Бұл тексерістің көмегімен шприцтердің жуып-шайылғанын анықтауға болады. Жуылған шприцтердің бөлшектерін 1% спиртті фенолфталеин ерітіндісіне суланған мақтамен сүртеді. Жуу ерітіндісінің қалдығында 30 секунд ішінде көкшіл-күлгін түс пайда болады. Егер тексеріс оң болса, ағынды суық су астында қайтадан қайталау керек.
Ескерту! Прогресс «Биолот» жуу заттарын қолданғанда фенолфталеин тексерісі қолданылмайды.
VІ кезең. Медициналық құрал саймандардың құрамындағы тұздарды жою мақсатында дистилденген сумен жуып шаямыз.
VIІ кезең. Медициналық құрал саймандарды кептіргіш шкафтың ішінде 85'C салып кептіреміз.
Тазалаудан толық өткізгеннен соң, медициналық құрал- саймандарды крафт пакетке, бөз орамына орап, бикске саламыз.
Стерильдеу. Мақсаты барлық микроорганизмдерді жою және аластау. Ол физикалық немесе химиялық әдістермен іске асырылуы мүмкін. Бумен стерильдеу - ең қалаулы әдіс. Бу қысым әсерінен барлық микроорганизмдерді жояды. Ол үшін 1,05 кгс/см2 бу қысымымен 15-45 минут ішінде әсер етсе жеткілікті болады. Егер автоклав вакуумды қондырғымен бірге болса стерильденген заттардың кебуін жеделдетеді және стерильдеу ұзақтығын 3 минутқа дейін кысқартады. Құрғақ ыстық ауалы шкафтарда өңдеу тәсілін шыныдан жасалған заттарды стерильдсу үшін колдануға болады. Ол үшін 6 сағат бойы 120°С-де ұстау Жұқа, сезімтал кұрал-саймандарға этилен аскын тотығымен газды стерильдеу әдісі қолданылады. Дұрыс стерильдеу үшін 3-6 сағат бойы газда экспозициялануы керек. Автоклавта стерильдеудің сапасын, яғни бу кысымының жеткіліктігін бақылау үшін аморфты амидопирин ұнтағын қолданады. Ол 106°С-де кристалданады. Қысымды автоматты түрде монометрдің көмегімен 1,5 атмосферада ұстап тұруға болады.Палаталар, егу бөлмелері, іс-шара бөлмелеріндегі, операциялық және басқа бөлмелердегі ауаны тазарту сынап-кварцтық және сынап-күлгін сәулелі лампалардың көмегімен жүргізіледі
ХИРУРГИЯЛЫҚ ҚҰРАЛ-САЙМАНДАРДЫ ЗАРАРСЫЗДАНДЫРУ
Таңуды және операцияны зарарсызданған құрал-саймандармен іске асырудың нәтижесінде жараны ластаудан және хирургтің қолын іріңді жараның іріңімен былғап алудан сақтандырады. Жұмыс біткен соң барлық пайдаланылған қүрал-саймандарды, ал іріңді жараларға пайдаланылған құрал-саймандарды бөлек зарарсыздандырады.
Металдан жасалған құрал-саймандарды қатты қыздыру арқылы немесе арнайы жасалған шкафтардың ішіндегі құрғақ ыстыққа ұстау арқылы зарарсыздандыру әдістері бар. Ең кең тараған түрі, электрмен қыздыратын шкаф, оның ішінің ыстықтығы 20-30 минуттан кейін 140Ә-180ӘС-ға жетеді. Бұл әдіспен металдан жасаған құрал-саймандардан басқа шыныдан, фосфордан жасалған ыдыстарды да зарарсыздандыруға болады. Зарарсыздандыратын шкафтың ішіне үстіне құрал-саймандар салынған торды орналастырып аузын жабады да, ажыратқышты токқа қосады. Реттегіш тетікті айналдыру арқылы шкафтағы температураны жайлап реттеуге болады. Құрал-саймандар 200ӘС-да 40 минуттың ішінде зарарсыздандырылып болады, бірақ құрал-саймандар тез тозады. Зарарсызданғандығын бақылау автоклавтау кезіндегідей болады.
Зарарсыздандырудың ең қарапайым әдісі-қайнату болып саналады. Қайнату арқылы зарарсыздандыруды кез келген ыдыста іске асыруға болады. Қалтаға салып жүретіннен бастап стационарларға дейін пайдаланатын үлкен арнайы жасалған зарарасыздандырғыш-қайнатқыштар бар. Құрал-саймандарды зарарсызданған суда қайнатады. Суды зарарсыздау үшін арасына 6 сағаттан уақыт салып 30 миунттан екі рет қайнатса болғаны. Осылай мезгіл-мезгіл қайнату нәтижесінде микробтардың ұрықтарын (спораларын) өлтіруге болады. Суға 2% ертініді болғанша сілті (натрий гидрокарбонатын) қосады. Сілтіленгген су зарарсыздануды тездетеді және құрал-саймандарды тотығып, дат басудан қорғайды. Никельденген құрал-саймандарды қайнаған суға салады да, суыған соң үстел үстіне жайып, бетін зарарсызданған клеенкамен жауып қояды. Шприц, колба, банкы, стакан тәрізді шыныдан жасалған ыдыстарды сындырып алмас үшін, ыстық суға бірден салуға болмайды.
Шұғыл жағдайда металдан жасалған құрал-саймандарды күйдіру арқылы жылдамдатып зарарсыздандыруға болады. Күйдіруді спиртпен сұрту арқылы іске асырылады. Бірақта бұл әдіс онша сенімді емес.
ШПРИЦТЕРДІ ЗАРАРСЫЗДАНДЫРУ
Шприцтерді пайдаланып болған соң, оны бөлшектеп ағын су астына жуады. Жуылған шприцтерді құрамында: 0,5% сутегі тотығы ерітіндісі мен “Новость”, “Прогресс”, “Сульханол” деп аталатын жуатын ұнтақ заттар қосылған ыстық ерітіндіне 15 мин ұстайды, 1 литр ерітіндіні дайындау үшін 975 мл су, 20 мл-33% пергидрол ерітіндісін, 5 г жуатын ұнтақты алады. Содан соң шприцтерді ұзындығы 25-30 см болатын мақтадан – дәкеден жасалған тампонмен жуып, ағын суда шайқап, дистилденген сумен жуады. Осылай тазаланған шприцтерді зарарсыздандыруға береді.
