Радуйся, преподобно-исповедниче Феодосие, преславный чудотворче.

Кондак 7

Хотя Человеколюбец Господь явити в тебе, преподобне, добродетель сию- исповедничество веры православныя, укрепи тя противоста́́ти отступникам от святых церковных писа́́ний. Мы же подражающе тебе от раскола сего ограждаемся, сохраняя в сердце слова псалмопевца: «Блажен муж иже не и́де на совет нечести́вых». И укрепляющему нас во всем Господу с радостию вопием: Аллилуиа.

Икос 7

На Голго́фе Церковь Русская распя́та, стонет православный люд под игом богоборцев, риза Христова отсту́пником Се́ргием раздира́ется, Истинная Церковь в катако́мбах сокрывается. Ты же исповедниче, наш отче Феодосие, стояти до смерти пожелал еси, скорби, гонения, тюремное заключение претерпел еси. Мы же ублажая страдания твоя си́це вопием:

Радуйся, яко нести беды с благодарением нас научаеши,

Радуйся, яко незлобием твом злобу и ненависть из сердец наших искореняеши,

Радуйся, яко за обидящих и ненавидящих молитися подвизаеши,

Радуйся, яко сокрушение о грехах своих имети наставляеши,

Радуйся, алтаря Господня служителю,

Радуйся, Безкровной Жертвы достойный совершителю,

Радуйся, тяжкия заточения Христа ради претерпевый,

Радуйся, о чадех своих непрестанно болевый,

Радуйся, Церкви Катакомбныя отче- исповедниче,

Радуйся, о Церкви Истинней на Небеси предстательниче,

Радуйся, Царствия Небеснаго наследниче,

Радуйся, о призывающих тя непрестанный молитвениче,

Радуйся, преподобно-исповедниче Феодосие, преславный чудотворче.

Кондак 8

Удалился еси, отче блаженне, во град Минводы, иде́же не знаем подвиг юро́дства восприял еси, от богоборных властей сим покрываемый. Де́лы бо и словесы́ твоими всех приводил еси ко благочестию, любви Божией и ко спасению. Темже сиянием подвигов твоих просвеще́нии и хлебом учения твоего насыще́нии, тебе величаем и прославльшему тя Христу вопием: Аллилуиа.

Икос 8

Всего себе предав воле Божией, да́ром прозре́ния и чудотворения от Господа обогащенный, не желал восхваляем от человек бы́ти, скры́ти дары тща́лся еси. Подвигом юродства прикрываясь, службу Божую в нощи́ тайно совершал еси. Мы же, недостойнии, удивляющеся исповедничеству твоему, ублажаем подвиги твоя и сице вопием:

Радуйся, житию древних отцев подвигом юродства Богу угодивших подражавый,

Радуйся, лю́дем града Минводы бе́ды в притчах предсказавый,

Радуйся, младенцев от огненного запаления чудесно избавивый,

Радуйся, грядущая яко настоящая провидевый,

Радуйся, литурги́и тайно в нощи́ совершителю,

Радуйся, иере́е Божий благоговейный служителю,

Радуйся, Катако́мбныя Церкви исповедниче,

Радуйся, гонимого монашества наставниче,

Радуйся, в юродстве своем силу Божию людем явивый,

Радуйся, прегрешений сокровенных обличителю прозорли́вый,

Радуйся, призывающим тя скорый помощниче,

Радуйся, веры Христовой дерзновенный исповедниче,

Дата добавления: 2015-08-21