Прение с Иосифом Волоцким

4. Иосиф. Яко подобает еретикы и отступникы святите­лем и священиком и всем православным християном не токмо ненавидети, но и проклинати; царем и князем подо­бает сих в заточения посылати и казнем лютым предавати.

Васиан. Ответ. Яко подобает еретиков святителем и всему священическому собору проклинати, аще котории не каются или паче насилующе съпротивляются; царем же и князем сих подобает заточити и казнити <…> А кающихся повелевает свя­тая писаниа приимати на покаяние. <…>

5. Иосиф. Свидетельство от божественых писаниих, яко едино есть, еже еретикы и отступникы оружием убивати и молитвою смерти предавати.

Васиан. Ответ. Аще речеши, яко едино есть, еже ере­тикы и отступникы оружием убивати и молитвою смръти пре­давати, сие, Иосифе, и с своими ученики облъгуеши святая писаниа. И мы же противу сего речем: Молитвою убивати — от святых есть, а оружием убивати — от царскаго повеления и от человечьскаго се обычая бывает <...>

9. Иосиф. О том, еже Васиан пустынник глаголет: Кото­рых еретиков и отступников казнили, то суть мученицы.

Васиан. Сиа глаголю: Которым еретиком кающимся; не приемля их покаяния, казнили их, сии суть мученицы, по­неже несть грех непрощаем, аще кается. Ты же коея ради вины, о Иосифе, не велиши давати согрешающим покая­ниа? <…>

10. Иосиф. О еже како Нил и ученик его Васиан похулиша великих чюдотворцев Антониа и Феодосия и всех свя­тых чюдотворцев, иже в Печерском манастыре и во всей Руской земли.

Васиан. Сие, Иосифе, на мя и на старца моего лжеши, что будто се мы похулили и всех чюдотворцев во всей Рус­кой земли. Мы же благодатию божиею чюдотворцов киев­ских вублажаем и всех во всей Руской земли, и молитвы их на помощь призываем, и знаменосцы их имянуем, понеже сохранили заповеди божия и жили по Еуангелию и по Апос­толу, а не яко же ты, Иосифе, и твои ученицы, преступив за­поведи божия, не токмо яко мирстии человецы живут, но и греши того <…>

11. Иосиф. О еже како в второе лето князь великий Иван Васильевичь всея Русии повеле быти на Москове святителем, и Нилу и Осифу, попов ради, иже дръжаху наложницы; паче же рещи — восхоте отъимати села у святых црьквей и у манастырей.

Васиан. А о попех о вдовцех, Иосифе, что ми тебе противу вещати? Веси сам в святых правилех, что вдовцем чи­стым повелевает служити. А ты, презрев святая правила, по страсти, человекоугодия ради, отговорил всем вдовцем не служити, и чистым и нечистым. И о том на вашу неправду суд божий на вас лежит, и от святых правил под клятвою есте: преступая правила, тако творите. А о селех: не подо­бает монастырем сел дръжати — о сем писано в 3-м слове сих тетратей. У соборных церьквей у мирскых повелевают святая правила земли дръжати, но не епископу ими владети, ни попом, но все церьковное богатство ведати иконому и давати от него, со епископля доклада, и с всего его священнаго собору попов его, причетником церковным всем комуждо что на потребу, тако же и нищим и убогим, и пле­ненных окупати и всяким в убожестве живущим помогати. Сего ради христолюбци приношают ко церквам соборным мирским своя имениа и богатства. Аще ли будет церьков обидима от кого чим, мьстителем поставленым отмещается. А иноком не подобает богатествовати и земли дрьжати, понеже отреклися сего всего — чюже им есть.

12. Иосиф. О еже како иногда прииде на Москву Васиан пустынник, яко да великаго князя научит и вся благородныя человеки, иже у манастырей и у мирских церьквей села отъ­имати.

Васиан. Сие, Иосифе, на мя не лжеши, что аз вели­кому князю у манастырей села велю отъимати и у мир­скых церквей. И яз пишу и глаголю истину. <…>

14. Иосиф. О еже како Нил и ученик его Васиан гла­голют и пишут, яко не подобает божественых церквей и всечестных икон украшати златом и сребром, тако же и священых сосудов не подобает имети в церкви златых и сребряных.

