Олма-қолсыз есеп айырысулар мәні, жүзеге асыру тәртібі. 2 страница

14. Несиені беру және қайтарып алу есебі. Несие бойынша сый ақы есептеу және оны алу есебі.

Кепілдік беру есебі және вексельдік несиелер есебі.

Берілген кепілдік хат бойынша банк міндеттемелерінің есебі үшін 6055 “Шығарылған немесе бекітілген кепілдіктер бойынша мүмкін талаптар” баланстан тыс шоттың кірісі бойынша мемориальді ордер жазылады.

Кепілдік хаттар 6055 шотта теңге, сондай-ақ валюта түрінде кірістеледі. Ұлттық Банктің валютаның ресми курсының өзгеруі шамасында кепілдік сомасы шетелдік валютада қайта есептеледі. Қарыз алушының міндеттерін орындау келісім бойынша мерзімі болған кезде және қарыз алушымен осы міндеттерді орындамауда несиелік операциялар есебінің бөлімі келесі жұмыстарды атқарады: қарыз алушы есеп айырысу шотында ақшалай қаржылардың бар болуында оперативтік бөлімге шотынан қаржыларды бенифицар шотына аудару туралы төлем тапсырмасын көрсетеді және келесідей жазбалар жасалады:

А) Дебет 2203 (клиенттің ағымдағы есеп шоты)

Кредит 1051 (ҚР Ұлттық Банкіндегі корреспонденттік шоты);

Б) Дебет 2203 (клиенттің ағымдағы есеп шоты)

Кредит 2870 (басқа да транзиттік шоттар)

Дебет 2870 (басқа да транзиттік шоттар)

Кредит 1858 және бір уақытта

Дебет 1859 соманы шегерумен

Кредит 1051 конвертация үшін комиссия

Дебет 1859 комиссия сомасына

Кредит 4802 конвертация үшін.

Қарыз алушының шотында қаржының жоқ болуында операциялық бөлімге шот ашу туралы бұйрық береді:

А) Дебет 1861 берілген кепілдік бойынша шетелдік валютада және теңгеле дебиторлар

Б) 1861

және жазбаны жүзеге асыруда

Дебет 1861 Кредит 1051

Несиелік операциялар есебі бөлімінде ары қарай несиелік келісімге сәйкес пеня есептеу бойынша жұмыс жүргізіледі және кепілдіктер көрсету туралы келісім бойынша және операциондық бөлімдегі №1 картотекада орналастырылатын оның кепілдік хаты бойынша гарант шоттары бойынша міндеттемелер сомасына қарыз алушының шотында инкассалық бұйрық қойылады.

Берілген кепілдік хат бойынша міндеттемелерді уақытында орындамау үшін пеня есептеу уақыты өткен қарыз бойынша қарыз сомасынан 7130 баланстық шотта жүргізіледі, ол келесідей тәртіппен орындалады:

Қарыз қалдығы * пеня * кезеңдегі күндер саны.

Вексельдік несие банк клиентіне банктік жай вексельді беру жолымен көрсетіледі. Вексельдік несие бойынша қаржыландыру объекті тауарларды және қызметтерді сатып алу болып табылады. Банктік вексельдер банктің меншікті капиталының 25 пайызынан аспайтын сомада берілуі мүмкін.

Банктік вексельді беру жолымен көрсетілген несиені қайтаруды қамтамасыз ету залог немесе сенімді банктің кепілі формасында веквельдік несие туралы келісіммен қарастырылады. Қарыз алушы банкке несие алу үшін келеді. Клиент несиелік келісімнің сомасына банктен вексельдер пакетін алады. Клиент банк вексельдерін тауарлар және қызметтерді төлеу үшін қолданылады.

Вексельдік несиелендіру бойынша операциялар есебі үшін 1409 “Клиентке көрсетілген вексельдік несиелер” активті баланстық шоты ашылады, оның дебеті бойынша берілген вексельдік несиелер сомасы, ал кредиті бойынша мерзімінде жойылған несие сомалары және уақыты өткен шотқа жатқызылатын сомалар жүргізіледі.

15. КБ - нің қорлармен операцияларының есебі

Банк қызметі үшін қажетті материалдар (отын, машинаға қосалқы бөлшектер, шина, инкассаторлық сумкалар, пломбаорау материалдары және т.б.) бухгалтерлік есепте 1602 “Басқа материалдық қорлар” шотында есептеледі.

