|
Читайте также: |
Яко маслина многоплодна возросла еси во обители Бородинстей, и процветши даровании исцелений и чудес, преподобная мати Рахиле, плод сторичный принесла еси, повелением Богродицы всеусердно ближнему послуживши, кротостию и любовию многих на путь спасения наставляющи и добродетели научающи, тем же светлым тя венцем увенча подвигоположник Христос Бог наш, Его же моли спасти и просвети души наша.
Кондак, глас 2
Заповеди Господни исполнив, старчества благодать восприяла еси, немощи немощных носящи, священна жертва принеслася еси, агнице кроткой тезоименита, исцелений реки и ныне источаеши, тем же мы, чада твоя, любовию притекающи вопием: преподобная мати Рахиле, моли Владыку Христа и Пречистую Матерь Его спастися душам нашим.
Величание
Величаем тя, преподобная мати Рахиле, и чтим святую память твою, ты бо молиши о нас Христа Бога нашего.
Молитва 1
О достоблаженная старице наша преподобная мати Рахиле, недужных и скорбных скорая утешительнице и целительнице, приими от нас, недостойных чад твоих, и донеси сей малый плод сердец и устен наших ко престолу Пресвятой Троицы, да предстательством твоим низпошлет нам, неключимым рабом, щедроты Своя, подаст благоденствие отечеству нашему и обители сей, избавит от труса, огня и меча, нашествия иноплеменник и междоусобныя брани, недужным дарует исцеление, скорбящим утешение, гордыню смирит, нерадивых к покаянию направит, монашествующих дух в горении к Богу укрепит, всем православным христианам подаст, яже ко спасению потребная, наипаче же явит милость на страшнем судище Своем и вселит в обители небесныя со всеми святыми, Ему же подобает хвала и слава, честь и держава, Отцу и Сыну и Святому Духу, ныне и присно и во веки веков. Аминь.
Молитва 2
О незлобивая и кроткая, предивная старице, преподобная мати Рахиле, новая чудотворице и молитвеннице за род христианский.
Се мы, грехми и треволненьми житейского моря обуреваемии, от глубины сердечныя взываем ти: не остави нас, немощных, печальных и унылых призрением милостивнаго твоего заступления!
Во дни земнаго жития твоего явилася еси болящим безмездная целительница, алчущим милостивая кормительница, заблуждшим наставница, скорбящим и обидимым утешительница милосердная и всем притекающим к тебе скорая помощница и чадолюбивая мати. И ныне вемы, яко дана тебе от Господа и Пречистой Богородицы благодать молитися за ны.
О верная слуго Христова, сторицею возрастившая данный тебе талант, уврачуй страсти душ и телес наших, укрепи нас в добродетели и настави на путь покаяния, умягчи наша злая и хладная сердца, да паче всего возлюбим Господа нашего Иисуса Христа и ближняго своего, умоли Господа сил пробавить милость Свою на многострадальном Отечестве нашем и на святей обители сей, в ней же подвизалася еси, да тихое и безмолвное житие поживем во всяком благочестии и чистоте и тако достигнем в немятежное пристанище Небесного Царствия, идеже ты в незаходимей сияеши славе, воспевая со всеми святыми хвалебную песнь Отцу и Сыну и Святому Духу, всегда, ныне и присно и во веки веков. Аминь.
От редакции
Порядок публикации в выпусках “Патерика” вынужденным образом произволен: тексты публикуются в том порядке, в каком поступают в редакцию материалы.
Общее руководство подготовкой “Патерика” осуществляет архимандрит Макарий (Веретенников). В жизнеописании священномученика Андроника, архиепископа Пермского и Кунгурского, использовано издание Пермского Епархиального управления 1999 г. “К прославлению священномученика Андроника, архиепископа Пермского и Кунгурского”. В жизнеописании преподобного Симеона Псково-Печерского использованы книги: У пещер Богом зданных / Сост. Ю. Г. Малков и П. Ю. Малков. М., 1999; Схимонахиня Евстафия. Старец Симеон Псково-Печерский. М., 2003; Преподобный Симеон Псково-Печерский. Свято-Успенский Псково-Печерский монастырь, 2003. Над текстом работала М. Журинская.
Дата добавления: 2015-11-04; просмотров: 54 | Нарушение авторских прав
| <== предыдущая страница | | | следующая страница ==> |
| Сентября/10 октября 1928 | | | СвященномученикАндроник (Никольский) архиепископ Пермский и Кунгурский |