Ирмосы воскресного канона

Глас 1

Песнь 1: Твоя победительная десница боголепно в крепости прославися: та бо, Безсмертне, яко всемогущая, противныя сотре, Израильтяном путь глубины новосоделавшая.

Песнь 3: Едине ведый человеческаго существа немощь и милостивно в не воображся, препояши мя с высоты силою, еже вопити Тебе, Святый: одушевленный храме неизреченныя славы Твоея, Человеколюбче.

По 3-й песни - малая ектения.

Песнь 4: Гору Тя благодатию Божиею приосененную прозорливыма Аввакум усмотрив очима, из Тебе изыти Израилеву провозглашаше Святому, во спасение наше и обновление.

Песнь 5: Просветивый сиянием пришествия Твоего, Христе, и освятивый Крестом Твоим мира концы, сердца просвети светом Твоего Богоразумия, православно поющих Тя.

Песнь 6: Обыде нас последняя бездна, несть избавляяй, вменихомся, яко овцы заколения, спаси люди Твоя, Боже наш: Ты бо крепость немощствующих и исправление.

По 6-й песни - малая ектения.

Кондак: Воскресл еси яко Бог из гроба во славе, и мир совоскресил еси, и естество человеческое яко Бога воспевает Тя, и смерть исчезе: Адам же ликует, Владыко, Ева ныне от уз избавляема радуется зовущи: Ты еси, Иже всем подая, Христе, воскресение.

Икос: Воскресшаго тридневно воспоим яко Бога всесильна, и врата адова стершаго и яже от века из гроба воздвигшаго, мироносицам явльшагося, якоже благоизволил есть, прежде сим еже "радуйтеся" рекий и Апостолом радость возвещая, яко Един Жизнодавец; темже верою жены учеником знамения победы благовествуют, и ад стенет, и смерть рыдает: мир же веселится, и вси с ним радуются, Ты бо подал еси, Христе, всем воскресение!

Песнь 7: Тебе умную, Богородице, пещь разсмотряем, вернии; якоже бо отроки спасе три, Превозносимый, мир обнови во чреве Твоем всецел, хвальный отцев Бог и препрославлен.

Песнь 8: В пещи отроцы Изралевы, якоже в горниле добротою благочестия чистее злата блещахуся, глаголюще: благословите, вся дела Господня, Господа, пойте и превозносите во вся веки.

Песнь 9: Образ чистаго рождества Твоего, огнепалимая купина показана неопальная; ныне на нас напастей свирепеющую угасити молимся пещь, да Тя, Богородице, непрестанно величаем.

Песнь 1: Твоя, о Бессмертный, всепобеждающая десница явила Божественную силу и славу: она, как всемогущая, сокрушила врагов (египтян), а для израильтян соделала новый путь по глубокому (морскому) дну.

Песнь 3: Ты один, ведающий немощь человеческой природы и по милосердию Своему воспринявший ее на Себя, облеки (укрепи) меня силою свыше, чтобы восклицать Тебе: святый одушевленный храм неизреченной славы Твоей, Человеколюбец!

Песнь 4: Аввакум, пророчественным взором усмотрев Тебя (Богородица) под видом горы, осененной Божественною благодатью, предсказал, что из Тебя произойдет Святый Израилев для нашего спасения и обновления.

Песнь 5: Христе, озаривший светом Твоего пришествия и Твоим Крестом просветивший пределы мира! Озари светом Твоего Богопознания cepдцá православно воспевающих Тебя.

Песнь 6: Ужасная бездна окружила нас; нет избавителя, и мы уподобляемся обреченным на заклание овцам. Спаси людей Твоих, Боже наш; ибо Ты сила и восстановление немощных.

Кондак: Ты - Владыка, как Бог, воскрес из гроба во славе и воскресил с Собою мир; человеческий род прославил Тебя как Бога; смерть исчезла; Адам торжествует; Ева, ныне освобожденная от оков, радуется, восклицая: Ты - всем дарующий воскресение, Христе!

Икос: Прославим в третий день Воскресшего, как всемогущего Бога, разрушившего врата ада, воскресившего из гробов от века пребывавших в них, по Своему благоволению, явившегося мироносицам. Им первым он изрек: "радуйтесь" и возвестил радость апостолам, как Единый Жизнеподатель. Посему жены с верою возвещают ученикам знамения победы: стонет ад; рыдает смерть; мир же веселится, и все вместе радуются, ибо Ты, Христе, всем даровал воскресение.

Песнь 7: Мы, верующие, признаём Тебя, Богородица, как бы духовною пещью; ибо, как Превозносимый (Господь) спас трех отроков (в пещи), (так) Он обновил весь мир Своим от Тебя рождением,- хвалимый и препрославленный Бог отцев (наших)!

