Песнь 4

Ирмос: Из горы приосененныя, Слове, пророк, Единыя Богородицы, хотяща воплотитися, боговидно усмотри и со страхом славословяше силу Твою.

Многомятущееся страстей море налегши на храмину души твоея,/ яко на камени твердаго послушания основанну ю обрете,/ препобежденна отступи,/ со страхом славословяще в тебе явленную Силу Божию.

Огнем божественныя ревности сердце исполненное имея,/ неленостно подвизался еси во обители Пресвятыя Троицы,/ бдением, постом и молитвою злехитраго врага козни сокрушая,/в тебе же явльшуюся Силу Божию верныя научал еси славословити.

Единому Господину работати пламенем вожделев,/ многомятежное движение страстей молитвою теплою успил еси,/ скора исчезающую же призрев мира сего красоту,/ грядущия жизни причастник являешися.

Богородичен: Горних селений достигнути имущего избранника Твоего Сергия посещающи,/ неотступо обители сия прибыти обещала еси,/ не отврати лица Твоего от нас Тебе вопиющих:/ Радуйся, Обрадованная, предстательством Твоим обитель сию от бед и напастей ограждающая.

Песнь 5.

Ирмос: М рак души моея разжени,/ Светодавче Христе Боже,/ началородную тьму изгнав бездны:/ и даруй ми свет повелений Твоих, Слове,/ да утренюя славлю Тя.

Оставив скороприходящую славу/ вечною от Владыки Христа прославился еси,/ и дерзновение ко Христу подвигов и трудов Его ради подъятых улучив,/ с великим аввой Сергием молися о всех память твою совершающих,/ (имя рек) преподобне отче наш

Храм души твоея обильно благодати божественныя пришествием напоив,/ хотящих пленицами страстей уловити тя изгнал еси/ и домом молитвы внутренюю скляницу душит твоея сотворив,/ чистоту сердечную стяжал еси,/ (имя рек) преподобне отче наш

Отвержением земных Небеснаго Града гражданин явися,/ ангелоподобная житие препровождая/ соплеменники твоя удивил еси,/ ныне же тихаго пристанища досигнув,/ помощи руку простри всем память твою совершающим.

Богородичен: Да избавится от всех злоключений/ чтущая Тя обитель, Богородице Дево,/ вражды огня и глада,/ во единомыслии воспевающи,/ Помощницу Тя имущи.

Песнь 6

Ирмос: Содержима мя приими, Человеколюбче,/ грехи многими и припадающа щедротам Твоим,/ яко пророка, Господи,/ и спаси мя.

Ангелоподобному твоему житию земнороднии удивляются,/ обитель же Троицкая радуется,/ восприемши талика ходатая и заступника,/ иже с великим аввой Сергием о благостаянии ея молится.

Токи слез источая,/возделанную многими труды землю сердца твоего,/росою благодати обильно напоил еси,/ (имя рек) преподобне отче наш.

Аввы Сергия спасительная исполнив повеления,/ на Небеси прибывающу Божию Слову, яко послушания делатель предстал еси,/ не остави и нас ревновати твоим добрoдетелем хотящих,/ вразумив же ко спасению ны руковдствуй.

Богородичен: Источник исцелений и веры православной утверждение/ посещение Твое, Богородице, явися,/ темже и нас к Тебе прибегающих,/ от бед и искушений свободи.

Кондак, глас 6

Молитвами Богу возносимыми, и слезми душу очищающими, возлетел еси в тихое пристанище Святыя Троицы, богомудре отче (имя рек), идеже радостно престолу Божию предстоя и горе преподобнии руце воздевая, спасения нашего ходатай явися.

Икос

Евангельскими наставляем славесы, Божественными управляем глаголы, приходящую сего мира доброту Христа ради возненавидев, земнаго удела Пресвятыя Троицы достигл еси, и тамо ревностне подвизаяся, спостник великаго Сергия и подвигов его соревнитель явился еси, с ним же и дерзновение Престолу Божию предстояти улучив, горе преподобнии руце воздевая, спасения нашего ходатай явися.

Песнь 7.

Ирмос: Божия снизхождения/ огнь устыдеся в Вавилоне иногда,/ сего ради отроцы в пещи радованною ногою,/ яко во цветнице ликующе, пояху:/ благословен еси, Боже отец наших.

