|
Читайте также: |
Ирмос 1
Хор: Яко по суху пешествовав Израиль, по бездне стопами, гонителя фараона видя потопляема, Богу победную песнь поим вопияше.
Чтец: Слава, Господи, святому Воскресению Твоему!
Тропари: Распростертыма дланьма на Кресте, отеческаго исполнил еси благоволения, благий Иисусе, всяческая. Темже победную песнь Тебе вси поим.
Слава, Господи, святому Воскресению Твоему!
Страхом к Тебе, яко рабыня, смерть поведена (как ей было приказано) приступи Владыце живота, тою (чрез нее) Подающему нам безконечный живот и воскресение.
Пресвятая Богородице, спаси нас!
Богородичен: Своего приемши Содетеля, яко Сам восхоте, от безсменнаго Твоего чрева, паче ума воплощаема, Чистая, тварей воистинну явилася еси Владичица.
Хор (катавасия 1-я): Отверзу уста моя, и наполнятся духа, и слово отрыгну Царице Матери, и явлюся светло торжествуя, и воспою радуяся Тоя чудеса.
Ирмос 3
Хор: Несть свят, якоже Ты, Господи, Боже мой, вознесый рог верных Твоих, Блаже, и утвердивый нас на камени исповедания Твоего.
Чтец: Слава, Господи, святому Воскресению Твоему!
Тропари: Бога распинаема плотию зрящи тварь растаявашеся страхом: но содержительною дланию нас ради Распятаго, крепко держима бе.
Слава, Господи, святому Воскресению Твоему!
Смертию смерть разорена лежит окаянная без дыхания: живота бо не терпящи Божественнаго приражения, умерщвляется крепкий и даруется всем воскресение.
Пресвятая Богородице, спаси нас!
Богородичен: Божественнаго рождества Твоего, Чистая, всякий естества чин превосходит чудо: Бога бо преестественне зачала еси во чреве, и рождши пребываеши присно Дева.
Хор (катавасия 3-я): Твоя песнословцы, Богородице, живый и независтный (неисчерпаемый) источниче, лик себе совокупльшия, духовно утверди, в Божественней Твоей славе венцев славы сподоби.
Диакон (глаголет малую ектению): Паки и паки миром Господу помолимся.
Хор: Господи, помилуй.
Диакон: Заступи, спаси, помилуй и сохрани нас, Боже, Твоею благодатию.
Хор: Господи, помилуй.
Диакон: Пресвятую, Пречистую, Преблагословенную, Славную Владычицу нашу Богородицу и Приснодеву Марию со всеми святыми помянувше, сами себе, и друг друга, и весь живот наш Христу Богу предадим.
Хор: Тебе, Господи.
Священник: Яко Ты еси Бог наш, и Тебе славу возсылаем, Отцу и Сыну и Святому Духу, ныне и присно и во веки веков.
Хор: Аминь.
Седален, глас 6: Владыко, Боже, призри с небесе, и виждь наше смирение, яко Щедр, и умилосердися, яко Человеколюбче Преблагий: ни откуда бо надеемся прощение получити злых, ими же согрешихом. Тем же буди с нами, и никтоже на ны!
Каждая из трех частей канона, заключаемая малою ектенией, сопровождается еще одним или несколькими песнопениями. В частности, после третьей - поются седальны, в великие праздники - ипакои΄, по 6-й песни - кондаки и икосы, по 9-й - ексапостиларии и светильны.
Если случится в воскресенье праздник, то после 3-й песни следуют кондак, икос и седален святому из Минеи, а после 6-й - кондак и икос воскресные.
Ирмос 4
Хор: Христос моя сила, Бог и Господь, Честная Церковь боголепно поет, взывающи, от смысла чиста (ясного сознания) о Господе празднующи.
Чтец: Слава, Господи, святому Воскресению Твоему!
Тропари: Древо процвело есть, Христе, истинныя жизни: Крест бо водрузися, и напоен быв кровию и водою от нетленнаго Твоего ребра, живот нам прозябе.
Слава, Господи, святому Воскресению Твоему!
Не ктому змий мне ложне обожение подлагает: Христос бо, Богоделатель человеческаго естества, ныне невозбранно стезю живота мне отверзе.
Пресвятая Богородице, спаси нас!
Богородичен: Яко воистинну неизвещанна и непостижима, яже Твоего боголепнаго, Богородице, суть рождества, сущим на земли и на небеси, Приснодево, таинства.
Хор (катавасия 4-я): Седяй в славе на престоле Божества, во облаце легце прииде Иисус Пребожественный, (носимый) нетленною дланию, и спасе зовущия: слава силе Твоей, Господи!