Шприцтерді дистилденген суда қайнату арқылы зарарсызлдандыруды жиі пайдаланады. Олардың бөлшектерін жеке-жеке дәкеге орап қайнатқан дұрыс. Зарарсыздандырғышқа орналастырғанда, алдымен суық суға салмаса шытынап кетеді. Қызған кезде әртүрлі материалдардың көлемдері бірдей үлкеймейді (металл, шыны), сондықтан түрлі шеприцтерді зарарсыздандырғанда өте сақ болған жөн. Шприцтерді қайнай бастаған сәттен бастап 30 минут қайнатады да, пайдаланар кезде оларды зарарсызданған қысқашпен немесе корнцагпен қысып алады. Люэра тектес шыны шприцтер мен ыстыққа төзімді шприцтерді (шприцтердің сыртында “200ӘС” жазу болады) автоклав пен құрғақ ыстық шкафтарда зарарсыздандыруға болады. Құрал-саймандарды бүйтіп өңдеуіміздің себебі шприцтер мен инелер арқылы аса қауіпті вирусты кеселдердің, нақтырақ айтсақ Боткин кеселі деп аталатын жұқпалы гепатиттің қоздырушылары тарамас үшін жасалады.
Ерітінділермен суық зарарсыздандыратын әдіс те бар. Қандауыр, пышақ, ұстара, қайшы, үшкір инелер кескіш қүрал-саймандарды қайнату немесе автоклавтау арқылы зарарсыздағанда жүздері мұқалып өтпей қалатындықтан, оларды антисептикалық ерітінділеріне салып қояды. Бұндай құрал-саймандарды зарарсызданған астаушаға құйылған 96% спиртке салып, операция жасардың алдында 2 сағатқа қақпағын жауып қояды.
Резеңкеден жасалған затарды зарарсыздандыру.
Резеңкеден, латекстен жасалған катетерлерді және құрал-саймандарды дистилденген суда 20 минут қайнату арқылы зарарсыздайды. Мұндай кезде латекстің бетінде сүт түсті ақшыл қабыршық пайда болып, бөлме температурасында әлгі қабыршақтар өз-өзінен кетіп қалады.
Резеңке жабдықтарды зарарсыздандырудың ең зиянсыз суықтай өңдеу тәсілі болып саналады. Мұнда 2% хлорамин ерітіндісіне немесе диоцид (1:3000), раккала тағы басқа ерітінділерінде 30 мин ұстайды.
Қолғаптарды зарарсыздандыруға мұқият дайындайды. Операциядан кейін қолғаптарды жақсылап жуады, бүтіндігін тексереді, құрғатып тальк ұнтағын себеді. Аздаған, тесіктері болса желімдейді. Қолғаптарды автоклавка салып немесе қайнатып зарарсыздандырады. Автоклавтаудан өткізген кезде әр қолғаптың іші-сыртына тальк ұнтағын сеуіп, жеке-жеке дәкеден жасалған бір-біріне және бикс кенересіне тиіп тұрмауы қажет, сол үшін бикстің түбіне жан-жағынан орамал немесе шаршы төсеп тастайды. Автоклавтаудан кейін қолғаптарды сол бикс ішінде сақтайды. Қолғаптарды зарарсыздандырғанда, ас содасын қоспай, 15-20 минут қайнатады. Содан соң таза орамалмен құрғатып сүртеді де, тальк ұнтағын сеуіп қояды.
Қолғаптарды суықтай зарарсыздандыруға да болады: ол үшін оларды 2% Б-хлорамин ерітіндісіне 15-20 минут немесе 0,21% сулема ерітіндісіне 1-1ұ сағатқа салып қояды да, содан кейін хлорид натрийдың изотоникалық ертінтісімен жуып. құрғатады, тальк ұнтағын сеуіп, зарарсызданған бикстерде сақтайды.
Қан тамырлары арқылы (парентеральды жолмен) енгізілетін ерітінділерді зарарсыздандыруды автоклавтау арқылы іске асырады. Ерітінділер сақталатын ыдыс ішінде зарарсыздандырылады. Ерітінділер құйылған шөлмектер мен шынылардың аузын ашық күйінше, ал олардың тығындарын қасына жеке қойып автоклавтың ішіне орналастырады да, 2 атм (19,6 кПа) қысымда 30 минут ұстайды. Аутоклавтаудан кейін шынылардың аузын тығындайды да, целлофанмен қосымша жауып, жіппен байлайды.
Қайнату арқылы зарарсыздандырғанда ерітінді ыдыстарын 30 минут қайнатқан соң, 6 сағаттан кейін 30 минут тағы қайнатады да аузын жабады, зарарсызданған ерітінділердің сақталу мерзімі екі тәулік.
Қолды зарарсыздандыру. Қолды зарарсыздандырудың көптеген әдістері бар. Ол үшін құмырсқа қышқылын, раккаланы, церигелді және басқадарды пайдаланады. Ең соңғы әдістерінің біріне ультрадыбыспен зарарсыздандыру жатады.
Қолды зарарсыздандырудың теріге әсер етпейтін, ең сенімді, әрі қарапайым классикалық тәсілдеріне тоқтала кетейік.
Спасокукоцкий –Кочергин тәсілі. Ластанған қолда (алақан мен білекті (ағып тұрған жылы судың астына сабындап тазалап жуады. Егер қол таңба таза болса, алдын ала жуудың қажеті жоқ, эмалданған екі шараға құйылған жылы аммиак ерітіндісіне (мұсәтір спиртіне) алма кезек жуу арқылы іске асырады. Ол үшін әр-шараға 2 литр қайнаған су құйып, оған 10 мл аммиактан қосады. Қолды зарарсыздандыралған дәкеден жасалған шаршылармен жуады. Алақанды ысқылап жуумен қатар, көп уақыт ерітіндінің ішіне батырып тұрған дұрыс. Бірінші шарадағы ерітіндіде негізінен білекті, тырнақ көбелерін, алақанды мұқият ысқылап жуса, екіншісінде –саусақтар мен білек буынына дейінгі аралықты жуады. Әр ыдыста қолды 3 минут жуған дұрыс. Содан кейін қолды зарарсызданған орамалмен немесе шаршымен ұқыптап тұрып сүртеді. Құрғатылған қолды (саусақтары мен білек буынына дейінгі аралықты) 2ұ минуттен 96% этил спиртімен екі мәрте мұқият сүртеді.
Жоғарыдағы тәсіл қолдың терісіне зиянын тигізбейтін сенімді, кез келген жағдайда пайдалануға қолайлы тәсіл болып саналады.
Фюрбрингер тәсілі. Қолды қылдан жасалған екі шөткемен бірінен соң бірін ауыстырып ағып тұрған жылы судың астында 10 минуттей сабындап жуады. Содан соң қолды зарарсызданған шаршымен құрғатып, 70% этил спиртімен, сынап дихлоридының (сулема) 1:1000-ға дейін сұйытылған ерітіндісімен 3 мин сүртеді. Тырнақ көбелеріне йодтың спирт ерітіндісін жағады.
Жедлел жағдайда қолды тездетіп өңдеудің тәсілі. Қолды ағып тұрған судың астында сабындап жуып, таза орамалмен сүртіп құрғатады. Содан кейін кішкене мақтаға немесе дәкеге 5-7 мл теріні жұмсартатын немесе дезинфекциялайтын ерітіндіден қйып, алақанды, саусақтарды 1-2 минут мұқият сүртіп тазалайды.
