Евангелие 2

И сiя рéкъ Иисýсъ, изыде со ученики сво ими на онъ пóлъ потóка кéдрска, идéже бé вертогрáдъ, въ óньже вниде сáмъ и ученицы егó: вéдяше же [и] Иýда предаяй егó мéсто, яко мнóжицею собирáшеся Иисýсъ тý со ученики сво ими.

Иýда ýбо прiéмь спиру и от архiерéй и фарисéй слуги́, прiиде тáмо со светилы и свещáми и орýжiи.

Иисýсъ же вéдый вся грядýщая нáнь, изшéдъ речé имъ: когó ищете?

Отвещáша емý: Иисýса назорéа. Глагóла имъ Иисýсъ: áзъ éсмь. Стоя́ше же и Иýда, и́же предая́ше егó, съ ни́ми.

Егдá же речé и́мъ: áзъ éсмь, идóша вспя́ть и падóша на земли́.

Пáки ýбо вопроси́ и́хъ [Иисýсъ]: когó и́щете? Они́ же рéша: Иисýса назорéа.

Отвещá Иисýсъ: рéхъ вáмъ, я́ко áзъ éсмь: áще ýбо менé и́щете, остáвите си́хъ ити́: да сбýдется слóво, éже речé, я́ко и́хже дáлъ еси́ мнé, не погуби́хъ от ни́хъ ни когóже.

Си́монъ же пéтръ, имы́й нóжъ, извлечé егó, и удáри архiерéова рабá, и урéза емý ýхо деснóе: бé же и́мя рабý мáлхъ.

Речé ýбо Иисýсъ петрóви, вонзи́ нóжъ въ нóжницу: чáшу, ю́же дадé мнé Отéцъ, не и́мамъ ли пи́ти ея́, спи́ра же и ты́сящникъ и слуги́ Иудéйстiи я́ша Иисýса и связáша егó, и ведóша егó ко áнне пéрвее: бé бо тéсть каiáфе, и́же бé архiерéй лéту томý: бé же каiáфа дáвый совéтъ Иудéомъ, я́ко ýне éсть еди́ному человéку умрéти за лю́ди.

По Иисýсе же идя́ше Си́монъ пéтръ и другíй учени́къ: учени́къ же тóй бé знáемь архiерéови, и вни́де со Иисýсомъ во двóръ архiерéовъ:

Пéтръ же стоя́ше при двéрехъ внé. Изы́де ýбо учени́къ тóй, и́же бé знáемь архiерéови, и речé двéрнице, и введé петрá.

Глагóла же рабá двéрница петрóви: едá и ты́ учени́къ еси́ человéка сегó? Глагóла óнъ: нéсмь.

Стоя́ху же раби́ и слуги́ óгнь сотвóрше, я́ко зимá бé, и грéяхуся: бé же съ ни́ми пéтръ стоя́ и грéяся.

Архiерéй же вопроси́ Иисýса о ученицéхъ егó и о учéнiи егó.

Отвещá емý Иисýсъ: áзъ не обинýяся глагóлахъ мíру: áзъ всегдá учáхъ на сóнмищахъ и въ цéркви, идéже всегдá Иудéе снéмлются, и тáй не глагóлахъ ничесóже: чтó мя вопрошáеши? вопроси́ слы́шавшихъ, чтó глагóлахъ и́мъ: сé, сíи вéдятъ, я́же рéхъ áзъ.

Сiя́ же рéкшу емý, еди́нъ от предстоя́щихъ слýгъ удáри въ лани́ту Иисýса, рéкъ: тáко ли отвещавáеши архiерéови?

Отвещá емý Иисýсъ: áще злé глагóлахъ, свидéтелствуй о злé: áще ли дóбре, чтó мя бiéши?

Послá же егó áнна свя́зана къ каiáфе архiерéови.

Бé же Си́монъ пéтръ стоя́ и грéяся. Рéша же емý: едá и ты́ от учени́къ егó еси́? О́нъ [же] отвéржеся и речé: нéсмь.

Глагóла еди́нъ от рáбъ архiерéовыхъ, ю́жика сы́й, емýже пéтръ урéза ýхо: не áзъ ли тя́ ви́дехъ въ вертогрáде съ ни́мъ?

Пáки ýбо пéтръ отвéржеся, и áбiе пéтель возгласи́.

Ведóша же Иисýса от каiáфы въ претóръ. Бé же ýтро: и тíи не внидóша въ претóръ, да не оскверня́тся, но да ядя́тъ пáсху.

Дата добавления: 2015-07-20