Васиан. О сем тебе пишу, Иосифе, Иоан Златоустый о сем пишет, яко не подобает церквей украшати, а нищих и убогих обидети, но лучше есть нищим и убогим даяти, не­жели церкви украшати. Понеже церьковные украшение емлемо бывает огнем и варвары, и татьми крадомо. А еже ни­щим даяти, сего ни диявол может украсти. Аще ли будет излишнее у милостыни, по совету убогих церьковнаго богат­ства, и сие подобает творити епископом или мирским чело­веком, а не иноком в монастырех. А иноком в конечном нестяжании и убожьстве и в неукрашении, ниже богатствовати, ни излишняя имати милостыня, но токмо потребная церкви дръжати и неукрашена и себе нужными потребами питати и одежами. <…>

Казакова Н.А. Вассиан Патрикеев и его сочинения. – М.,1960. – С.257-258, 276-281

5. Челобитная попа Симеона о «ереси» Матвея Башкина[40]

Государю пресвященному Макарию, митрополиту всеа Pуси, и всему священному собору благовещенской поп Семенишко челом бью. Писал тебе государю Иван Висковатой[41], что я, Семен, Башкину отец духовной, и тот Матфей в ве­ликий пост[42] у меня на исповеди был, а сказывал на испо­веди: християнин де есмь, верую во отца и сына и святаго духа и поклоняюся образу господа бога и спаса нашего Иисуса Христа, и пречистей богородицы, и великим чудотворцем, и всем святым, на иконе написаных. А тогда меня великими клятвами и молением умолил на исповедь приняти, и я его принял. Да тут мне говорил: великое де дело ваше, написано деи: «ничтож сия любви болши, еже положити душу свою за други своя», и вы де по нас души свои полагаете и бдите о душах наших, яко слово воздати вам в день судный. И после того приежал ко мне на первое далече беседы еван­гельския, да что написано найдет тамо, якож ти християном, да учал мне говорити: бога ради ползуй мя душевне, надобеть де что написано в беседах тех честь, да на слово не надеятись, быти б и делом свершитися; да все де начало от вас, прежде вам священником собою начало показати да и нас научити; да туто ж в евангелии есть: «научитеся от меня, яко кроток есмь и смирен сердцем, иго бо мое благо и бремя мое легко есть», ино де которая нужа человеку быти смирну, кротку и тиху? то де все, что на вас лежит, первое де вам творити да и нас учити. И после того прислал по меня чело­века, и я к нему приехал, и учал говорити: во апостоле де написано: «весь закон в словеси скончавается: возлюбиши искренняго своего яко сам себе, аще себе угрызаете и сне­даете, блюдите да не друг от друга снедени будете», а мы де христовых рабов у себя держим, Христос всех братьею нарицает, а у нас де на иных и кабалы, на иных беглыя, а на иных нарядныя, а на иных полныя. А я де благодарю бога моего, у меня де что было кабал полных, то де есми все изо­драл, да держу де, государь, своих доброволно, добро де ему и он живет, а недобро и он куды хочет. А вам, отцем, пригоже посещати нас почасту, и о всем наказывати, как нам самим жити и людей у собя держати, не томити. А видел есми в правилех то написано и мне то показалось добро. И я Селивестру[43] сказал: пришел на меня сын духовной необычен и великими клятвами и молением умолил себя приняти на исповедь в великий пост, и много вопросы простирает недо­уменные, от меня поучения требует, а иное меня и сам учит. И Селивестр мне отвечал: каков тот сын духовной будет, слава про него недобра носится. А как царь и государь ездил в Кирилов,[44] прислал по меня человека да показал мне апо­стол по местом извосчен[45] до трети, да учал меня спрашивати, и мне то показалось развратно, и яз ему отвечал: и яз того не знаю; и ты де пожалуй, спрашивайся с Селивестром, и он тебе скажет. И ты де тем ползуй душу мою, а тебе ведаю и яз неколи тебе ведати, в суете мирской ни в день ни в нощи покоя не знаешь. И я то Селивестру сказал, что мне велел Матюша у тобя во апостоле спрашивати, что де у него ме­чено. И как царь и государь приехал из Кирилова, и Силивестр царю и государю сказал про того Матюшку, и царь и государь призвал меня к себе да спросил, тебе ли сын духовной? и я царю и государю сказал, что он мне сын духовной. И царь и государь приказал, чтоб то он извосчил все во апостоле да к себе принес. И я Матюшке сказал, что Селивестр елся посматрити, и он извосчил все, а я апостол государю отнес. <…>

