Читайте также:
|
Яко едина от птиц небесных/ в видении великому Сергию показнная,/ подвиг того соревнитель явился еси,/ воздержанием невоздерженнаго стрелы сокрушая,/ бдением и молитвою конечне Богу угодил еси,/ таже и предстатель о нас на небеси теплый являешися,/ молися о еже в тихое спасительное пристанище нам внити,/ (имя рек) преподобне отче наш[15].
Слава и ныне, глас тойже:
Днесь благовернии людии светло празнуем,/ осеняеми Богоматери дивным посещением,/и с верою приемлюще в Ней стража нам неусыпна,/ веселящеся к Ней радостно возопиим:/ покрый нас то всякаго зла/ и спасай молитвами твоими,/ Ты бо еси Покров и Заступление наша[16].
По 1_ом стихословии седален, глас 1:
Радуйся о Господе Лавра великаго Сергия,/ из тебе бо возсия достойный ученик своего учителя,/ иже велением наставника своего повинуяся,/ к вышнему Царствию управлен явился еси,/ идеже подвигов своих мзду восприяв,/ блаженсва вечнаго наслаждения сподобися,/ престолу Божию дерзновено предстоя/ молится о спасении душ наших[17].
Слава: Еже ко Христу любовию учителя уязвися дух твой, отче преподобне (имя рек),/ и того стопам последовав дом отчий оставил еси/ пресельник удела Пресвятыя Троицы явився на земли,/ на небеси со учителем Трисиятельное Божество зриши,/ поминай нас чтущих пресветлую память твою[18].
И ныне:Б огородице, всех Царице,/ умоли над всеми царствующаго Сына Твоего, Христа Бога нашего,/ да избавит обитель сию от бед и напастей,/ якоже предрекла еси[19].
По 2_ом стихословии седолен, глас 4:
Заветам великаго Сергия повинуяся, воздержанием уды крепце стягнул еси, пощением стратей многомятежныя волны смирив, бдением вселукаваго врага мудре препобедил еси, отонудаже и дерзновение ко Христу обретый споспешествуй нам молитвами твоими во брани сопротив врага рода нашего[20].
Слава: Образ добрадетельнаго жития имея великаго авву Сергия,/ во всем тому добре поревновал еси,/ постом, бдением и молитвою во вся дни жития Богу благоугождая,/ со учителем прославился еси на Небеси,/ отче преподобне (имя рек),/ моли Христа Бога спасти души наша[21].
И ныне: Ангелов Царицу и монашескаго чина Владычицу,/ приидите вси восхвалим и поклонимся Ей,/ Та бо неложно обещася быти неотступно места сего до сканчания века[22].
Величание.
Ублажаем Тя,/ преподобне отче наш (имя рек), /и чтим святую память твою, наставниче монахов и собеседниче ангелов.
Псалом избранный:
С преподобным преподобен будеши, Смирях постом душу мою Утрудихся воздыханием моим, измыю на всяку нощь ложе мое, слезами моими постелю мою омочу. Честна пред Господем смерть преподобных Его. Что воздам Господеви о всех, яже воздаде ми. Препоясал мя еси силою на брань, спял еси вся востающыя на мя под мя. Быша слезы моя мне хлеб день и нощь.Закон Бога его в сердце его, и не запнутся стопы его. Праведницы же наследят землю и вселятся в век века на ней. Восхвалятся преподобнии во славе и возрадуются на ложах своих. Блажени вси боящиися Господа, ходящии в путех Ero. Труды плодов твоих снеси: блажен еси, и добро тебе будет Песнь всем преподобным Его, сыновом Израилевым, людем, приближающымся Ему. Се тако благословится человек бояися Господа. Сеюшии слезами, радостию пожнут. Причастник аз есмь всем боящымся Тебе, и хранящым заповеди Твоя. Помяни словеса Твоя рабу Твоему, ихже упование дал ми еси. Праведницы же наследят землю и вселятся в век века на ней[23].
Седален по полиелеи.
Днесь Престолу Божию с наставником предстоит, иже тесное житие на земли возлюбивый, венцем славы от десницы Владычни венчается, временную славу и честь в житии временнем возненавидевый, во одежду брачную одянный, иже целомудрия образ на земли яви,/ ублажаем тя преподобне (имя рек) и воспеваем подвиги твоя Христа ради подъятыя,/и дивнаго учителя твоего Сергия почитаем,/ на путь спасения тя наставльшаго[24]. (Дважды)
Слава и ныне: Паче солнечных луч Твоим славным явлением,/ освещаеши обитель сию и всех с верою приходящих,/ и тьму грехов наших отгоняеши посещением Твоим Богородице,/ к Сыну Твоему и Богу молящеся[25].
Прокимен, глас 4: С преподобным преподобен будеши. стих: И со избранным избран будеши.[26] Евангелие от Луки зачало 27.
Рече Господь: Несть древо добро́, творя плода́ зла, ниже древо зло творя плода́ добра́. Всяко бо древа от плода своего познается, не от терния бо чешут смоквы, не от купины емлют гроздия. Благий человек от благаго сокровища сердца своего износит благое, и злый человек от злаго сокровища сердца своего износит злое. От избытка бо сердца глаголют уста его.
По 50-м псалме стихира, глас 6:
Иже Тебе ради, Владыко Христе,/ мир оставльшаго и во обитель Пресвятыя Троицы пришедшаго,/ в послушание преподобному Сергию вверившагося,/ и тамо во мнозих добродетелех зело приуспевшаго,/ преподобнаго (имя рек),/ приими яко ходатая и заступника о нас,/ и таго молитвами беды на ны находящия разреши,/ болезни душ и телес милостивно исцели,/ и спасенных части сопричти,/ прославльшаго Тя на земли прославляющих,/ Многоблагоутробне Господи[27].
КАНОН, глас 8:
Егоже краегласен: Спасения моего ходатай явися преподобне.
Дата добавления: 2015-10-16; просмотров: 69 | Нарушение авторских прав
| <== предыдущая страница | | | следующая страница ==> |
| На стиховне стихиры, глас 2. | | | Песнь 4 |