Қолдың терісін жұмсартып тазалау үшін этил спиртін, 5% танин ерітіндісін пайдаланса, дезинфекциялау үшін 5% фенол ерітіндісін (карбол қышқылы), сұйытылған ертіндісін, диоцид ерітіндісін (1:5000), 0,5% хлорамин ертіндісін пайдаланады. Егер зарарсызданған қолғаптар болса, оларды тазаланбаған қолға киюге болады. Көмек көрсетіп жатқан кезде қол былғанып қалатын болса, қайтадан дезинфекциялайтын ерітінділермен жуып тазалап отыру керек.
Хирургиялық құрал-саймандарды өңдеу және залалсыздандыру
Хирургиялық құрал-саймандар инфекциялық қауіпсіздікті қамтамасыз етуге тиіс. Микроорганизмдерді жою дезинфекциядан, тазалаудан және залалсыздандырудан тұрады.
Іріңді операциялар мен таңулардан кейін, сонымен қатар соңғы 5 жыл ішінде гепатитпен ауырған науқастарға жасалған, қолданылған құрал-саймандарды басқалардан бөлек өңдейді. Дезинфекция мен өңдеудің барлық процедураларын медицина қызметкері міндетті түрде жеткілікті қалыңдықтағы латекстен жасалған қолғаптар мен халатта, маскада, су өтпейтін алжапқышпен өткізеді. Өткір заттардан абай болып жұмыс істеу қажет.
Қолданған құрал-саймандар, дезинфекциялаушы ерітіндісі бар ыдыста жуылып, басқа дезинфекциялаушы ерітіндісі бар ыдысқа құрал-саймандар толығымен батырылады. Экспозия уақыты қолданылған дезинфекциялық ерітіндіге байланысты.
Залалсыздануды өткізгеннен кейін құрал-саймандар ағынды сумен жуылады. Тазалау құрал-саймандарды жуатын арнайы ерітіндіге (оның құрамына жуғыш зат, сутектің асқын тотығы және су кіреді) батырып қою арқылы жүргізіледі. Экспозиция уақыты 40-45º температурада 15-20 минут. Бұдан кейін құрал-саймандар осы ерітіндіде щеткамен жуылып, ағынды немесе тазаланған суда шайылады.
Кептіруді табиғи жағдайда жаялықта немесе құрғақ бу шкафында 80º температурада 30 минут өткізеді.
Металдан жасалған кеспейтін хирургиялық инструменттер құрғақ бу шкафында немесе автоклавта залалсыздандырылады. Бір рет қолданылатын инструменттер сәулелік әдіспен залалсыздандырылады. Кесетін инструменттерді залалсыздаудың негізгі әдісіне химиялық антисептикалық ерітінділерді қолдану жатады. Кейде құрғақ бу шкафында да залалсыздауға болады. Олар үшін ең тиімді әдіс газбен немесе сәулемен залалсыздау. Резеңкелі медициналық заттарды (катетрлер, зондтар, дренаждар, қолғаптар) залалсыздау автоклавтау әдісімен 1 атм қысымда 30 минут бойы жүргізіледі.
Соңғы уақытта медицина тәжірибесінде зауыттық сәулелендіруден өткен медициналық және пластмасты бір реттік резеңкелі заттар көп қолдануда. Оптикалық құралдарды залалсыздау үшін (лапароскоп, гастроскоп және т.б.) залалсыздаудың газды әдісі немесе суық химиялық түрі қолданылады.
Қолды өңдеу – емдеу, алдын алу мекемелеріндегі медицина қызметкерлері мен науқастар арасында микроорганизмдердің таралуын болдырмау үшін қолданатын ең тиімді әдіс.
Аздап ластанған қолдарды қарапайым сабынды сумен жуып, теріде болатын көптеген микроорганизмдерді кетіреді. Қолды жууды тамақтану алдында, науқастарға тамақ беру кезінде, тағам өнімдерімен жұмыс істеу алдында, дәретханадан шыққан кезде, науқастарға күтім жасаудың алдында және кейін, қолдың ластануының барлық түрлерінде, қолды хирургиялық өңдеуге дейін өткізеді.
Қолды антисептикалық заттарды қолданып дезинфекция жасау микроорганизмдерді жоюдың тиімді тәсілі.
Қолдың дезинфекциясын иммунитеті төмендеген науқасқа күтім жасар алдында, жараларды таңу мен катетрлерді қою, күтім жасау алдында және кейіннен, ағзаның биологиялық сұйықтықтармен қарым-қатынас болғаннан кейін және хирургиялық іс-шаралар өткізу үшін қолғаптарды киер алдында және болғаннан соң жасайды.
Қолдың хирургиялық өңдеуін барлық өткізілетін хирургиялық іс-шаралар алдында жүргізіледі. Ол микроорганизмнің транзиторлы флорасын жояды және қолғап зақымдалған кезде хирургиялық жараның ластану қаупінің алдын алады.
Қолды өңдеудің классикалық әдістеріне жататын Спассокукоцкий – Кочергин, Альфред тәсілдерінің тек тарихи мәні бар және олар қазіргі таңда қолданылмайды.
Қазіргі заманда қолданылатын әдістерге қолды первамурмен, хлоргексидинмен, дегминмен, дегмицидпен, церигельмен, АХД, АХД – специаль, евросептпен өңдеу жатады.
Қолды первамурмен өңдеу: Первамур бұл құмырсқа қышқылынан, сутектің асқын тотығынан және судың қоспасынан тұратын ерітінді. Бұл қоспа ретінде теріде жұқа қабат түзеді және оның тесіктерін толығымен жабатын күшті антисептик болып есептеледі, 2-4% ерітіндісі қолданылады. Өңдеуді 1 минут бойы ыдыстарда жүргізіп, одан кейін қолды залалсызданған сүлгімен кептіреді.
Хлоргексидинмен қолды өңдеу: 0,5% хлоргексидиннің спиртті ерітіндісі қолданылады. Қолды өңдеу антисептигі бар тампонмен 3 минут бойы сүртеді.
Дегминмен және дегмицидпен өңдеу: Бұл антисептиктер беткей әсер ететін белсенді заттар тобына жатады. Өңдеу ыдыстарда 5-7 минут бойы жүргізіліп, кейіннен қол залалсызданған сүлгімен кептіріледі.
Церигельмен өңдеу: Церигель – қабат түзгіш антисептик. Өңдеу үшін оны 3 минут бойы қолдың бетіне жақсылап жағады.
АХД, АХД – специаль, евросептпен өңдеу: Бұлардың құрамында этанол, полинолдың май қышқылының эфирі, хлоргексидині бар біріктірілген антисептиктер. Қолды өңдеу үшін ерітіндіні екі рет қол терісіне 2-3 минут бойы сіңдіріп жағу жолымен өткізеді. Бұл қазіргі таңда ең көп таралған және жетілдірілген әдіс болып есептеледі.
