Псалом 50 и канон, глас 8, без ирмосов на 4.

К А Н О Н М О Л Е Б Н Ы Й

иже во святых отцу нашему

НЕКТАРИЮ,

митрополиту Пентапольскому,

Эгинскому чудотворцу

Канон молебный иже во святых отцу нашему

Нектарию, митрополиту Пентапольскому,

Эгинскому чудотворцу.

Благословившу священнику, начинаем по обычаю, таже: Господи, услыши: (Псалом 142), Слава, и ныне: Бог Господь: со стихи.

Таже тропарь, глас 4:

И

ерарху святому Нектарию, / украшенному дарованьми Небесными, / припадем просительне, / зовуще из глубины души:/ отче святый Нектарие, / всяких нас избави искушений и бед, / яко приял еси от Бога чудес благодать / недуги исцеляти душ и телес,/ к божественным мощем твоим, отче, прибегающих. Дважды.

Слава, и ныне, Богородичен.

Н е умолчим никогда, Богородице, / силы Твоея глаголати, недостойнии, / аще бо Ты не бы предстояла молящи, / кто бы нас избавил от толиких бед, / кто же бы сохранил доныне свободны? / Не отступим, Владычице, от Тебе, / Твоя бо рабы спасаеши присно от всяких лютых.

Псалом 50 и канон, глас 8, без ирмосов на 4.

Песнь 1. Ирмос: В оду прошед:

Л юбовию движимь, молю Содетеля Господа слово ми подати по достоянию воспети великаго в чудотворцех Нектария богомудраго.

Ю доль земнаго жития безпорочно прошел еси, отче досточудне, и с лики небесными водворился еси, отонюдуже посещаеши нас дивными чудесы.

Б урею носимь житейских треволнений, во Эгинстем острове пристанище обрел еси и дом Живоначальней Троице преукрашенный воздвигл еси.

Богородичен: В сечистая Богоотроковице, Мати Спасителя нашего Господа, умилосердися над воспеватели Твоими и ослабу страстей нам подаждь.

Песнь 3. Ирмос: Н ебеснаго круга:

И знемогающих нас от стрел вражиих свободи заступлением твоим всемощным, скорый наш предстателю, Нектарие.

П росветився светом дел благих, богодухновенне, столп веры пламенеющий явился еси, Нектарие, уверяя малодушных сердца.

Р азум Небесный стяжал еси, отче Нектарие, на земли пребывая, с Горними умом сожительствовал еси, воспевая сладце Триипостасному Владыце твоему.

Богородичен: И мя Твое призывающих, помилуй, Богоневесто Владычице, и подаждь исцеление и от злых избавление.

Посем оба лика вкупе поют катавасию:

М оли Бога о нас, / святителю отче Нектарие, / яко мы усердно к тебе прибегаем, / скорому помощнику и молитвеннику о душах наших.

П ризри благосердием, Всепетая Богородице, / на мое лютое телесе озлобление / и исцели души моея болезнь.

Ектения: П омилуй нас, Боже: и седален, глас 2:

М оление теплое и стенание сердечное / приносим ти, отче досточудне Нектарие, / и любовь твою поминающе, прилежно вопием: / предвари и от бед избави нас, / скорый наш предстателю и славный чудотворче.

Слава, И ныне, Богородичен, глас тойже:

М оление теплое, и стена необоримая, / милости источниче, мирови прибежище, / прилежно вопием Ти: / Богородице Владычице, предвари, / и от бед избави нас, / Едина вскоре предстательствующая.

Песнь 4. Ирмос: У слышах, Господи:

И сцелений источник неоскудевающий явился еси, Нектарие блаженне, присно напаяяй нас милостию Божией и погашаяяй пламень душегубных страстей.

М олитвенник теплейший и отец чадолюбивый явился еси, отче преподобне, покрывающий всех любовию твоею и до ныне нас милующий.

И збави притекающих к тебе и твоему образу благочестно покланяющихся от всякаго прилога диавольскаго и наследие в Царстве Живоначальныя Троицы получити сподоби.

Богородичен: П речистая, Святая Дево, Богородице, всяк вред душ и телес и всякую злую напасть изгони от нас молитвами Твоими.

Песнь 5. Ирмос: П росвети нас:

Р адость велию и сокровище многочудное Господь нам дарова, святыя мощи твоя, отче Нектарие блаженне, ихже любовию лобызающе, тя приснаго за нас ходатая прославляем.

И ноков и мирских наставник богопросвещенный явился еси, Нектарие чудне, и нас, тепле призывающих тя, настави на стезю заповедей и повелений Господних.

Н азираеши с Превыспренних за обителию и стадом, еже собрал еси, блаженне отче, и николиже любовь твоя преста от нас. Сие добре ведуще, радуемся и прославляем дивнаго во святых Своих Господа.

Богородичен: О тчаго Сына Единароднаго Мати Всечистая, немощствующих нас и разслабленных воздвигни от тли греховныя к пению Сына и Бога Твоего.

Песнь 6. Ирмос: М олитву пролию:

Ш ирокий путь погибельный возненавидев, отвратил еси плещи своя от мира, славу и честь земную презрев, Небесныя сладости наследник явился еси.

Е же паче ко спасению потребная возлюбил еси, отче прехвальне, осени благодатию твоею души наша, святе, очеса разума и сердца к свету Христовых дел приведи твоими молитвами.

Н етленное сокровище тя ведахом и море чудес, всеблаженне, яко из тебе изливается благодать, недуги исцеляющая и страсти угашающая.

Богородичен: И сцели наша недуги душевная и телесная, Богородительнице Чистая, да поживем по заповедем Сына Твоего, славословие Ему всегда приносяще и хвалу делы своими.

Дата добавления: 2015-07-18