|
Читайте также: |
Стоя́ху же при крéстé Иисýсове Мáти егó, и сестрá Мáтере егó, Марíа клеóпова, и Марíа Магдали́на.
Иисýсъ же ви́девъ Мáтерь и ученикá стоя́ща, егóже любля́ше, глагóла Мáтери своéй: жéно, сé, сы́нъ твóй.
Потóмъ глагóла ученикý: сé, Мáти твоя́. И от тогó часá поя́тъ ю́ учени́къ во своя́ си.
Посéмъ вéдый Иисýсъ, я́ко вся́ ужé соверши́шася, да сбýдется писáнiе, глагóла: жáжду.
Сосýдъ же стоя́ше пóлнъ óцта. Они́ же испóлнивше гýбу óцта и на трóсть вóнзше, придéша ко устóмъ егó.
Егдá же прiя́тъ óцетъ Иисýсъ, речé: соверши́шася. И преклóнь главý, предадé Дýхъ.
Иудéе же, понéже пятóкъ бé, да не остáнутъ на крестé телесá въ суббóту, бé бо вели́къ дéнь тоя́ суббóты, моли́ша пилáта, да пребiю́тъ гóлени и́хъ и вóзмутъ.
Прiидóша же вóини, и пéрвому ýбо преби́ша гóлени, и другóму распя́тому съ ни́мъ: на Иисýса же пришéдше, я́ко ви́деша егó ужé умéрша, не преби́ша емý гóленiй, но еди́нъ от вóинъ копiéмъ рéбра емý прободé, и áбiе изы́де крóвь и водá.
И ви́девый свидéтелствова, и и́стинно éсть свидéтелство егó, и тóй вéсть, я́ко и́стину глагóлетъ, да вы́ вéру и́мете.
Бы́ша бо сiя́, да сбýдется писáнiе: кóсть не сокруши́тся от негó.
И пáки другóе писáнiе глагóлетъ: воззря́тъ нáнь, егóже прободóша.
Дата добавления: 2015-07-20; просмотров: 51 | Нарушение авторских прав
| <== предыдущая страница | | | следующая страница ==> |
| Евангелие 8 | | | Евангелие 10 |