Аналитикалық есеп материалдар қозғалысын басқару және бақылау қажеттілігіне қарай жүргізіледі.

Бухгалтерлік есепте материалдар үшін ақшалай қаржыларды төлеу келесідей жазбамен бейнеленеді:

Дебет 2856 “Күрделі салулар бойынша кредиторлар”

Кредит 2550 “Төлемдер бойынша есеп айырысулар” корреспонденттік шоты, есеп айырысу шоты.

Жабдықтаушылардан ере жүретін құжаттармен (накладной, шот-фактура) материалдардың түсуінде олардың түсуі және кірістелуі келесі жазбамен бейнеленеді:

Дебет 1620 “Басқа материалдар”

Кредит 1856 “Күрделі салулар бойынша дебиторлар”

2856 “Күрделі салулар бойынша кредиторлар”.

16. Банктің негізгі құралдары және материалдық емес активтері және олардың есебі

Негізгі құралдарға Қазақстан Республикасы заңдылықтарымен тағайындалған есеп көрсеткіші 40 еседен кем емес құнымен ұзақ мерзім пайдаланылатын материалдық активтер жатады. Сонымен қатар құнынан тәуелсіз негізгі құралдарға ғимараттар мен құрылыстар; автокөлік құралдары; қарулар, сейфтер, кітаптар, есепке қойылған ксерокс, телефакс, телефон, өрт қорғау сигнализациялары; тұрмыс мұздатқыштары, элетр аспаптары, жазу машиналары, мебель, кассалық аппарат; есептеу техниклары және ірі банктік офис жабдықтары.

Негізгі құралдар өндірістік және өндірістік емес бағытта болуы мүмкін.

Өндірістік емес бағытқа – жарғылық қызметпен байланысы жоқ негізгі құралдар жатады.

Өндірістік бағыты бойынша – жарғылық қызметті жүзеге асырумен және нәтижесінде пайда алумен байланысты құралдарды жатқызуға болады.

Банктегі негізгі құралдар келесі топтарға бөлінеді:

-ғимарат және құрылыс;

-компьютерлер;

-көлік құралдары;

-құралдар және басқа шаруашылық саймандар;

-басқа да негізгі құралдар.

Негізгі құралдарды бағалауда бастапқы, ағымдағы, баланстық және өтімділік құндары қолданылады. Баланста негізгі құралдар бастапқы құны бойынша көрсетіледі. Ол объектіні қайта жабдықтауда, яғни кеңейтуде, модернизациялауда, реконструкциялауда,, сонымен қатар өкімет қаулысына байланысты қалған негізгі құралға қайта бағалау жүргізгенде өзгеруі мүмкін.

Банк филиалдары негізгі құралдарды өздері жеткізілген лимитке сәйкес алады немесе орталықтанған тәртіпке сәйкес бас банктен алады.

Банктер негізгі құралдарды екі тәртіппен алады:

1) тауарлар үшін жабдықтаушыға алдын-ала төлеу арқылы. Алдын-ала төлем бекітілген аванс мөлшерінде (30 пайыз) жүргізіледі, қалған сома негізгі құралдарды алған соң төленеді.

2) Банк факт бойынша негізгі құралға төлеуде жабдықтаушыдан тауар алғаннан кейін төлейді.

алдын ала төлеусіз құрастыруды қажет етпейтін негізгі құралдарды алуда келесідей жазба жасалады:

Дебет 1652 “Жер, үйлер, ғимараттар”

1653 “Компьютер жабдықтары”

1654 “Өзге негізгі құралдар”

Кредит 2856 “Күрделі қаржы салымы бойынша кредиторлар”.

Негізгі құралдардың құрылысы шаруашылық немесе мердігерлік әдіспен

жүргізіледі. Негізгі құралдарды уақытынан бұрын тозуын болдырмау үшін оларды жөндеп отырады. Жөндеудің күрделі және ағымдағы түрлері бар.

Банкте негізгі құралдарды амортизациясын есептеу үшін құнды бірқалыпты есептен шығару әдісі, құнды орындалған жұмыс көлеміне үйлесімді түрде есептен шығару (өндірістік), құды сандар сомасы бойынша есептен шығару (кумулятивтік) және қалдықты азайту әдістерінің бірін қолданады.

Анықталған күні бағаға сәйкес негізгі құралдардың бастапқы құнын келтіру мақсатында объектілердің қайта бағалануы жүргізіледі, нәтижесінде есеп және есеп беруде ағымдағы құн бойынша негізгі құраладр көрсетіледі. Негізгі құралдарды қайта бағалау жылына кем дегенде бір рет жүргізілуі керек.

