Ерітінді қоспасының жылжымалылығын анықтау

Жоғарыда келтірілген формулалар бойынша материалдар шығынын есептеген соң көлемі 5 л сынақ илеуін дайындауға кіріседі.

Бұл үшін орындалған есепке сәйкес ерітіндіқоспасының компоненттерін (5л есебінен) өлшейді. Құм қаңылтыр табаға салынады, оған цемент қосылады және 5 минут бойы қалақпен қолмен ұқыпты араластырылады. Сосын ізбес қамыры енгізіледі, қайтадан араластырылады, сонан-соң су қосылады және қоспа ақырғы рет 3-5 минут бойы араластырылады. Ерітінді қоспасын дайындаған соң оның жылжымалылығын анықтайды.

Ерітінді қоспасы жылжымалылығының шамасы СтройЦНИИЛ конус аспабы көмегімен анықталады- конустың ерітінді қоспасына бату тереңдігі бойынша (7.1-сурет).

7.1-сурет. Ерітінді қоспасының жылжымалылығын

анықтауға арналған аспап

1-штатив; 2-шкала; 3-эталонды конус; 4-штанга; 5 -ұстағыштар;

6-бағыттауыштар; 7- ерітінді қоспасына арналған сауыт;

8-стопорлық бұранда

Ерітіндінің жылжымалылығын анықтау үшін сауытты 7 оның ернеулерінен төмен шамамен 1 см қоспамен толтырылады. Төселген ерітіндінің диаметрі 10-12 мм шыбықтармен 25 рет найзалайды және сауытты үстелге 5-6 рет жеңіл қағумен сілкіндіреді. Конустың ұшын сауыттағы ерітіндінің бетімен жанасуға келтіреді және сонымен шкалада тіл қалпын белгілеп,шыбықты осы жағдайда стопорлық бұрандамен бекітеді. Сосын конусқа ерітіндіге бос батуына мүмкіндік беру үшін стопорлық бұранда бұрылады. 10 секундтан кейін 2 мм дәлдікпен оның бату тереңдігі шкала бойынша санап алынады.

Жылжымалылық екі сынаудың орташа арифметикалық ретінде анықталады. Екінші сынау ерітіндінің жаңа үлесімен жургізіледі.

Дата добавления: 2015-09-04