Науқастың қанымен қарым-қатынаста өтетін операциялар мен манипуляциялар тек қолғаппен жасалынуы тиіс. Кіші манипуляцияларды жасау немесе өлім алдындағы жағдайларда қолға арнайы өңдеу өткізбей-ақ міндетті түрде залалсызданған қолғапты бірден киюге болады.
Операция аймағын өңдеу
Операция аймағын өңдеу 2 кезеңнен тұрады.
І кезеңде сабынды сумен гигиеналық жуу, түктерді қыру өткізіледі.
ІІ кезең операция алдында жүргізіледі.
Қазіргі кезде операция аймағын өңдеу үшін йодонат, йодоперин, хлоргексидин биглюконат, 70% спирт, первамур, АХД, бриллиант жасылы қолданылады. Кең ауқымды өңдеуді операция аймағын залалсызданған жаялықпен шектеу алдында, кесуді жасар алдында және жараға тігіс салу алдында және тігіс салып болғаннан соң орталықтан шетке қарай 2 рет жүргізіледі.
Залалсызданғандықты бақылау әдістері
Медициналық заттардың залалсызданғандығы міндетті түрде бақыланады. Сонымен қатар құрал-саймандарды залалсыздандыруға дейінгі өткізілетін өңдеу бақылауға алынады.
Залалсыздандыруды бақылауда ең тура мәлімет беретін-бактериологиялық әдіс. Залалсызданған заттардан жұғымды алғаннан кейін бактериологиялық лабораторияда олар әр түрлі қоректі орталарға егіледі. 3-5 күннен соң бактериологиялық ластану дәрежесі анықталады. Залалсыздандырғандықтың бактериологиялық зерттеуі міндетті түрде 7-10 күнде 1 рет өткізіледі.
Залалсыздандырудың термиялық тәсілдерімен тікелей емес бақылау жүргізіледі және ол залалсыздандыруға қажетті температураны анықтайды.
Автоклавтау кезінде залалсыздандыратын қорапқа балқу температурасы 110-120º аралығында болатын ұнтақ тәрізді заты бар ампула салынады. Егер залалсыздандырудан соң зат еритін болса, онда бикстегі медициналық құрал-саймандар залалсызданған болып саналады. Бұл әдіс үшін бензой қышқылы, (балқу температурасы 120º), резорцин (балқу температурасы 119º), антипирин (балқуы 110º), термоиндикаторлар қолданылады.
Залалсыздандыруды құрғақ булы шкафта өткізгенде балқу нүктесі жоғары заттар қолданылады: аскорбин қышқылы (балқуы 190º), янтарь қышқылы (балқуы 180º), тиомочевина (балқу температурасы 180º), термоиндикаторлар.
Залалсыздандыруға дейінгі өңдеудің сапасын анықтауды құрал-саймандарды өңдегеннен кейін және кептіргеннен соң өткізеді. Гемоглобиннің (қанның) болуына, тотықтырғыштардың, хлорлы заттардың, жуатын заттардың, тотықтың болуына тексеріледі. Қанды анықтау үшін амидопиринді және азопирамды сынамалар өткізіледі. Жуатын заттарды анықтау үшін фенолфталеинді және азопирамды сынамалар жасалынады.
Тотықтырғыштардың құрамында хлоры бар заттардың және тотықтың бар жоғын анықтау үшін азопирамды сынама жүргізіледі.
Сынаманың оң нәтижесі кезінде құрал-саймандар жағылған ерітінді түсін өзгертеді. Емдік – профилактикалық мекемелерде әр өңделген партиядан 1-4% заттар медициналық бақылауға алынады, ол 3-5 бірліктен кем болмауы тиіс. Сынама оң нәтиже көрсеткенде бұл заттардың барлық партиясы қайта өңдеуге жіберіледі.
Емдеу бөлмелерін (палаталар, дәліз, дәретхана, жуынатын бөлме) жинастырудың ерекшеліктері:
Бөлмені ағынды жинастырудан өткізу мақсаты: санитарлық-гигиеналық талапты сақтау, ауруханаішілік жұқпаның алдын алу. Емдеу сауықтыру мекемелерінде ағынды жинастыру 2 рет ылғалды әдіспен, кей жағдайларда жиірек жүргізіледі. Ол үшін қажетті заттар: шелек, швабра, шара, еден жуу үшін шүберек, таза шүберек (шаң сүртуге), зарарсыздандыру ерітіндісі, халат, орамал, алжапқыш, резеңке биялай, өлшемі бар ыдыстар.
Іс-әрекеттер: Орамалды тағып, халатты, алжапқышты киіп, резеңке биялайды киіңіз. Зарасыздандыру ерітінділерінің бірін әзірлеңіз. Бөлмеге ылғалды жинастыру жүргізіңіз: таза шүберекті ерітінділердің біріне малып, жиһаздарды, терезенің алдын сүртіңіз. Еденді мынандай тәртіппен жуу қажет: қабырғалардан ортаға жинаңыз, содан соң төрден төмен қарай жуамыз. Ылғалды жинастырудан соң бактерицидты шамды 30 минутқа қосыңыз, терезе есікті 10-15 минутқа ашып желдету.
Коридор (дәліз) жинастырудың өзіндік ерекшеліктері бар. Себебі бұл барлық жатқан науқастар, науқастардың туыстары, медицина қызметкерлерінің және көрінуге келген науқастардың бәрі жүретін жер. Күніге 2 рет ылғалды жинау және ластануына қарай тазалау керек. Бактериоцидты шамды 30 минутқа қолданады. Оның өзінің шелегі, швабрасы, шаңдарды сүртуге (терезе есік) арналған шүберегі, еденді жууға арналған шүберегі болады және бәрінде белгісі болуы керек. Аптасына 1 рет қорытынды жуу, бактерицидты шамды 1 сағатқа қою.
Дәретхана – аурухананың әр бөлімшесінде бірнешеуі болуы керек, себебі: медицина қызметкерлеріне арналған, ер адамдарға және әйел адамдарға арналған болады. Бөлімшенің санитарлы - гигиеналық бөлмесіне жақын жерде орналасқан болуы керек. Әжетхана ішінде дезинфекциялық ерітіндісі бар үлкен ыдыс болуы керек, оған дәрет ыдыстарын 1 сағатқа салып қою қажет және терезесі ашылатын желорай болуы шарт. Әрі су жақсы ағатын, қағаз салатын шелек, өзінің еденін жуу үшін шелек, шүберек, швабрасы оның өзінің белгісі (маркировка) болуы керек, күніне бір неше рет жуылады және ластануына қарай сүртіледі.