Ирмос 5
Хор: Божиим светом Твоим, Блаже, утреннюющих Ти дýши любовию озари, молюся, Тя ведети, Слове Божий, истиннаго Бога, от мрака греховнаго взывающа.
Чтец: Слава, Господи, святому Воскресению Твоему!
Тропари: Уступают мне Херувими ныне и пламенное оружие, Владыко, плещи (плечи) мне дает, Тя видевше, Слове Божий, истиннаго Бога, разбойнику путь сотворшаго в рай.
Слава, Господи, святому Воскресению Твоему!
Не ктому боюся, еже в землю, Владыко Христе, возвращения: Ты бо от земли мя возвел еси забвенна, благоутробия ради многаго, к высоте нетления воскресением Твоим.
Пресвятая Богородице, спаси нас!
Богородичен: Иже Богородицу Тя от души, Владычице мира Благая, исповедающих спаси: Тебе бо предстательство непоборимое имамы, истинную Богородительницу.
Хор (катавасия 5-я): Ужасошася всяческая о Божественней славе Твоей: Ты бо, неискусобрачная Дево, имела еси во утробе над всеми Бога и родила еси безлетнаго Сына, всем воспевающим Тя мир подавающая.
Ирмос 6
Хор: Житейское море, воздвизаемое зря (видя) напастей бурею, к тихому пристанищу Твоему притек, вопию Ти: возведи от тли живот мой, Многомилостиве!
Чтец: Слава, Господи, святому Воскресению Твоему!
Тропари: Распинаемь, Владыко, гвоздьми убо клятву, юже на нас, потребил еси; копием же прободаемь в ребро, Адамово рукописание растерзав, мир свободил еси.
Слава, Господи, святому Воскресению Твоему!
Адам низведеся, лестию запят быв во адове пропасти: но Иже естеством Бог же и Милостив, сшел еси на взыскание, и на раму (плечах) понес, совоскресил еси.
Пресвятая Богородице, спаси нас!
Богородичен: Пречистая Владычице, рождшая человеком кормчию (-аго) Господа, страстей моих непостоянное и лютое утоли смущение, и тишину подаждь сердцу моему.
Хор (катавасия 6-я): Божественное сие и всечестное совершающе празднество, богомудрии, Богоматере, приидите, руками восплещим, от Нея рождшагося Бога славим.
Диакон (глаголет малую ектению): Паки и паки миром Господу помолимся.
Хор: Господи, помилуй.
Диакон: Заступи, спаси, помилуй и сохрани нас, Боже, Твоею благодатию.
Хор: Господи, помилуй.
Диакон: Пресвятую, Пречистую, Преблагословенную, Славную Владычицу нашу Богородицу и Приснодеву Марию, со всеми святыми помянувше, сами себе, и друг друга, и весь живот наш Христу Богу предадим.
Хор: Тебе, Господи.
Священник: Ты бо еси Царь мира и Спас душ наших и Тебе славу возсылаем, Отцу и Сыну и Святому Духу, ныне и присно и во веки веков.
Хор: Аминь.
Чтец (кондак): Живоначальною дланию умершия от мрачных удолий Жизнодавец воскресив всех Христос Бог, воскресение подаде человеческому роду: есть бо всех Спаситель, воскресение, и живот, и Бог всех.
Икос: Крест и погребение Твое, Жизнодавче воспеваем, вернии, и покланяемся, яко ад связал еси, Безсмертне, яко Бог Всесильный, и мертвыя совоскресил еси, и врата смертная сокрушил еси, и державу адову низложил еси, яко Бог. Тем же, земнороднии, славословим Тя любовию, воскресшаго и низложившаго вражию державу всепагубную, и всех воскресившаго в Тя веровавших, и мир избавльшаго от стрел змииных, и от прелести вражия, яко Бог всех.
Ирмос 7
Хор: Росодательну убо пещь содела Ангел преподобным отрокóм. Халдеи же опаляющее веление Божие мучителя увеща вопити: благословен еси, Боже отец наших!
Чтец: Слава, Господи, святому Воскресению Твоему!
Тропари: Рыдающее во страсти Твоей солнце во мрак облечеся, и во дни по всей, Владыко, земли свет померче, вопия: благословен еси, Боже отец наших!
Слава, Господи, святому Воскресению Твоему!
Облекошася, Христе, схождением Твоим во свет преисподняя, праотец же веселия исполнь явися ликовствуя, взыграся вопия: благословен еси, Боже отец наших!
Пресвятая Богородице спаси нас!
