Введение. Из пяти изводов Пространной редакции (Основного, Ипатьевского

Из пяти изводов Пространной редакции (Основного, Ипатьевского, Археографического, Маркеловского и Архивного) здесь публикуются списки двух старших: Основного и Ипатьевского.

В основе публикации – список Основного извода в сборнике первой половины XVI в., хранящемся в Государственной публичной библиотеке им. М. Е. Салтыкова-Щедрина, Основное собрание F.11.251, лл. 103 об. – 106 об.

Разночтения издаются по следующим спискам:

Основной извод:

1. А – Библиотека АН СССР в Ленинграде, 45.10.4, второй половины XVI в., лл. 134 об. –139.

2. У III – Государственный исторический музей, собр. Уварова, № 482, второй половины XVI в., лл. 174– 178 об.

3. У IV – Государственный исторический музей, собр. Уварова, №611, XVII в., лл. 151 об. – 155.

Ипатьевский извод:

Ип – Государственный исторический музей, Музейское собрание № 1009, 1420-х гг., лл. 95–96 об., в сборнике.

Текст

1. А се аз, князь великыи Ярослав, сын Володимеров, по данию отца своего сгадал есмь с митрополитом киевским и всея Руси Иларионом, сложихом греческыи номоканон; еже не подобаеть сих тяж судити князю, ни бояром его, ни судиям его, дал есмь митрополиту и епископом: роспусты по всем городом, 10-ю неделю мыта²⁷² к церкви и к митрополиту, а людем его не даяти мыта нигде; осминечье дал есми.

2. Аще кто умчить девку или насилить, аще боярская дочи будеть, за сором ей 5 гривен злата, а митрополиту 5 гривен золота; аще будеть менших бояр, гривна золота ей, а митрополиту гривна золота; а добрых людей будеть, за сором рубль, а митрополиту рубль; на умыцех по 60 митрополиту, а князь их казнить.

3. Аще кто пошибаеть боярскую дочерь или боярскую жену, за сором ей 5 гривен золота, а митрополиту 5 гривен золота²⁷³; а меньших бояр – гривна золота, а митрополиту – гривна золота²⁷⁴; нарочитых людей – два рубля, а митрополиту два рубля; простыи чади – 12 гривен кун, а митрополиту 12 гривен²⁷⁵, а князь казнитель²⁷⁶.

4. Аще же пустить боярин жену великых бояр, за сором ей 300 гривен, а митрополиту 5 гривен золота, а менших бояр гривна золота, а митрополиту гривна золота; а нарочитых людии 2 рубля, а митрополиту 2 рубля; простои чади 12 гривен, а митрополиту 12 гривен, а князь казнить.

5. ²⁷⁷Аще же девка блядеть или дитяти добудеть у отца, у матери или вдовою, обличивше, пояти ю в дом церковныи.

6. Тако же и женка без своего мужа или при мужи дитяти добудеть, да погубить, или в свиньи ввержеть, или утопить, обличивши, пояти (и)²⁷⁸ в дом церковный, а чим ю²⁷⁹ паки род окупить²⁸⁰.

7. Аже девка засядеть великих бояр, митрополиту 5²⁸¹ гривен золота, а менших бояр – гривна золота, а нарочитых людии – 12 гривен, а простои чади рубль.

8²⁸². Аже муж от жены блядеть, митрополиту нет кун, князь казнити²⁸³.

9. Аже муж²⁸⁴ оженится иною женою, а с старою не роспустится, митрополиту вина, молодую понятии в дом церковны(и)²⁸⁵, а со старою²⁸⁶ житии.

10. Аже поидеть жена от своего мужа за иныи муж или²⁸⁷ иметь блясти²⁸⁸ от мужа, ту жену поняти в дом церковный, а новоженя в продажи митрополиту.

11. Аще будеть жене лихыи недуг, или слепа, или долгая болезнь, про то еа не пустити.

