|
Читайте также: |
Дева Мариа Богродица воистинну, яко облак светлый нам возсия. Ктому Адам не осуждается, и Ева от уз свободися. Сего ради и мы зовем, вопюще с дерзновением Единей Чистей: Пресвятая Дево, моли Сына Твоего, подати грехов оставление.
Прокимен, глас 4: Прияхом Боже милость Твою посреде людей Твоих: стих: Избра нам достояние Свое, доброту Иаковлю, Юже возлби: Евангелие от Луки зачало 4
По 50-ом псалме стихира, глас 6
Не имамы иныя помощи, не имамы иныя надежды, разве Тебе, Владычице: Ты нам помози, на Тебе надеемся, и Тобою хвалимся: Твои бо есмы раби, да не постыдимся.
Конон глас 8
Ирмос: Воду прошед яко сушу, и египетскаго зла избежав, израильтянин вопияше: Избавителю и Богу нашему поим.
Припев: Пресвятая Богородице, спаси нас.
Мнози грехи содеях, праведный гнев Владыки Христа на себе навлекл еси, к Тебе же прибегая, Пречистая Богородие, молюся, всесильными Твоими молитвами умилостиви мне Сына Твоего и Бога нашего
Припев: Пресвятая Богородице, спаси нас.
Стражду люте окоянства своего ради, и не имам врачевства могущаго мя исцелити, очи своя к небеси возводя зову Ти, Богоотроковице, всех прибегающих к Твоему милостивому покрову могущей уврачевати, Утоли болезни многовоздыхающия душы моея
Припев: Пресвятая Богородице, спаси нас.
Узы темничныя томят душу мою, и не имам могущаго сего мя избавити, к Тебе же прибегая Богородице, верою твердою и несумненною чаю получити потребное ми утешение, яже ми подаждь Скоромилостивная Заступнице
Слава Отцу и Сыну и Святому Духу.
Спаса Рождшую Тя и Бога, молю, Дево, облегчи узы праведно мною носимая, душу мою уврачуй и мя помилуй, аще и ничесоже достойное Тебе принести возмогу, кроме упования своего
И ныне и присно и во веки веков. Аминь.
Недугующа телом и душею прегрешений своих ради, посещения Твоего, Богродице, сподобльшеся, во умилении сердечнем вопию Ти: Радуйся Обрадованная, и во узах темничных нас не оставляющая
Песнь 3.
Ирмос: Небеснаго круга Верхотворче Господи, и Церкве Зиждителю, Ты мене утверди в любви Твоей, желаний краю, верных Утверждение, Едине Человеколюбче.
Припев: Пресвятая Богородице, спаси нас.
Предстательство и Покров всем к Тебе прибегающим являешися, Богородице Дево, находящия скорби и болезни всесильным и всемощным ходатойством Своим от них отгоняюши, сего ради ныне вси сошедшеся вопиют Ти: Радуйся Обрадованная, и во узах темничных нас не оставляющая
Припев: Пресвятая Богородице, спаси нас.
Молю Тя, Дево Неискусобрачная, печаль мира Рождеством Своим потребившая печальное серце мое утеши, и узы мною носимыя молением Своим легкими сотвори, иного бо утешения не возмогу обрести.
Припев: Пресвятая Богородице, спаси нас.
Слезми умилеными и сердцем сокрушенным, к Тебе, Пречистая вопию, миро благовонное во уверения неверия нашего нам явившая, жития нового начало положити ны сподоби, Пресвятая Мати Дево
Дата добавления: 2015-10-16; просмотров: 78 | Нарушение авторских прав
| <== предыдущая страница | | | следующая страница ==> |
| НЕКОТОРЫЕ ОСОБЕННОСТИ ПАДЕЖНОГО УПРАВЛЕНИЯ | | | Слава Отцу и Сыну и Святому Духу. |