О путешествующих многих или о едином (по воде, по небу)

О недужных многих или о едином (об одержимых страстью винопития и наркомании)

На проскомидии:

Господи, Иисусе Христе, Боже наш, прими жертву сию, во оставление грехов рабов твоих (или раба твоего) имя рек; и яко милосерд, всесильною Твоею десницею угаси обдержащий их (или его) огнь, утоли недуг, и милостивно воздвигни их (или его) от одра болезни, во славу имени Твоего.

По рцем вси:

Врачу душ и телес, со умилением в сердце сокрушенном к Тебе припадаем и стеняще вопием Ти: исцели болезни, уврачуй страсти душ и телес рабов Твоих, (или раба Твоего), имя рек, и прости им (или ему), яко благосерд, вся прегрешения, вольная и невольная, и скоро воздвигни от одра болезни, молим Ти ся, услыши и помилуй.

Не хотяй смерти грешных, о еже обратитися и живым им бытии, пощади и помилуй рабов Твоих. (или раба Твоего), имя рек, Милостивее, запрети болезни, остави всю страсть и весь недуг, утоли зиму и огнь, и простри крепкую Твою руку, и якоже Иаирову дщерь от одра болезни воздвигни и здравых, (или здрава), сотвори, молим Ти ся, услыши и помилуй.

Огненную болезнь петровой тещи прикосновением Твоим исцеливый, и ныне лютее страждущих рабов Твоих (или люте страждущего раба Твоего), имя рек, болезнь благосердием Твоим исцели, здравие им (или ему) скоро подавая, прилежно молим Ти ся, Источниче цельбам, услыши и помилуй.

О страждущих от страсти винопития и наркомании:

Не хотяй смерти грешных, но еже обратитися и живым им бытии, пощади и помилуй рабов Твоих, (или раба Твоего), имя рек, Милостивее, исцели болезни, уврачуй страсти пианства души и тела их, и яко благосерд, прости им вся согрешения их вольная и невольная и скоро воздвигни их от пианственного пути погибели, молим Ти ся услыши и милостивно помилуй.

Еще молимся о еже поситити их (или его) имя рек, посещением Святаго Своего Духа, и исцелити недуг пианства (наркомании) и всякую страсть в них гнездящуюся, молим Ти ся, Избавителю Милостивый, услыши и скоро помилуй.

Еще молимся и о еже помощи им (или его) имя рек, отразити вся противныя вещи видимых и невидимых враг, и подати им ко избавлению от страсти винопития (наркомании), силу и во всем благопоспешество, силою, действом и благодатию Пресвятаго Духа, молим Ти ся услыши и милостивно помилуй.

О путешествующих многих или о едином (по воде, по небу)

На проскомидии:

Господи, Иисусе Христе, Боже наш, прими жертву сию, во оставлении грехов рабов Твоих (или раба Твоего) имя рек, и благослови путешествие их(или его) и посли им, якоже рабу Своему Товии иногда, ангела мирна, спутника и наставника, сохраняюща, заступающа, и невредима соблюдающа их (или его) от всякого злаго обстояния; мирно же, здраво и благополучно возвращающа, да и о сем прославится в них (или в нем) великолепное имя Твое.

По рцем вси:

Стопы челвеческия исправляли, Господи, призри милостивно на рабы Твоея (или раба Твоего), имя рек, и прости им (или ему) всякое прегрешение, вольное же и невольное, благослови благое намерение совета их, и исходы и входы с путешествием исправи, прилежно молим Ти ся, услыши и помилуй.

Исааку и Товии ангела спутника пославый, и тем путешествие и возвращение их мирное и благополучное сотворивый, и ныне Преблаже, ангела мирна рабом Твоим (или рабу Твоему) имя рек, нами Тебе молящимся посли, во еже наставити их на всякое дело благое, и избавити от враг видимых и невидимых и от всякого злаго обстояния, здраво же, и мирно, и благополучно к славе Твоей возвратити усердно молим Ти ся, услыши и помилуй.

Луце и Клеопе в Еммаус спутешествовавый, и весело в Иерусалим возвратитися Твоим преславным познанием сотворивый, спутешествуй Твоею благодатию, и Божественным благословением и ныне рабом Твоим (или рабу Твоему) имя рек, сим нами Тебе прилежно молящимся, и во всяком деле блазе, к славе Пресвятаго Твоего имени благопоспеши, во здравии и благополучии соблюдая, и возвращая во время благоподобно, яко Всещедрому Благодетелю, молим Ти ся, скоро услыши и милостивно помилуй.

Дата добавления: 2015-08-21