Жуынатын бөлмені тазарту ерекшеліктері бар: бір айда бір рет қорытынды жуу, күніне екі рет ылғалды жуу. Аяқтың астына ағаштан жасалынған тор таяқша немесе резеңке төселінеуі керек. Терезесі ашылатын, жарық әрі әйнектерден адам бойы көрінбейтіндей етіп бояу жағылуы керек. Бөлме термометрі, су термометрі және жеке сабын, жеке жөке, жеке сүлгі және жеке сыртқы киімдеріне арналған шкаф болуы қажет. Дезинфекциялық ерітінділермен толтырылған ыдыс, арнайы су құйғыш болуы керек. Медициналық шкафта қайшы, стакан, станок тағы да басқа керекті заттар әр науқасқа бір біреуден болуы керек.
Тұтас (генеральный) жинау ерекшеліктері
Емдеу бөлімшесінің палаталары кең, жарық, көп дегенде 6 адамға есептелген болуы керек.
Қабырға майлы бояумен боялып, еденге линолеум төселінеді, палаталар ең қажетті жабдықтармен (төсек, үстел, тумба, орындықтармен) жабдықталады. Төсектер ыңғайлы болуы тиіс. Ауруханалық жиһаздардың беті жұмсақ, жеңіл жуылатын болу керек.
1-2 адамдық палаталарға бірінші кезекте ауыр науқасты емделушілер жатқызылады.
25-30 емделушіге бекітілген мейірбикелік бекет болады.
Бекет орнында дәрі-дәрмек құралдарына арналған шкаф, үстел, орындық, күту жабдықтарына арналған шкаф, тез бүлінетін дәрі-дәрмек құралдарына арналған мұздатқыш, дәрі-дәрмек құралдары тарататын жылжымалы үстелше, әртүрлі манипуляциялар дайындайтын үстелше, шүмекті раковина болу керек. Мейірбикелер бекетінен барлық палаталар көрініп тұруы қажет. Бекет орны ауыр науқасты емделушілермен байланысты болу керек. Бекетте барлық ауруханалық бөлімшелердің телефон тізімінің болғаны дұрыс.
Стерилизация (залалсыздандыру) -бұл физикалық факторларменжәне химиялық заттармен микроорганизмдерді және олардың спораларын жою.
Жарақаттармен жанасатын, қан немесе инъекциялық препараттармен қатынаста болатын, қолдану кезінде кілегей қабықтармен жанасатын, олардың жарақаттануына алып келуі мүмкін болған медициналық саймандарды залалсыздандыру қажет.
Залалсыздандырудың мақсаты асептика ережелерін сақтау
Залалсыздандыру екі түрге бөлінеді:
1. Физикалық: қайнату, ылғалды бу, ыстық ауа, гамма сәулесі.
2. Химиялық: газбен,салқын әдіспен.
Қазіргі уақытта ЕПҰ- да залалсыздандырудың бірнеше түрі қолданылады.
Ауамен залалсыздандыру (ыстық, құрғақ ауамен), автоклавтау (ыстық будың қысымымен), химиялық залалсыздандыру (түрлі химиялық заттарды қолдану), газды залалсыздандыру (гамма сәулесімен жүргізілетін залалсыздандыру).
Залалсыздандырудың ең көп тараған түрі автоклавтау.
Автоклавтау туралы түсінік
Автоклавтау булы стерилизаторлармен жүзеге асады. Булы стерилизаторларда жоғары температура (138˚С ке дейін) және жоғары қысым (2,5 атм дейін) орнатылады.
ЕПҰ-да стерилизацияның 2 режимі ұсынылады.
1 режим – температура 132˚С, қысым – 2 атм, уақыты-20 минут.
Бірінші (негізгі) режим бөз дәкеден жасалынған таңу материалдарын, киімдерін, жаймаларды және коррозияға төзімді металдан, шыныдан жасалған саймандарды залалсыздандыруға арналады.
2-режим – температура 120˚С, қысым 1,1 атм, уақыты 45 минут.
Екінші режим (сақтаушы) резина, латекстен (хирургиялық қолғаптар т.б.), полимердің кейбір түрлерінен жасаған саймандарды залалсыздандыруға ұсынылады. Жоғары қысымды бумен залалсыздандырылатын саймандарды алдын ала арнайы бикс немесе контейнерлерге орналастырады немесе арнайы крафт-пакетке немесе бөз матаға оралады.Залалсыздандырудың бұл түріне тиімділік, сенімділік тән. Залалсыздандырудың сенімді нәтижесін алу үшін материалдарды бикске өзара бос орналастырып, залалсыздандыру уақытын нақты ұстау керек.
Залалсыздандырудың шарттары:
Залалсыздандыру филтрлі, филтрсіз қорапшада, бөз матада немесе дымқылдықты өткізбейтін қағаздан жасалған қорапшада, Е маркалы автоматтарда бұйымдар орағыштарға арналған қағаз қорапшада өткізіледі. Бикске салудың универсалды, мақсатты, түрлі (видовая) түрлері бар:
- Универсалды бір бикске бір түрдегі халаттар салынған, салфеткалар, мақта шариктер.т.б.
- Мақсатты үлкен операцияға арналған таңу материалы мен жаймалар салынады.
- Түрлі кезінде бір операцияға арналған барлық материал бір бикске салынады.
Медициналық саймандарды мен операциялық жаймаларды дайындау және бикске орналастыру
ü Биксті, халаттарды, жаймаларды, таңғыш материалдарды дайындаймыз;
ü Бикстің ақаусыздығын тексереміз;
ü Бикстің ішін 2 рет сүртеміз;
ü Бикстің ішіне жайма төсейміз:
ü Бикске біріңғай материалдан жасалынған заттарды саламыз;
ü Халаттарды, жаймаларды, орамалды, салфеткаларды, мақта шариктерін т.б
ü Бикске тек қана залалсыздандыруға дайын материалды қатаң тәртіппен саламыз;
ü Бикске салынатын материалдардың саны белгіленген болуы керек;
ü Таңу материалдарын 10 дана етіп, орам түйіншегімен саламыз:
ü Дәкелі шариктерді 50-100 дана етіп, дәкелі түйіншекке саламыз;
ü Бикстің ішін спиртті салфеткамен өңдеп аламыз;
ü Сосын жайманы төсейміз, материалдарды салып, жайманың шеттерімен үстін жабамыз, арасына бу кіріп, жақсы зарарсыздандыру үшін бос етіп саламыз;
ü Материалдарды жайғастырған кезде вертикальді және қатарымен салуды қадағалау керек;
ü Бикстің қақпағына индикатор қағазын саламыз;
Ыстық, құрғақ ауамен залалсыздандыру
Металл және шыны саймандарда ұсынылады. Стерилизация камерасында жұмысшы 180˚С температура, уақыты – 60 минут
Дайындау қажет:
Крафт пакетке салынған және ашық эмаль астаушаға салынған шприц және инелер, хирургиялық саймандар: пинцет, зажим, корнцанг т.б., тиомочевина салынған флакон.
Алгоритм іс-әрекеттері:
1. Крафт-пакеттерді ашық эмальды астаушаға салынған шприц пен инелерді хирургиялық саймандарды арнайы ыстық-құрғақ ауа шкафқа жайғастырылады.