Банк негізгі құралдарды қалпына келтіру мүмкін болмағанда немесе экономикалық тиімсіз болған жағдайда ғана есептен шығаруға жататын объектілерді анықтайды.

Негізгі құралдарды жою кезінде жою актісі толтырылады.

Амортизацияланған негізгі құралдарды есептен шығарғанда оның баланстық құнына келесідей жазба жасалады:

Дебет шот 1692 “Үйлер және ғимараттар бойынша есептелген амортизация”

1693 “Компьютерлік жабдықтар бойынша амортизация”

1694 ”Басқа да негізгі құралдар бойынша есептелген амортизация ”

Кредит шот 1652 “Жер, үйлер, ғимараттар”

1655 “Компьютер жабдықтары”

1656 “Өзге негізгі құралдар”.

Материалдық емес активтерді есептеуде келесідей жазбалар жасалады:

А) сатып алынған материалдық емес активтерді төлегенде

Дебет 1856 “Күрделі салулар бойынша дебиторлар”

Кредит 1001 “Кассадағы қолма-қол ақшалар”

1081 “Банктің корреспонденттік шоты”

2010 “Сыйақы алмай талап еткенге дейінгі депозиттер”

2203 “Басқа банктердің корреспонденттік шоты”;

б) материалдық емес активтерді кірістегенде

Дебет 1659 “Материалдық емес активтер”

Кредит 1856 “Күрделі салулар бойынша дебиторлар”

2856 “Күрделі салулар бойынша кредиторлар”;

в) амортизацияны есептеу:

Дебет 5788 “Материалдық емес активтер бойынша амортизациялық

аударымдар”

Кредит 1699 “Материалдық емес активтерге есептелген амортизация”;

Г) есептелген амортизация сомасына материалдық емес активтерді есептен шығару кезінде:

Дебет 1699 “ Материалдық емес активтерге есептелген амортизация ”

Кредит 1659 “ Материалдық емес активтер ”;

Д) қалдық құнға:

Дебет 5852 “Негізгі құрал-жабдықтарды материалдық емес активтерді сату шығыстары ”

Кредит 1659 “ Материалдық емес активтер”.

17. КБ - нің шетел валютасымен жүргізілетін операциялары есебінің ерекшелігі

Шетел валютасында банктік операциялар жүргізуге лицензияларды Ұлттық банк шексіз мерзімге береді және атаулы болып табылады, яғни үшінші тұлғаларға берілмейді. Банк валюталық операциялардың лицензияда көрсетілген жағдайда және келесілерге сәйкес жүргізуге құқысы бар:

- шетел валютасындағы қаражаттарды заңды және жеке тұлғалардың шотына және салымына орналастыруға және қабылдауға;

- банктер мен ұйымдарға шетел валютасында несие және қарыздарды тарту және ұсыну;

- заңды және жеке тұлғалардан шетел валютасындағы төлем құжаттарын сатып алу және сатуды жүзеге асыру;

- валюталарды сатып-алу және сатуды жүргізу;

- шетел мемлекеттерінің банктерімен корреспонденттік қатынастарды белгілеу;

- өз клиенттеріне шетел валютасында кассалық қызмет көрсету;

- шетел валютасында саудалық және саудалық емес операциялар бойынша есеп айырысуды жүзеге асыру;

- халықаралық банктік тәжірибеге сәйкес басқа да опеарцияларды жүзеге асыру.

Валюталық операцияларды жүзеге асыруға құқық беретін банктер уәкілетті

деп аталады. Валюталық реттеудің негізін құраушы жүйе валюталық бақылау болып табылады. Валюталық бақылаудың мақсаты – Қазақстан Республикасының резидент және резидент емес тұлғаларының валюталық операция жүргізу кезінде заңдылықтарды сақтауын қамтамасыз ету.

Шетел серіктестігімен есеп айырысуды жүзеге асыру үшін заңды және жеке тұлғалар банктен валюталық шот ашады. Шот ашу үшін өтініш жазылып, тиісті құжаттар ұсынылуы керек.

Елуінші жылдардың соңынан бастап өнеркәсібі дамыған елдерде валютаны жедел ұсыну (“спот”) және мерзімді (форвардтық) мәмілелер кеңінен қолданыла бастады. Жетпісінші жылдардан бері биржада фъючерстік және опционды валюталық мәмілелер дамыды.

