Сöрысь кöч

Мойд

Сьöд вöр шöрö öтлаын овмöдчисны кöин да руч. Окота налы вöлi кутны кöчöс, но некыдз эз вермыны.

Öтчыд кöчыд ачыс матыстчис налöн керка дiнö. Кöсйис видзöдлыны танi олысьяссö да мыйкö корыштны налöн пызан вылысь. Кынöмыс зэв ёна сюмалiс. А кöиныд да ручыд уськöдчисны сы вылö, муртса асьсö эз сёйны. Кöчлы воштысьны вöлi некытчö да кутiс найöс ылöдлыны:

—Йöйяс, сёянныд тi менö, а асьнытö кыйсьысь лыяс. Вайöй ме тiянлы висьтала, кыдзи вöралысьöс ылöдлыны.

Кöин да руч пельсö чошкöдöмöн кывзöны.

— Паныдасяс кö тiянлы вöралысь, тi бара эн пышйöй, а уськöдчöй кок улас да гартласьöй-котралöй. Синмас кутас веравны, да сiйö и усяс.

Кöин да руч чуймöмысла вомсö паськöдiсны, а кöчыд уйкнитiс восьса öшиньöд.

Öтчыд вöрын шöйтiгöн кузь бöжаяслы паныдасис вöралысьыд. Кöин да руч видзöдлiсны öта-мöд вылас, уськöдчисны вöралысьлань. Эз на воны сы дорöдз, а кылiс лыйöм шы öтчыд, сэсся мöдысь.

Вöралысьлöн öнi юрыс оз кынмы. Сiйö вурöма зэв мича кöин ку шапка, а гöтырыс красуйтчö руч ку шапкаöн. А кöчильыд öнi на вöрын котралö, серлöдлö кок туйсö да ставнысö ылöдлö. (168 кыв)

Соломония Пылаева

Текст вылын удж.

I. Тöдмавны, кутшöм текстыс сюрöс сертиыс. а)Кодi сiйö Соломония Пылаеваыс?http://image.slidesharecdn.com/random-130317100559-phpapp01/95/slide-1-638.jpg?1363532804

б) Кутшöм мойдъяс тöдсаöсь пемöсъяс йылысь?

http://www.finnougoria.ru/photo/039.jpg

II. План. Кык сикас план гижöма дöска вылö. Велöдчысьяслы колö бöрйыны лöсяланаджыксö, гöгöрвоöдöны бöрйöмнысö.

1) 1.Кöин да руч овмöдчисны öтлаын.

2.Тшыг кöч локтiс гöститны.

3.Кöч мудеритö да пышйö.

4.Вöралыськöд паныдасьöм.

5.А кöчыд и öнi на котралö!

2)1.Кöч кöсйис гöститны кöин да руч ордын.

2.Кöч пöръясьлö и пышйö.

3.Вöралыськöд паныдасигöн.

4.Кöин ку шапка да руч ку шапка.

5.Кутшöм мойдъяс тöдсаöсь кöч йылысь?

Дата добавления: 2015-10-02