12. Тако же и жене нелзе пустити мужа.

13²⁸⁹. Аще кум с кумою блуд створить, митрополиту 12 гривен, а опитемии указание от бога²⁹⁰.

14. Аще кто зажжеть гумно, или двор, или иное что, митрополиту 40 гривен, а опитемию подоимуть, а князь казнить²⁹¹.

15²⁹². Аще кто с сестрою блуд створить, митрополиту 40 гривен, а во опитемии указано по закону.

16. Аще ближний род поимется, митрополиту 40 гривен, а их разлучити, а опитемию приимуть.

17. Аще кто иметь две жены водити, митрополиту 20 гривен, а которая подлегла, тую пояти в дом церковный, а первую жену держати по закону. Иметь ли лихо ею держати, казнью казнити.

18. Аще муж роспустится с женою по своей воли, а будеть ли венчальная, и дадять митрополиту 12 гривен, будеть ли невенчальная, митрополиту 6 гривен.

19. Аще жидовин или бесерменин будеть с рускою, на иноязычницех митрополиту 50 гривен, а рускую поняти в дом церковный.

20. Аще кто блудить с черницею, митрополиту 40 гривен, а во опитемию вложити.

21. Аще ли кто с животиною блуд створить, митрополиту 12 гривен, а во опитемии и в казни.

22. Аще свекор с снохою блудить, митрополиту 40 гривен, а опитемию приимуть по закону.

23. Аще кто з двема сестрама в блуд впадеть, митрополиту 12 гривен.

24. Аще кто с падчерицею блудить, митрополиту 12 гривен.

25. Аще деверь с ятровию впадеть²⁹³, митрополиту 12 гривен.

26. Аще кто с мачехою в блуд впадеть, митрополиту 12 гривен.

27. Аще два брата с единою женою, митрополиту 30 гривен, а женку поняти в дом церковный.

28. Аще отец с дочерию впадеть в блуд, митрополиту 40²⁹⁴ гривен, а опитемию приимуть по закону.

29. Аще девка не въсхощеть замуж, то отец и мати силою дадять. А что девка учинить над собою, то отец и мати митрополиту в вине.

30. Аще кто зоветь чюжую жену блядию, а будеть боярьская жена великых бояр, за сором 5 гривен золота, а митрополиту 5 гривен золота, а князь казнить; а будеть меньших бояр – 3 гривны золота, а митрополиту рубль; оже будеть городскых людей – 3 гривны золота, а митрополиту рубль; селенце – 60 резан, а митрополиту 3 гривны.

31. Аще кто пострижеть кому голову или бороду, митрополиту 12 гривен, а князь казнить.

32. Аще муж иметь красти конопле или лен и всякое жито, митрополиту 12 гривен. Тако же и женка.

33. Аще муж крадеть белыа порты, или портища, или полотны, и митрополиту 3 гривны, а тако же и женка.

34. Аще кто иметь красти сватебное и сгородное – все митрополиту.

35. Про девку сыр краявши, за сором ей 3 гривны, а что потеряно, тое²⁹⁵ заплатити, а митрополиту 6 гривен, а князь казнить.

36. Аще жена мужа крадеть и обличити ю, митрополиту 3 гривны, а муж казнить ю, и про то не разлучити.

37. Аще кто клеть крадеть, тако же творять.

38. Аще жена будеть чародеица, наузница, или волхва, или зелейница, муж, доличив, казнить ю, а не лишиться.

39. Аще мужа два бьетася женьскы, любо одереть, любо укусить, митрополиту 12 гривен.

40. Аще жена бьеть мужа, митрополиту 3 гривны.

41. И жене две бьется, митрополиту 6 гривен на виноватой.

42. Аще который муж бьеть чюжюю жену, за сором ей по закону, а митрополиту 6 гривен.

43. Аще ли сын биеть отца или матерь, да казнять его волостельскою казнию, а митрополиту в дом церковный такий отрок.

