|
Читайте также: |
Благодетеля рождши, добрых Виновнаго, благодеяния великия нам грешным показала еси, недостоинства нашего не поминающи но к покаянию о содеяных призывающи, сего ради завем Ти: Радуйся Обрадованная, и во узах темничных нас не оставляющая
И ныне и присно и во веки веков. Аминь.
Лютыми недуги и Болезненными страстьми истязаему, Дево, Ты нам помози: руку помощи Твоя простирающи уныния от нас отгони, надежду бо на Тя возложивше, спасение улучити Твоими молитвами уповаем.
Седален, глас 2-й:
Милостива ми буди Богородице, милости превеликия на мир произливающая, немощи души моея посети и многоболезненное тело мое исцели, Тебе бо стяжах Покров и Заступление.
Песнь 4.
Ирмос: Услышах, Господи, смотрения Твоего таинство, разумех дела Твоя, и прославих Твое Божество.
Припев: Пресвятая Богородице, спаси нас.
Прегрешений своих ради люте стражду, окаянный, к Тебе вопию Премилосердная Заступнице, преступленьми окамененное сердце мое молитвою Твоею покаянию научи.
Припев: Пресвятая Богородице, спаси нас.
Грехов моих множество от земли к небеси вопиет, Каину бо поревновав убийсво сотворил еси, но к Тебе вопию Преблагословенная, молитвами Твоими спаси мя.
Припев: Пресвятая Богородице, спаси нас.
Сына Твоего повеления призрев, Владычице, вожделел еси вся елика суть ближняго моего и того окрадах, стражду ныне злодейства своего ради, к Тебе же вопию спаси мя молитвами Твоими.
Слава Отцу и Сыну и Святому Духу.
Вином упився и разумом омрачився, преступление соделал еси рыдая воляюся, омытися от сия скверны молитвою своею не надеяся, на Тя же упование свое возлагаю, Пречистая.
И ныне и присно и во веки веков. Аминь.
Житие злосмрадно иждив, скверну пригрешений содеяв к Твоему покрову прибегаю Всещедрая Владычице, Ты ми помози, неоскудное бо предстательство вем Тя.
Песнь 5.
Ирмос: Просвети нас повелении Твоими, Господи, и мышцею Твоею высокою Твой мир подаждь нам, Человеколюбче.
Припев: Пресвятая Богородице, спаси нас.
Адамову вкушению поревновав преступление соделал еси ближнего своего приобидев и Бога преступленьми оскорбих, молитвою же Твоею, Владычице, примири мя сим и на путь покаяния настави.
Припев: Пресвятая Богородице, спаси нас.
В рове валяюся преступлений стеня вопию к Твоему милосердию, Пречистая, возстави от гноища греховнаго и доброделанию научи, Тебе бо стяжах упование непобедимое и стену не преобориму.
Припев: Пресвятая Богородице, спаси нас.
Исмаилу беззаконному поревновав, брата своего изранив, законное по делом своим приемлю, темничное заточение терпя, к Тебе же вопию, Пречистая, спаси мя Твоим молитвами, и избави мя от всякия нечистоты.
Дата добавления: 2015-10-16; просмотров: 84 | Нарушение авторских прав
| <== предыдущая страница | | | следующая страница ==> |
| Припев: Пресвятая Богородице, спаси нас. | | | Слава Отцу и Сыну и Святому Духу. |