Радуйся, преподобно-исповедниче Феодосие, преславный чудотворче.

Кондак 4

Бурю зависти от братии претерпел еси, прошел весь путь тесный и скорбный, душу свою в незлобии сохранил еси, Небесным ангелом подражая, восходил еси по стезям добродетелей к совершенству духовному, в меру возраста Христова, священство от Бога восприял, поя Ему: Аллилуиа.

Икос 4

Слышаще и видяще святое житие твое, братия восташа на тя, но ты, отче блаженне, скорби и поношения в кротости и смирении претерпел еси, и сим кратчайшим путем духовных высот достигл еси. Господь же чад Своих прославляя, на свещнице яко светильник тя поставил еси. Мы же с любовию восхваляем тя и вопием ти сице:

Радуйся, Христа всем сердцем возлюбивый,

Радуйся, благое иго Христово на себе восприемый,

Радуйся, совершеннаго послушания исполненный,

Радуйся, заповедей Господних блюстителю верный,

Радуйся, всего себе в жертву Богови принесы́й,

Радуйся, на высоту безстрастия возшедый,

Радуйся, во́ине Христов добропобедный,

Радуйся, Небеснаго Царя ра́бе благий и верный,

Радуйся, подвижниче богопрославленный,

Радуйся, наставниче монахов предивный и богомудрый,

Радуйся, предстателю о нас пред Го́сподем непостыдный,

Радуйся, к Богородице молитвенниче наш неусыпный,

Радуйся, преподобно-исповедниче Феодосие, преславный чудотворче.

Кондак 5

Поднял главу свою поганый змий безбожия; божественный глас призва тя возвратитися в землю русскую; яко свещник возсия преподобный Феодосие, указуя путь в Царствие Божие, и мы тебе подражающее Господеви вопием: Аллилуиа.

Икос 5

Видевши людие равноангельное житие твое, с покаянием обращалися ко Господу, поучаяся от тя кротости и смирению, и преданию себя в волю Божию, принимати с радостию скорби и злострадания, прославляя Человеколюбца Бога, укрепляющаго немощно́е естество человеческое. Мы же ублажаем тя, отче Феодосие, и зовем:

Радуйся, землю русскую просветивый сиянием твоих добродетелей,

Радуйся, монашествующих дивное украшение,

Радуйся, древо благоплодное небеснаго насаждения.

Радуйся, в самом себе храм Трисвятому Божеству уготовивый,

Радуйся, преподобием и правдою оде́янный,

Радуйся, пома́зание от Духа Святаго приемый,

Радуйся, освященный сосуде благодати Божия,

Радуйся, предивный Христов избранниче,

Радуйся, усердно призывающим тя помогаяй,

Радуйся, доброе стадо твое наставляяй,

Радуйся, земли русския усердный заступниче,

Радуйся, к Богу и Богородице непрестанный молитвенниче,

Радуйся, преподобно-исповедниче Феодосие, преславный чудотворче.

Кондак 6

Проповедниче боговещанный был еси, отче Феодосие, не то́кмо и́нокам, но и лю́дем мирски́м, всех поучал еси добродетелем христианским: вере, кротости, воздержанию, любви и чистоте. И мы молим тя, преподобне отче, предстательством твоим небесным, испроси нам си́и добродетели, да не поработи́мся страстем греховным, но благочестно Спасителю Богу нашему поем: Аллилуиа.

Икос 6

Возсиял еси яко звезда богосветлая в стране русской, преподобне отче, многия человеки привел еси во ограду церковную, ты бо не токмо учил еси, но и творил всякую добродетель, исполняя заповеди Христовы. Мы же яко сотворшаго и научившаго, чествуем тя сими похвальными словесы:

Радуйся, немолчный проповедниче Евангелия Христова,

Радуйся, заповеди Господни исполнивый и о́ным научивый чад твоих,

Радуйся, нерадивых подвигнувый ко исправлению,

Радуйся, немощны́х укрепивый данной ти от Бога благодатию,

Радуйся, грешных к покаянию направивый,

Радуйся, скорбящих утешивый,

Радуйся, юныя уцеломудривый,

Радуйся, сострадания исполненный,

Радуйся, милосердием богатый,

Радуйся, дивный о Господе подвижниче,

Радуйся, отступивших от веры православныя во Христа уве́́ровати увеща́вый,

Радуйся, и по смерти нас не оставляти обещавый,

Дата добавления: 2015-08-21