Богородичен: Тобою, Мати Дево, Свет возсия всей вселенней светлый: Зиждителя бо Ты всех родила еси Бога. Его же проси, Всечистая, нам низпослати, верным, велию милость.
Хор (катавасия 7-я): Не послужиша твари богомудрии паче (вместо) Создавшаго, но огненное прещение (угрозу) мужески поправше, радовахуся поюще: препетый отцев Господь и Бог, благословен еси!
Ирмос 8
Хор: Из пламене преподобным росу источил еси, и праведнаго жертву водою попалил еси: вся бо твориши, Христе, токмо еже хотети, Тя превозносим во вся веки.
Чтец: Слава, Господи, святому Воскресению Твоему!
Тропари: Иудейския древле пророкоубийцы люди,- богоубийцы зависть ныне содела, Тебе на Крест вознесшия, Слове Божий: Его же превозносим во вся веки.
Слава, Господи, святому Воскресению Твоему!
Небеснаго круга не оставил еси и, во ад сошед, всего совоздвигл еси лежащаго во гноищи, Христе, человека, Тя превозносяща во вся веки.
Пресвятая Богородице, спаси нас!
Богородичен: От Света Светодавца Слова зачала еси и, рождши неизреченно Сего, прославилася еси: Дух бо в Тя, Отроковице, Божий вселися. Темже Тя поем во вся веки!
Чтец: Благословим Отца и Сына и Святаго Духа Господа.
Хор: Хвалим, благословим, покланяемся Господеви, поюще и превозносяще во вся веки.
Хор (катавасия 8-я): Отроки благочестивыя в пещи Рождество Богородичо спасло есть, тогда убо образуемое, ныне же действуемое, вселенную всю воздвизает пети Тебе: Господа пойте дела и превозносите во вся веки!
По 8-й песни диакон кадит святую трапезу и алтарь; выйдя северными дверями, став пред иконою Божией Матери, продолжает кадить, возглашая "Богородицу и Матерь Света в песнех возвеличим!" Далее кадит иконостас, поющих и предстоящих.
Хор поет песнь Пресвятыя Богородицы (Лк. 1, 47-55).
Хор: Величит душа Моя Господа, и возрадовася дух Мой о Бозе, Спасе Моем.
Честнейшую Херувим и славнейшую без сравнения Серафим, без истления Бога Слова рождшую, сущую Богородицу, Тя величаем! (То же повторяется по окончании каждого следующего стиха.)
Яко призре на смирение рабы Своея, се бо отныне ублажат Мя вси роди.
Яко сотвори Мне величие Сильный и свято имя Его, и милость Его в роды родов боящимся Его.
Сотвори державу мышцею Своею, расточи гордыя мыслию сéрдца их.
Низложи сильныя со престол, и вознесе смиренныя; алчущия исполни благ и богатящияся отпусти тщи.
Восприят Израиля, отрока Своего, помянути милости, якоже глагола ко отцем нашим, Аврааму и семени его даже до века.
Вместо "Честнейшую" на 9-й песни поются праздничные припевы:
во все дни пасхальной седмицы;
в великие праздники Господни, кроме Недели ваий. Эти праздничные припевы на 9-й песни содержатся в Псалтири и в Ирмологионе, а также в последовании данной службы;
в великие праздники Богородичные, в дни отдания Господних и Богородичных праздников, а также 26 декабря, 1,7 и 30 января (по церковному календарю), если эти праздники и отдания приходятся на седмичные дни. Если же они совпадут с воскресеньем, следует петь "Честнейшую";
в дни от субботы Лазаря до дня Пасхи; в Недели ваий, о Фоме, жен-мироносиц, расслабленного, самаряныни и слепого; в Преполовение и отдание его; в понедельник Святаго Духа; в отдание Пятидесятницы поется без припевов ирмос 9-й песни канона.
Ирмос 9
Хор: Бога человеком не возможно видети, на Него же не смеют чини Ангельстии взирати: Тобою же, Всечистая, явися человеком Слово воплощенно, Его ж величающе, с небесными вои Тя ублажаем.
Чтец: Слава, Господи, святому Воскресению Твоему!
Тропари: Страстей непричастен Ты пребыл еси (по Божеству), Слове Божий, плотию приобщився страстем: но решиши от страстей человека, страстем быв страсть, Спасе наш: Един бо еси безстрастен и всесилен!
Слава, Господи, святому Воскресению Твоему!
Тлю смертную прием, тления соблюл еси тело Твое невкусно (непричастно), Твоя же животворящая и Божественная, Владыко, душа во аде не оставлена бысть: но яко же от сна воскрес, нас совоздвигл еси.