Песнь 8: Израильские отроки в печи, как бы в горниле, ярче золота сияли красотою своего благочестия, восклицая: все творения Господни, благословляйте Господа, воспевайте и превозносите Его во все века.

Песнь 9: Горевшая, но не сгоревшая купина представила образ Твоего непорочного рождества; и ныне мы молим Тебя, Богородица, угасить ожесточившуюся против нас печь искушений, чтобы мы непрестанно прославляли Тебя.

Глас 2

Песнь 1: Во глубине постла иногда фараонитское всевоинство преоруженная сила; воплощшееся же Слово всезлобный грех потребило есть, препрославленный Господь, славно бо прославися.

Песнь 3: Процвела есть пустыня, яко крин, Господи, языческая неплодящая церковь, пришествием Твоим, в ней же утвердися мое сердце.

Песнь 4: Пришел еси от Девы, не ходатай, ни Ангел, но Сам, Господи, воплощься, и спасл еси всего мя, человека. Тем зову Ти: слава силе Твоей, Господи.

Песнь 5: Ходатай Богу и человеком был еси, Христе Боже; Тобою бо, Владыко, к Светоначальнику Отцу Твоему от нощи неведения приведение имамы.

Песнь 6: В бездне греховней валяяся, неизследную милосердия Твоего призываю бездну: от тли, Боже, мя возведи.

Кондак: Воскресл еси от гроба, Всесильне Спасе, и ад, видев чудо, ужасеся, и мертвии восташа. Тварь же видящи срадуется Тебе, и Адам свеселится, и мир, Спасе мой, воспевает Тя присно.

Икос: Ты еси свет омраченным, Ты еси воскресение всех, и живот человеков, и всех совоскресил еси, смертную державу, Спасе, разорь, и адова врата сокрушивый, Слове; и мертвии, видевше чудо, чудяхуся, и всякая тварь срадуется о воскресении Твоем, Человеколюбче! Темже и вси славим и поем Твое снизхождение, и мир, Спасе мой, воспевает Тя присно!

Песнь 7: Богопротивное веление беззаконнующаго мучителя высок пламень вознесло есть; Христос же простре Богочестивым отроком рóсу духовную, Сый благословен и препрославлен.

Песнь 8: Пещь иногда огненная в Вавилоне действа разделяше, Божиим велением халдея опаляющая, верный же орошающая, поющия: благословите, вся дела Господня, Господа.

Песнь 9: Безначальна Родителя Сын Бог и Господь, воплощься от Девы нам явися, омраченная просветити, собрати расточенная, тем Всепетую Богородицу величаем.

Песнь 1: Некогда сверхъестественная (неодолимая) Сила поразила в (морской) глубине всё войско фараона; воплотившееся же Слово - препрославленный Господь,- истребило (уничтожило) всегубительный грех; ибо Он торжественно прославился.

Песнь 3: С Твоим пришествием, Господи, как лилия, расцвела пустыня - это бесплодная языческая церковь (община): в ней (в Церкви) утвердилось мое сердце (я живу моим сердцем).

Песнь 4: Ты пришел не как посланник, не как Ангел, но - Сам, воплотившись от Девы, Господь, и спас всё мое естество человеческое. Посему восклицаю Тебе: слава силе Твоей, Господи!

Песнь 5: Ты, Христе Боже, сделался посредником между Богом и людьми; ибо чрез Тебя, Владыко, из мрака неведения мы получили доступ к Источнику Света, Твоему Отцу.

Песнь 6: Погруженный в пучину греха, я призываю бесконечную бездну Твоего милосердия: Боже, избавь меня от гибели!

Кондак: Ты, Всемогущий Спаситель, воскрес из гроба; ад, увидев это чудо, ужаснулся, и мертвые восстали; тварь, видя это, радуется вместе с Тобою, Адам веселится, и мир непрестанно прославляет тебя, Спаситель мой.

Икос: Ты, Спаситель Слово,- свет для омраченных, Ты - воскресение и жизнь всех людей, и всех воскресил с Собою, уничтожив державу смерти и разрушив врата ада. Мертвые, увидев это чудо, удивлялись; вся тварь радуется о воскресении Твоем, Человеколюбец. Посему все мы прославляем и воспеваем Твое снисхождение, и мир непрестанно прославляет Тебя, Спаситель мой.

Песнь 7: Противобожное повеление (распоряжение) беззаконника-властителя (Навуходоносора) разожгло высокое пламя (в печи); над благочестивыми же отроками распростер духа росу Христос, благословенный и препрославленный.

Песнь 8: Некогда в Вавилоне огненная печь по Божественному повелению производила различные действия: халдеев опаляла (сжигала), а на верующих (отроков) низводила росу (служила прохладою), которые и воспевали: все творения Господни, благословляйте Господа!

