Гепатит С

Ауруды РНҚ-құрамды флавивирус шақырады.(HCV). HCV-инфекциясын зерттеу үшін экспериментальді модель ретінде приматтарды қолданады, өйткені вирусты жасушалық культурада жүзеге асыру қиын. Жедел HCV-инфекция клиникалық көріністерімен сирек кездеседі. Көп жағдайда инфицирленген уақыт белгісіз болады, және тек бауырдың созылмалы зақымдануы дамыған кезде ғана анықталады. Созылмалы инфекция инфицирленген науқастардың 80% жуығында дамиды, содан кейін жазылуы сирек байқалады.

Қан және оның препараттарын құйған кезде дамитын жедел гепатитті (жиі сарғаюмен) шақыратын HCV-инфекция гепатит А-ның да, гепатит В-ның да себебі болмады. 1990 жылы вирусты идентификациялаған соң, донорларды HCV-инфекциясына тексере бастады, сол себепті қазіргі кезде Ұлыбританияда посттрансфузионды гепатит С жағдайлары тіркелмейді.

Қазіргі кезде вирусты гепатит С жиі қауіп топтарының скрининг өтуі кезінде диагностикаланады. (134-кесте), мысалы,парентеральді наркотиктерді қолданатындарда, немесе кездейсоқ БФП көрсеткіштерінің өзгерістері анықталған адамдарда зерттеу жүргізген кезде.

134-кесте.HCV-мен инфицирленудің қауіп факторлары.

· Иньекциялық наркотиктерді қолданатындар (Ұлыбританиядағы 95 % ауырғандарды құрайды) · HCV-ға тексерілмеген қан препараттарының трансфузиясы · Вертикальді берілу(қауіп-3%) · Инфицирленген инемен салу (қауіп -3%) · Ятрогенді факторлар (мысалы, вакцинация кезінде стерильді емес ине) · HCV-инфекциясымен ауыратындармен жалпы тіс щеткасын, бритваларды қолдану және т.б.  

Көптеген науқастарда инфекция бауыр циррозы дамығанша симптомсыз өтеді, кей жағдайларда науқастар бауырдың зақымдану дәрежесіне сәйкес келмейтін жоғары шаршағыштыққа шағымданады.

Дата добавления: 2015-08-20