Яко финикс Давидски процвел еси в дому Пресвятыя Троицы на земли, (имя рек) преподобне,/ по отшествии твоем в Небесныя Чертоги брачными одеяньми украшен вшел еси,/ идеже вси праведнии веселятся и радуются,/ мзду трудов своих от десницы Владычни приемлюще,/ Благословен еси - взывают непрестанно - Господи Боже во веки.

Всемысленно последовав наставнику твоему в житии временнем, преподобне,/ сонаследник славы его на небеси явился еси,/ и дерзновение ко Святей Троицы улучив молитеся о всех к тебе прибегающих,/ не отврати лица твоего от верою и любовию сошедшихся/ похвалити тайныя подвиги и труды твоя.

Иерусалима вышняго гражданином быти желая,/ перстнаго челавека в себе воздержанием крепким победил еси,/ бдение, постом и молитвою богоугодное житие на земли припровождая,/ на Небеси со ангелы улучил еси дерзновение взывати:/ Благословен еси Господи Боже во веки.

Святыни храм был еси, преподобне,/ по Божественному причастию райский гражданин,/ в немже наслаждаешися невозбнанно древа знания и нетленныя славы,/ память творя (имя рек) преподобне,/ о иже верою хваялящих тя.[29]

Богородичен: Яко воистину священный и спасительный и зареносный, Дево, образ посещения Твоего,/ поклоняющимся бо сему здравие раздаеши и милость телес же и душ,/ и взыскающим надежная еси помощница,/ Бога плотию рождшая.

Песнь 8.

Ирмос: На горе святей прославльшася/ и в купине огнем Приснодевы Моисеови тайну явльшаго,/ Господа пойте и превозносите во вся веки.

Подражатель истинен богоугоднаго жития великаго Сергия,/ житие наше исправити долу поникшим нам помази,/ (имя рек) преподобне отче наш.

Рече Господь: прославляющия мя прославлю./ Воистину бо сбышася словеса сия,/ тако бо прослави Господь (имя рек) досточуднаго даже до сего дня.[30]

Еже паче всего в послушании познал еси отче,/ множайшими поты восприим вышнее Царство, ангельски на земли пожив,/ и ныне предстоя Святей Троицы, поминай чтущих присветлую память твою[31].

Троичен: Поклонимся Отцу и Сыну и Святому Духу, Богу в Троице славимому,/ Иже дом Себе на земли устроити восхотев,/ преподобнаго Сергия в место сие промышленим Своим привел еси.

Богородичен: Освятися Твоим посещением, Дево Богородице, обитель Пресвятыя Троицы/ и возрадовася избранник Твой Сергий богоносный,/ благословенному обетованию Твоего неотступнаго заступления.[32]

Песнь 9

Ирмос: Воистинну Богородицу/ Тя исповедуем,/ спасеннии Тобою, Дево Чистая,/ с безплотными лики Тя величающе.

Днесь с нами собори ангел и преподобных веселятся,/ в память твою, блаженне (имя рек),/ с ними же молися о всех,/ верою подвиги и труды твоя воспети сошедшихся.[33]

Отшел еси в селения праведных и духом предстоиши Присносущному Свету,/ призри убо на ны живущих в селех многомятежнаго мира,/ и пособствуй сущим во бранех (имя рек) богоблаженне,/ яко песньми тя величаем.[34]

Божественнаго Чертога двери отверзошая,/ мнозими труды и возыханьми очищенную твою душу прияти хотящи,/ идеже радуяся о преславном скончании живота твоего срети тя учитель твой,/ (имя рек) преподобне отче наш.

Н ам чтущим и похваляющим подвиги твоя, испроси у Христа Бога ныне/ во исходе душ наших и на Страшнем Судилище получити милость,/да с табою купно во веки прибывающаго Бога воспаим, завуще:/ Благословен еси Боже во веки.[35]

Богородичен: Есть воистину сей святый день,/ в оньже собра нас Матерь Божия прославити подвиги/ преподобных отец зде просиявших,/ ихже память прибывает во веки.[36]

Светилен.

Благословен еси Христе Боже наш,/ великаго Сергия образ жития ангельска миру показавый/ и тем дивнаго (имя рек),/ ревнителя подвигов того явивый,/ Человеколюбче, слава Тебе[37].

Слава и ныне:

Паче солнечных луч твоим славным явлением освещаеши обитель сию и всех с верою приходящих и тьму грехов инаших отгоняеши посещением Твоим, Богородице, к Сыну Твоему и Богу за ны молящися.

Дата добавления: 2015-10-16