Песнь 9: Сын Безначального Родителя Бог и Господь, воплотившись от Девы, пришел к нам, чтобы просветить находящихся во тьме и собрать рассеянных. Посему мы и величаем Всепетую (всеми прославленную) Богородицу.

Глас 3

Песнь 1: Воды древле, манием Божественным, во едино сонмище совокупивый и разделивый море Израильтеским людем, Сей Бог наш препрославлен есть. Тому Единому поим, яко прославися.

Песнь 3: Иже от несущих вся приведый, Словом созидаемая, совершаемая Духом, Вседержителю Вышний, в любви Твоей утверди мене.

Песнь 4: Положил еси к нам твердую любовь, Господи, Единороднаго бо Твоего Сына за ны на смерть дал еси. Тем же Ти зовем благодаряще: слава силе Твоей, Господи!

Песнь 5: К Тебе утреннюю всех Творцу, преимущему всяк ум мирови, зане свет повеления Твоя, в нихже настави мя.

Песнь 6: Бездна последняя грехов обыде мя, и исчезает дух мой; но прострый, Владыко, высокую Твою мышцу, яко Петра, мя, Управителю, спаси.

Кондак: Воскресл еси днесь из гроба, Щедре, и нас возвел еси от врат смертных. Днесь Адам ликует, и радуется Ева, вкупе же и пророцы с патриархи воспевают непрестанно Божественную державу власти Твоея.

Икос: Небо и земля днесь да ликовствуют, и Христа Бога единомудренно да воспевают, яко узники от гробов воскреси΄; срадуется вся тварь, приносящи достойныя песни Создателю всех и Избавителю нашему: яко человеки из ада днесь, яко Жизнодатель совозвед, на небеса совозвышает и низлагает вражия возношения, и врата адова сокрушает Божественною державою власти Своея!

Песнь 7: Якоже древле благочестивыя три отроки оросил еси в пламени халдейстем, светлым Божества огнем и нас озари, благословен еси, взывающия, Боже отец наших.

Песнь 8: Нестерпимому огню соединившеся, Богочестия предстояще юноши, пламенем же невреждени, Божественную песнь пояху: благословите, вся дела Господня, Господа и превозносите во вся веки.

Песнь 9: Новое чудо и Боголепное! Девическую бо дверь затворенную яве проходит Господь, наг во входе, и плотоносец явися во исходе Бог, и пребывает дверь затворена. Сию неизреченно яко Богоматерь величаем.

Песнь 1: Некогда Своим Божественным мановением собравший воды в одно вместилище и разделивший море для народа Израильского,- Сей есть препрославленный Бог наш. Воспоем Ему Единому, ибо Он прославился.

Песнь 3: Всевышний Вседержитель, приведший из небытия в бытие всё созданное (Твоим) Словом и оживотворяемое Духом! Утверди меня в любви к Тебе.

Песнь 4: Ты, Господи, проявил к нам великую любовь, ибо ради нас предал на смерть Своего Единородного Сына. Посему в благодарности мы восклицаем Тебе: слава силе Твоей, Господи!

Песнь 5: Тебе, Творцу всего, подающему мир, превосходящий всякое разумение, я посвящаю утро (обращаюсь с утренней молитвой), ибо Твои повеления - свет, и ими руководи меня.

Песнь 6: Величайшая бездна грехов окружила меня, так что изнемогает дух мой; но Ты, Владыко, простри Свою могущественную руку и, благий Кормчий, как Петра, спаси меня!

Кондак: Ныне воскрес Ты из гроба, Милосердый, и вывел нас из врат смерти. Ныне ликует Адам и радуется Ева; вместе (с ними) и пророки с патриархами непрестанно прославляют Божественную державу власти Твоей.

Икос: Да ликуют ныне небо и земля и единомысленно воспевают Христа Бога; ибо Он воскресил узников из гробов. Радуется вся тварь, принося достойные песни Творцу всех и нашему Избавителю; ибо Он, как Жизнеподатель, выведя ныне умерших из ада, возводит их на небеса, посрамляет гордость врага и разрушает врата адовы Божественной державой Своей власти.

Песнь 7: Как в древности Ты ниспослал росу трем благочестивым отрокам, вверженным в халдейскую печь, так озари светоносным огнем Божества и нас, восклицающих: благословен Ты, Бог отцов наших!

Песнь 8: Представители Богопочитания - юноши - объятые всепожирающим пламенем и оставаясь невредимыми (от него), воспевали Божественную песнь: все творения Господни, благословляйте Господа и превозносите во все веки!

