|
Читайте также: |
Страстьми уловленный во мнози беззакония руце своя простерл еси, очима видев похотью воспломенився, ныне же стеня вопию: молитвою Твоею Пречистая спаси мя.
И ныне и присно и во веки веков. Аминь.
Исцели острупленную грехми душу мою, язвы елеем милости Твоея уврачуй Пречистая, к Тебе бо прибегаю, упование спасения своего Тя имущи, Богоблагодатная.
Песнь 6.
Ирмос: Молитву пролию ко Господу, и Тому возвещу печали моя, яко зол душа моя исполнися, и живот мой аду приближися, и молюся яко Иона: от тли, Боже, возведи мя.
Припев: Пресвятая Богородице, спаси нас.
Исав первородство призрев чреву угоди, аз же чистоту от Сына Твоего мне данную не сохранив многим сластем поработихся, к Тебе вопию: О Госпоже! Аще хощеши очисти мя.
Припев: Пресвятая Богородице, спаси нас.
Моисея не послушав вся заповеди призрел еси, сего ради и яко законопреступник наказание праведное приемлю, к Твоему же милосердию зову, Пречитая, вечнаго осуждения избави мя.
Припев: Пресвятая Богородице, спаси нас.
Наг добродетелей являюся, вретище пригрешений нося, дверем затворенным Чертога Владычня предстати страшуся, одежда бо мя обличает, но молюся Ти, Благодатная Богородице, просвети одеяние души моея.
Припев: Пресвятая Богородице, спаси нас.
Отверженнаго вечнаго пребывания и падшаго окаянно в смерть, паки мя призвала еси, Пречистая, Мати бывши Избавителя, и к прежнему тещи сподобила еси Отечеству: тем Тя, Богомати, непрестанно величаю.
Слава Отцу и Сыну и Святому Духу.
Разаренну храмину имея и язвы пригрешения нося, взываю Ти, Пречистая Владычице, елеем милости Твоея воздрвивши, воздвигути разаренное молитвою Твоею помози.
И ныне и присно и во веки веков. Аминь.
Призри благосердием, Всепетая Богородице, на молитву возносимую Ти от раб Твоих, и милостивным Своим покровом избави нас от всякаго зла, вечную же радости сподоби видети.
Кондак глас 6
Мира благовоннаго излиянием, / прославися образ Твой, Пречистая, / к немуже ныне притекающе, / Тя, яко Всещедрую Царицу, славословим, глаголюще: / Радуйся, Радосте наша, / от всякого зла нас избавляющая, / и печали на ны находящия утоляющая.
Икос:
Простри длани Твоя, имаже всех Владыку, яко Младенца, прияла еси, за множество благости, не остави нас грех своих ради люте страждущих, бодренною же Твоею молитвою возстави ны от гноища греховнаго, темничныя наша узы облегчи, и сердце блаженныя радости сподоби, да возможем едиными усты Ти похвально пение приносити, глаголюще: Радуйся, Радосте наша, / от всякого зла нас избавляющая, / и печали на ны находящия утоляющая.
Дата добавления: 2015-10-16; просмотров: 73 | Нарушение авторских прав
| <== предыдущая страница | | | следующая страница ==> |
| Слава Отцу и Сыну и Святому Духу. | | | Песнь 7. |