Эжва юлöн веськыд берег пöлöн нюжöдчöм сиктсö войвыв боксяньыс кытшалö козъя-пожöма яг. Вöр саяс гöгрöс нюр. Сiйö быд гожöм-ар лышкыда козьналö сиктса йöзлы мырпом да турипув.
Öти гожся лунö Зоя да Миша Политовъяс мöдöдчисны мырпом вотны. Пажынöдз и тыртiсны чоя-вока дозъяссö чöскыд вотöсöн. Радлiгтыр найö восьлалiсны гортланьыс.
– Зоя! Зоя! Видзöдлы, сьöд тшын качöдчö! Тайö Кузь шор дорланьын вöрыс öзйö, – повзьöмöнкодь шыасис Миша.
Челядь котöртiсны Кузь шорлань. Аддзисны, кыдзи биыс азыма няръялö кос поньöльяссö и яла нитшсö.
– Кусöдны кыдзкö колö, потшны туйсö! – горöдсис Зоялöн.
Чоя-вока зiля кулисны кос нитшсö, кучкалiсны бисö уль коз пу лапъясöн. Öтилаысь кусöдасны, а "гöрд петукыд" мöдлаö нин шыбитчöма.
– Зоя, котöрт сиктö йöзла, – тшöктiс Миша вокыс.
Йöз локтöдз Миша öтнас вермасис бикöд. Зонкалöн ёна сотчалiс ки-кокыс, паськöмыс. Повтöм детинкаöс пыр жö нуисны больничаö. Дыркодь вермасисны биыскöд сиктса олысьяс, но ягсö мездiсны.
Мишалы дыр ковмис бурдöдны сотчöминъяссö. Тöдöмлунъяс праздник лунö школаö локтiс лесхозса директор. Сiйö пöся аттьöалiс-ошкис чоя-вокаöс да сетiс дона козинъяс.(154 кыв) А.Некрасов(Гамса) серти
Дата добавления: 2015-10-02; просмотров: 66 | Нарушение авторских прав
| <== предыдущая страница | | | следующая страница ==> |
| Текст серти удж. | | | Бесподобная селедка с кетчупом |