Песнь 9: Необычайное и Божественное чудо! Чрез заключенную дверь Девы явно проходит Господь (Бог); бесплотным Он был во время входа, но явился облеченным плотью во время выхода, и остается дверь заключенною. Ее (Деву), как Богоматерь, мы несказанно величаем.

Глас 4

Песнь 1: Моря чермную пучину невлажными стопами древний пешешествовав Израиль, крестообразныма Моисеевыми рукама Амаликову силу в пустыни победил есть.

Песнь 3: Веселится о Тебе Церковь Твоя, Христе, зовущи: Ты моя крепость, Господи, и прибежище и утверждение.

Песнь 4: Вознесена Тя видевши Церковь на Кресте, Солнце праведное, ста в чине своем, достойно взывающи: слава силе Твоей, Господи.

Песнь 5: Ты, Господи мой, Свет в мир пришел еси, Свет Святый, обращаяй из мрачна неведения, верою воспевающия Тя.

Песнь 6: Пожру Ти со гласом хваления, Господи, Церковь вопиет Ти, от бесовския крове очищшися, ради милости от ребр Твоих истекшею Кровию.

Кондак: Спас и Избавитель мой, из гроба яко Бог воскреси от уз земнородныя, и врата адова сокруши, и яко Владыка воскресе тридневен.

Икос: Воскресшаго из мертвых, Христа Жизнодавца тридневна из гроба, и врата смертная днесь сокрушшаго силою Своею, и ада умертвившаго, и жало смертное стершаго, и Адама со Евою свободившаго, воспоим вси земнороднии, вопиюще хвалу прилежно: Той бо яко Един крепкий, Бог и Владыка, воскресе тридневен!

Песнь 7: В пещи Авраамстии отроцы персидстей, любовию благочестия паче, нежели пламенем, опаляеми, взываху: благословен еси в храме славы Твоея, Господи.

Песнь 8: Руце распростер Даниил, львов зияния в рове затче, огненную же силу угасиша, добродетелию препоясавшеся, благочестия рачителие отроцы, взывающе: благословите, вся дела Господня, Господа.

Песнь 9: Камень нерукосечный от несекомыя горы Тебе, Дево, краеугольный отсечеся, Христос, совокупивый разстоящаяся естества. Тем веселящеся Тя, Богородице, величаем.

Песнь 1: Древний Израиль, неомоченными (сухими) стопами прошедши глубину (дна) Чермного моря, при помощи крестообразно сложенных рук Моисея в пустыне обратил в бегство войско амаликитян.

Песнь 3: Твоя Церковь веселится (исполнилась радости) О Тебе, Христе, и восклицает: Ты, Господи,- сила моя, прибежище и твердыня (опора).

Песнь 4: Церковь, увидев Тебя, Солнце правды, вознесенным на крест, остановилась на месте своем в течении своем, достойно (справедливо) восклицая: слава силе Твоей, Господи!

Песнь 5: Ты, Господь мой, пришел в мир как Свет на него,- Свет Святой, из мрака неведения отвращающий тех, кто с верою прославляет Тебя.

Песнь 6: "С хвалебными песнями я буду приносить Тебе, Господи, жертвы",- восклицает Тебе Церковь, очистившись от бесовской крови той Кровью, которая, по Твоему милосердию, истекла из ребр Твоих (Евр. 13, 15).

Кондак: Спаситель и Избавитель мой из гроба, как Бог, воскресил земнородных от оков, сокрушил врата ада и, как Владыка, в третий день воскрес.

Икос: Прославим и усердно восхвалим все, земнородные, Жизнеподателя - Христа, из гроба в третий день из мертвых воскресшего, ныне Своею силою сокрушившего врата смерти, умертвившего ад, уничтожившего жало смерти и освободившего Адама с Евою; ибо Он как Единый всесильный Бог Владыка в третий день воскрес.

Песнь 7: В персидской печи потомки Авраама, разжигаемые любовию (ревностью) к благочестию более, чем пламенем, восклицали: благословен Ты в храме славы Твоей, Господи!

Песнь 8: Даниил во рве, распростерши (молитвенно) руки, заградил раскрытые пасти львов; а ревнители благочестия - отроки, препоясавшись (облеченные) добродетелью, угасили сильный пламень печи, восклицая: все творения Господни, благославляйте Господа!

Песнь 9: От Тебя, Дева,- несекомой горы, без помощи рук (человеческих) отсекся краеугольный камень - Христос, Который соединил в Себе разделенные естества (Божеское и человеческое). Посему мы в радости величаем Тебя, Богородица.

Глас 5

Песнь 1: Коня и всадника в море Чермное, сокрушаяй брани мышцею высокою Христос истрясе,- Израиля же спасé, победную песнь поюща.

Песнь 3: Водрузивый на ничесомже землю повелением Твоим и повесивый неодержимо тяготеющую, на недвижимем, Христе, камене заповедей Твоих Церковь Твою утверди, Едине Блаже и Человеколюбче.

