Синусты тахикардия

Синусты тахикардия (СТ) – бұл қалыпты синусты ырғақ кезіндегі ЖСЖ минутына 90-нан артық болуы.

Механизмі: төмендегілердің нәтижесіндепайда болатын СА-түйін автоматизімінің жоғарлауы:

1) симпатикалық нерв жүйесінің тонусының жоғарлауы,

2) СА-түйіннің органикалық зақымданулары,

3) СА-түйінге токсикалық әсер ету.

Себептері:

1) СТ экстракардиальды түрі: физикалық жүктемелер, эмоциональды күштемелер, қызба, тиреотоксикоз, вегетоқантамырлы дистония (ВСД), жедел қантамырлық жеткіліксіздік, интоксикациялар, тыныс алу жеткіліксіздігі.

2) СТ интракардиальды түрі: жүрекшелік жетіспеушлік, жіті МИ, стенокардияның ауыр ұстамалары, миокардиттер және т. б.

ЭКГ-көріністері (51-сурет):

1) ЖСЖ минутына 90-160 (180) артық болуы (R-R аралықтарының қысқарулары);

2) синусты ырғақ реттілігінің сақталуы (барлық циклдерде QRST комплекстері мен Р тісшелері кезектілігінің дұрыс сақталуы және I, II, aVF,V4 - V6 тіркемелерде Р тісшесінің оң болуы).

Айқын СТ кезінде байқалады:

а) P-Q(R) аралықтарының қысқаруы (бірақ 0,12 с төмен болмау керек) және Q-T аралықтарының ұзаруы,

б) I, II, aVF тіркемелерде Р амплитудасының жоғарлауы,

в) Т тісшесі амплитудасының жоғарлауы немесе төмендеуі,

г) RS-T сегментінің қиғаш жоғары депрессиясы (бірақ изосызықтан 1,0 мм төмен болмау керек).

51- сурет. Синусты тахикардия.

а – тыныштық жағдайда тіркелген дені сау адамның ЭКГ тіркемесі (ЖСЖ минутына 77 рет), б – осы адамның физикалық жүктемеден кейінгі ЭКГ тіркемесі (синусты тахикардия, ЖСЖ минутына 150 рет).

Дата добавления: 2015-08-20