Пресвятая Троице, Боже наш, слава Тебе!
Троичен: Бога Отца, Сына Собезначальна, вси человецы устнами убо чистыми славим, неизреченную же и преславную Духа Всесвятаго силу чтим: Едина бо еси всесильная Троица неразлучная.
Хор (катавасия 9-я): Всяк земнородный да взыграется Духом просвещаемь, да торжествует же безплотных умов естество, почитающее священное торжество Богоматере, и да вопиет: радуйся, Всеблаженная, Богородице чистая, Приснодево.
Диакон (глаголет малую ектению): Паки и паки миром Господу помолимся.
Хор: Господи, помилуй.
Диакон: Заступи, спаси, помилуй и сохрани нас, Боже, Твоею благодатию.
Хор: Господи, помилуй.
Диакон: Пресвятую, Пречистую, Преблагословенную, Славную Владычицу нашу Богородицу и Приснодеву Марию, со всеми святыми помянувши, сами себе, и друг друга, и весь живот наш Христу Богу предадим.
Хор: Тебе, Господи.
Священник: Яко Тя хвалят вся силы небесныя, и Тебе славу возсылаем, Отцу и Сыну и Святому Духу, ныне и присно и во веки веков.
Хор: Аминь.
Диакон: Свят Господь Бог наш!
Хор поет тожде теперь, а равно и по каждом последующем стихе, произносимом диаконом.
Диакон: Яко свят Господь Бог наш. Над всеми людьми Бог наш.
"Свят Господь Бог наш" не поется лишь в день Святой Пасхи, Пятидесятницы, а также в воскресенья, на которые приходятся праздники Рождества Христова, Богоявления и Преображения Господня, Воздвижения Честнаго и Животворящего Креста Господня. Однако "Свят Господь Бог наш" поется в субботу Лазаря и в Великую субботу.
Стих "Свят Господь Бог" прославляет Воскресшего Господа, даровавшего любящим Его жизнь вечную.
Хор (ексапостиларий 1): Со ученики взыдем на гору Галилейскую, верою Христа видети глаголюща, власть прияти вышних и нижних, научи΄мся, како учит крещати, во имя Отца и Сына и Святаго Духа, язы΄ки вся, и пребывати с таинники якоже обещася, до скончания века.
В соответствии с 11 воскресными Евангелиями число воскресных ексапостилариев, как и утренних воскресных стихир,- 11.
Далее поются стихи хвалитных псалмов (148-150-го) с припевом: "Тебе подобает песнь, Богу!"
Хор: (псалом 150-й, 6): Всякое дыхание да хвалит Господа!
(Псалом 148-й): Хвали΄те Господа с небес, хвалите Его в вышних! - Тебе подобает песнь, Богу! Хвалите Его вси ангели Его, хвалите Его вся силы Его. Тебе подобает песнь, Богу!
Чтец: Хвалите Его, солнце и луна, хвалите Его, вся звезды и свет. Хвалите Его, небеса небес и вода, яже превыше небес. Да восхвалят имя Господне: яко Той рече - и быша; Той повеле - и создашася. Постави я в век и в век века: повеление положи и немимо идет. Хвалите Господа от земли: змиеве и вся бездны, огнь, град, снег, голоть (туман), дух бурен, творящая слово Его; горы и вси холми, древа плодоносна и вси кедри; зверие и вси скоти, гади и птицы пернаты; царие земстии и вси людие, князи и вси судии земстии; юноши и девы, старцы с юнотами да восхвалят имя Господне, яко вознесеся имя Того Единаго, исповедание Его на земли и на небеси и вознесет рог людей Своих. Песнь всем преподобным Его, сыновом Израилевым, людем приближающимся Ему.
(Псалом 149-й): Воспойте Господеви песнь нову: хваление Его в церкви преподобных! Да возвеселится Израиль о Сотворшем его и сынове Сиони возрадуются о Цари своем! Да восхвалят имя Его в ли΄це (с ликованием); в тимпане и псалтири да поют Ему! Яко благоволит Господь в людех Своих и вознесет кроткия во спасение. Восхвалятся преподобнии во славе и возрадуются на ложах своих! Возношения (славословия) Божия в гортани их и мечи обоюдуостры в руках их сотворити отмщение во языцех, обличения в людех! связати цари их - путы и славныя их - ручными оковы железными.
Чтец: Сотворити в них суд написан.
Хор: Слава сия будет всем преподобным Его!
Стихиры на "Хвалите"
1 глас
Поем Твою, Христе, спасительную страсть и славим Твое Воскресение.
