|
Читайте также: |
От юности твоея Христа возлюбивый и всею душею Его взыскавый, заповеди Божии неленостно соблюдый: постом, молитвою и смирением милость Господню обретый; стяжал еси благодать исцелений, отче преподобне Матфее; темже добрый утешитель был еси к тебе притекающим с верою; ныне Христу дерзновенно молися: о граде Яранске и людех земли Вятския, даровати нам веры отеческия утверждение; и душам нашим спасение.
Кондак, глас 8
Чистотою жития твоего Господу угодил еси, дар непрестанныя молитвы стяжал еси, избранниче Божий, преподобне Матфее, Яранский чудотворче; мы же чтуще святую память твою, с любовию вопием ти: моли Христа Бога спастися душам нашим.
Молитва
О преподобне отче наш Матфее, Яранский чудотворче! От юности твоея всем сердцем Христа возлюбивый, исполненный духа премудрости и разума, духа веры и благочестия, невозвратным желанием Тому Единому последовал еси, сердцем смиренным заповеди Господни исполняя. Ты приял еси образ ангельского жития, неленостно подвизаяся в посте, бдении и молитве, восшел еси на высоту добродетелей, восприняв от Всещедраго Бога множество благодатных даров духовных. Дар прозорливости, дар недугов душевных и телесных врачевания еще на земли обильно в тебе явися. Многим бысть добрый наставник и утешитель, пастырь и молитвенник. Во дни скорби и лютаго гонения от безбожных, во дни нестроения и смуты ты, яко звезда светозарная в нощи, православным людям верный путь спасения озарил еси, пастырей в подвиге исповедничества и мученичества утверждая, монашествующих непреложно следовати заповедям Христовым научая, множество верных чад Церкви нашея утешая и вразумляя. Сам же гонения, скорби и болезни претерпев, ныне Отечества Небеснаго достигл еси, по преставлении своем духом от нас не отлучаяся, обильно же благодатную помошь подавая всем с верою и любовию притекающим к тебе. Тем же смиренно молим тя, преподобне отче наш Матфее, ныне, вкупе с преподобным Трифоном, блаженным Прокопием, Вятския земли чудотворцами и предстателями, и всеми святыми вознеси своя благомощныя молитвы ко Христу Спасу нашему и испроси у Него веры православныя во отечестве нашем утверждение, пастырям ревности, монашествующим в подвигах благих преуспеяния, всем христианом благочестиваго и добродетельнаго жительства. Научи нас всею душою и сердцем любити и прославляти Пречестное и Великолепое и Сладчайшее Имя Господа нашего Иисуса Христа, Его же и ты возлюбил еси, непрестанно во устех и в сердце Его имея. Да и мы прославим жизнию нашею Отца и Сына и Святаго Духа ныне и присно и во веки веков. Аминь.
От редакции. Порядок публикации в выпусках “Патерика” вынужденным образом произволен: тексты публикуются в том порядке, в каком поступают в редакцию материалы.
Общее руководство подготовкой “Патерика” осуществляет архимандрит Макарий. В данном выпуске использованы брошюры, выпущенные по благословению Высокопреосвященнейшего Хрисанфа, Архиепископа Вятского и Слободского: “Житие священноисповедника Виктора, епископа Глазовского, викария Вятской епархии” / Сост. игумения София (Розанова). Киров (Вятка), 2004 и “Житие священномученика Михаила Тихоницкого” / Сост. священник Андрей Дудин. Киров (Вятка), 2003. Над текстом работала М. Журинская.
Дата добавления: 2015-11-04; просмотров: 48 | Нарушение авторских прав
| <== предыдущая страница | | | следующая страница ==> |
| Деяние о канонизации преподобного отца нашего иеромонаха Матфея (Швецова), Яранского чудотворца (1855–1927), местночтимого святого Вятской епархии | | | Священноисповедник епископ Глазовский Виктор (Островидов) *20 мая 1878 — †19 апреля/2 мая 1934 |