Песнь 4: Божественное Твое разумев истощание прозорливо Аввакум, Христе, со трепетом вопияше Тебе: во спасение людей Твоих спасти помазанныя Твоя пришел еси.

Песнь 5: Одеяйся светом, яко ризою, к Тебе утреннюю и Тебе зову: душу мою просвети омраченную, Христе, яко Един Благоутробен.

Песнь 6: Неистовствующееся бурею душетленною, Владыко Христе, страстей море укроти и от тли возведи мя, яко Благоутробен.

Кондак: Ко аду, Спасе мой, сошел еси, и врата сокрушивый яко Всесилен, умерших яко Создатель совоскресил еси, и смерти жало сокрушил еси, и Адам от клятвы избавлен бысть, Человеколюбче. Темже вси зовем: спаси нас, Господи!

Икос: Услышавша жены ангеловы глаголы, отложиша рыдание, радостны бывша и трепетны, ужас бо видеша, и се Христос приближися к ним, глаголя: еже радуйтеся, дерзайте, Аз мира победих и узники свободих! Потщитеся убо ко учеником, возвещающа им: яко варя΄ю (встречу) вы во граде Галилейстем, еже проповедати, темже вси Тебе зовем: спаси нас, Господи!

Песнь 7: Превозносимый отцев Господь пламень угаси, отроки ороси, согласно поющия: Боже, благословен Еси.

Песнь 8: Тебе, Вседетелю, в пещи отроцы, всемирный лик сплетше, пояху: дела всякая, Господа пойте и превозносите во вся веки.

Песнь 9: Исаие, ликуй! Дева име во чреве и роди Сына Еммануила, Бога же и Человека, Восток имя Ему: Его же величающе, Деву ублажаем.

Песнь 1: Христос, сокрушающий врагов Своею могучею мышцею, коней и всадников ввергнул в Чермное море и спас израильтян, воспевающих победную песнь.

Песнь 3: Своим повелением утвердивший ни на чем тяжелую землю и неодержимо повесивший ее, Христе, на непоколебимом камне заповедей Твоих утверди и Церковь Твою, Единый Благий и Человеколюбец (Иов. 26, 7).

Песнь 4: Аввакум, пророческим взором увидев Твое Божественное уничижение (крестные страдания), Христе, в трепете восклицал Тебе: для спасения народа Своего Ты пришел спасти избранных Тобою (Авв. 3, 13).

Песнь 5: Облекающийся в свет, как в одежду! От ранней зари обращаюсь (с молитвою) к Тебе и восклицаю Тебе: просвети омраченную душу мою, Христе, как Единый Милосердый!

Песнь 6: Владыка Христе! Утиши свирепствующее (взволнованное) смертоносною (пагубною для души) бурею море страстей и избавь меня от тления (от погибели), как Милосердый.

Кондак: Ты, Спаситель мой, нисшел в ад, как Всемогущий - разрушил его врата, и как Творец - воскресил с Собою мертвых и уничтожил жало смерти, и Адам избавился (Тобою) от проклятия, Человеколюбец. Посему все мы восклицаем Тебе: спаси нас, Господи!

Икос: Жены, услышав слова ангела, обрадовались, перестали рыдать и с трепетом увидели Воскресение. Вот Христос приблизился к ним и изрек: "Радуйтесь, дерзайте! Я победил мир и освободил узников. Посему поспешите к ученикам и скажите им: Я предваряю вас в городе Галилейском, чтобы возвестить (о Своем Воскресений)" (Мк. 16, 7-8). Посему все восклицаем: спаси нас, Господи!

Песнь 7: Препрославленный Господь отцев (наших) угасил пламень (в печи) и оросил отроков, единогласно воспевающих: Боже, благословен Ты!

Песнь 8: Отроки, составив в печи всемирное ликование (хор от всего мира), воспевали Тебе, Создателю всего: все творения, прославляйте Господа и превозносите Его во все веки!

Песнь 9: Исаия, торжествуй! Дева зачала во чреве и родила Сына Эммануила! Он Бог и Человек; имя Ему - Восток, Величая Его, мы прославляем Деву.

Глас 6

Песнь 1: Яко по суху пешешествовав Израиль по бездне стопами, гонителя фараона, видя потопляема, Богу победную песнь поим, вопияше.

Песнь 3: Несть свят, якоже Ты, Господи Боже мой, вознесый рог верных Твоих, Блаже, и утвердивый нас на камени исповедания Твоего.

Песнь 4: Христос моя сила, Бог и Господь, честнáя Церковь боголепно поет взывающи, от смысла чиста о Господе празднующи.

