Vі. Дысцыплiнарная адказнасць I пакараннi

За парушэннi правiлаў падчас гульнi футбалiст можа быць папярэджаны (жоўтая картка) цi выдалены з поля (чырвоная картка) да канца гульні з правам замены іншым спартоўцам праз 2 (дзве) хвіліны. Дзве жоўтыя карткi, што атрыманыя ў гульнях турнiра, аўтаматычна забараняюць спартоўцу ўдзельнiчаць у чарговым матчы, пасля чаго ўжо кожная няцотная жоўтая картка пазбаўляе права ўдзелу ў спаборнiцтвах. Чырвоная картка азначае дысквалiфiкацыю футбалiста на адну гульню з наступным разглядам яго ўчынку судзейскай калегіяй. Другая чырвоная картка азначае пропуск дзвюх гульняў і разглядам ягонага ўчынку на судзейскай калегіі. Кожная наступная чырвоная картка адпавядае колькасці прапушчаных гульняў з абавязковым разглядам паводзінаў спартоўца на судзейскай калегіі.

Удзел у наступных гульнях дазваляецца толькi пасля адбыцця дысквалiфiкацыi.

За ўдзел у гульнi незаяўленага цi дысквалiфiкаванага футбалiста камандзе залiчваецца тэхнiчнае параженне 0:5 з наступным разглядам здарэння на судзейскай калегіі. Камандзе, якая своечасова не зрабіла адпаведныя тлумачэнні на судзейскай калегіі, пункты не налiчваюцца.

	Заўвага:
	судзейская калегiя мае права вынесці больш жорсткае пакаранне на спартоўца, якi дапусцiў асаблiва брутальнае парушэнне падчас спаборнiцтваў.

VІI. АРБIТРАЖ СПАБОРНIЦТВАЎ

Турнiр абслугоўваецца арбiтрамi, якiя дапушчаныя да правядзення Фінальнага тура па мiнi-футболе ў залах сезона 2015/16 года ў рамках чэмпіяната Першай лігі Брэсцкай вобласці па міні-футболе, Аргкамiтэтам першынства.

На кожную гульню судзейскай калегіяй прызначаецца двое суддзяў.

Пасля заканчэння гульняў суддзi павiнны перадаць запоўненыя пратаколы ў Аргкамiтэт спаборнiцтваў. Адрас судзейскай калегii: 224011 г.Брэст-11, а/с 35, ГА СК “Аматар”. Вынікі матчаў адразу па заканчэнні падаюцца на тэлефонах – [phone], [phone] (выканаўчы дырэктар Белямук Эдуард Вячаслававіч), а ў вечары гульнявога дня на адрас электроннай пошты – e-mail: [e-mail]

VІII. МЕДЫЦЫНСКАЕ АБСЛУГОЎВАННЕ СПАБОРНІЦТВАЎ

Турнір абслугоўваецца кваліфікаваным медыцынскім персаналам, што мае адпаведную прафесійную адукацыю і падрыхтоўку.

Наяўнасць медыцынскага супрацоўніка кожнай гульні абавязковая.

ІХ. УЗНАГАРОДЖВАННЕ

Прызавы фонд турніра фармуецца ў адпаведнасці з заявачным узносам камандаў і складае не больш за 30% ад усёй сумы.

Пераможца спаборніцтваў узнагароджваецца Кубкам чэмпіёна Брэсцкай вобласці па міні-футболе сезона 2015/16 года і медалямі, а каманды-прызёры – ганаровымі дыпломамі і медалямі.

Спецыяльнымi прызамi Аргкамітэта турнiра будуць узнагароджаныя лепшыя футбалісты спаборніцтваў.

Х. ЗАЯЎКI

Заяўкi на ўдзел у спаборнiцтвах павiнны ўключаць у склад каманды не больш за 15 (пятнаццаць) асобаў. У заяўцы поўнасцю падаюцца прозвiшча, iмя i iмя па бацьку, год нараджэння i месца працы кожнага гульца, а таксама дадаткова поўны хатнi адрас i кантактны тэлефон капiтана каманды (цi яго намеснiка). Заяўкi павiнны быць напісаныя друкаванымі літарамі альбо надрукаваныя на кампутары ў двух экзэмплярах. На iх павiнны быць уласны подпiс капiтана каманды i дата. Заяўкі падаюцца ў Аргкамітэт спаборніцтваў і дасылаюцца на адрас электроннай пошты – e-mail: [e-mail]

Заўвага:

1) удзел футбалістаў, якія гуляюць у матчах нацыянальных чэмпіянатаў у Першым і Другім дывізіёнах па футболе і футзале дазваляецца толькі ў тым выпадку, калі за кожнага такога футбаліста на рахунак Аргкамітэта турніра пералічваецца грашовая сума ў памеры 1 (адна) базавая аплата на адпаведны перыяд па Рэспубліцы Беларусь. У адной камандзе дазваляецца ўдзел не больш за 4-х такіх футбалістаў. Статус футбаліста такога ўзроўню зацікаўленыя каманды вызначаюць наяўнасцю (ці адсутнасцю) прафесійнага кантракта пад час правядзення спаборніцтваў.

XІ. ВЫДАТКI НА ПРАВЯДЗЕННЕ СПАБОРНIЦТВАЎ

Асноўныя выдаткi на пpавядзенне спабоpнiцтваў нясе ГА СК “Аматаp. Сpодкi атpыманыя ад удзельнікаў pэалiзуюцца на арганiзацыю i пpавядзенне спабоpнiцтваў, а ў прыватнасці: а) арэнда спартыўнага аб’екта для правядзення турніра; b) прызавы фонд; с) страхавы фонд; d) банкаўскія аперацыі і плацяжы; е) забеспячэнне работы інтэрнэт-рэсурса, набыццё медыкаментаў і канцылярскіх тавараў, расходныя тэхнічныя матэрыялы i г.д.

Упраўленне спорту і турызму Брэсцкага абласнога выканаўчага камітэту, Сектар спорту і турызму Брэсцкага гарадскога выканаўчага камітэту па асобных калькуляцыях прымаюць на сябе абавязацельствы па аплаце работы медыцынскага персанала, аплаце харчавання суддзяў у дзень гульняў, узнагароджванню дыпломамі каманд-прызёраў і кубкам пераможцу спаборніцтваў.

ХІІ. ФОРС-МАЖОР

Дадзенае “Палажэнне…” можа падлягаць змяненням, калі ўзнікаюць форс-мажорныя абставіны, якія не маглі быць прадугледжаныя ані папярэджаныя разумнымі мерамі. Пад форс-мажорнымі абставінамі ў кантэксце дадзенага “Палажэння…” вызначаюцца: 1) прыродна-кліматычныя катаклізмы; 2) страйкі; 3) ваенныя дзеянні; 4) выданне нарматыўных актаў органамі дзяржаўнай улады і кіравання; 5) буйнамаштабныя аварыі банкаўскіх камунікацыяў; 6) іншыя непрадугледжаныя разумнымі мерамі абставіны.

ХІІІ. ДАДАТАК

Аргкамiтэт па правядзенню Фінальнага тура па мiнi-футболе ў залах сезона 2015/16 года ў рамках чэмпіяната Першай лігі Брэсцкай вобласці па міні-футболе пакідае за сабой права ўнесці змены ў дадзенае “Палажэнне...”, калі колькасць удзельнікаў будзе менш альбо больш за запланаваную.

Дата добавления: 2015-08-21