Икос 12

Пою́ще чудеса твоя, восхваляем труды и подвиги, ублажаем благочестную в мире кончину, почитаем хода́тайство и сильное заступление о всех, требующих помощи твоея́; величаем Пода́теля всех благ Бога, даровавшаго нам така́го ди́внаго молитвенника и со умилением зовем:

Радуйся, Церкви Катакомбныя похвало́,

Радуйся, Истинней Церкви щит и ограждение,

Радуйся, архиере́ев, иере́ев и мона́хов покровителю и скорый помощниче,

Радуйся, во бране́х верный о нас молитвенниче,

Радуйся, на стезю́ спасения всех наставляющий,

Радуйся, всем с верою к тебе приходящим помогающий,

Радуйся, и по смерти чад своих не оста́вивый,

Радуйся, обилие чудес верным явивый,

Радуйся, в час смертный всем нам благонадежный помощниче,

Радуйся, от насилия диавола многомо́щный нам защитниче,

Радуйся, яко тобою от смерти вечныя свобождаемся,

Радуйся, яко тобою жизни безконечныя сподобляемся,

Радуйся, преподобно-исповедниче Феодосие, преславный чудотворче.

Кондак 13

О предивный угодниче Божий, преподобно-исповедниче отче Феодосие, прими малое сие моление наше, в похвалу тебе приносимое, помолися ко Господу Богу, да избавит нас мучений вечных, зол и бед; и сподобит вку́пе с тобою,во Царствии Небеснем Ему пети: Аллилуиа, Аллилуиа, Аллилуиа.

Этот кондак читается трижды, затем 1-й икос: «Ангела образом воистину…» и 1-й кондак: «Избранный угодниче Христов…»

МОЛИТВА

О, священная главо́, Ангеле земный и человече небесный, преподобне и богоносне отче наш Феодосие, изрядный угодниче Пресвяты́́я и Единосу́щныя Тро́ицы, являя́й многия милости людем с верою и любовию тя призывающим.

Испроси нам вся благопотребная к житию сему́ временному и нужная к вечному спасению нашему. Подаждь убо нам безропотное терпение скорбей, крепость и силу на благодушное несение их, да взе́мши крест свой во след Христа и́дем и яви́мся достойны Его Царствия.

Ей, отче святый, молитвенниче наш при́сный, не посрами́ упования нашего, но предстательствуй за нас пред престолом Живонача́льныя Троицы, да сподобимся вку́пе с тобою и со всеми святыми, мы недостойнии, в селениях райских сла́вити величие, благодать и милость Единаго в Троице Бога, Отца и Сына и Святаго Духа во веки веков. Аминь.

Тропарь, глас 4.

Днесь благовернии людие, светло почтим,/ преподобнаго Христа ради юродиваго отца нашего Феодосия,/ заступника земли российския,/ исповедника Церкви Катакомбныя./ Благодать Духа Святаго стяжавшаго, и в монашестве просиявшаго,/ предстателя пред Христом Господем непостыднаго,/ за всех чтущих святую память его.

Кондак, глас 1.

Вышних ища́й, вышним совокупляяйся,/ чистотою душевною божественно вооружился еси,/ непрестанную молитву яко щит стяжал еси,/ дерзновение имуще у Пречистыя Девы и Всещедраго Бога,/ темже собеседником Ангелов был еси,/ преподобно-исповедниче отче Феодосие,/ моли непрестанно / о чтущих святую память твою.

Дата добавления: 2015-08-21