Песнь 5: Божиим светом Твоим, Блаже, утреннюющих Ти дýши любовию озари, молюся, Тя ведети, Слове Божий, истиннаго Бога, от мрака греховнаго взывающа.

Песнь 6: Житейское море воздвизаемое зря напастей бурею, к тихому пристанищу Твоему притек вопию Ти: возведи от тли живот мой, Многомилостиве.

Кондак: Живоначальною дланию умершия от мрачных удолий, Жизнодавец воскресив всех, Христос Бог воскресение подаде человеческому роду: есть бо всех Спаситель, Воскресение и Живот и Бог всех.

Икос: Крест и погребение Твое, Жизнодавче, воспеваем, вернии, и покланяемся, яко ад связал еси, Безсмертне, яко Бог всесильный, и мертвыя совоскресил еси, и врата смертная сокрушил еси, и державу адову (смертную) низложил еси, яко Бог. Тем же, земнороднии, славословим Тя любовию, воскресшаго и низложившаго вражию державу всепагубную, и всех воскресившаго в Тя веровавших, и мир избавльшаго от стрел змииных, и от прелести вражия, яко Бог всех.

Песнь 7: Росодательну убо пещь содела Ангел преподобным отрокóм, халдеи же опаляющее веление Божие мучители увеща вопити: благословен еси Боже отец наших.

Песнь 8: Из пламене преподобным росу источил еси, и праведнаго жертву водою попалил еси: вся бо твориши, Христе, токмо еже хотети. Тя превозносим во вся веки.

Песнь 9: Бога человеком невозможно видети, на Него же не смеют чини Ангельстии взирати: Тобою бо, Всечистая, явися человеком Слово воплощенно. Его же величающе, с небесными вои Тя ублажаем.

Песнь 1: Израиль, стопами пройдя по морской глубине (по морскому дну), как по суше, и, увидев гнавшегося за ним фараона тонувшим (в море), восклицал: станем петь Богу победную песнь!

Песнь 3: Нет (столь) святого, как Ты, Господи Боже мой! Ты возвысил достоинство верующих в Тебя, Благий, и утвердил в нас силу пред всеми исповедовать Тебя.

Песнь 4: "Христос - сила моя, Бог и Господь мой",- с благоговением, громогласно поет Святая Церковь от чистого сердца (от ясного сознания), торжествуя о Господе.

Песнь 5: Своим Божественным светом, Благий, просвети души с ранней зари обращающихся к Тебе,- усердно молюсь я - чтобы знать Тебя, Божие Слово, истинного Бога, от мрака грехов нас призывающего (к Себе).

Песнь 6: Видя море жизни обуреваемым волнами искушений, я прибегнул к Твоему тихому пристанищу и взываю к Тебе: избавь жизнь (душу) мою от тления (погибели), Многомилостивый.

Кондак: Жизнеподатель Христос Бог, Своею животворящею рукою возведя всех умерших из мрачных пропастей (ада), даровал воскресение человеческому естеству, ибо Он - Спаситель всех, Воскресение, Жизнь и Бог всего.

Икос: Мы, верующие, прославляем Крест и гроб Твой и поклоняемся, Жизнеподатель; ибо Ты, Бессмертный, связал ад как всемогущий Бог, воскресил с Собою мертвых, разрушил врата смерти и уничтожил державу ада как Бог. Посему мы, земнородные, с любовию славословим Тебя - Воскресшего, уничтожившего державу всепагубного врага, воскресившего всех уверовавших в Тебя, избавившего мир от стрел змия и от обольщений врага, ибо Ты - Бог всего.

Песнь 7: Росоносною сделал Ангел печь для благочестивых отроков, а воля Божия, попалившая халдеев, заставила самого гонителя (Навуходоносора) восклицать: благословен Ты, Бог отцов наших! (Дан. 3, 48-50, 95).

Песнь 8: Из пламени источил Ты росу для благочестивых (отроков) и водою попалил жертву праведника (пророка Илии и Неемии. 2 Мак. 1, 18). Ибо Ты, Христе, всё творишь единою Своею волею. Мы превозносим Тебя во все века.

Песнь 9: Бога, на Которого не смеют взирать чины Ангелов, видеть людям невозможно! но через Тебя, Всечистая, явилось людям Воплотившееся Слово. Прославляя Его, вместе с небесными воинствами мы ублажаем и Тебя.

Глас 7

Песнь 1: Манием Твоим на земный образ преложися прежде удоборазливаемое водное естество, Господи. Тем же немокренно пешешествовав Израиль, поет Тебе песнь победную.

Песнь 3: В начале небеса всесильным Словом Твоим утверждей, Господи Спасе, и вседетельным и Божиим Духом всю силу их, на недвижимем мя камени исповедания Твоего утверди.