2. Шкафтың қызуын өлшеу үшін тиомочевинасы бар флакон салады.
3. Стерильдеу 180˚С –та 1 сағат жүргізіледі.
4. 1 сағат уақыт өткеннен соң шкафты ашып, тиомочевина тексеріледі, егер тиомочевинаның ұнтағы сары қоңыр теске кірсе, онда шкафтың ішіндегі ауаның қызуы жеткілікті екенін білдіреді.
5.Медициналық құрал-саймандар стерильді деп саналады.
Есте сақтау. А/ крафт пакеттегі медициналық құрал - саймандардың стерильдігі 3 тәулікке дейін сақталады.
Б/ ашық эмальды астаушадағы медициналық құрал-саймандар тез арада қолданылуы керек.
В/ бұл шкафқа жұмсақ бөз орамын салуға болмайды.
Ауалы стерилизаторларда (құрғақ ауалы шкафтарда) жұмыс істеу тәртібі
1. саймандар суық стерилизаторға орналастырылады;
2. қыздыру;
3. стерилизация (180˚С – 60 минут);
4. суыту 40-50˚С –ке дейін;
5. босатып алу.
Химиялық заттармен залалсыздандыру
Сүтегінің асқын тотығы – залалсыздандыру үшін 6% ерітінді қолданылады – экспозиция 180 минут, температура 50˚С, полимер, резина, шыны және коррозияға төзімді металдарды толық батыру – экпозиция 360 минут, температура 18˚С болу қажет. Осы уақыттан кейін саймандар 2 рет залалсызданған сумен шайылып, залалсызданған контейнерге орналастырып, қақпағы жабылады (залалсыздану мерзімі – 3 тәулік) немесе қолдану үшін залалды аспаптарды үстел үстіне жайып қойылады.
«Дезоксон-1» - түссіз, сірке қышқылына ұқсас иісті, суда, спиртте жақсы ериді.
Залалсыздандыру үшін 1% жұмысшы ерітінді қолданылады (препараттың 200 мл – 800 мл сумен араластырылады) – экспозиция 45 минут температура 180˚С, ерітінді 1 тәулікке жарамды, тек 1 рет қолданылады.
Залалсызданған саймандар залалсыз сумен 3 рет шайылады, сосын залалсызданған стерилизациялық қорапшаға залалсыз жайма үстіне орналастырылады. 3 тәулікке дейін сақтауға болады.
Залалсызданғандықты бақылау
Бактериологиялық, техникалық, термиялық әдістер арқылы жүргізіледі.
Бактериологиялық әдістер - өте анық, бірақ орындау үшін уақытты талап етеді. Стерилизатор жұмысының тиімділігін бақылауға мүмкіндік береді.
Техникалық әдістер – камераларға термометр, жұмысты бақылау манометрлерді орналастыру арқылы жүзеге асырылады.
Термиялық әдістер – күнделікті жүргізіледі. Ол кейбір ұнтақ түрінде заттардың белгілі температура әсерінен түсін өзгерту және еру қасиетіне негізделген. Бақылау үшін температуралы қысымды уақытқа анықтау саймандары, химиялық тесттер, термохимиялық индикаторлар, биотесттер қолданылады.
Келесі заттар қолданылады:
Залалсыздандыру өткізу кезіндегі техника қауіпсіздігі
Орталықтандырылған залалсыздандыру бөлімшесінде жұмыс істеу
ОЗБ – орталықтандырылған залалсыздандыру бөлімшесі қазіргі кезде барлық емдеу мекемелерінде ұйымдастырылған.
Мақсаты:
1. Медициналық құралдарды алдын ала тазарту, залалсыздандыру
2. Залалсыздандыру:
а) медицина құралдарын;
б) киімдерді төсек жапқыштар мен таңу матералдарын
в) хирургиялық биялай мен резеңкелі өнімдерді.
ОЗБ-нің құрылысы:
1. Залалсызданбаған блок;
2. Залалсызданған блок;
Залалсызданбаған блокта құралдарды, залалсыздандыру алдындағы тазартуды, залалсыздандыруға арналған материалды және бу стерилизаторларын, құрғақ ауа шкафтарын дайындау жүргізіледі.
Залалсызданған блокқа залалсызданған матералды түсіреді. Залалсыздандыруға қанмен, жарамен және зарарланған заттармен қатынаста болған барлық құралдар мен өнімдер жатады. Қолдану барысында кілегей қабықтарға тиетін және оларға жарақат әкелетін құралдар да (катетер, зонд) залалсыздандырылады.
Залалсыздандыруда бу, ыстық ауа және химиялық әдістер қолданылады.
Залалсыздандыру тәртібі
Заласыздандыру тәртібі:
Өнімдер (мақта шариктері, шприцтер, инелер, жаялықтар, пинцеттер) залалсыздандырғыш қораптарға, крафт-пакеттерге, 2-қабатты жұмсақ базелді қораптарға салынады. t - 120˚С, қысымы 1,1 атм. уақыты 45 минут.
Залалсыздандырудың бұл кезеңі резеңке өнімдерді (катетер, зонд, биялайлар) өңдеуге қолданылады. Резеңке қолғаптардың ішіне және сыртына жабысып қалмау үшін тальк себеді. Қолғаптардың арасына дәке салады және әр қолғапты дәкеге орайды. Бикстегі, крафт пакеттегі, 2-қабатты жұмсақ қораптағы залалсыздандырылған материалдар 3 күн сақталады.
Автоклавтың залалсыздандыру тәртібін залалсыздырған заттардың ішіне салынған термометрлер көмегімен бақылап отырады.
Залалсыздандырудың сапасын бензонат қышқылы арқылы тексереді. Бу мен заласыздандырғанда бензонат кышқылы кристалдары бар флакон салынады, ол t - 132˚С, қысымы - 2 атм кезінде балқиды.
Бу әдісімен залалсыздандыру
Залалсыздандыру камерасындағы будың кысымы:
• көрсеткіші - 2,0 атм;
• шегіне жеткен ауытқуы + 0,2;
Залалсыздандыру камерасындағы күнделікті температура, С;
• көрсеткіші 132˚С;
• шегіне жеткен ауытқуы + 2;
Минуттарда көрсетілген стерилизаторда ұстау мерзімі:
• колмен немесе жартылай автомат жүргізуімен 20 мин төмен емес;
• автомат жүргізуімен;
• көрсеткіші - 20 минут.
Қолданылуы:
• коррозияға шыдайтын темірден жасалынған өнімдер үшін ұсынылады;
• жеке полимер материалдар және латекс резеңкеден жасалынған өнімдер үшін (жоғары беріктілік полиэтилен, ПВХ пластмассасы) ұсынылады.
