Преподобне отче (имя рек),/ иноков удобрение и Лавры Сергиевой красное прозябение,/ преподобных отцев похвало и верных утверждение,/ яже любовию творяще память твою,/[9] не презрети прошения их молятся ти,/ просящи избавити их злаго обстаяния вечнаго томления.
стих: С преподобным/ преподобен будеши.
П риспе день светлаго торжества,/ к веселию инок сословие созывая,/ воистину бо похвалы достойнаго мужа возвеличити научает,/ бдением страстей море изсушившаго,/ и слезми душу свою обильно напоившаго,/ благаго и вернаго раба Христова,/ богомудраго отца нашего (имя рек), / иже ныне на небеси с преподобным Сергием прибывая,/ с нимже и молится Христу,/ о спасении всех память его совершающих[10].
стих: И со избранным/ избран будеши.
Господи, се раб твой благий,/ иже мир оставль в тихое пристанище Святыя Троице прииде,/ и в послушание преподобному Сергию вверився,/ в доброделании зело утвердися,/ и плод сторицею принесше,/ одесную величествия Твоего предста,/ того молитвы о нас грешным приими/ и спаси от смерти души наша[11].
Слава, глас 8: М онахов лицы,/ Бога в Троицы славословящии,/ и все множество сошедшеся ублажим (имя рек) всехвальнаго,/ истинаго постника и делателя закона Господня всеизряднаго,/ ангела земнаго и небеснаго человека,/ и воззопиим к нему, глаголюще:/ отче преподобне,/ небесный сый гражданине,/ Владыку всех моли/ о еже сохранитися обители сей/ от глада, губительства, труса и потопа,/ огня, меча, нашествия иноплеменник и междоусобныя брани,/ и спасение душам наших даровати Того умоли,/ скорый помощниче к тебе прибегающим[12].
И ныне, глас тойже:
Что Тя наречем, Богородице Дево,/ столп ли огненный,/ руководящий нас к вечному наследию,/стену ли крепку,/ яко Ты православный род защищаеши,/ стража ли неусыпна,/ яко охраняеши и спасаеши обитель сию,/ темже от належащих бед избавляеми, возопиим Владычице:/ Радуйся благих виновная,/ известное христиан упование[13].
Ины стихиры на стиховне, глас 2, подобен: Доме Евфрафов.
Обитель Святыя Троицы,/ красуйся и ликуй,/ се бо чадо твое,/ на небеси Престолу Божию престая,/ о благостаянии твоем молится
Стих: Блажен муж, бояися Господа, в заповедех Его восхощет зело.
Сергия Великаго славный ученик,/ и Святыя Троицы сосуде избранный,/ (имя рек) отче наш,/ моли Милостиваго Бога,/ о спасении душ наших.
Стих: Честна пред Господем смерть преподобных Его.
Бдением, постом и молитвою,/ страстей многомятущееся море изсушил еси,/ (имя рек) отче наш,/ предстательством твоим, еже к Богу,/ споборствуй нам на врага рода нашего.
Слава, глас 8: Срадуется днесь обители Сергиевой вся Церковь Русская,/ от благаго корени послушания плод добр восприимши,/ (имя рек) богомудраго,/ иже насладися богоглаголивых славес великаго аввы Сергия,/ неленосный исполнитель заповедей его явися,/ сего ради во обетованных благ сонаследник ему бывает,/ к немуже, яко к теплому предстателю, притекше,/ со упаванием радостно возопиим,/ спасай нас молитвами твоими от злага обстояния,/ бесов приражения молитвою твоею разреши,/ обитель сию нашу добре предстательством твоим сохрани,/ и спаси от смерти души наша.
Дата добавления: 2015-10-16; просмотров: 78 | Нарушение авторских прав
| <== предыдущая страница | | | следующая страница ==> |
| Львов – Чинадиево – Ужгород – Невицкое – Берегово – Мукачево – Львов | | | Ин тропарь общий преподобному Радонежскому, глас тойже |