Ouml;д класс помалігӧн велӧдчысьлӧн позяна да вермана мында тӧдӧмлун да кужӧмлун

Велöдан выль стандарт (ФГОС) серти велöдчысьясöн босьтöм тöдöмлун-кужанлунсö (бöртассö) торйöдöма сикасъяс вылö: а) быд торъя мортлы лöсяланаяс (личностнöй УУД), б) уна предмет велöданноглы лöсяланаяс (метапредметнöйУУД), в) велöдан предметлы (коми кывлы) лöсяланаяс (предметнöй УУД).

Сiдз, быд торъя мортлы лöсялана удж сикасъясысь (личностныеУУД) 5-öд класс помалöм бöрын велöдчысьлöн содiс кужанлун да сям:

– лыддьысьны, мöвпавны лыддьöм небöг сертиыс, донъявны сiйöс, сёрнитны авторыскöд да с.в.;

– юксьыны аслас сьöлöмкылöмъясöн, небöг лыддьöм бöрын чужöм ловруöн;

– гöгöрвоны мöд мортлысь ловрусö, кутны сёрни визь; отсыштны бур кывйöн, сöветöн, дорйыны колана дырйи;

– аддзыны да гöгöрвоны мичлун: ывлаысь, кылана шыясысь, йöз сёрниысь, лыддян небöгысь да с.в., а сiдзжö зiльны бурмöдны-мичмöдны ассьыс сёрнисö, сöвмöдны сёрнитан сямсö;

– донъявны да радейтны чужан му, чужан кыв, йöзкостса оланног, культура да с.в.;

– сöвмöдны ассьыс гижан сямсö, та могысь ыджыд кöсйöмöн лöсьöдны творческöй уджъяс;

– кöсйöмöн велöдны чужан кыв, зiльны велöдны сiйöс пыдiджыка;

– вежöртöмöн, гöгöрвоöмöн сёрнитны да гижны, кывкутны ас вöчöм быд уджысь.

Уна предмет велöданноглы лöсялана уджъяс (метапредметные УУД).

1) Велöдчысь тöдö öткодьтор вöчан да быд уроклы лöсялана удж сикасъяс (регулятивные УУД). Сылӧн эм позянлун:

– стöча да дженьыда висьтавны уроклысь мог, тема;

– лöсьöдны велöдысь отсöгöн выль тема велöдан план;

– уджавны лöсьöдöм план серти, орччöдны вöчöмторсö пуктöм могъясыскöд, веськöдны шыбöльяссö;

– донъявны ассьыс да ёртъясыслысь вöчöмторсö, висьтавны, тырвыйö-ö гöгöрвоöма да кутшöм ногöн вöчöма уджсö (удж донъалан тшупöдъяс йывсьыс сёрнитчöны велöдыськöд).

2) Тöдöмлун босьтiгöн öткодьтор вöчан да öтнога вöдитчан удж сикасъясысь (познавательные УУД) 5-öд класс помалысь ас тӧдӧмлун да кужӧмлун мындаыс сяммас:

– лыддьыны быдсикас текст;

– аддзыны, торйöдны, тöдчöдны текстысь, лист бокысь колана юкöн: серпас, схема, таблица да с.в.;

– вежны öти ногöн вöзйöм юöр мöдторйöн, шуам: текст серти вöчны план, серпас, таблица, схема да мукöдтор либö мöдарö;

– вöдитчыны кывкудъясöн, отсöг сетан небöгъясöн;

– туявны да аддзыны öтувъялун, торйöдтöмлун;

– орччöдны да аддзыны йитöдъяс, торъялöмъяс;

– мöвпавны, мöвпалöмöн сёрнитны, висьтавны ассьыс мöвпъяссö.

3) 5-öд класс помалöм бöрын велöдчысьлöн озырмис кыввор, сöвмис сёрни этш, мичаммис сёрниыс, (коммуникативные УУД). Сылӧн эм позянлун:

– юксьыны аслас мöвпъясöн вомгора и гижан сёрниын;

– пырöдчыны сёрниö вежавидзöмöн, мыйкö лоигöн вöдитчыны стöча лöсялан кывъясöн, этш тöдöмöн;

– кужны сёрнитны аслыс; сёрнитны мӧд морткӧд; нуöдны колана сёрни визь;

– кужны бура висьтавны и подулавны ассьыс мöвпъяссö;

– кужны кывзыны мукöдлысь сёрнисö, гöгöрвоны мöд мортöн вöчöм помшуöмъяс, колана здукö веськöдны, стöчмöдны ассьыс кывкöртöдъяссö;

– сёрнитчыны, öти кывйö воöдчыны ёртъясыскöд уджъяс вöчигöн;

– юавны, юасьны да с.в.

Велöдан предметлы лöсялана удж сикасъяс (предметные УУД).

5–öд класс помалiгöн велöдчысьлöн коми кывйысь содiс тöдöмлун да кужанлун. Сылы колӧ эськӧ кужны вӧчны татшӧм уджъяс:

ü видлавны кывъяс шыяс серти, тэчас серти, морфология боксянь;

ü видлавны сёрникузяяс синтаксис боксянь: аддзыны подувпас, юöрпас, содтана юкöдъяс;

ü тöдмавны сёрникузялысь мог да шуанног серти сикасъяссö;

ü гöгöрвоöдны пунктуация пасъяслысь коланлунсö да тöдчанлунсö;

ü аддзыны прöстöй да сложнöй сёрникузяяслысь торъялöмсö, аслыныс лöсьöдны найöс, вöдитчыны наöн текстъяс гижигöн;

ü гöгöрвоöдны тöдса кывъяслысь вежöртассö, колана ногöн вöдитчыны наöн;

ü аддзыны кывъясысь орфограммаяс, орфограмма торкалöмъяс да веськöдны найöс;

ü гижны диктант (колана мында орфограммаöн да пунктуация пасъясöн)

ü гöгöрвоöдны текстлысь темасö, шöр мöвпсö, стильсö;

ü тöдмавны текстлысь мог серти сикассö: юöртöм, серпасалöм, мöвпалöм;

ü висьтавны ас кывйöн юöртана текстъяс (предметъяс, пемöсъяс серпасалан юкöнъясöн);

ü сетöм тема серти лöсьöдны да гижны текст: сочинение, дженьыдик висьт;

ü ас кöсйöм серти (олöмын вöвлöмторъяс, кутшöмкö наблюдениеяс серти) лöсьöдны да гижны висьт;

ü кужöмöн, колана ногöн вöдитчыны вежöртас да стиль боксянь лöсялана кыв средствоясöн;

ü видлавны ас лöсьöдöм текстлысь сюрöссö, веськöдны орфография, грамматика боксянь артмöм торксьöмъяссö, бурмöдны уджсö.

Дата добавления: 2015-10-02