Шетел валютасындағы мерзімді мәмілелер (форвардтық, фъючерстік) – шарт жасаған кезде тіркелген бағам бойынша шетел валютасының сомасын белгіленген уақыттан кейін алып келуі туралы екі жақтың келісуі арқылы жасалынатын валюталық мәміле.

Валюталық опцион сатып алу- сату – келісілген мерзім аяқталғанға дейін мәмілені жасау кезінде белгіленген бағам бойынша белгілі бір валюта көлемін тараптардың бір жағы сатып алу-сату мәмілесі кезінде сатып алу немесе сату құқығын таңдауға мүмкіндік беретін белгіленген комиссияны төлеу шарты кезіндегі келісім.

Валюталық фъючерс – мәмілеге отыру кезінде алдын ала белгіленген бағам бойынша белгілі бір мерзімге белгілі бір валютаның стандарттық көлемін сатып алу немесе сату міндеттемесін білдіретін келісім.

“ Своп” – бұл белгілі бір мерзімге сол валюталармен бір уақыты шартты мәміле бойынша жедел жеткізу жағдайындағы екі валюталық сатылу – сатып алуын қарастыратын валюталық опеарция болып табылады.

18. Шетел валютасында жүргізілетін операциялар және олардың есебі

Айырбас орнының бухгалтерлік есебіндегі операциялар келесі жағдайда көрініс табады:

-айырбас орнына теңге және шетел валютасында аванс ретінде берілген сомаға келесі жазба жасалады:

Дебет 1003 «Айырбас орынындағы қолма-қол ақшалар»

Кредит 1001 «Кассадағы қолма-қол ақшалар».

-айырбас орындарына түскен түсім сомасына:

Дебет 1859 «Шетел валютасының теңгемен көрсетілген қарсы құны (валюталық ұзақ ұстанымның)»

2859 «Шетел валютасының теңгемен көрсетілген қарсы құны (валюталық қысқа ұстанымның)»

Кредит 4530 «Шетел валютасын сатып алу-сату бойынша кірістер».

Жұмыс күні аяқталғаннан кейін қолма-қол қаражаттардың қалдығын банк инкассациялаған кезде:

-егер айырбас орнының қайтарған шетел валютасындағы сома есепке берілген сомадан асып түссе:

Дебет 1001 «Кассадағы қолма-қол ақшалар»

Кредит 2858 «Банктің шетел валютасы бойынша валюталық ұзақ позициясы»

1003 «Айырбас орынындағы қолма-қол ақшалар».

-егер есепке берілген сома қайтарылған шетел валютасындағы сомадан асып түссе:

Дебет 1001 «Кассадағы қолма-қол ақшалар»

1858 «Банктің шетел валютасы бойынша валюталық қысқа позициясы»

Кредит 1003 «Айырбас орынындағы қолма-қол ақшалар».

-Теңгеде өткізілген қалдық сомасы есепке берілген теңгедегі аванс сомасынан көп болса:

Дебет 1001 «Кассадағы қолма-қол ақшалар»

1859 «Шетел валютасының теңгемен көрсетілген қарсы құны (валюталық ұзақ ұстанымның)»

Кредит 1003 «Айырбас орынындағы қолма-қол ақшалар».

-Теңгеде берілген аванс сомасы теңгеде өткізілген қалдық сомасынан асып түссе:

Дебет 1001 «Кассадағы қолма-қол ақшалар»

2859 «Шетел валютасының теңгемен көрсетілген қарсы құны (валюталық қысқа ұстанымның)»

Кредит 1003 «Айырбас орынындағы қолма-қол ақшалар».

Шетел валютасындағы «своп» операциясы бойынша шартқа қол қою кезінде банк «спот» сатып алу кезінде келесі жазбаларды жүргізеді.

Дебет 6405 «Банктің шетел валютасын сатып алу- сату бойынша шартты талаптары»

Кредит 6999 «Банктің шетел валютасымен жасалған мәмілелер бойынша позициясы»

- және бір уақытта сатылатын валюталарға келесі жазулар жасалады:

Дебет 6999 «Банктің шетел валютасымен жасалған мәмілелер бойынша позициясы»

Кредит 6905 «Шетел валютасын сатып алу- сату бойынша шартты

міндеттемелер".