Песнь 4: Отча недра не оставль и сошед на землю, Христе Боже, тайну услышах смотрения Своего и прославиях Тя, Едине Человеколюбче.

Песнь 5: Нощь несветла неверным, Христе, верным же просвещение в сладости словес Твоих; сего ради к Тебе утреннюю и воспеваю Твое Божество.

Песнь 6: Плавающаго в молве житейских попечений, с кораблем потопляема грехи и душетленному зверю приметаема, яко Иона, Христе, вопию Ти: из смертоносныя глубины возведи мя.

Кондак: Не ктому держава смертная возможет держати человеки: Христос бо сниде, сокрушая и разоряя силы ея. Связуемь бывает ад, пророцы согласно радуются; предста, глаголюще, Спас сущим в вере, изыдите, вернии, в воскресение.

Икос: Вострепеташа доле преисподняя днесь, ад и смерть Единаго от Троицы: земля поколебася, вратницы же адовы видевше Тя ужасошася: вся же тварь со пророки радующися поет Тебе победную песнь, Избавителю Богу нашему, разруши΄вшему ныне смертную силу! Да воскликнем и возопиим ко Адаму, и к сущим из Адама: древо сего паки введé: изыдите, вернии, в воскресение!

Песнь 7: Пещь отроцы огнепальну древле росоточащу показаша, Единаго Бога воспевающие и глаголюще: превозносимый отцев Бог и препрославлен.

Песнь 8: Неопальная огню в Синаи причащшася Купина Бога яви медленноязычному и гугнивому Моисеови, и отроки ревность Божия три непреборимыя во огни певцы показа: вся дела Господня, Господа пойте и превозносите во вся веки.

Песнь 9: Нетления искушением рождшая и всехитрецу Слову плоть взаимодавшая, Мати неискусомужная, Дево Богородице; приятелище нестерпимаго, село невместимаго Зиждителя Твоего, Тя величаем.

Песнь 1: По мановению Твоему, Господи, вода, по природе прежде легко разливавшаяся, (как бы) превратилась в твердую землю. Посему Израиль, прошедший по ней, как по суше, воспевает Тебе песнь победную.

Песнь 3: Господи Спаситель! В начале Ты Своим всесильным Словом и вседетельным и Божественным Духом утвердивший небеса и всю силу их, утверди (укрепи) меня на непоколебимом камне исповедания Твоего (дай мне твердость веры).

Песнь 4: Христе Боже, сошедший на землю, но не оставивший недр Своего Отца! Услышал и тайну Твоего Домостроительства (промышления) и прославил Тебя, единый Человеколюбец.

Песнь 5: Ночь мрачная для неверующих в тебя, Христе, для верующих же - свет в усладительном учении Твоем; посему с утра обращаюсь к Тебе и воспеваю Твое Божество.

Песнь 6: Меня, плавающего в волнах житейских забот, потопляемого сопутствующими (мне) грехами и низвергаемого к душепагубному зверю, из смертоносной пропасти изведи, Христе,- взываю к Тебе, как Иона.

Кондак: Держава смерти впредь бессильна будет держать в своей власти людей, ибо Христос, нисшед, сокрушил и уничтожил ее могущество. Ад связан; пророки единодушно радуются, восклицая: явился Спаситель пребывавшим в вере,- выходи΄те, верующие, для воскресения.

Икос: Ныне долу, в преисподней, ад и смерть вострепетали пред Единым из Троицы; земля поколебалась; привратники ада ужаснулись, увидев Тебя; вся тварь вместе с пророками радостно воспевает победную песнь Тебе - нашему избавителю и Богу, уничтожившему ныне могущество смерти. Провозгласим победу и воскликнем низведенному (в ад) древом Адаму и его потомкам: выходите, верующие, для воскресения.

Песнь 7: В древности для отроков пылавшая огнем печь оказалась росоносною (полной прохлады); в ней они воспевали Единого Бога и восклицали: превозносимый Бог отцев и препрославленный!

Песнь 8: Несгораемая, объятая огнем на Синае Купина показала Бога косноязычному и невнятноречивому Моисею; и ревность по Боге сделала трех отроков неопалимыми в огне певцами: все творения Господни, воспевайте Господа и превозносите во все века!

Песнь 9: Не испытавшая тления в рождении и всезиждительному Слову плоть сообщившая, Матерь безмужная, Дева Богородица, (Ты соделалась) вместилищем Невместимого, обиталищем беспредельного Создателя Твоего! Тебя мы прославляем.

Глас 8

Песнь 1: Колесницегонителя фараоня погрузи, чудотворяй иногда Моисейский жезл, крестообразно поразив и разделив море,- Израиля же, беглеца-пешеходца, спасе, песнь Богови воспевающа.

