Литургия свт. Иоанна Златоуста.

Литургия свт. Василия Великого.

глас 4: Светлую воскресения проповедь / от Ангела уведевша Господни ученицы/ и прадеднее осуждение отвергша, / апостолом хвалящася глаголаху: / испровержеся смерть, / воскресе Христос Бог, // даруяй мирови велию милость.

глас 5: Яко всехвальнии ученицы/ великаго покровителя и заступника земли Русской,/ Богоноснии отцы наши Афанасие и Феодосие,/ от юности вашея крест Христов на рамена вземшии,/ усердно Тому последовали есте/ и добре потрудилися в Сергиевой обители./ Отонудуже Божиим изволением прибывша,/ благочестно во граде нашем Череповце подвизалися есте,/ и обитель Воскресения Христова устроиша,/ молитвою и трудом Богу угодивше,/ от Него венец славы Небесной прияли есте,/ и ныне святыми своими телесы в соборнем храме под спудом почивающе,/ духом же вкупе с преподобным Сергием у Престола Всевышняго предстоя,/ о нас молитеся прилежно/ избавитися нам от всех бед и скорбей// и спастися душам нашим.

глас 1: Пусты́нный жи́тель и в телеси́ а́нгел, / и чудотво́рец яви́лся еси́ богоно́се о́тче наш Иоа́нне: / посто́м, бде́нием, моли́твою небе́сная дарова́ния прии́м, / исцеля́еши неду́жныя, и ду́ши ве́рою притека́ющих ти. / Сла́ва Да́вшему ти кре́пость: / сла́ва Венча́вшему тя: // сла́ва Де́йствующему тобо́ю всем исцеле́ния.

глас 4: Спас и Избавитель мой/ из гроба, яко Бог,/ воскреси от уз земнородныя,/ и врата адова сокруши, // и яко Владыка воскресе тридневен.

глас 2: Волнений множество невлажно проходящее,/ бесплотныя враги струями слез ваших крепко погрузили есте,/ богомудрии и преподобнии Афанасие и Феодосие/ и чудес дар приимше,// молите непрестанно о всех нас.

Слава, глас 4: На высоте́ Госпо́дь воздержа́ния/ и́стинна тя положи́, / я́коже звезду́ неле́стную,/ световодя́щую концы́, // наста́вниче, Иоа́нне, о́тче наш.

И ныне, глас 6: Предстательство христиан непостыдное,/ ходатайство ко Творцу непреложное,/ не презри грешных молений гласы,/ но предвари, яко Благая, на помощь нас, верно зовущих Ти:/ ускори на молитву, и потщися на умоление,// предстательствующи присно, Богородице, чтущих Тя.

Прокимен, глас 4: Яко возвеличишася дела Твоя, Господи, / вся премудростию сотвори еси. глас 7: Восхва́лятся преподо́бнии во сла́ве, / и возра́дуются на ло́жах свои́х.

Вместо «Достойно есть» — «О Тебе радуется...».

Прича́стен: Хвалите Господа с Небес, хвалите Его в вышних. В память вечную будет праведник, от слуха зла не убоится.

20 апреля 2013 года Суббота 5-й седмицы. Суббота Ака́фиста. Похвала́ Пресвятой Богородицы.

Литургия свт. Иоанна Златоуста.

глас 8: Повеле́нное та́йно прие́м в ра́зуме, / в кро́ве Ио́сифове тща́нием предста́ Безпло́тный, / глаго́ля Неискусобра́чней: / приклони́вый схожде́нием Небеса́ вмеща́ется неизме́нно весь в Тя, / Его́же и ви́дя в ложесна́х Твои́х / прие́мша ра́бий зрак, / ужаса́юся зва́ти Тебе́: // ра́дуйся, Неве́сто Неневе́стная.

Слава, и ныне, глас 8: Взбра́нной Воево́де победи́тельная, / я́ко изба́вльшеся от злых, / благода́рственная воспису́ем Ти, раби́ Твои́, Богоро́дице, / но, я́ко иму́щая держа́ву непобеди́мую, / от вся́ких нас бед свободи́, да зове́м Ти: // ра́дуйся, Неве́сто Неневе́стная.

Прокимен, глас 3. Песнь Богородицы: Вели́чит душа́ Моя́ Го́спода, / и возра́довася дух Мой о Бо́зе Спа́се Мое́м.

Причастен: Ча́шу спасе́ния прииму́, / и и́мя Госпо́дне призову́.

Дата добавления: 2015-08-21