Сонымен бірге әрбір валюта бойынша бөлек дербес шот ашады. «Спот» сатып алу (сату) бойынша дербес есеп айырысуды жүзеге асыру кезінде банк сату валютасы бойынша келесі жазба жасайды:

Дебет 6905 «Шетел валютасын сатып алу- сату бойынша шартты

міндеттемелер"

Кредит 6999 «Банктің шетел валютасымен жасалған мәмілелер бойынша позициясы»

Және барлық уақытта сатып алу валютасында:

Дебет 6999 «Банктің шетел валютасымен жасалған мәмілелер бойынша позициясы»

Кредит 6405 «Банктің шетел валютасын сатып алу- сату бойынша шартты талаптары». Баланстық шот бойынша келесі жазба жасалады:

-сатып алынатын валютада:

Дебет 1001, 1050

Кредит 1858

-сатылған валютада:

Дебет 1858, 2858

Кредит 1001, 1050.

19. Халықаралық банктік шетел валютасынмен есеп айырысулар формалары. Банктің валюталық-айырбастау операцияларының есебі.

Экспорт – импорт опеарцияларын жүзеге асыру кезінде халықаралық банктік есеп айырысудың келесідей нысандары қолданылады:

- құжаттамалық аккредитив;

- құжаттамалық инкассо;

- банктік аударым.

Құжаттамалық аккредитив – экспортшы (траттаны акцептеу) пайдасына

төлемді жүргізу туралы клиент –импортшы тапсырысы бойынша берілетін бакнтің шартты ақшалай міндеттемесі немесе аккредитивте көрсетілген анықталған сомада және бекітілген мерзімде басқа банктің төлемді (тратта акцепті) жүзеге асыруды қамтамасыз ету.

Құжатты аккредитив өз кезегінде банктің бенефициарға өзінің тапсырыс берушісінің есебінен егер бенефициар аккредитивте көрсетілген құжаттарды белгіленген мерзімде ұсынған жағдайда келісілген валютада белгілі соманы төлеуге беруі.

Инкассо – банктердің келесі мақсаттарда алынған нұсқаулықтар негізіндегі құжаттармен жүзеге асырылатын операция.

- акцепт немесе төлемді алу;

- акцептке немесе төлемге қарсы коммерциялық құжаттар беру;

- басқа да жағдайларға байланысты коммерциялық құжаттарды беру.

Банктік аударым – банктің өзінің банк- корреспондентке өтініш бойынша

белгілі бір ақша сомасын төлеуді тапсыру.

20. КБ бағалы қағаздармен жүргізілетін операцияларының есебі

Бағалы қағаздар мүліктік құқықты бекітілген нысанда және міндетті деректемелерді сақтайтай отырып куәландыратын құжат.

Бағалы қағаздардың айналымға түсу уақыты мен әдісіне байланысты олардың нарығы алғашқы және екінші болып бөлінеді. Алғашқы нарықта жаңадан шығарылған бағалы қағаздарды олардың алғашқы иемденушілеріне сатады; екінші нарықта бағалы қағаздардың айналысы, олардың иемденушілерінің ауысуы. Бағалы қағаздардың атаулы (атаулы құн- оларды шығару кезінде анықталатын бағалы қағаздар құнының ақшалай көрінісі), эмиссиялық және нарықтық бағасы болады.

Атаулы баға дивидендтерді, пайыздарды есептеу базасы ретінде нақты есептік мәні бар және одан кейінгі есеп айырысуларда қолданылады. Эмиссиялық баға – бағалы қағаздарды алғашқы орналастыру кезіндегі сатылу бағасы. Ол табыстылық және несиелік пайыз деңгейімен анықталады. Нарықтық баға – бағалы қағаздардың екінші нарықта айналу бағасы. Оның көлеміне сұраныс пен ұсыныстың арақатынасы әсер етеді.

Бағалы қағаздар шаруашылық қызметте қолданылатын әртүрлі құжаттардың жиыны. Сонымен бірге олар өздеріне тиісті жалпы бір белгілері онда көрсетілге мүліктік құқты өткізу үшін ұсыну қажеттігімен біріктіріледі. Бағалы қағаздарды иемденудің мақсаты табыстылық, өтімділік және қаржыландыру кезінде қажеттіліктерді қанағаттандыру болып табылады.

Бағалы қағаздармен операцияларды жүргізудің тәртібі Қазақстан республикасының заңдылықтарымен реттеліп отырады.

