Читайте также:
|
Ирмос: От Иудеи дошедше отроцы, в Вавилоне иногда, верою Троическою пламень пещный попраша, поюще: отцев Боже, благословен еси.
Припев: Пресвятая Богородице, спаси нас.
Грешники кающияся видети хотящи, благовонная миро яко глас призывающ от образа Твоего источила еси, отчаянныя и коснии сердцем на путь покаяния наставляши, Пречистая.
Припев: Пресвятая Богородице, спаси нас.
Радуйся Преблагосовенная Владычице, предстательством и заступлением Своим достойное по делом своим приемлющия, неизреченныя милости сподобляющая.
Припев: Пресвятая Богородице, спаси нас.
Ад всесмехливый ныне рыдает/ о рабех своих на небеси радующияся ангелы видя,/ Твоего бо ради дивнаго посещения, Пречистая,/ скверна пригрешений наших слезами покаяния омывается.
Припев: Пресвятая Богородице, спаси нас.
Яко разбойник, взываю Ти, помяни мя, Человеколюбче: плачу, яко блудница, и вопию: согреших, якоже древле блудный, кающася приими мя отчаяннаго, Богородицы ради, да усердно вопию Ти: священницы, воспойте, людие превозносите Его во веки.
Слава Отцу и Сыну и Святому Духу.
Сокровище превелико образ Твой честный, Владычице, падшим даровася, миром благовоным яко златом многоценным благоукрашен, емуже ныне припадающия предстательством Твоим вечнаго огня исхити
И ныне и присно и во веки веков. Аминь.
Телесныя слабости и душевныя недуги, Богородительнице, любовию приходящих в храм Твой и пред образом Твоим злых дел прощения просящих исцелити сподоби, Спаса Христа нам рождшая.
Песнь 8.
Ирмос: Царя Небеснаго, Егоже поют вои ангельстии, хвалите и превозносите во вся веки.
Припев: Пресвятая Богородице, спаси нас.
Помози ми Благосердая Владычице, отчаяние мое сердце обдержащее прогнати и начало жития благаго положити.
Припев: Пресвятая Богородице, спаси нас.
Не остави мя молюся Ти, Премилоседая Владычице, поползновения моего ради, но всесильным Твоим молением возстати от гноища греховного ми помози.
Припев: Пресвятая Богородице, спаси нас.
Вольная содеях невольными узами облажен, греху пороботихся мнозими болезньми уязвихся, но молюся Ти, Всепетая, возстания моего буди начало.
Припев: Пресвятая Богородице, спаси нас.
Грехми отчаян, обретох Тя пристанище спасения, Пречистая Богородице, упование наше и помоще: темже мя к покаянию настави.
Слава Отцу и Сыну и Святому Духу.
Разбойник окаянный есмь, сердцем разумею лютая деяния своя, образу же Твоему представ, Благоседая, вопию Ти: Помяни мя во Царствии Сына Твоего.
И ныне и присно и во веки веков. Аминь.
Дата добавления: 2015-10-16; просмотров: 72 | Нарушение авторских прав
| <== предыдущая страница | | | следующая страница ==> |
| Слава Отцу и Сыну и Святому Духу. | | | Немилосерд ближнему явихся, милосердия Твоего призываю бездну: милостив ми суд Владыки покажи. |