің келесідей формалары белгіленген:

- бухгалтерлік баланс;

- табыс және шығыс туралы есеп;

- ақша қозғалысы туралы есеп;

- капиталдағы қозғалыс туралы есеп;

- түсіндірме жазбалар.

Сонымен қатар бұлардың құрамына тоқсандық, айлық, күндік

Баланстар да кіреді.

Банктер есептеу жұмыстары Департаментіне әр күндік балансты 2 жұмыс күні, ай сайынғы балансты есепті кезеңнен кейінгі айдың ішінде ұсынады. 10 асатын филиалдары бар банктер әр күндік балансты 3 жұмыс күні, ай сайынғы балансты есепті кезеңнен кейінгі айдың 5 жұмыс күні ішінде ұсынады.

Табыс және шығыс шоттары бойынша барлық жазбаларды жүргізгеннен кейін, қалдықтар өз араларында жабылады және 4999 «Салық салғанға дейінгі кіріс» шотына апарылады. Бұл шоттан 5999 «Табыс салығы» баланстық шотынада есептелінген табыс салығының төленуге тиіс сомасы есептен шығарылады. Табыстың қалған бөлігі бөлінбеген табыс шотына жіберіледі. Шығындардың табыстан көп болуының нәтижесінде 4999 баланстық шотта пайда болатын дебеттік қалдықтың толық сомасы 3599 баланстық шотына дербес шот ашу арқылы аударылады.

3581 «шетел валютасын өткен жылдардағы қайта бағалаудың резервтері» 3599 баланстық шотта есептелетін бөлінбеген таза табыс көлемі анықталғаннан кейін, есептік қаржылық жылдағы өз активтерін қайта бағалаудан жиналған оң курстық айырма сомасына қайта бағалау резервтері, 3582 «Тазартылған қымбат метеалдарды қайта бағалаудың өткен жылдардағы резервтері», 3585 «Несиелердің валюталық баламасын теңге түрінде белгілей отырып, несиелерді қайта бағалау бойынша өткен жылдардағы резервтері» және 3586 «Салымдардың валюталық баламасын теңге түрінде белгілей отырып, салымдарды қайта бағалаудың өткен жылдардағы резервтері» құрылады.

Акционерлер жиналысының шешіміне дейін 3599 баланстық шотында есепте тұрған бөлінбеген таза табыс сомасы келесі қаржылық жылдың басында 3580 «Өткен жылдардың бөлінбеген табысы (жабылмаған зиян)» шотына аударылады. Банктің жалпы акционерлері жиналысының шешімі бойынша есептік жылдың бөлінбеген таза табысы келесідей мақсаттарға бөлінеді:

-жіктелмеген активтер сомасын 5% кем емес көлемде резервтік капиталға;

-дивидендтер төлеуге;

-төленген жылдың капитал көлемін ұлғайтуға;

-басқа да мақсаттарға.

Дивидендтерді есептеу кезінде төленуге тиісті ақшалар 3580 шотынан есептен шығарылып, 2853 «Акционерлермен есеп айырысу» шотына жіберіледі. Оның қалдығы шегінде 1853 «Акционерлермен есеп айырысу» шотында бұрын есепте тұрған, бұрын есептелген және алдыңғы тоқсан үшін төленген дивидендтер жабылады. Қалған сома акционерлердің есеп айырысу шотына аударылады. Егер қаржылық жылдың соңында банк шығысы табысынан асып кетсе, 3599 баланстық шотында көрсетілген шығын сомасы 3580 шотында есептелінетін өткен жылдардағы бөлінбеген таза табыс және 3510 «Банктің резервтік капиталы» баланстық шотындағы ақша есебінен жабылуы мүмкін.

31. Қаржылық есеп беруді дайындауды ұйымдастыру. Банк балансын ашу. Қаржы-шаруашылық қызмет туралы есеп беруді ашу.