2 глас
Всякое дыхание и вся тварь Тя славит, Господи, яко Крестом смерть упразднил еси, да покажеши людем еже из мертвых Твое Воскресение, яко Един Человеколюбец.
3 глас
Приидите, вси языцы, уразумейте страшныя тайны силу: Христос бо Спас наш, Еже в начале Слово, распятся нас ради, и волею погребеся и воскресе из мертвых, еже спасти всяческая, Тому поклони΄мся.
4 глас
Крест претерпевый и смерть и воскресый из мертвых, Всесильне Господи, славим Твое Воскресение.
5 глас
Господи, запечатану гробу от беззаконников, пришел еси из гроба, якоже родился еси от Богородицы. Не уразумеша, како воплотился еси, безплотнии Твои Ангели; не чувствоваша, когда воскресл еси, стрегущии Тя воини. Обоя бо запечатлестася испытующим, явишася же чудеса кланяющимся верою таинству, еже воспевающим, воздаждь нам радость и велию милость.
6 глас
Крест Твой, Господи, жизнь и воскресение людем Твоим есть, и надеющеся нань, Тебе, Воскресшаго Бога нашего, поем: помилуй нас.
7 глас
Воскресе Христос из мертвых, разрушь смертныя узы; благовести, земле, радость велию, пойте, небеса, Божию славу.
8 глас
Господи, аще и судилищу предстал еси от Пилата судимый, но не отступил еси от Престола со Отцем седя, и воскрес из мертвых, мир свободил еси от работы чуждаго, яко Щедр и Человеколюбец.
Производит над ними суд писаный. Честь сия - всем святым Его (Пс. 149, 9).
1 глас: Воспеваем Твои спасительные страдания, Христе, и прославляем Твое Воскресение.
2 глас: Всякое дыхание и всякая тварь прославляет Тебя, Господи, ибо Ты Крестом сделал бессильною смерть, чтобы явить людям Свое Воскресение из мертвых, как Единый Человеколюбец.
3 глас: Приидите, все народы, познайте силу необычайной тайны; Христос, Спаситель наш, бывшее в начале Слово, ради нас был распят, добровольно погребен и воскрес из мертвых, чтобы спасти всё. Поклонимся Ему!
4 глас: Всесильный Господь, Крест и смерть претерпевший и воскресший из мертвых! Прославляем Твое Воскресение.
5 глас: Господи! Хотя беззаконники и запечатали место Твоего погребения, но Ты вышел из гроба так, как родился от Богородицы. Твои бесплотные Ангелы не уразумели, как Ты воплотился; и охранявшие Тебя воины не заметили, когда Ты воскрес. То и другое чудо запечатлены для пытливых, но открыты для поклоняющихся с верою этому таинству, которые воспевают: даруй нам радость и великую милость.
6 глас: Крест Твой, Господи, для людей Твоих - жизнь и воскресение; и мы, надеясь на него, прославляем Тебя - воскресшего Бога нашего. Помилуй нас!
7 глас: Христос, уничтожив оковы смерти, воскрес из мертвых. Благовествуй, земля, великую радость; хвалите, небеса, Божию славу!
8 глас: Господи! хотя Ты и предстоял судилищу, судимый Пилатом, но не оставлял Своего Престола, восседая со Отцом, и, воскреснув из мертвых, освободил мир от рабства врагу как Милосердый и Человеколюбец.
На "Хвали΄те" стихиры воскресны на 6 (глас 6)
Крест Твой, Господи, жизнь и воскресение людем Твоим есть, и надеющеся нань, Тебе, Воскресшаго Бога нашего, поем: помилуй нас.
Чтец (псалом 150-й): Хвалите Бога во святых Его!
Хор: Хвалите Его во утверждении силы Его!
Погребение Твое, Владыко, рай отверзе роду Человеческому: и от истления избавльшеся, Тебе Воскресшего Бога нашего, поем: помилуй нас!
Чтец (на 4): Хвалите Его на силах Его! (по делам могущества Его!)
Хор: Хвалите Его по множеству величествия Его!
Со Отцем и Духом Христа воспоим Воскресшаго из мертвых и к Нему вопиим: Ты живот еси наш и воскресение: помилуй нас!
Чтец: Хвалите Его во гласе трубнем.
Хор: Хвалите Его во псалтири и гуслех.
Чтец: Хвалите Его в тимпане и лице.
Хор: Хвалите Его во струнах и оргáне!
Тридневен воскресл еси, Христе, от гроба, якоже писано есть, совоздвигнув праотца нашего. Тем же и Тя славит род человеческий, и воспевает Твое воскресение.
Дата добавления: 2015-11-26; просмотров: 523 | Нарушение авторских прав