RS - T сегментін талдау

Жүрекшелік Р тісшесінің талдауы.

Жүрекшелік Р тісшесінің талдауына жатады:

1) Р тісшесінің амплитудасын анықтау (қалыптыда 2,5 мм-дан артық болмау керек);

2) Р тісшесінің ұзақтығын анықтау (қалыптыда 0,1 с-тан аспау керек);

3) І, ІІ, ІІІ тіркемелерде Р тісшесінің полярлығын анықтау;

4) Р тісшесінің пішінін анықтау.

Қалыптыда қозу толқыны бағытының қозғалысы жүрекше бойынша жоғарыдан төменге Р_I,II,III тісшесі оң, ал төменнен жоғарыға қарай теріс болады. Қосарланған екі өркешті тісше Р_I, aVL,V₅,V₆ болса, онда ол айқын сол жүрекшенің гипертрофиясына тән, ал өткірлеу жоғары амплитудалы тісше P_II,III, aVF болса, ол оң жақ жүрекшенің гипертрофиясына тән.

QRS комплексінің талдауы

Қарыншалық QRS комплексінің талдауына жатады:

1) 12 тіркемеден Q, R, S тісшелерінің қатынасын бағалау;

2) Q тісшесінің ұзақтығы мен амплитудасын өлшеу. Патологиялық Q тісшесіне оның ұзақтығының 0,03 с артық болуы мен амплитудасы осы тіркемедегі R тісшесінің амплитудасынан 1/4 артық болуы тән.

3) R тісшесінің амплитудасын өлшеу, мүмкіндігінше оның қосарлануларын, сондай-ақ екінші қосымша R' (r') тісшесін анықтау;

4) S тісшесінің амплитудасын өлшеу, оның мүмкіндігінше тереңдеуін, қосарлануын анықтау.

RS - T сегментін талдау

RS - T сегментінің жағдайын талдай отырып, қажет:

1) изоэлектрлік сызықтан оң (+) немесе теріс (-) j біріккен ығысу нүктелерін анықтау;

2) j бірігу нүктесінен оңға 0,08 с қашықтықтан RS-T ығысуын өлшеу;

3) горизонтальды RS-T сегментінің ығысу формасын, яғни қиғаш жоғары немесе қиғаш төмен ығысуын анықтау.

Дата добавления: 2015-08-20