Хрестоматия по истории СССР. XVI-XVII вв. – М.: Изд-во соц.-эконом. лит-ры,1962. – С.58-60. - № 19

6. Из сочинения З.Отенского о «новом учении» Федосия Косого[46]

<…> Раби неции в граде Москве, украдше от стяжаниа господий своих, бежаша в пределы Белозерскиа. Убояша же ся мук от господий своих, внидоша в манастыря и постригошася. Потом совокупишася на Новоозере Федосей, нарицаемый Косой, и Игнатей, и Васиан, ученикы Артемиевы, и инии с ними. Тии мниси развратишася в ересь, нарицаемую безбож­ную, отвергошася христовы виры, и вселися в них дух лукавый, начата своей ереси учити и иныа. Бысть же от святаго собора, иже в Москве взыскание от безбожной сей ереси. Тогда началницы ереси тоа разбегошася от Новоозера: Игнатей на Двину, Косой и Васиан с прочими — в Литву. Бежаще же в Литву, проидоша Псков, и Торопец, и Лука Великиа, везде стзюще свою злую ересь. Присташа же в месте, нарицаемем озеро Усочорт, имена своа преименоваша, да не уведани будут, и многиа совратиша от православной веры во свою прелесть, не токмо не боящаяся бога и грехолюбныа, но и богобоязнивых смиреных людей.

Учаху же, прельщающе люди простыа нравом: преже хулити манастыри, оклеветающе их, яко села имяху, таже попы и епископы укаряху, глаголюще: «Живут попы и епископы не по Евангелию, ложние учитилие, имениа збирают, ядять и пиють много, и по Евангелию не учат, учат человеческая преданиа». Себе же еретицы они глаголют — истину паче всех познали, и живут по Евангелию, и разум имеют больши святых отец. Та же святых отец хулят и неистинными учители их нарицают, себе именуют истинными учители. Потом хулят святыа церкви, нарицающе их кумирницею, крест христов и иконы святыа кумиры нарицаху, святых мученик и всех святых мощи еллиньскими мертвецы именоваху, и почитающих святая и божественная вся, погибшими и заблужшими именуют, и последующих человеческым преданием. Ясти же и пити повелевают без воздержаниа, мяса и вся по вся дни и нощи ести, святости и освещения никоея же не нарицати, ни мнети ничто же свято ниже освещенно. Такоже и молитвы творити не повелевают, ни покланятися богу, ни поститися. Тако же и нечистым не нарицати ничто же, и скверна никакова не мнети ни в чесом же, и по блуде не отмыватися повелевают, мнети же вся чиста. И вси веры в всех землях однакы мнети. Книгы святых отец и правила церковная ложным писанием именуют; токмо едины книгы повелевают ветхиа прочитати, и евангелие и апостол и великого Василиа Постническую книгу, и Златаустов Маргарит токмо. Сиа же книги едины прочитати сего ради повелеваху, понеже из них строкы избирающе, и по развращенному своему разуму ложно толкующе сиа, прельщают неразумеющих писаниа в свою пагубную ересь, прочая же книгы святых отец, и мучениа святых и житиа, и учениа не повелевают прочитати. Учат же и не веровати в святых благодати божиа быти, и чюдеса от них ложны именующе, и пророчества не святым духом бывающа, и богородицу просту жену быти глаголют. <…>

Об умствованиях Косого (из «Многословного послания» Зиновия Отенского) // Памятники литературы Древней Руси. Середина XVI века. – М.: Худож.лит-ра, 1986. – С. 234, 236

Дата добавления: 2015-08-03