Читайте также:
|
Тропарь Николаю II, Императору Российскому (глас 5)
Царства земнаго лишение, узы и страдания многоразличныя кротко претерпел еси, свидетельствовав о Христе даже до смерти от богоборцев, страстотерпче великий Боговенчанный царю Николае, сего ради мученическим венцем на небесех, венча тя с царицею и чады и слуги твоими Христос Бог, Егоже моли помиловати страну Российскую и спасти души наша.
Кондак Николаю II, Императору Российскому (глас 3)
Мирликийскому предстателю, благоверный царю, подражатель показался еси, Христово бо Евангелие исполнив. Положил еси душу твою за люди твоя и спасл еси повинныя, паче же неповинныя от смерти, сих ради мученическою кровию освятился еси, яко великомученик Церкве Христовы.
Тропарь Царице Александре (глас 3)
Призва тя Господь от чуждыя земли, святая благоверная мученице Царице Александро. Православную веру всем сердцем возлюбила еси, с ангельскою кротостию горькую чашу страданий с Россией испила еси. Темже у Престола Вседержителева предстоиши с преподобномученицею сестрою, Государем и чады, с ними же моли о нас, чтущих святую память твою.
Тропарь Царевнам Ольге, Татиане, Марии и Анастасии (глас 4)
Небесные голубицы, святые отроковицы: Ольго, Татиано, Марие, Анастасие, сестрами милосердия в час испытаний России послужившии, поношения, заточение и смерть от народа своего с кротостью приемшии, темже души ваши Христу уневестившии. Ныне страждущей стране нашей сестры милосердия явилися есте, исцеляя всякий недуг и всякую язю в людех своих. С Государем, Государыней и Царевичем святым спасительным Крестом землю нашу осеняете, мы же со слезами и любовию молим вас: спасайте нас молитвами вашими, невесты Христовы непорочнии.
Тропарь Царевичу Алексию (глас 1)
Благословенное чадо лозы добродетельной, с младенчества страданиями на крест восшедый, душу яко чистое небо имевый, и сердце – пламень к Богу горящий, святый благоверный Царевичу Алексие, с родители мужески пострадавый во искупление грехов народа Российскаго. Ныне же небесною трапезой наслаждаешися, выну Богу вопия: Господи, помилуй землю Русскую.
Ин тропарь Царевичу Алексию (глас 3)
Святая отрасль Романова корене, страстотерпче цесаревичу Алексие, на земли болезнями и слезами, последи же кровьми своими увенчался еси, ныне предстоя на небеси Царю Христу, моли Его, да поставит законоположителя в стране Российстей и уразумеем, яко человецы есмы.
Кондак Царевичу Алексию (глас 6)
Кротостию Агнцу и чистотой крину сельному уподобивыйся, яко луч светлый державным родителем был еси, святый цесаревичу Алексие, от врагов веры Православныя умученный, озари молитвами твоими сердца любящих тебя, да не погибнем зле без покаяния.
Тропарь святым страстотерпцам (глас 4)
Днесь благовернии людие светло почтим Седмерицу честную Царственных страстотерпец, Христову Едину домашнюю церковь: Николая и Александру, Алексия, Ольгу, Татиану, Марию и Анастасию. Тии бо уз и страданий многоразличных не убоявшеся, от богоборных смерть и поругание телес прияша и дерзновение ко Господу в молитве улучиша. Сего ради к ним с любовию возопиим: О святии страстотерпцы, гласу покаяния и стенанию народа нашего вонмите, землю Российскую в любви к Православию утвердите, от междоусобныя брани сохраните, мир мирови у Бога испросите и душам нашим велию милость.
Тропарь Царственным мученикам (глас 7)
Ангели земли Российския,/ и воскресения ея путеводителие,/ Царю Николае и Царице Александро,/ начавшемуся богоотступлению,/ Державою благоверне правившии,/ и юныя Великия Княжны,/ в трудех и милосердии добре подвизавшияся,/ и Царевичу-страдальче Алексие,/ -Царственнии страстотерпцы,/ яко агнцы незлобивии,/ от безбожных губителей Руси/ мучимии и закланнии,/ ныне же царство вечное приимшии,/ молитеся Небесному Царю Царей/ о Державе сродников ваших,/ просветитися ей верою отцев // и покаянием паки возродитися.
Кондак святым страстотерпцам (глас 8)
Избрании Царем Царствующих и Господем господствующих от рода Царей Российских благовернии мученицы, муки душевныя и смерть телесную за Христа приимшии, и венцы небесными увенчавшиися, к вам яко покровителем нашим милостивым с любовию благодарне вопием: Радуйтеся, Царственнии страстотерпцы, за Русь святую пред Богом усерднии молитвенницы.
Величание
Величаем вас, святии Царственнии страстотерпцы, и чтим честная страдания ваша, яже за Христа претерпели есте.
Дни памяти
(все даты по новому стилю)
Дата добавления: 2015-07-08; просмотров: 225 | Нарушение авторских прав
| <== предыдущая страница | | | следующая страница ==> |
| Кондак 13 | | | РОМАНТИЧНАЯ Дискотека с фуршетом и развлекательной программой, дискотекой , шоу балет |