Залалсыздандыру өткізу шарттары
Залалсыздандыру фильтрлі не фильтрсіз корапшада, бөз, пергамент немесе дымқылдықты өткізбейтін қапшықты қағаздан жасалған қорапшада, Е маркалы автоматтарда, бұйымдарды орауға арналған қағаз корапшада, ОКМВ - 120 маркалы темір бұйымдарға арналған орағыш қағазда, екі қабатты тығыздалған қағаздан жасалынған екі қабатты жұмсақ орағышта өткізіледі.
Қолданылатын жабдықтау: бумен стерилизациялау.
Сапасын бақылау бензой қышқылының көмегімен тексеріледі: бу ішіне 132˚С температура, 2 атм кысымында 20 минуттың ішінде балқитын бензой қышқылының кристалдарымен шишаға салынады.
Залалсыздандырудың түрлері:
1. Физикалық - қайнату, ылғалды бу, ыстық ауа, гамма сәулесі.
2. Химиялық - газбен, салқын әдіспен.
Жуу ерітіндісінің құрамына жатады:
1. 27,5% -17мл сутегінің асқын тотығы.
2. 5,0г ұнтақ \лотос, астра, айна\.
3. 978 мл су.
Автоклафта заласыздандырудың түрлері:
1. Крафт пакетке салып.
2. Боз орамға орап.
3. Ашық ыдыс астаушада.
Заласыздандыруды өткізу шарттары:
Барлық залалсыздандырылатын агенттер үшін залалсыздандырудың стерилизаторда ұстау мерзімінде өнімдер толық ерітіндіге батырылуы тиіс, содан кейін өнімдерді екі рет тазартылған сумен шаяды. Тазартылған жаймамен төсенген стерилизатор ыдысында залалсыздандырылған затты сақтау мерзімі 3 тәулік.
4.Қабылдау бөлімшесінің құрылымы және қызметтері Науқастарды қабылдау және санитарлық тазалықты ондеу.
НАУҚАСТАРДЫ ҚАБЫЛДАУ ЖӘНЕ САНИТАРЛЫҚ ӨҢДЕУ
Қабылдау бөлімінің құрылымы мен негізгі қызметтері. Науқастарды қабылдау және тіркеу.
Медициналық құжаттарды толтыру.Науқастардың белсенділік тәртібі, төсектегі қалпы.Қабылдау бөлімі аурухананың өте маңызды бөлімшесі болып табылады. Аурухананың орталық қабылдау бөлімінің негізгі міндеттері:
1) науқастарды қабылдау және тіркеу;
2) науқастарды қарау, алғашқы тексеру және диагностика;
3) жаңадан түскен науқастарды санитарлы-гигиеналық өңдеу;
4) квалифицирленген медициналық көмек көрсету;
5) науқастарды аурухананың емдеу бөлімшелеріне тасымалдау. Қабылдау бөлімінде түскен ауруларды тіркеу және керекті құжаттарды толтыру жүргізіледі.
Барлық медициналық құжаттарды қабылдау бөлімінің мейірбикесі толтырады:
1. Науқастарды ауруханаға жатқызу және жатқызудан бас тартуды тіркейтін журнал - ф. №001/у.
2. ф. №ООЗ/у.
3. ф. №066/у.
4. ф. №058/у.
5. ф. №060/у.
Мейірбике науқасты қабылдау есебі журналына (001/у формасы) науқастың дене жылуын, аты-жөнін, туған жылын, күнін, кайдан және кіммен әкелінгенін, жіберген мекеменің диагнозын, қабылдау бөлімінінң диагнозын, қай бөлімшеге жіберілгенін белгілейді. Сонымен қатар, ауруханалық науқастың медкартасының сыртқы бетін (003 |у формасы). Сырқатнаманың төлқұжат бөлімін, ауруханадан шыққан науқастардың санақ картасының сол жақ (066/у) жартысын, педикулез немесе басқа да жұқпалы ауру анықталғанда СЭС - ке шұғыл хабарлама (058/у формасы) толтырады.
Ауруханаға туушы әйелдер мен жұқпалы аурулардан баска науқастардың барлығы орталық кабылдау бөлімі арқылы түседі. Инфекциялық бөлімшеге және туу үйіне орталықтанбаған түрде осы ғимараттардың арнайы бөлінген бөлмелері (санитарлық өткізгіші немесе қабылдау-қарау боксы) арқылы жүргізіледі. Сондай-ақ, шұғылк көмекті қажет ететін науқастар кейде қабылдау бөліміне апарылмай бірден реанимация бөлімшесіне жеткізіледі. Қабылдау бөлімі күту залынан, мейірбикенің кезекшілік бөлімінен (тіркеу орны), бір немесе бірнеше қарау бөлмелерінен, емшаралық бөлмеден, таңу, ал кейде кіші операция бөлмесінен, изолятордан, санитарлық өткізгіштен, ренген кабинеттен, зертханадан, санитарлық бөлмеден тұрады. Күту залы жүретін науқастар мен оны алып келген туыстарына арналған. Мұнда үстел және жеткілікті мөлшерде орындытар болуы керек. Қабырғаларға емдеу бөлімшелерінің жұмыс тәртібі, емдеуші дәрігермен сөйлесу сағаты, науқастарға әкелуге болатын тағамдар тізімі, аурухана анықтама қызметінің телефоны туралы деректер ілінеді. Сонымен қатар, науқастарға келуге болатын күндер мен сағаттар керсетілуі қажет. Күту залының жанында кезекші мейірбикенің бөлмесі болады.
Қабылдау бөлімінде түскен ауруларды тіркеу және керекті құжаттарды толтыру жүргізіледі. Емшаралық бөлме, таңу (таза және іріңді), сондай-ақ, кіші операция бөлмелері шұғыл көмек көрсетуте арналған. Сонымен катар, қабылдау бөлімінде диагнозы түсініксіз науқастарды жатқызатын бірнеше палата болады. Бұл палаталарда жеке санитарлық бөлме болуы қажет, Ауруханаға түскен науқастарды санитарлық өңдеу үшін қабылдау бөлімінде санитарлық өткізгіш (булау, душ, киім ауыстыратын бөлме және т.б.) бар. Науқасты санитарлық-гиниеналық өңдеуді мейірбике басқарады. Бұл өңдеу қабылдау бөлімінің санитарлық өткізгішінде жүргізіледі және мына төмендегілерден тұрады:
1) дезинсекция - науқасты қарағанда анықталған зиянды жәндіктерді (биттерді) кұрту;
2) гигиеналық булау, душ немесе науқастың денесін сүрту;
3) науқасқа таза ауруханалық киімдерді кигізу.
Қабылдау бөлімінің санитарлық өткізгіші қарау, шешіну, булау-душ және киіну бөлмелерінен тұрады. Санитарлық тазалау кезінде науқастар қозғалуының бағытын қатал сақтаған жөн: қарау бөлмесінен науқастар киінетін «таза» бөлмеге қарай, яғни гигиеналық булау немесе душтан кейін науқас шешінетін жерге қайтадан бармауы керек.
