Фонетика, графика, орфография, орфоэпия. 1. Ясалу урыны буенча татар телендәге тартык авазлар

1. Ясалу урыны буенча татар телендәге тартык авазлар

1) 8 төркемгә бүленәләр (ирен-ирен, ирен-теш, тел алды, тел уртасы, тел арты, увуляр, фарингаль, ларингаль);

2) 6 төркемгә бүленәләр (ирен-ирен, ирен-теш, тел алды, тел уртасы, тел арты, увуляр);

3) 4 төркемгә бүленәләр (йомык, ярымйомык, өрелмәле, калтыраулы).

2. Хәзерге татар телендә

1) чын дифтонглар һәм трифтонглар кулланыла;

2) ялган дифтонглар кулланыла, трифтонглар юк;

3) ялган дифтонглар һәм трифтонглар кулланыла.

3. Хәзерге татар телендәге [И] авазына билгеләмә бирегез:

1) алгы рәт, югары күтәрелешле иренләшмәгән озын сузык аваз;

2) арткы рәт, югары күтәрелешле иренләшмәгән кыска сузык;

3) алгы рәт, урта күтәрелешле иренләшмәгән озын сузык аваз.

4. Орфографик язылыш принципларын күрсәтегез:

1) фонетик, график, морфологик, тарихи.

2) фонетик, синтаксик, лексик, сүз ясалыш принцибы.

3) фонетик, график, тарихи, лексик, экологик.

5. Түбәндә китерелгән сүзләрнең кайсылары рәт гармониясенә буйсынмаган?

Кәгазь, шигърият, гаҗәпләнү, газиз, каләм, Кадрия.

1) барысы да рәт гармониясенә буйсынып әйтеләләр;

2) Кадрия сүзе буйсынмаган;

3) кәгазь, газиз, сүзләре буйсынмаган.

6. Ашыгып сүзендә

1) тулы редукция күзәтелә;

2) өлешчә редукция күзәтелә.

7. Татар теле тарихында

1) Рун, уйгыр, гарәп, латин, кириллица язулары;

2) гарәп, латин, кириллица язулары;

3) уйгыр, гарәп, рун, латин, кириллица язулары бер-берсен алыштырып гамәлдә булганнар.

Дата добавления: 2015-08-20