Банктер меншікті құралдары құрамы мен олардың қалыптасу көздерін бейнелейтін бухгалтерлік есеп берушілік жасайды, оның ішінде филиалдардың, бөлімдердің және басқа да құрылымдық бөлімшелердің жеке баланста көрсетілетін мүліктері және белгіленген тәртіп көлемінде және формасында есеп берушіліктер көрсетеді, сонымен қатар клиенттерге қызмет көрсетумен байланысты банк қызметінің басқа да көрсеткіштерін көрсететін есеп берушіліктерді жасайды.

Барлық банктер үшін есепті кезең 1- қаңтардан 31- желтоқсанға дейінгі кезең болып саналады. Жаңадан құрылған банктер үшін құрылған күннен 31-желтоқсанға дейінгі аралық есепті кезең болып есептеледі.

Есеп берушілік дегеніміз банктің қызметтерінің әртүрлі жақтарын сипаттайтын анықталған белгілері бойынша құрылған есептелген материалдардан алынған мәлімететрдің жиынтығы.

Есеп берушілік көрсеткіштерінің көлемі, мазмұны және көрсету мерзімі бойынша ағымдағы және жылдық болып бөлінеді.

Ағымдағы бухгалтерлік есептілік ай саыйн және жарты жыл сайын белгіленген мерзімді көрсетіледі.

Жылдық есеп беруді құру үшін банктер есеп кезеңінің соңында қажетті дайындық жұмыстарын жүргізеді. Бухгалтерлік есеп мәліметтерінің нақтылығын қамтамасыз ету мақсатында банк меншікті мүліктері мен қаржылық міндеттемелеріне түгендеу жүргізеді. Банктің жылдық есеп беру құрамына келесілер кіреді: жылдық шоғырландырылған баланс. Ол соңғы айналымдардың есебімен жыл соңындағы қалдықтар негізінде жасалады. Жылдық шоғырландырылған баланс, баланстық есеп үш бөліктен тұрады: активтер, міндеттемелер, капитал.

32. Ақша қаражаттарының қозғалысы туралы және капиталдағы өзгеріс туралы есеп беруді ашу. Есеп берулердің басқа да түрлерін ашу. Түсініктеме хат және есеп саясатын ашу.

Ақша қаражаттарының қозғалысы туралы есеп беру - бұл ақша қаражаттары мен олардың эквиваленттерінің (баламаларының) келіп кұйылуы мен шығысталуы. Ақша эквиваленттеріне қысқа мерзімді қаржы инвестициялары (мерзімі бір жылдан кем) және облигация, казынашылық векселі және т.б. сияқты өтімді бағалы қағаздар жатады. Ақша тусімдері туралы ақпарат, бірінщіден, банкның ақша каражаттарымен олардын эквиваленттерін табу кабілеті, сондай-ақ ақша түсімдерін пайдаланудағы банкның мұктажын бағалауға көмектеседі. Екіншіден, банкның таза активтеріндегі өзгерісті, онын қаржы құрылымын, сондай-ак өтімділік пен телем қабілетін бағапауға көмектеседі. Үшіншіден, әр түрлі банкдардағы операциялық қызмет туралы есеп берулерді салыстыруға мүмкіндік береді.

33. Консилидацяланған қаржылық есеп беру және оны құрастыру әдістемесі

Шоғырландырылған қаржылық есеп беруді құрудың негізгі мақсаты - бас және еншілес банктердің қызметін біртұтас шаруашылық етуші субъект ретінде ұсыну.

Бас банк - бір және бірнеше еншілес немесе тәуелді ұйымдары бар банктер. Еншілес банк - жарғылық капиталын 50%-дан көбі бас банкке тиесілі, екінші деңгейдегі банк.

Қазақстан заңдарына сәйкес еншілес банктердің басқа еншілес банк құруға құқы жоқ, егерде тиісті заңдылықтарға сәйкес еншілес немесе тәуелді ұйымдарға қатысудың барлық үлесі болатын жағдайды есептемегенде.

Тәуелді ұйым - бас банк айтарлықтай әсер ете алатын және оның еншілес ұйымы болып табылмайтын заңды тұлға.

Шоғырландырылған есеп беру құрамына кіретін банктің және оның үлестес тұлғасының қаржылық есебі ұқсас қаржылық-шаруашылық қызметтің жағдайына арналған бір тұтас есеп саясатын қолдану арқылы дайындалады.