Песнь 3: Утверждей в начале небеса разумом и землю на водах основавый, на камени мя, Христе, заповедей Твоих утверди, яко несть свят, паче Тебе, Едине Человеколюбче.

Песнь 4: Ты моя крепость, Господи, Ты моя и сила, Ты мой Бог, Ты мое радование, не оставль недра Отча и нашу нищету посетив. Тем с пророком Аввакумом зову Ти: силе Твоей слава, Человеколюбче.

Песнь 5: Вскую мя отринул еси от лица Твоего, Свете незаходимый, и покрыла мя есть чуждая тма окаяннаго? но обрати мя и к свету заповедей Твоих пути моя направи, молюся.

Песнь 6: Очисти мя, Спасе, многа бо беззакония моя, и из глубины зол возведи, молюся: к Тебе бо возопих, и услыши мя, Боже спасения моего.

Кондак: Воскрес из гроба, умершия воздвигл еси и Адама воскресил еси, и Ева ликует во Твоем воскресении, и мирстии концы торжествуют, еже из мертвых возстанием Твоим, Многомилостиве.

Икос: Адова царствия пленивый и мертвыя воскресивый, Долготерпеливе, жены΄-мироносицы сретил еси, вместо печали радость принесый: и апостолом Твоим возвестил еси победительная, Спасе мой, знамения, Живодателю, и тварь просвещаеши, Человеколюбче! Сего ради и мир срадуется, еже из мертвых востанию Твоему, Многомилостиве!

Песнь 7: Божия снизхождения огнь устыдеся в Вавилоне иногда; сего ради отроцы в пещи радованною ногою, яко во цвéтнице, ликующе пояху: благословен еси, Боже отец наших.

Песнь 8: Седмерицею пещь халдейский мучитель Богочестивым неистовно разжже, силою же лучшею спасены сия видев, Творцу и Избавителю вопияше: отроцы, благословите, священницы, воспойте, людие превозносите во вся веки.

Песнь 9: Ужасеся о сем небо, и земли удивишася концы, яко Бог явися человеком плотски, и чрево Твое бысть пространнейшее небес. Тем Тя, Богородицу, Ангелов и человек чиноначалия величают.

Песнь 1: Некогда чудодейственный жезл Моисея, крестообразным ударом разделив море, потопил в нем гнавшегося (за евреями) на колесницах фараона, но спас обратившегося в бегство пешеходца - Израиля, воспевавшего песнь Богу.

Песнь 3: Ты, Христе, в начале премудро утвердивший небеса и поставивший на водах землю, утверди меня на камне заповедей Твоих, ибо нет святого, кроме Тебя, Единый Человеколюбец.

Песнь 4: Ты - моя крепость, Ты - моя и сила, Ты - мой Бог, Ты - моя радость, Господи, не оставивший Отеческих недр и призревший на наше убожество. Посему с пророком Аввакумом восклицаю Тебе: слава силе Твоей, Человеколюбец!

Песнь 5: Для чего Ты отверг (удалил) меня от лица Твоего, Свет незаходимый, и чуждая (гибельная) тьма покрыла меня, несчастного? Но обрати меня, молю Тебя, и направь пути мои к свету заповедей Твоих.

Песнь 6: Очисти меня, Спаситель; многочисленны грехи мои; и из глубины бед выведи меня, молюсь Тебе; к Тебе я воззвал - и Ты услышь меня, Боже спасения моего.

Кондак: Восстав из гроба, Ты воздвиг умерших и воскресил Адама; Ева ликует о Твоем Воскресении, и пределы мира торжествуют от Твоего из мертвых восстания, Многомилостивый.

Икос: Пленив царство ада и воскресив мертвых, Ты, Долготерпеливый, встретил жен-мироносиц и вместо печали даровал им радость; апостолам Своим Ты показал знамения победы, Жизнеподатель и Спаситель мой, и просветил тварь, Человеколюбец. Посему и мир радуется Твоему из мертвых воскресению, Многомилостивый!

Песнь 7: Некогда в Вавилоне огонь потерял силу пред Божественным нисшествием; посему отроки в раскаленной печи, как на покрытом цветами лугу, скакали радостными стопами и воспевали: благословен Ты, Бог отцов наших!

Песнь 8: Халдейский мучитель в неистовстве семь раз разжег печь для благочестивых (отроков); но, увидев их спасенными силою высшею, восклицал к Творцу и Избавителю: отроки - благословляйте, священники - воспевайте, люди - превозносите (Его) во все века!

Песнь 9: Ужаснулось небо, и пределы земли удивились тому, что Бог явился к людям во плоти, и чрево Твое сделалось пространнее небес; посему чины Ангельские и человеческие величают Тебя, Богородица.

Дата добавления: 2015-11-26