Вл
Багш: Күүкд, маңhдуртан амрлhна өдрлә теегт hарад, цанар дошхмн.
Бамба: О-о, йир сән зәңг! Кедү часла йовхмб, багш?
Багш: Үдин өмн hарад, үд кецәхлә, нарн суу тл хәрҗ ирхмн.
Җирhл: Бийләрн ю авхмб?
Багш: Цан автн. Дулан хувцан өмстн. Өлгмр өөмс, беелә өмсхән бичә марттн.
Күзүhән сәәнәр дулалтн.
Эрнҗән: Бидн хамаран одҗ наадхмб?
Багш: Балhсна захд ик цаста нег сала бәәнә. Тенд күүкд цанар дошсинь
үзләв. Тиигәрән одхмн.
Эрнҗән: Багш, маңhдур генткн шуурhн шуурхла яахмб?
Савр: Җирhл бидн хойр Интернетд теңгрин бәәдл ямаран болхинь
хәләләвидн. Эн долан хонгт цасн чигн ор шго, шуурhн чигн шуур шго.
Багш: Маңhдуртан арвн негн часла сурhульдан иртн. Эндәс хамдан кеер
hархмн.
Боова: Бичә уурлтн, би йовҗ чад шго в, юңгад гихлә нанд цан уга.
Җирhл: Бичә зов. Нанд нег үлү цан бәәнә. Би авч ирнәв.
***
Деләш: Нарма, Шин җил өөрдҗ йовна. Хамдан тос ый.
Нарма: Альд тосхмб?
Деләш: Үүрмүдтәhән хамдан цуглрад, нег юмнд од ый.
Нарма: Гертән өрк-бүлтәhән Шин җил угтад, түүнә хөөн нег hазрт хамдан
харh ий.
Деләш: Сән өдрлә өмсх шин хувцан белдвч?
Нарма: Нанд нег сәәхн торhн бүшмүд бәәнә.
Деләш: Би болхла, делгүрт одҗ, бийдән шин хувц авх санатав.
Нарма: Терчн чик. Шин җилиг шин хувцтаhан угтхла, йир сән йор гиҗ
санҗанав.
Деләш: Би бас тиигҗ йорлҗанав.
Нарма: Тадн гертән hацуран тәвчквт?
Деләш: Уга. Ачм ууляд, хулдҗ ав гиhәд, амр өгчәх ш.
Нарма: Бидн болхла, өцклдүр бичкн зеетәhән hацуран кеерүлчкләвидн. Эндр
өдрин дуусн мини зем hацуран эргәд, дууhан дуулад бәәнә.
Деләш: Бичкн күүкд Шин җилин байрт йир дурта.
Нарма: Орсин Цаhан аав дала белг өгәд, тедниг байрлулна. Тегәд эдн эн
өдриг икәр күләнә.
Деләш: Тиим. Нә, Нарма, маңhдур дәкәд нег харhад күүнд ий.
Нарма: Сән. Тиигхлә үр күүкдән бас дуудхмн.
Дата добавления: 2015-08-20; просмотров: 46 | Нарушение авторских прав
| <== предыдущая страница | | | следующая страница ==> |
| Новые слова | | | Грамматика |