Жинақталған қаржылық есеп беруді ұсынатын бас банк шетелдік, сол сияқты ұлттық барлық еншілес ұйымдар мен банктерді, келесілерді қоспағанда топтастыруы керек:

- жуық арада сату мақсатымен сатып алған еншілес ұйымдар,
сонымен қатар тәуелді ұйымдарға инвестициялар (оларға
жасалатын бақылау уакытша болады);

- қаражаттардың бас банкке беру қабілетін төмендететін, қатаң
ұзақ мерзімді шектеулер жағдайларында әрекет ететін
еншілес немесе тәуелді ұйымдар.

Бақылаудың болуы, еншілес ұйымдардың кызметінен пайда табу мақсатында оның қаржылық және басқа да саясаттарын анықтауға құқық береді. Бақылау тек, инвестициялайтын ұйымның 50% дауыс беруші акциясын иемденгенде ғана жүзеге асырылады, мұндай иемденуден бақылаудың болмайтындығы анық көрсетілген жағдайлардан басқа Банктердің үстінен бакылауды анықтау тәртібі Ұлттық банктің нормативті кұкықтық актілерімен белгіленеді.

Еншілес және тәуелді ұйымдарды тікелей иемдену олардың дауыс беруші акцияларын бас банктің сатып алған кезінде жүзеге асырылады. Еншілес немесе тәуелді ұйымдардың дауыс беруші акцияларын өз кезегінде бас банкке еншілес немесе тәуелді болып табылатын ұйымдар сатып алған кезде жанама иемдену жүзеге асырылады.

Инвестицияланатын ұйымдардың дауыс беру акцияларының жартысын немесе жартысынан көбін алу кезінде бақылауды бас банк келесі жағдайда жүзеге асыра алады:

- басқа инвесторлармен келісім нәтижесінде жартысынан көп дауысқа ие болуға қол жеткізсе;

- жарғы немесе шартқа сәйкес инвестиция салынатын ұйымның қаржылық шаруашылық саясатын анықтауға өкілеттігі
болса;

- директорлар кеңесі мүшесінің көбісін тағайындай алса немесе ауыстыра алса;

- директорлар кеңесі жиналысында көпшілігі дауыс беруге құқығы болса.

34. Ақша ағымын дисконттау. Болашақтағы және ағымдағы құн

Ақша қаражаты ағымы дисконтталуының негізгі екі себебі бар: біріншіден, бүгінгі теңге ертеңгі күнге қарағанда қымбаттырақ, ал екіншіден, сенімді теңгеге қарағанда тәуекелдік теңгенің құны аздау. Ағымдық құн инфляцияға байланысты емес, себебі инфляция көрсеткіші 0-ге тең болған жағдайдың өзінде, ақшаның уақыт шеңберінде құны болады. Ағымдық және болашақ құнды есептеуде күрделі пайыз қағидаты қолданылады.

Жай пайыздар – алғашқы ақша сомасына қолданылатын пайыздар.

Күрделі пайыздар – қайта қаржыландырылатын пайызға алынатын пайыз, яғни несие немесе қаржы салымы бойынша төленетін пайыз, негізгі сомаға қосылады және нәтижесінде пайыз негізгі сомамен қатар алынған пайызға да төленеді.

Болашақ құн – қазіргі таңда инвестицияланған ақша қаражатының болашақтағы құны, яғни күрделі пайыз рәсімін пайдалану нәтижесінде бірнеше жылдан кейінгі инвестицияның құны.

Болашақ құнды есептеуде келесі формула қолданылады:

, мұндағы,

FV – инвестицияның болашақ құны;

PV – ағымдағы құн;

r - ағымдағы пайыздық мөлшерлеме;

n – пайыздарды есептеу жиілігі.

Ағымдағы құн – болашақ ақша ағымының дисконтталған құны. Дисконттау әдісін қолдана отырып, біз болашақ ақша ағымының ағымдағы құнын біле аламыз, яғни болашақта белгілі бір мөлшерлеме бойынша белгілі бір соманы алу үшін қазір қанша қаражат салу керектігін біле аламыз.