Санитарлық өткізгіш науқасы санитарлық-гшиеналық өңдеуді жүргізуге қажетті заттармен жабдықталған. Бұл жерде кушеткалар, таза және кір киімдерге арналған шкафтар мен бөшкелер, санитарлық өңдеуге арналған заттар қойылған шкаф немесе үстел: клеенка, монша сабыны, "таза жөкелер" деген жазуы бар белгіленген ыдыстағы жеке жуынуға арналған жөкелкер, шашты алатын машинкалар, қырынатын кұралдар, қайшылар, сондай-ақ, судың, ауаның жылуын өлшейтін термометрлер, ваннаны санитарлық тазалауға арналған арнайы жөкелер мен щеткалар, санитарлық өткізгіштің бөлмелерін зарарсыздандыруға және жууға арналған шелек және т.б. заттар.
Қабылдау бөлімінің мейірбикесі санитарлық-гигиеналық өңдеуді бастамас бұрын педикулезді анықтау үшін науқастың шаш жабындыларын тиянақты қарауы қажет. Бит табылған жағдайда (басқа жұқпалы аурулар табылғандағыдай) науқасты толық (науқасты моншада немесе ағын судың астында сабын және жөкемен жуындырады, науқастың үстіндегі іш киімдеріндегі, сырт киімдеріндегі, аяқ киімдеріндегі және тұрғылықты жеріндегі төсек жабдықтарындағы микроорганизмдерді жою керек, яғни дезинфекция мен дезинсекция) өңдеу немесе жартылай өңдеу (тек науқасты жуындырады және киімдерін зарарсыздандырады) жүргізеді.
Бас шашындағы биттерді жою үшін бұрындары жиі қолданатын әдіс -керосин мен өсімдік майы бірдей мөлшерде алып араластырып баска жақса шашты қырықпай аман алып қалуға болады. Бұрындары қолданылатын әдістердің бірі 20% бензилбензоат суспензиясынан дайындалған сабынды ерітінді, 5% бор майы, бутадион, метилацетофос, ниттифор, карбофос және т.б. Қазіргі кезде дезинсекциялық шараларды жеңілдететін арнайы су сабындар мен лосьондар («Педикулин», «Рид», «Элко-инсект» және т.б.) бар.
Ауруханаға түскенде егер керек болса науқастар гигиеналық тұрғыдан моншада немесе ағын судың астында жуынады. Ол кезде монша алдын ала 1 % хлорамин ерітіндісімен өңделеді, сабынмен және ысқышпен жуылып ыстық сумен шайылуы керек. Судың температурасы шамамен 42 градустай болуы керек. Науқасты жуындыру реті: басы, денесі, колдары, шап аймағы, бел тұсы, іші және аяқтары. Жуындыру ұзақтыш 30 минуттан аспауы керек, Гигиеналық монша мен ағын суда жуындыруды шындығына келгенде барлық науқастарға бірдей қолдана бермейді, онын себептері түрліше. Жоспарлы түрде жатқызылатын науқастар жеке басының тазалығын үйлерінде реттеп келеді. Аурухананың арнайы киім кешектері қазіргі кезде нашар және көбіне жарамсыз болып жатады, сондықтан науқастар ауруханада үйлерінен әкелген киімдерін киіп жүреді.
Ауыз, жұтқыншақ, мұрын шырышты қабығынан жағынды алу қабылдау бөлімінде жүргізіледі. Бұл үшін залалсыз металл жаққыш (залалсыз пробирканың тығыны аркылы өткізілген сымға бекітілген мақта тампоны) колданылады. Бадамша безіндегі, таңдай имегіндегі немесе ауыз қуысы шырышты қабығындағы жара мен жұқа қабаттың шығарымдарын егу үшін науқасты жарыққа таман отырғызады, аузын кеңірек ашқызады. Сол қолдағы шпательмен науқастың тілінің түбірін басады, оң қолымен пробиркадан жаққышты абайлап алады, ешнәрсеге тигізбей жұқа қабатқа жетеді, жаққышпен бұл қабатты және оның шығаруларын сүртіп алады. Жағындыны танаудан алу үшін жаққышты өте абайлап сыртқы жағына тигізбей, алдымен бір, содан кейін екінші танау жолына енгізеді де егуге материал алады. Жағындыларды алғаннан кейін науқастың аты-жөнін, жасын, палатасын, материалдың атын және тексеру мақсатын көрсетіп лабораторияға бірден жіберген жөн.
Қабылдау бөліміне науқастар мынандай тәсілдермен әкелінуі мүмкін:
1) жедел жәрдем көлігімен (сәтсіздік жағдайларда, мертігулерде, жедел ауруларда және созылмалы аурулар өршігенде);
2) бөлімшелік дәрігердің жолдамасымен (үйде емдеу нәтижесіз болғанда) - жоспарлы жатқызу;
3) басқа емдеу-профилактикалық мекемелерден ауыстыр ақылы (әкімшіліктің келісімімен);
4) «Өздігінен» (ауруханаға жақын жерде жағдайының нашарлауына байланысты науқастың өз бетімен келуі).
Ауруханаға жатқызылмаған науқасты қабылдау бөлімінің дәрігері амбулаторлық ем немесе басқа емдеу мекемесіне жолдауды және апаруды анықтайды немесе қабылдау бөлімінде бақылауға қалдырады немесе үйіне қайтуға рұқсат береді.
Қабылдау бөлімі (сырқатты қабылдайтын жер) аурухананың бір бөлімі, ол сырқаттарды қабылдауға, тіркеуге, тексеруге және санитарлық гигиеналық жуып шаюға арналған. Қабылдау бөлімшесінде алғашқы диагноз, алғашқы дәрігерлік жәрдем көрсетіледі. Қабылдау бөлімшесі аурухананың жоспары мен құрылысына қарай орналасады. Орталықтандырылған және орталықтандырылмаған қабылдау бөлімі болады.
Орталықтандырылған қабылдау бөлімі дегеніміз аурухананың барлық бөлімшелерінің бір қабылдау бөлімі болады.
Орталықтандырылмаған қабылдау бөлімі бөлек орналасады және әрбір бөлімнің дербес бөлімшелері болады. Қабылдау бөлімшесі аурухана территориясына кіруге жақын және сырқаттарды тасымалдауға ыңғайлы жерде болуы тиіс. Ол үшін ыңғайлы төселген немесе асфальтталған жолдар, зембілдер мен оларды тасымалдау үшін кең баспалдақтар мен есіктер қажет.
Науқастар ауруханаға жоспарлы және жедел түрде түсуі мүмкін:
Қабылдау бөлімі аурухананың ең маңызды бөлімі болып табылады.
Қабылдау бөлімінің құрылысы:
Қабылдау бөлімшесінің міндеттері:
Қабылдау бөлімшесіндегі мейірбикенің қызметтері:
Дата добавления: 2015-08-13; просмотров: 788 | Нарушение авторских прав
| <== предыдущая страница | | | следующая страница ==> |
| Жалпы ережелер | | | Антропометрия |