Гепатит В

Гепатит В вирусы (HBV) жүрекшеден тұрады, онда вирустың репликациясы үшін қажет ДНҚ және ДНҚ-полимераза ферменті бар. Жүрекше беткей ақуызбен қоршалған.(93-сурет). Вирус, тағы басқаша атауы Дана бөлшегі және оның беткей ақуызы(HBV-HВsAg беткей антигені) қан айналымында жүреді. Инфекцияның жалғыз көзі –адам.

HBV-инфекциясымен 300 миллиондай адам зардап шегеді. HBV-инфекциясы –әлемдегі бауырдың созылмалы патологиясы мен гепатоцелюлярлы карциноманың негізгі әкелу себептерінің бірі.

HBV жедел вирусты гепатит дамытуы мүмкін, бірақта жедел инфекция жиі симптомсыз өтеді, әсіресе туылған кездегі инфицирленуде. Созылмалы HBV-инфекциясы да жиі симптомсыз өтеді.

93-сурет. Гепатит В вирусының құрылымының схемасы. Беткей антиген (HВsAg) – HBV вирион қабығының ақуыздарының бірі. Ядролық антиген (HВсAg) - HBV вирионының капсидінің (жүрекше) ақуызы,оны бауырдан анықтайды, бірақ қанда анықталынбайды. Антиген Е (HВеAg)- HвсAg бөлшегі- қан айналымында болуы мүмкін, ол науқастың контагиоздылығының көрсеткіші болып табылады.

Қан плазмасындағы трансаминазаның жоғары активтілігімен көрінетін созылмалы гепатит дамуы мүмкін, ол өз кезегінде көп жағдайда инфицирленген соң бірнеше он жылдық ішінде бауыр циррозына алып келеді.(94 сурет)

Созылмалы гепатит даму қаупі инфицирлену жолына тәуелді.(128 кесте) Созылмалыға ауысудың ең қауіпті жолы перинатальді периодта анасынан ұрыққа вертикальді жолмен берілуі, бір уакытта бұл әлемдегі ең жиі берілу жолы болып табылады.

Дата добавления: 2015-08-20