44. Иже чернець или черница впадеть в блуд, тех судити митрополиту.

45. Тако же или поп²⁹⁷ или попадиа, или проскурница, а впадуть в блуд, тех судили, митрополиту опроче миру, а въ что их осудить, волен.

46. Аще поп, или чернец, или черница упиеться без времени, митрополиту в вине.

47. Аще кто что поганое съясть по своей воли, или кобылину, или медведину, или ино что отреченое, митрополиту в вине и в казни.

48. Иже поп дети крестить в чюжем уезде иного попа, развеи нужа или при болезни, а что створить крещеньское не во своем уезде, митрополиту в вине.

49. С некрещеным, ни иноязычником, или от нашего языка будеть с некрещеным, ведая ясть и пиеть, митрополиту в вине.

50. Аще кто с отлученым ясть и пиеть, да будеть сам отлучен.

51. Аще кто с бесерменкою или с жидовкою блуд створить, а не лишиться – церкви отлучиться и христьян, а митрополиту 12 гривен.

52. Аще чернец или черница (рос)стрижються²⁹⁸, митрополиту 40.

53. А сими винами разлучити мужа с женою.

1). А се первая вина. Услышить жена от иных людей, что думати²⁹⁹ на царя или на князя, а мужу своему не скажеть, а опосли обличиться – розлучити.

2). А се вторая вина, оже муж застанеть свою жену с любодеем³⁰⁰ или учинить на ню послухы и исправу, разлучити.

3). А се 3-я вина, аще подумаеть жена на своего мужа или зелием, или инеми людьми, или иметь что ведати мужа еа хотять убити, а мужу своему не скажеть, а опосле объявиться, и разлучити и.

4). А се 4-я вина, аще без мужня слова иметь с чюжими людьми ходити, или пити, или ясти, или опроче мужа своего спати, потом обьявиться, разлучити и.

5). А се 5-я вина, оже иметь опроче мужа ходити по игрищам, или в дни, или в нощи, а не послушати иметь, розлучити и.

6). А се 6-я вина, оже жена на мужа наведеть тати, велить покрасти, или сама покрадеть, или товар, или церковь покрадши, инем подаеть, про то разлучити³⁰¹.

54. А что ся дееть в монастырьскых делех³⁰², в церковных, в самех монастырех, да не вступаеться князь, ни волостель³⁰³, безатщина приидеть к волостелю митрополичю.

55. Аще кто устав мой и уставление мое порушить, или сынове мои, или внуци мои, или правнуци мои, или от рода моего кто, или от рода боярьскаго бояр моих³⁰⁴, а вступять³⁰⁵ в суд митрополич, что есмь дал митрополиту церковный суды, епискупом, по правилом святых отец, судивше, казнити по закону.

56. А хто иметь судити, станеть съ мною на страшнем суде пред богом, и да будеть не нем клятва святых отец 300 и 18, иже в Никии и всех святых. Аминь.

РАЗНОЧТЕНИЯ

Ип нет;

273–274

Ип нет;

А, У III, Ип далее кун;

У III, Ип казнить;

277–280

Ип нет;

в списках а;

279–280

У III родители окупят;

Ип 2;

282–283

Ип нет;

Ип нет;

в осн. списке церковных, дается по А, У III;

Ип далее мужу;

287–288

Ип блудити;

289–290

Ип нет;

Ип далее Иныя же вещи многы суть, яже не писаны зле срама ради;

292–301

Ип нет;

А, У III e блуд;

У IV прииметь;

А то ей;

У IV нет;

У IV далее или диякон;

А, У III ростригутся, Археогр. извод рострижеться, также Маркел. и Архивный;

У III думают;

О III, У IV прелюбодеем;

Ипат. извод людех;

Ипат. извод властели, а;

303–304

Ипат. извод далее кто, а порушают моя ряды;

Ипат. извод вступятся;

КОММЕНТАРИЙ

Дата добавления: 2015-08-03