35. Лизингтік операциялар есебін ұйымдастыру

Лизинг берушінің лизинг затын сатушыдан алу және лизинг келісімінің шартына сәйкес жолдау:

- Негізгі құралды алу:

Дт 1656 «Жалға беруге арналған негізгі құрал – жабдықтар»

Кт 2856 «Күрделі қаржы салымы бойынша кредиторлар».

- Алынған негізгі құралдар үшін төлем:

Дт 2856 «Күрделі қаржы салымы бойынша кредиторлар»

Кт 1050 «Банктердің корреспонденттік есепшоттары».

Лизинг затын лизинг келісімшарттарына сәйкес, лизинг алушыға уақытша

ұстауға және кәсіпкерлік мақсатта қолдануға беру:

Дт 1305 «Басқа банктерге қаржы лизингі»

1420 «Клиенттерге берілген қаржы лизингі»

Кт 1656 «Жалға беруге арналған негізгі құрал – жабдықтар».

Ай сайын айдың соңғы жұмыс күнінен кешіктірмей лизинг беруші лизинг бойынша сыйақыларды есептейді. Бұл кезде келесі бухгалтерлік жазба жасалады:

Дт 1730 «Басқа банктерге берілген қарыздар және қаржы лизингі бойынша есептелген кірістер»

1740 «Клиенттерге берілген қарыздар және қаржы лизингі бойынша есептелген кірістер»

Кт 4305 «Басқа банктерге берілген қаржы лизингі бойынша сыйақы алуға байланысты кірістер»

4420 «Клиенттерге берілген қаржы лизингі бойынша сыйақы алуға байланысты кірістер».

Егер лизинг алушы өз қаржысы есебінен және лизинг берушінің жазбаша келісімімен лизинг затына зиян келтірмейтін жақсарту жүргізсе, лизинг беруші лизинг алушы алдындағы бұл жақсартудың құнын өтеу бойынша лизинг келісімінің әрекет ету мерзімі аяқталғанда өз міндеттемелерін мойындайды.

Бұл кезде келесі бухглтерлік жазба жасалады:

Дт 5922 «Банктік емес қызметтен өзге шығыстар»

Кт 2860 «Банктік қызмет бойынша өзге кредиторлар».

Лизинг келісімімен қаралған төлемдерді мерзімінде алғанда лизинг беруші келесі бухгалтерлік өткізбелерді жүзеге асырады:

а) Лизинг бойынша қосылған сыйақыны өтеу бойынша:

Дт 1050 «Банктердің корреспонденттік есепшоттары»

Кт 1730 «Басқа банктерге берілген қарыздар және қаржы лизингі бойынша есептелген кірістер»

1740 «Клиенттерге берілген қарыздар және қаржы лизингі бойынша есептелген кірістер».

ә) Лизинг затын алу, жеткізу және оны лизинг келісімін жасау кезіндегі баға бойынша лизинг лизинг келісіміне сәйкес мақсатында қолдану үшін жұмыс жағдайында келген шығындар мен басқа да кез келген шығындарды қапына келтіру бойынша:

Дт 1050 «Банктердің корреспонденттік есепшоттары»

Кт 1305 «Басқа банктерге қаржы лизингі»

1420 «Клиенттерге берілген қаржы лизингі».

Лизинг алушы сыйақы бойынша төлемдерді, сондай – ақ қаржылық лизинг бойынша негізгі борыш сомасы кешіктірілгенде, келесі бухгалтерлік өткізбе құрылады:

а) Есептен сыйақы сомасына:

Дт 1731 «Басқа банктерге берілген қарыздар және қаржы лизингі бойынша мерзімі өткен сыйақылар»

1741 «Клиенттерге берілген қарыздар және қаржы лизингі бойынша мерзімі өткен сыйақылар»

Кт 1730 «Басқа банктерге берілген қарыздар және қаржы лизингі бойынша есептелген кірістер»

Дата добавления: 2015-11-14