Бағалы қағаздармен операциялар – келесідей мақсатарға жету үшін қор нарығында ақшалай қаржылармен немесе бағалы қағаздармен аяқтаған іс-әрекет немесе әрекеттер қатары:

- банк қызметін қаржылық ресурстармен қамтамасыз ету – меншікті капиталды қалыптастыру және арттыру, қарыздық капиталды немесе ресурстарды айналымға тарту – эмиссиондық операциялар;

- өз клиентінен меншікті және тартылған ресурстарды қор активіне салу – инвестициялық операциялар.

Бағалы қағаздардың жіктелуі – бұл бағалы қағаздардың өздеріне тиісті белгілері бойынша бөлінуі.

Бағалы қағаздар түрлерінің жіктелуі – бұл бір түрдегі бағалы қағаздарды топтастыру; бағалы қағаздарды басқа да түрлерге бөлу. Өз кезегінде түрлерді одан әрі бөлуге болады. Әрбір төменгі жіктеу жоғары тұрған жіктеудің құрамына кіреді. Мысалы, акция -– бағалы қағаздардың бір түрі. Қарапайым акция бір дауысты немесе көп дауысты, номиналмен немесе номиналсыз болуы мүмкін.

Бағалы қағаздар мерзімді және мерзімсіз болады. Мерзімді – оларды шығару кезінде мерзімі белгіленетін бағалы қағаздар. Олар қысқа мерзімді және ұзақ мерзімді болып бөлінеді.

Мерзімсіз – айналым мерзімі шектелмеген бағалы қағаздар, яғни олар шексіз мерзім етеді және бағалы қағаздар шығару кезінде өтеу мерзімі көрсетілмейді.

Инвестициялық (капиталдық) – капитал салымы үшін объекті болып табылатын бағалы қағаздар (акциялар, облигациялар, фьючерлік келісімдер және т.б.).

Инвестициялық емес – тауар немесе басқа нарықта ақшалай есеп айырысуға қызмет көрсететін бағалы қағаздар (вексельдер, чектер, консаменттер).

Эмитенттің құқықтық мәртебесін, инвестициялық және несиелік тәуекел деңгейін, инвесторлардың қызығушылығы мен басқа факторларды ескергенде қордың бағалы қағазы үш топқа бөлінеді:

- мемлекеттік;

- муниципалдық;

- мемлекеттік емес.

Мемлекеттік бағалы қағаздар – мемлекеттің ішкі қарыздарының нысаны;

эмитенті мемлекет болып табылатын қарыздық бағалы қағаздар. Муниципалдық бағалы қағаздарға жергілікті өкімет органдарының қарыздық міндеттемелері жатады. Мемлекеттік емес бағалы қағаздар корпорациялық және жеке қаржы институттарымен ұсынылады. Корпорацияға кәсіпорындардың, ұйымдардың, банктердің қарыздық міндеттемелері мен акциялары жатады. Жеке бағалы қағаздарға жеке тұлғалар шығаратын вексельдер, чектер жатуы мүмкін.

Банк өзінің қызметтерін жүзеге асыру үрдісінде айналымға бағалы қағаздардың келесі түрлерін шығарады:

- акциялар;

- депозиттік сертификаттар;

- облигациялар;

- бағалы қағаздардың басқа түрлері.

Бухгалтерлік есеп қызметі сәйкес баланстық шоттарда бағалы қағаздармен

операциялардың дұрыс бейнеленуін бақылауды және жалпыланған есебін, мемлекеттік бағалы қағаздарды сату және сатып алу көлемі бойынша лимиттің сақталуын және алынған өтініштер негізінде дербес шоттар ашуды жүзеге асырады.

21. Бағалы қағаздармен жүргізілетін операциялар және олардың есебін жүргізу

РЕПО операцияларының тағы бір анықтамасы – бұл бағалы қағаздармен қамтамасыз етілген несие немесе бағалы қағаздарды кепілге ала отырып несиелеу.

Қызмет ету мерзіміне байланысты РЕПО үш түрге бөлінеді: түнгі (бір күнге), ашық (операция мерзімі белгіленбеген), мерзімді (бір күннен жоғары белгіленеген мерзіммен, мысалы, 7 жеті күн).

РЕПО операциясын жүргізу кезінде сату бағасы бойынша корреспонденция жасалады:

Дебет 1050 “Банктің корреспонденттік есеп шоттары”

Кредит 2231 “Клиенттерден “РЕПО” операциялары бойынша алынған қарыздар”.

Дата добавления: 2015-11-14